Isang hakbang na lang ang Golden State Warriors para masungkit ang NBA back-to-back championship.
Ito ay matapos ipahiya ng Warriors sa sariling home court ng kalaban ang Cavs.
Sinelyuhan ng Warriors ang kanilang panalo sa Game 3 ng NBA Finals sa iskor na 110-102.
Maagang lumamang sa mga unang quarter ang Cavs ngunit pagsapit ng huling bahagi ng second quarter ay nabawi na ng Warriors ang kalamangan.
Dahil dito hawak na ng Golden State ang 3-0 lead.
Nasa walumpung (80) porsyento nang nasa kondisyon si Pambansang Kamao Manny Pacquiao para sa laban nito kontra kay Lucas Matthysse na gaganapin sa Hulyo sa Malaysia.
Napahanga ang trainer ni Pacquiao na si Buboy Fernandez sa ipinakitang bilis ng fighting senator.
Kahapon sumabak si Pacquiao sa walong rounds ng sparring session kung saan dumaing ng pananakit ng katawan ang mga sparmate ng Pambansang Kamao dahil sa tindi at lakas ng suntok ng senador.
Una rito, naniniwala si Fernandez na hindi malabong pabagsakin ni Pacquiao ang kalabang si Matthysse.
Muling nanguna si US boxing champion Floyd Mayweather Jr. sa listahan ng highest paid athletes ng Forbes magazine.
Ayon sa Forbes magazine, pumapalo sa 275 million dollars ang kabuuang kita ni Floyd Jr. mula June 1, 2017 hanggang June 1, 2018.
Pinakamalaking kinita ni Floyd Jr. ay nagmula sa kaniyang laban kay Conor McGregor noong August 2017.
Ikalawa namang highest paid athlete si football star Lionel Messi na nasa 111 million dollars ang kita at nasa ikatlong puwesto naman si Cristiano Ronaldo na may kinitang aabot sa 108 million dollars.
Ika-apat naman sa listahan si UFC Star McGregor na nasa 99 million US dollars ang kinita at ikalima si Brazilian footballer Neymar na kumita ng 90 million US dollars.
Binigyang diin ng Cleveland Cavaliers na mas magiging pisikal na sila sa Game 3 ng NBA Finals.
Ayon kay Cleveland Coach Tyronn Lue, malaya nang nakagagalaw ang karibal nilang Golden State Warriors sa court na kanilang target na limitahan.
Sinabi naman ni Cavs Forward Kevin Love, kailangan nilang makuha ang Game 3 dahil mahihirapan na silang makabangon lalo pa at defending champion ang kanilang kaharap.
Una nang sinabi ni NBA Superstar Lebron James na hindi sila mapapanatag kahit na sa harap ng kanilang home crowd sila maglalaro.
Posibleng makapaglaro na sa Finals ng NBA ang Forward player ng Golden State Warriors na si Andre Iguodala.
Ito ayon sa ESPN ay dahil nakumpleto na si Iguodala ang individual work out pain free nito noong Sabado.
Gayunman, hindi malinaw kung uubra nang maglaro si Iguodala sa Game 3 bukas sa home court ng Cleveland Cavaliers.
Nananatili namang kuwestyonable ang estado ni Iguodala subalit inaantabayanan ang ibibigay na update ni Warriors Coach Steve Kerr hinggil dito.
Nagkaroon ng problema si Iguodala sa buto sa kanyang kaliwang tuhod sa game 3 ng Western Conference Finals at hindi na nakapaglaro sa anim na sunud sunod na laban.
Muling dumagundong ang hiyawan at sigawan ng nasa 20,000 fans ng defending champion Golden State Warriors sa Oracle Arena, Oakland, California.
Ito’y matapos masungkit ng Golden State ang 2-0 lead kontra Cleveland Cavaliers sa Game 2 ng best of seven series ng NBA Finals, kanina.
Inilampaso ng Warriors ang Cleveland sa kanilang paghaharap sa iskor na 122-103.
Gaya ng dati, ini-angat ni Stephen Curry ang defending champions matapos magpakawala ng 33 points, 7 rebounds at 8 assists habang sumalaksak ng double-doubles 29 points at 13 assists si Lebron James para sa Cavs.
Muling maghaharap ang dalawang koponan sa game 3 at sa pagkakataong ito ay sa homecourt naman ng Cavaliers sa Quicken Loans Arena, sa Cleveland, Ohio sa Huwebes.
Inamin ni JR Smith na lutang siya noong biyernes nang itakbo niya sa half court ang bola sa huling dalawat kalahating segundo ng 4th quarter kung saan tabla ang score ng Cleveland Cavaliers at Golden State Warriors.
Sa panayam kanina kay Smith, sinabi nitong matapos siyang makapag isip-isip sa nakalipas na 24 oras, napagtanto niyang hindi siya sigurado sa kung ano talaga ang nangyari sa huling segundo ng 4th quarter ng game 1.
Nang matanong naman kung sinabi niya ba talaga kay Lebron James na inakala niyang sila ang lamang noong panahong iyon, ayon kay Smith, posibleng nasabi niya iyon.
Gayunman, tiniyak ni Smith na mas focus na siya sa game 2 bukas.
Hindi masu suspindi si Cleveland Cavaliers forward Kevin Love dahil sa pag alis sa bench sa kasagsagan ng overtime play sa game 1 ng NBA Finals kahapon.
Sinasabing nawala sa bench si Love habang nasa kainitan ng pagtatalo sina Draymond Green ng Golden State Warriors at forward ng CAVS na si Tristan Thompson.
Bumalik naman sa bench si Love samantalang ejected si Thompson na itinabig ang bola sa mukha ni Green.
Umayos ang sitwasyon nang bumalik sa locker room si Thompson matapos ang flagrant 2 call at ang nasabing Cavs forward ay maaaring masuspindi dahil sa kaniyang papel sa kaguluhan.
Samantala, hindi nawawalan ng pag-asa ang Cleveland Cavaliers na matatalo ang Golden State Warriors sa NBA Finals.
Sa kabila ito ng pagka panalo ng Warriors sa game 1 ng NBA Finals kahapon.
Inamin ni Cavs Head Coach Tyronn Lue na nakapag move on na sila sa aniya’y masaklap na pagkatalo nila sa game 1 subalit pina plano na nila ang kanilang game plan para magtagumpay sa game 2 hanggang mapasakamay ang kampyonato.
Sinabi ni Lue na may blue print na sila kung paano tatalunin ang Warriors.
Pinataob ng Meralco Bolts ang Barangay Ginebra sa iskor na 93-82.
Nanguna sa panalo ng Bolts ang kanilang import na si Arinze Onuaku na tumipa ng dalawampu’t apat (24) na puntos at dalawampu’t tatlong (23) rebounds.
Dalawampu’t dalawang (22) puntos naman ang inambag ni Chris Newsome habang nagbigay naman si Jared Dillinger ng labing tatlong (13) puntos.
Ayon kay Meralco Coach Norman Black, ang ipinatupad nilang matinding depensa ang naging susi ng kanilang panalo kagabi.
Nasungkit ng Golden State Warriors ang unang panalo sa NBA finals kontra Cleveland Cavaliers.
Naging pukpukan ang laban hanggang sa huling quarter kung saan nagtabla sa 107 ang iskor.
Pagsapit ng overtime, humataw ng husto ang Warriors hanggang sa makalamang at tuluyang iwan ang Cavs.
Natapos ang laban sa iskor na 124-114 pabor sa defending champion na Golden State.