Balik court na si Stephen Curry matapos ang halos isang buwang pahinga.
Ayon kay Golden State Warriors Coach Steve Kerr, batay sa nakita niya sa kanilang practice game, nakakarekober na si Curry mula sa injury nito sa tuhod.
Napansin din ni Warriors Assistant Coach Ron Adams ang bumubuting kondisyon ni Curry.
Dahil sa kanyang injury, hindi nakalaro si Curry sa sampung games ng regular season ng NBA at sa unang tatlong games ng best of seven playoffs ng Warriors kontra sa San Antonio Spurs.
Talo si Nonito Donaire Jr. kontra kay Carl Frampton ng Ireland sa WBO Featherweight Interim Title Fight sa Belfast, Northern Ireland kaninang umaga.
Unanimous ang naging decision ng tatlong hurado pabor kay Frampton.
Sa second round pa lang, pumutok na agad ang ilalim ng kaliwang mata ni Donaire.
Sunod-sunod ang pinakawalang suntok ni Frampton hanggang tamaan naman ang kanang mata ni “The Filipino Flash”.
Dahil sa mga sugat sa parehong mata, bumagal ang galaw ni Donaire na kalaunay naging bentahe kay Frampton.
Sa ngayon, may record si Donaire na 38 panalo at 5 talo.
Muling nakabalik sa finals ng UAAP o University Atlethic Association of the Philippines Women’s Volleyball division ang koponan ng Far Eastern University Lady Tamaraws.
Ito’y makaraang ilampaso ng FEU ang Ateneo Blue Lady Eagles sa kanilang paghaharap kahapon sa MOA Arena sa Pasay City.
Dahil dito, wala nang tsansang maipagpatuloy pa ng lady eagles ang ika-anim sana nilang pagpasok sa finals ng UAAP Season 74.
Nagpakitang gilas sa panig ng Lady Tamaraws sina Bernadeth Pons na nakapagtala ng labing pitong puntos gayundin si Toni Rose basas na siyang dahilan para maipagwagi ang kanilang koponan.
Samantala, naging magarbo at star-studded naman ang pagsasara ng palarong pambansa sa Vigan, Ilocos Sur kahapon.
Kabilang sa mga nagtanghal sa closing ceremony sina Angeline Quinto gayundin ang Little Big Star France contestant na si Ella Nympha at ang bandang Moonstar 88.
Panauhing pandangal naman si Makati 1st District Rep. Monsur del rosario na isang Taekwando champ kung saan, kaniyang ipinaalala sa mga kabataang atleta ang tatlong ‘D’ o ang Desire, Discipline at Determination.
Nakatikim ng unang talo ang Boston Celtics sa game 3 ng NBA playoffs.
Ito ay matapos matambakan ng Milwaukee Bucks ang Celtics sa iskor na 92 – 116.
Sa first half pa lamang ng laban, naging matindi na ang depensa ng Bucks para malimitahan ang opensa ng Celtics.
Pinangunahan naman ni Khris Middleton ang panalo ng Bucks kung saan nakagawa ito ng 23 points.
Malaki rin ang naitulong ni Giannis Antetokounmpo na nakagawa ng 19 points gayundin sina Eric Blesoe at Jabari Parker na kapwa nakagawang 17 points.
Nangunguna pa rin sa rankings sa 2018 Palarong Pambansa ang National Capital Region Athletic Association simula nang magbukas ito noong April 15.
Batay sa pinakahuling tally ng palarong pambansa, meron nang 62 gintong medalya ang NCR, 48 silver medals at 30 bronze.
Mahigpit naman ang laban sa pagitan ng Region 4-A o CALABARZON at Region 6 o Western Visayas sa pangalawang spot na kapwa meron ng 37 gold medals.
Habang sinusundan ng Cordillera Administrative Region na may 22 gintong medalya.
Inaasahan naman ang mas marami pang paglalabanang championship ng mga koponan ngayong araw.
Nangako si fighting Senator Manny Pacquiao na sa Pilipinas gagawin ang kanyang huling laban.
Nangangahulugan aniya ito na hindi pa si Lucas Matthysse ang kanyang huling makakalaban.
Ayon sa Pambansang Kamao, nais niyang ilapit sa Asya ang kanyang mga susunod na laban bago siya tuluyang magretiro.
Kabilang sa mga bansang naiisip ni Pacquiao na pagdausan ng kanyang mga laban sa hinaharap ang China, Korea, Japan, Indonesia at Thailand.
Nanindigan ang dating eight division world champion na mayroon pa siyang ibubuga at natitirang lakas para pabutin sa Pilipinas ang huli niyang laban na alay niya sa mga kababayang Pilipino.
Isang make or break fight para kay Nonito ‘The Filipino Flash’ Donaire ang laban nito kay Carl Frampton sa SSE Arena sa Belfast, North Ireland sa Linggo.
Excited si Donaire sa nasabing sagupaan at bagamat tinguriang underdog ay determinadong manalo.
Binigyang diin ni Donaire na mas mabilis, malakas at matangkad pa siya kay Frampton kaya’t pursigido siyang mapabagsak ito.
Si Donaire ay dumating na sa Belfast at nagsimula nang sumalang sa light workouts bilang paghahanda sa nasabing WBO interim world featherweight title bout.
Naitaas ng New Orleans Pelicans sa 2-0 ang kanilang lead sa first-round playoff series kontra Portland Trailblazer.
Ito ay matapos na payukuin ng Pelicans ang Trailblazer sa iskor na 111-102.
Nagtapos naman na may “career play-off high” na 33 points si Jreu Holiday habang nagdagdag ng 22 points si Anthony Davis.
Hindi naman umubra ang 22 points ni CJ McCollum ng Blazers para maungusan ang Pelicans.
Dumating na kaninang umaga sa Ninoy Aquino International Airport si WBA Welterweight champion Lucas Matthysse.
Nasa bansa si Matthysse para i-promote ang laban nila ni fighting Senator Manny Pacquiao sa Malaysia na gaganapin sa Hulyo.
Ayon kay Matthysse, pinaghahandaan niyang maigi ang kanyang laban kontra sa Pambansang Kamao.
Hawak ngayon ni Matthysse ang fight record na 36 knockouts sa 39 na laban nito.
Hindi inaasahan ng isang 13-anyos na atleta mula sa Camarines Sur na makasusungkit ito ng gintong medalya sa Palarong Pambansa para sa taong ito.
Ayon kay Lheslie De Lima, hindi niya alintana ang init sa Quirino Stadium nang magpasya siyang tumakbo ng nakayapak sa 3,000 meter run secondary girls category.
Kuwento ni Lheslie, nagulat siya nang dumikit sa kaniya ang kalabang si Camila tubIano ng Northern Mindanao na tulad niya’y nakayapak rin na tumakbo sa huling dalawandaang (200) metro ng karera.
Pero dahil sa determinasyon at inspirasyon mula sa kaniyang amang magsasaka, nagawang maipanalo ni Lheslie ang nasabing laro subalit hindi sumagi sa isip niyang ginto na ang kaniyang napanalunan.
Kasunod nito, excited na rin umano si Lheslie para sa kanyang susunod na laban, ang 800-meter dash at ang huli ay 1,500 meter run na itinuturing niyang paborito sa lahat ng laban.