SPORTS

Iginiit ng Philippine Basketball League (PBA) na dadaan pa sa mahabang proseso bago matanggal ang indefinite ban ng basketball player na si Calvin Abueva.

Ayon kay PBA Commissioner Willie Marcial, bagamat hinangaan niya ang ginawang public apology ng manlalaro ay kailangan pa nitong dumaan sa mga hakbang para tuluyan nang maalis ang kaniyang ban.

Hihingi rin si Marcial ng suhestyon mula sa PBA Board of Governors hinggil sa naturang isyu.

Matatandaang una nang pinahintulutang sumama sa ensayo ng Phoenix Pulse si Abueva na itinuring na isang positibong hakbang ng coach ng koponan na si coach Louie Alas

Naging emosyonal si Andy Murray sa pagtanggap ng kaniyang tropeo matapos mag kampeon sa European finals.

Tinalo ng British tennis star si Stan Wawrinka ng Spain sa score na 3-6, 6-4, 6-4.

Ito na ang unang title defense ni Murray mula pa noong February 2017 matapos dumanas ng injury.

Binigyang diin ng 32 anyos na tennis star na mahalagang panalo ang pag kampeon niya sa European finals dahil matagal nga siyang hindi nakapaglaro bukod pa sa regalo ang panalo nito dahil sa paglabas ng ikatlong anak sa mga susunod na linggo.

Inamin ni Murray na labis ang naging hirap niya sa pagsagupa kay Wawrinka.

Tinambakan ng Barangay Ginebra ang Magnolia hotshots sa paghaharap ng dalawang koponan para sa 2019 PBA Governor’s cup.

Nakapagtala ng score na 105 ang Ginebra samantalang 83 points naman ang nakuha ng hotshots.

Pinangunahan ni Justin Brownlee ang pagkapanalo ng Ginebra na nakapagtala ng 27 puntos, 9 na rebounds at 10 assist.

Samantala, maghaharap naman sa Miyerkules, Oktubre 23 ang apat na koponan.

Alas 4:30 ng hapon ang oras ng tapatan ng Balckwater at rain or shine samantalang alas 7:00 naman ng gabi ang laban ng San Miguel at North Port.

Nakabalik na sa win column ang Far Eastern University makaraang ilampaso ang De La Salle University sa score na 81-60 sa kanilang laro sa UAAP 82 Men’s Basketball Tournament na ginanap sa Ynares Center.

Kumamada si l-jay Gonzales ng 14 points, seven assists, six rebounds at two steals para sa Tamaraws.

Ayon kay Head Coach Olsen Racela, masaya siya sa naging panalo ng koponan dahil kailangan nila ito.

Nakakuha si Ken Tuffin ng 14 points at five assists habang nagdagdag si Wendell Comboy ng 12 markers at 11 points naman ang nasungkit ni Xyrus Torres.

Sa unang bahagi pa lamang ng laro ay humataw na ang Tamaraws at ibinaon ang Green Archers sa opening salvo kung saan napanatili nila ang matinding opensa at depensa hanggang sa dulo ng laro.

Nakasungkit ng gintong medalya ang anak ng PBA legend na si Avelino “Samboy” Lim sa 2019 Amator Spor Haftasi Karate Championship sa Turkey.

Ang anak ni Lim na si Jamie Berberabe Lim ay nanguna sa karate sport event sa kategoryang under 68 kilograms kumite.

Ipinagmalaki naman ng Karate Pilipinas Sports Federation ang naging panalo ng atleta.

Si Lim ay bahagi ng National Team na nagsasagawa ng training sa Turkey bilang paghahanda sa pagsabak sa 2019 Southeast Asian Games.

Wagi ang NLEX road warriors laban sa Columbian sa ginanap na laro sa 2019 PBA Governor’s cup.

Nakapagtala ng score na 117 ang NLEX samantalang 111 points naman ang nakuha ng Columbian.

Pinangunahan ng import na si Manny Haris sa pagkapanalo ng koponan na nakapagtala ng 45 puntos.

Pumangalawa naman si JR Quinahan na mayroong 15 puntos habang 11 puntos naman ang nakuha ni Kiefer Ravena.

Samantala, susunod na maghaharap sa loob ng basketball court ang 4 na koponan bukas.

Makakalaban ng Meralco ang Black water sa ganap 4:30 ng hapon at TNT Katropa at Alaska naman sa ganap na 7:00 ng gabi.

Nagsagawa ng site inspection ang liderato ng Kamara sa New Clark City sa Capas, Tarlac na pagdarausan ng 2019 SEA Games.

Pinangunahan ni House Speaker Alan Peter Cayetano, chairman ng SEA Games organizing committee at House Committee on Youth and Sports Development ang site inspection para tiyaking walang magiging aberya sa pagdaraos ng SEA games sa bansa.

Itatayo rin sa mahigit 9,000 ektaryang lupain na dinivelop ng BCDA ang Philippine High School for Sports.

Karamihan sa events sa SEA Games ay gaganapin sa Clark Freeport Zone sa Pampanga sa pamamagitan ng Clark Development Corporation bukod pa sa Subic Freeport Zone sa Zambales katuwang ang SBMA.

Sa Metro Manila naman gaganapin ang basketball at volleyball events.

Isinapubliko na ang kabibilang grupo ng Philippine Azkals sa 2019 Southeast Asian Games.

Ayon sa ginawang ceremonial drawing lots ng naturang sport event, nasa group a ang Azkals.

Makakasama nito sa preliminary phase ang mga bansang Timor Leste, Myanmar, Cambodia at Malaysia.

Ayon sa mga sports analyst, mas magaan ang tatahaking landas ng koponan dahil tanging ang Malaysia lamang ang malakas na kailangan nilang lampasan.

Samantala, nasa group B naman ang mga bansang Thailand, Indonesia, Vietnam, Laos, Brunei at Singapore.

Makatatanggap ng tig isang milyong piso mula sa pamahalaan sina World Artistic Gymnastic Champion Carlos Yulo at Women’s World Featherweight Champion Nesthy Petecio.

Ito ay ayon kay Senador Sonny Angara, alinsunod sa nilikha nilang batas na Republic Act 10699 o National Athletes and Coaches Benefit and Incentive Act.

Aniya, bibigyan si Yulo ng 500,000 pesos bilang unang Pilipino na nakakuha ng gintong medalya sa World’s Gymnastic Event.

Maliban pa ito sa dagdag na 500,000 pesos para sa pag-qualify nito sa 2020 Tokyo Olympics.

Pagkakalooban naman si Petecio ng isang milyong piso matapos makuha ang gintong medalya nang talunin nito ang nakalabang Russian sa 2019 Aiba Women’s World Boxing Championship.

Samantala, mabibigyan din ng kalahating milyong piso ang Pinoy boxer na si Eumir Marcial na nakasungit ng silver medal sa men’s division ng Aiba.

Aprubado na ng PBA commissioner’s office ang isang trade deal sa pagitan ng San Miguel Beermen at North Port.

Sa loob ng naturang trade deal, ipapalit ng Beermen si Christian Stanhardinger kay Northport player Mo Tautuaa.

Hanggang sa ngayon ay hindi pa rin inilalabas ng Beermen ang rason paglipat kay Stanhardinger.

Nakatakdang maglaro sa bagong koponan si Tautuaa sa laban ng Beermen sa Linggo kontra Columbian.

Samantala, magsisimula naman maglaro si Standhardiner sa Northport sa Oktubre 23.