SPORTS

Dedma na lamang si US undefeated boxing champion Floyd Mayweather sa mga humihirit sa kanya na magkaroon ng rematch.

Ilan sa mga humihirit ng rematch sa kanya ay sina UFC star Conor Mcgregor at Canelo Alvarez.

Ayon kay Floyd, kuntento na siya sa kanyang mga kinita kahit pa posibleng maging mahigit $1.5 billion fight ang magiging rematch nila ni Canelo.

Kampante rin ang US boxing champ na wala ng tatalo sa kanya.

Samantala, magugunitang taong 2013 nang tinalo ni Mayweather si Canelo at 2017 naman nang talunin din nito si Gregor.

Bukod sa dalawa ay kasama rin si Filipino boxing champ Manny Pacquiao sa naghihintay ng rematch.

Dedma na lamang si US undefeated boxing champion Floyd Mayweather sa mga humihirit sa kanya na magkaroon ng rematch.

Ilan sa mga humihirit ng rematch sa kanya ay sina UFC star Conor Mcgregor at Canelo Alvarez.

Ayon kay Floyd, kuntento na siya sa kanyang mga kinita kahit pa posibleng maging mahigit $1.5 billion fight ang magiging rematch nila ni Canelo.

Kampante rin ang US boxing champ na wala ng tatalo sa kanya.

Samantala, magugunitang taong 2013 nang tinalo ni Mayweather si Canelo at 2017 naman nang talunin din nito si Gregor.

Bukod sa dalawa ay kasama rin si Filipino boxing champ Manny Pacquiao sa naghihintay ng rematch.

Hindi pagmumultahin o didisiplinahin ng Los Angeles Lakers ang point guard nitong si Rajon Rondo sa inasal sa huling minuto ng laban sa Denver Nuggets nuong Miyerkules ng gabi.

Ito ang nabatid ng ESPN mula sa sources matapos ang ginawang pagpapaalis ni Rondo sa isang fan sa courtside kung saan siya umupo.

Matapos makipagpulong kina Lakers President Magic Johnson at General Manager Rob Pelinka hinggil sa isyu sinabi ni Rondo na ipinaalam sa kaniya ng mga itong batas sa liga na hindi siya dapat umupo duon at hindi naman aniya siya aware sa ganun.

Subalit ngayon aniya ay alam na aniya bagama’t inihayag nitong ilang beswes na siyang umuupo kahit saan sa mga nakalipas na laro nila.

Ayon kay Rondo, pinalaki lamang ang isyu.

Nagpaabot ng kaniyang pasasalamat ang tennis superstar Roger Federer sa kaniyang mga fans matapos makamit ang ika-isandaang titulo.

Ito’y matapos talunin ni Federer ang griyegong si Stefanos Tsitsipas (Chichipas) sa katatapos pa lamang na Dubai Championship Open.

Sa kaniyang pagkapanalo, hindi napigilang ibuhos ni Federer ang kaniyang tuwa nang mag-tweet ito ng kaniyang social media account na aniya’y isang katuparan ng kaniyang pangarap.

Ikalawa si Federer sa mga tennis players na nakasungkit ng ika-isandaang titulo sunod kay Jimmy Connors ng Amerika nuong 2001.

Babakantehin na ni Filipino Champion Donnie “Ahas” Nietes ang kanyang Junior Bantamweight title.

Ito ang naging desisyon ni Nietes matapos ayawan ang mandatory rematch sa kapwa Pilipinong si Aston Palicte.

Matatandaang naglaban sina Nietes at Palicte sa title eliminator noong Setyembre kung saan nauwi ito sa split draw.

Ayon kay Nietes, walang dahilan para muli silang maglaban ni Palicte matapos ang naturang kontrobersyal na draw.

Target naman ngayon ni Nietes ang mas malalaking world championships.

Muling minalas ang Golden State Warriors.

Sa pagkakataong ito ay sa kamay ng Orlando Magic na tumalo sa Warriors kung saan naitala sa 103-96 sa final score.

Sanib puwersa sina Arron Gordon na nagtala ng 22 points at Terrence Ross na nag-ambag ng 16 points para talunin ang Warriors.

Hindi naman sumapat ang 33 points na kinana ni Stephen Curry para manalo ang Warriors kontra Magic.

Ito ang unang pagkakataon na tinalo muli ng Magic ang Warriors sa nakalipas na mahigit anim na taon.

Naungusan ng Phoenix Pulse Fuel Masters ang matinding depensa ng Northport Batang Pier sa kanilang laban para sa 2019 PBA Philippine Cup.

Nagwakas ang paghaharap ng dalawang koponan sa iskor na 98 – 96.

Nagpanalo sa Phoenix ang swak na free-throw ni Jason Perkins sa natitirang pitong segundo ng kanilang laro.

Kumamada ng 22 puntos si Matthew Wright ng Phoenix na siyang nanguna sa kanilang team.

Samantala, sumampa na sa 6 – 1 ang win-loss record ng Phoenix sa kanilang karera.

—-

Inanunsyo na FIBA ang walong koponan na nakakuha ng top seed para sa world cup na gaganapin ngayong summer sa China.

Bilang host nation, awtomatikong nasa top seed ang china.

Maliban dito, nangunguna rin ang koponan ng United States, Spain, France, Serbia, Argentina, Lithuania at Greece.

Ito ay ibinase ng FIBA sa world ranking sa bawat koponan sa buong mundo.

—-

Nagpaabot ng pagbati si Fil-Am at Cleveland Cavaliers Guard Jordan Clarkson sa Gilas Pilipinas matapos na makapasok nito sa FIBA World Cup.

Sa kaniyang post sa Instagram, sinabi ni Clarkson na umaasa rin siyang magiging bahagi siya ng Gilas sa paglalaro nito sa China para sa FIBA World Cup na magsisimula sa katapusan ng Agosto.

Sa nasabing post ay ipinakita ni Clarkson ang kaniyang larawan suot ang Philippine jersey matapos maglaro noong August 2018 para sa bansa sa Asian Games.

View this post on Instagram

congrats to my bros and the country such a honor for the country, qualifying for the world cup, so hyped!!! hope to see you guys in china!!! #Puso

A post shared by Jordan Clarkson (@jordanclarksons) on Feb 25, 2019 at 7:57pm PST

Una nang inihayag ng Samahang Basketbol ng Pilipinas o SBP na gagawin nila ang lahat para payagan ng FIBA na makapaglaro si Clarkson sa Philippine team.

—-