SPORTS

Aarangkada na ngayong araw ang season finals ng NBA sa pagitan ng Cleveland Cavaliers at ng Golden State Warriors.

Kasunod nito, inaasahang makapaglalaro na si NBA Star Player na si Kevin Love matapos maalog ang utak nito nuong Biyernes sa kasagsagan ng game 6 ng NBA playoffs kontra sa Boston Celtics.

Ayon kay Tyronn Lue, coach ng Cavs, pinayagan na ng mga doktor na muling makabalik sa laro si Love kaya’t kumpiyansa silang lalakas na ang kanilang koponan para talunin ang warriors.

Samantala, hindi naman makapaglalaro para sa Warriors ang kanilang forward na si Andre Iguodala dahil sa tinamo nitong knee injury.

Hinihikayat ngayon ni Chris Paul si Cleveland Cavaliers Star Lebron James na lumipat na sa koponan ng Houston Rockets.

Ito ay dahil simula Hulyo, magiging free agent na si James.

Dahil dito, kumpiyansa ang Rockets Star na may pag-asang iwan ni Lebron ang kasalukuyang koponan nito.

Maliban sa Rockets, interesado rin na makuha si Lebron ng mga koponan ng Los Angeles Lakers at Philadelphia 76ers.

Matatandaang mula sa Cavs, lumipat noong 2010 si Lebron sa koponan ng Miami Heat at matapos ang apat na taon ay bumalik na ito sa Cleveland.

—-

Posibleng bumaba muli sa Bantamweight Division si Nonito ‘The Filipino Flash’ Donaire.

Ayon kay Richard Schaefer ng Ringstar Sports, promoter ni Donaire hindi angkop ang Pinoy boxer sa Featherweight Division.

Sinabi ni Schaefer na tinututukan na nila ang posibleng pagbaba ni Donaire sa 118 pound division.

Pinag-iisipan rin ng promoter kung ilalaban ang 35 anyos na Fil-American boxer sa French boxer na si Nordine Oubaali.

—-

Pasok na sa NBA Finals ang Cleveland Cavaliers.

Ito ay matapos idispatsa ng Cavs ang Boston Celtics sa Game 6 ng Eastern Conference Finals.

Ipinahiya ng Cavs ang kalaban sa mismong home court ng Celtics sa iskor na 87-79.

Muling binuhat ni Lebron James ang kanyang koponan patungong finals sa pamamagitan ng kanyang tatlumpu’t limang (35) puntos , 15 rebounds at 9 na assists.

Dahil dito, maghihintay na lamang ang Cavs sa kung sino ang mananalo sa pagitan ng Golden State Warriors at Houston Rockets sa Game 7 ng Western Conference Finals.

—-

Matagumpay na naidepensa ni Jerwin Ancajas ang kanyang IBF Super Flkweight Crown matapos talunin ang kapwa Filipino boxer challenger na si Jonas Sultan sa Fresno, California, USA.

Idineklarang panalo si Ancajas via unanimous decision sa score na 119-109, 119-109 at 117-111.

Dahil sa tagumpay na ito, nag-improved ang record ni Ancajas sa 30 wins, 1 loss, 1 draw at 20 knockouts.

Halos isandaang taon na ang lumipas bago muling naulit ang paghaharap ng dalawang Filipino boxer para sa isang world title bout simula noong 1925.

Naipuwersa ng Golden State Warriors ang Game 7 ng 2018 NBA Western Conference finals.

Ito ay matapos na itabla ang serye sa 3-3 kontra Houston Rockets.

Nanguna si Warriors shooting guard Klay Thompson sa Game 6 matapos makapagtala ng 35 points dahilan para umabot ang final score sa 115-86.

Lamang pa ang Rockets nang matapos ang first half pero umarangkada ang Warriors sa second half ng laro.

Nag-ambag din si Warriors star player Stephen Curry ng 29 points habang 23 points mula kay Kevin Durant.

Nanguna naman si James Harden sa panig ng Houston na nakapagtala ng 32 points.

Harden put up 32 PTS, 9 AST, 7 REB, 3 STL in Game 6 for the #Rockets #NBAPlayoffs pic.twitter.com/9cGU7eDeCV

— NBA (@NBA) May 27, 2018

Nakatakdang isagawa ang Game 7 ng Western Conference finals sa home court ng Rockets sa Martes.

