Desidido ang Philippine Skateboarding Team na madomina ang 30th Southeast Asian (SEA) Games.
Ayon kay Monty Mendigoria, pangulo ng Skateboarding and Roller Sports Association of the Philippines, malaki ang kumpiyansa ng team na masusungkit ang walong gold medals sa lahat ng skateboarding competitions sa SEA Games.
Mangunguna sa Philippine Skateboarding Team si Margielyn Didal ang kasalukuyang champion ng Asian Games kasama sina Christiana Means at Jericho Francisco.
Inilampaso ng Rain or Shine ang San Miguel Beer sa score na 91-85 sa kanilang laro sa 2019 PBA Governors’ Cup na ginanap sa Hoops Dome sa Lapu-Lapu City, Cebu.
Lumamang ng hanggang 22 points ang Elasto Painters sa unang bahagi ng laro pero bumaba ito sa 2 points makaraang mag-rally ang Beermen sa ika-apat na quarter.
Si Jayvee Mocon ang nanguna sa Rain or Shine sa pamamagitan ng kanyang 16 points, 14 rebounds at 4 assists.
Dahil dito, umakyat ang rekord ng Elasto Painters sa 3-7 kaya’t buhay pa ang pag-asa nitong makapasok sa quarterfinals habang nalugmok naman ang San Miguel sa 6-4 record.
Target umanong makalaban ni Shawn Porter sa 2020 si Senador Manny Pacquiao.
Ayon sa dating two time welterweight champion mula sa Las Vegas magandang makaharap niya ang fighting senator bagamat kinukunsider din niyang makalaban ang isa pang boksingerong si Danny Garcia.
Tulad ng iba pang boksingero inamin ni Porter na pangarap niyang makaharap sa boxing ring ang legendary Pinoy boxer.
Gayunman sinabi ni Porter na posibleng mauna niyang makaharap si Garcia sakaling hindi matuloy ang pakikipag sagupa nito kay Errol Spence sa unang quarter ng susunod na taon.
Pinagmumulta ng halos $50,000 ng pamunuan ng NBA ang Los Angelers Clippers dahil sa injury status ng manlalaro na si Kawhi Leonard.
Paliwanag ng NBA, hindi problema sa kanila kung hindi makapaglaro ang forward player ng koponan dahil sa injury.
Ngunit, kinwestyon nila ang pahayag ni Clippers Coach Doc Rivers na hindi health issue ang dahilan kung bakit hindi makakapaglaro si Leonard.
Magugunitang dalawang beses nang hindi na nakakapaglaro si Leonard sa naturang basketball tournament.
Nakatakda naman ang pagbabalik nito sa laban ng Clippers kontra Portland Trail Blazer.
Handang handa na ang New Clark City para sa Southeast Asian (SEA) Games na tatakbo mula November 30 hanggang December 11.
Ayon kay BCDA President Vince Dizon, fine tuning na lamang ang kailangan para sa mga nakatokang lugar sa New Clark City.
Nasubukan na rin anya ang mga pasilidad sa ginanap na pre-qualifying competitions sa swimming at athletics noong August 1, hanggang September 3.
Maliban sa Clark City, may mga sports events rin na idaraos sa Subic, SM MOA, Tagaytay at Batangas.
Ang opening ceremony para sa SEA Games ay gaganapin sa Philippine Arena sa Bulacan.
Wagi ang Houston Rockets sa laban nito kontra Golden State Warriors sa NBA 2019 -2020 season.
Nakapagtala ng score na 129 ang Rockets samantalang 112 naman ang nakuha ng Warriors.
Pinangunahan ni James Harden ang pagkapanalo ng Rockets na nakapagtala ng 36 points at 13 assists.
Ito na ang ika-anim na panalo ng Rockets sa bagong season ng prestihiyosong basketball tournament.
Wagi ang Boston Celtics sa laban nito kontra Cleveland Cavaliers sa 2019-2020 NBA season.
Nakapagtala ng score na 119 ang koponan samantalang 113 points naman ang nakuha ng Cavaliers.
Pinangunahan ni Celtics forward at shooting guard Gordon Hayward ang pagkapanalo ng Celtics na nakapagtala ng 39 points.
Ito na ang ikalimang pagkakataon na natalo ang Cavaliers sa kasalukuyang season.
Susunod na kakalabanin ng Celtics ang Charlotte Hornets sa Biyernes samantalang sa Sabado naman gaganapin ang tapatan ng Washington Wizards at Cavaliers.
Inilampaso ng Los Angeles ang Dallas sa score na 119-110 sa kanilang laro sa homecourt ng Mavericks.
Kumamada si Lebron James ng 39 points, 16 assists at 12 rebounds para sa Lakers.
Nagdagdag naman si Anthony Davis ng 31 points at eight rebounds para sa LA. habang tumipa si Danny Green ng 14 points kabilang ang isang 3-pointer na nagdala sa naturang laro sa overtime.
Agad na nakakuha ng pitong puntos ang Lakers sa extra session hanggang sa masungkit nila ang panalo laban sa Mavs.
Pasok na ang Pilipinas sa 2019 FIBA 3×3 Mens Olympic Qualifying Tournament.
Makakasama ng Pilipinas sa pool C ang mga bansang Slovenia, France, Qatar at Dominican Republic.
Isang hakbang ito palapit sa pinakaka asam na mapasama sa 2020 Tokyo Olympics.
Ang mga bansa sa pool A ay ang Mongolia, Poland, Brazil, Turkey at Spain, pool B ang U.S. Lithuania, Belgium, South Korea at New Zealand samantalang nasa pool D ang Netherlands, Latvia, Canada, Croatia at India.
Pangungunahan ng Pinoy sports legends ang get together at send off sa mga atletang Pinoy na sasabak sa 30th Southeast Asian Games sa November 13 sa Rizal Memorial Coliseum.
Kabilang sa bibida sa tinaguriang Team Philippines send off ng bayan sina boxing legend Mansueto Onyok Velasco, Jr., Leopoldo Serantes, bowling hall of famers Rafael Paeng Nepomuceno at Olivia Bong Coo, track legend Lydia De Vega-Marcado at Elma Muros na pawang magbabahagi ng kanilang mga sikreto kaya’t nagtagumpay sa kani-kanilang sports event.
Magbibigay din ng inspirational words si Philippines Sports Commissioner Ramon Fernandez bilang isang dating naging miyembro ng national team.
Ilulunsad din sa naturang okasyuon ang kanta para sa Team Philippines na gawa ng singer na si Bamboo.
Ang Pilipinas ay huling nag-host ng SEA games noong 2005 kung kailan humakot ang Pinoy athletes ng 112 gold medals, 85 silver at 93 bronze medals.
Ang Pilipinas ay nakatuon sa combat sports tulad ng taekwondo, boxing, karatedo, judo, jiu jitsu, kick boxing, arnis, wushu, wrestling at muay thai.