SPORTS

Nilampaso ng De La Salle Lady Spikers ang FEU Lady Tamaraws sa kanilang best of three finals sa UAAP Women’s Volleyball Division.

Ipinakita ng Spikers ang kanilang bangis para talunin ang FEU sa kabila ng gitgitang laban dahil sa ipinamalas na lakas ng Lady Tamaraws.

Ayon kay DLSU Head Coach Ramil de Jesus, hirap sila sa FEU noong elimination rounds subalit napatunayan nila ang kanilang determinasyon na pataubin ang Tamaraws sa Game 1.

Dahil dito, muling maghaharap ang dalawang koponan sa Game 2 ng best of three finals sa darating na araw ng Miyerkoles, Mayo 2.

(Photo From: De La Salle University/ Facebook Page)

Nilampaso ng Indiana Pacers ang Cleveland Cavaliers matapos itong tambakan sa iskor na 121-87.

Dahil sa 34 na puntos na kalamangan ng Pacers, umabot ang serye ng laro sa game 7 upang basagin ang pagka tabla nito sa Cavaliers.

Nagpakitang gilas sa panalo ng koponan si Victor Oladipo na nakapagtala ng 28 puntos, tatlong rebounds at sampung assists.

Samantala sa panig ng Cavaliers ay nasayang ang 22 puntos na nagawa ni Lebron James kasama ang pitong assists at limang rebounds nito.

Pinataob ng Rain or Shine ang Alaska Aces sa kanilang overtime game kagabi.

Tinapos ng Elasto Painters ang pag-asa ng Aces sa iskor na 109-103.

Nanguna sa panalo ng Rain or Shine si Reggie Johnson na kumana ng tatlumpu’t dalawang puntos at dalawampu’t dalawang rebounds. Sinegundahan naman ito ni Chris Tiu na nag-ambag ng labing walong puntos.

Aminado naman si Rain or Shine Coach na maraming dapat ayusin ang kanyang players sa mga susunod na laro sa kabila ng kanilang panalo kagabi.

Balik laro na si two-time NBA most valuable player Stephen Curry.

Pangungunahan ni Curry bukas ang kampanya ng Golden State Warriors sa second playoff series laban sa New Orleans Pelicans.

Sinabi ni Warriors Coach Steve Kerr na sumabak na noong Huwebes sa practice si Curry mula nang makaranas ito ng sprain sa kanang tuhod noong March 23.

Ayon kay Kerr, isandaang porsyento nang naipakita ni Curry ang maayos nitong kondisyon sa nasabing practice kaya’t ngayong araw na ito ay sasabak ito muli sa pagsasanay.

At kung walang magiging problema rito ay sasabak na si Curry sa laban bukas.

—-

Ipinalasap ng Phoenix Fuel Masters sa Blackwater Elite ang ikalawang sunod na talo nito sa nag papatuloy na PBA Commissioner’s Cup.

Nanalo ang Phoenix sa score na 107-102.

Bumida sa Fuel Masters ang kanilang import na si James White na may 31 points at 14 rebounds.

May pag-asa pa sana na makahabol ang Blackwater sa huling minuto ng laban pero hindi na hinayaan pa ng Phoenix na makatabla pa ang mga ito.

—-

Nagbitiw na bilang head coach ng Atlanta Hawks si Mike Budenholzer.

Ito ang kapwa napagkasunduan ni Budenholzer at ng koponan.

Sa ilalim ng coaching career ni Budenholzer, naipanalo nito ng dalawandaan at labing tatlong (213) laro ng Hawks habang isandaan at siyamnapu’t dalawa (192) ang naging talo ng Atlanta.

Sa kasalukuyang Eastern Conference, hawak ng koponan ang mababang ranking na 24 wins at 28 losses.

—-

Laglag na sa unang round pa lamang ng Stuttgart Grand Prix si Russian tennis star Maria Sharapova.

Ito ay matapos siyang daigin ng French sixth seed na si Caroline Garcia sa iskor na 3-6, 7-6 at 6-4.

Ayon kay Sharapova, hindi niya inaasahan ang resulta ng laban lalo’t ramdam niyang handa at malakas siya sa naturang laro.

Ito ang unang laro ni Sharapova para sa Stuttgard Grand Prix matapos ang labing limang (15) buwan niyang suspensyon dahil sa paggamit ng ipinagbabawal na substance.

—-

Hindi pa din makakalaro sa first round ng NBA Playoffs si Golden State Warriors star Stephen Curry.

Ayon kay Warriors Coach Steve Kerr, posibleng sa second round na lamang maglaro si Curry dahil isasailalim ito sa iba pang pagsusuri para masigurong magaling na ang natamo nitong MCL injury.

Dagdag pa ni Kerr, ayaw nilang isugal ang sitwasyon ni Curry lalo pa’t angat naman sila sa serye na 3-1.

Umaasa si Kerr na makakalaro na si Curry sa second round at malaki ang maiaambag nito sa laban nila kontra New Orleans Pelicans.

—-

Nanindigan ang Argentinian boxer na si Lucas Matthysse na siya na ang magpaparetiro fighting Senator Manny Pacquiao.

Ayon kay Matthysse, kayang kaya niyang patumbahin ang 39 taong gulang na dating eight division world champion.

Dahil dito, hindi aniya siya nababahala sa kung sino ang kuning trainer ng Pambansang Kamao.

Iginiit nitong tatalunin si Pacquiao kahit pa aniya kumuha ng pinakamagaling na trainer ang senador.

Ang bakbakang Pacquiao at Matthysse ay gaganapin sa Hulyo sa Malaysia.

Tabla na ang Cleveland Cavaliers at Indiana Pacers sa game 4 ng NBA playoffs.

Sa iskor na 104-100, napagtagumpayan ni Lebron James na ipanalo ang kaniyang kopona sa 32 puntos na kanyang naitala, 13 rebounds at 7 assists.

Nakapagtala na si James ng 30 puntos o mahigit pa sa kaniyang ika-100 career playoff game.

Dahil dito pumapangalawa na ang manlalaro kay Michael Jordan bilang all-time king sa NBA.

Samantala, nagpakitang gilas din si Kyle Korver sa kanyang pagiging 3-point shooter kung saan nakapagambag siya sa kanilang panalo ng 18 puntos kabilang na ang apat na 3-points shot.