The @warriors were on FIRE in the 2nd half, outscoring HOU 64-25 to grab the crucial Game 6 win and force Game 7 on Monday! #NBAPlayoffs | #DubNation pic.twitter.com/oFcPUEMqqp

— NBA (@NBA) May 27, 2018

—-

Tinambakan ng Cleveland Cavaliers ang Boston Celtics sa game 6 ng Eastern Conference Finals sa iskor na 109 – 99.

Pinangunahan ni Lebron James ang Cavaliers matapos umiskor ng 46 points, 11 rebounds at 9 assists at itabla ang serye sa tig-tatlong panalo kontra Celtics.

Nakatulong naman ni Lebron sa panalo si George Hill na kumamada ng 20 points at si Jeff Green na may 14 points.

Naging gitgitan ang bakbakan ng dalawang koponan kung saan nakalapit ang Celtics sa 7 puntos sa huling tatlong minuto ng laro.

Pero dito muling umeksena si James nang maipasok ang magkasunod na 3-points shots.

Muling maghaharap ang Cavaliers at Celtics sa game 7 sa darating na lunes.

Story and Photo By Raoul Esperas

Tumulak papuntang France ang 25 miyembro ng Philippine Practical Shooting Association (PPSA) na magiging bahagi ng delegasyon ng Pilipinas na lalahok sa 2018 International Practical Shooting Confederation (IPSC) Shotgun World Shoot Competition na gaganapin sa Châteauroux.

Ang nasabing kumpetisyon ay magsisimula mula June 3 hanggang 10 na lalahukan ng aabot sa 1,000 delegado mula sa iba’t ibang panig ng mundo.

Ayon kay PPSA President at IPSC Regional Director Edwin Lim, tiwala siyang magiging maganda ang performance ng mga Pinoy shooter matapos sumailalim sa matinding qualifying matches ang mga ito.

Kasabay nito humiling din ng dasal at suporta si Lim para sa grupo.

“We need all the support & prayers for the Philippine Shotgun Delegation members to prove once again that filipIno shooters are the best shooters in the world.”

Ang IPSC World Shotgun Competition ay ginaganap sa France kada tatlong taon.

Samantala, inaasahan namang magiging host ang Pilipinas ng Australasia International Handgun Championships sa 2019.

Members of the Philippine Shotgun Team:

MEN’S MODIFIED TEAM

EDCEL JOHN GINO

JEROME MORALES

DOJO PALINES

REGGIE TORREJOS

STANDARD TEAM

RAUL TOLENTINO

RIDGIE ORINA

GIL DAVID

LEONARDO GINO

LADIES MODIFIED TEAM

LIZ DELA ROSA

JANICE NAVATO

ABBY CUYONG

JANNETTE GONZAGA

Members of the Philippine Team Delegation:

NAD MAGPANTAY

CHITO GARCIA

BENEDICT DELA CRUZ

CHARLES NALUPTA

PHILIP SANTOS

ANDY GONZAGA

WILFREDO ANGLO

BRYANT YU

RALPH ALVAREZ

EDMUND VILLAVICENCIO

RONALD BARCELONA

JOSELITO PLACIDES

Good Luck!

—-

Nasungkit ng Houston Rockets ang panalo kontra Golden State Warriors sa game five ng Western Conference Finals.

Gitgitan ang laban ngunit nanaig ang depensa ng Houston.

Gamit ang home court advantage, tinapos ng Rockets ang laban sa iskor na 98-94.

Dahil dito, isang panalo na lang ang Rockets para tuluyang makalusot sa finals.

—-

Isang hakbang na lang patungong NBA Finals ang Boston Celtics.

Ito ay matapos nilang pataubin sa Game 5 ng Eastern Conference Finals ang Cleveland Cavaliers sa iskor na 96-83.

Nanguna sa tagumpay na ito ng Celtics si Jayson Tatum na kumana ng dalawampu’t apat (24) na puntos habang nag-ambag naman si Al Halford ng labinlimang puntos.

Samantala, bigo naman si Lebron James na buhatin ang Cavs.

Oras na manalo ang Boston sa Game 6, maghihintay na lamang ito ng mananalo sa pagitan ng mga koponan ng Golden State Warriors at Houston Rockets para sa finals.

—-