SPORTS

Target ng Philippine Judo team na makasungkit ng 4 na medalya sa papalapit na 30th Southeast Asian (SEA Games) na magisimula sa katapusan ng buwang ito.

Ayon kay Philippine Judo Federation Pres. Dave Carter, nasa magandang kundisyon ang kanilang pambato na si Kiyomi
Watanabe kaya’t kumpiyansa silang hahakot ito ng parangal.

Ang Cebuanong Japanese-Filipino na si Watanabe ay nakakuha na ng 3 gintong medalya sa SEA Games dahil sa Judo.

Samantala, patuloy na umaapela ng suporta sa lahat ng mga Pilipino ang Philippine Judo Federation dahil para sa sambayanang Pilipino ang kanilang magiging tagumpay.

Abot-kamay na ng Ateneo ang inaasam nitong three-peat.

Ito’y makaraang masungkit ng Blue Eagles ang 91-77 win laban sa University of Santo Tomas sa game 1 ng UAAP season 82 men’s basketball finals sa Araneta Coliseum kahapon.

Sa harap ng mahigit sa 19,000 fans, kumamada si Thirdy Ravena ng 32 points, 5 rebounds, at 3 assists para sa Ateneo.

Sa unang bahagi pa lamang ng laro ay tinambakan na ng Blue Eagles ang Growling Tigers.

Sinubukang dumikit ng UST sa ikatlong quarter pero lalong bumangis ang Ateneo at mula noon ay hindi na lumingon pa ang defending champions.

Kung papalarin sa game 2 na gaganapin sa Mall of Asia Arena, masusungkit na ng Blue Eagles ang kanilang ika-11 korona sa UAAP.

Wagi ang Houston Rockets sa laban nito kontra Indiana Pacers sa 2019-2020 NBA season

Nakapagtala ng 111 points ang Rockets samantalang 102 points naman ang nakuha ng Pacers.

Pinangunahan ng guard na si James Harden ang pagkapanalo ng kaniyang koponan na nakagawa ng higit 40 puntos.

Susunod na maghaharap sa basketball league ang Chicago Bulls at Brooklyn Hornets bukas.

Napili na ang 4 na bansang magiging hosts ng FIBA men’s basketball olympic qualifying tournament sa 2020.

Batay sa anunsiyong inilabas ng FIBA Executive Committee, pagdarausan ng 4 na qualifying rounds ang mga bansang Canada, Serbia, Croatia at Lithuania.

Mahahati sa 4 na tournament ang qualifying rounds na may tig-6 na koponang maglalaban laban para sa tiyansang makapasok sa Tokyo 2020 olympic games.

Makakasama ng winning teams ang 7 koponang automatikong kwalipikado sa Olympics.

Gaganapin ang qualifying tournament sa Hunyo 23 hanggang 28 sa susunod na taon.

Magkaka-alaman na kung maaagaw ng Letran sa San Beda University ang korona ng Philippines National Collegiate Athletic Association (NCAA) o maipipilit ng San Beda ang do-or-die game sa game 2 ng finals ng NCAA.

Nagsimula na ang engkuwentro ng Letran Knights at San Beda Red Lions sa Mall of Asia Arena.

Tangan ngayon ng Knights ang 1-0 na bentahe sa serye matapos ang kanilang 65-64 na panalo sa game 1.

Ang panalo ng Knights sa game 1 ang kauna-unahang talo ng Red Lions sa Season 95 ng NCAA kung saan naipanalo nila ang lahat ng 18 laro sa elimination round.

Sampu (10) hanggang 12 medalyang ginto ang target ng Philippine Arnis Team na masungkit sa 30th SouthEast Asian (SEA) Games.

Matinding paghahanda ang ginawa ng 20 miyembro ng arnis team ng bansa upang maabot ang itinakda nilang goal sa SEA Games.

Magsisimulang sumabak sa laban ang grupo sa unang araw ng Disyembre sa Angeles University Foundation.

Pormal na magbubukas ang SEA Games sa November 30 at magtatapos sa December 11.

Nakuha ng NorthPort Batang Pier ang panalo sa laban nito kontra NLEX Road Warriors sa PBA 2019 Governors’ Cup.

Nakapagtala ng score na 102 ang NorthPort samantalang 94 points naman ang nakuha ng NLEX.

Pinangunahan ni Christian Standhardinger ang pagkapanalo ng NorthPort matapos itong makapagtala ng 23 points, 19 rebounds, 2 assists at isang steal.

Samantala, susunod na maghaharap sa naturang basketball tournament ang Phoenix Pulse laban sa Blackwater Elite at Ginebra San Miguel laban sa Columbian Dyip sa Biyernes, Nobyembre 15.

Maghaharap sa huling pagkakataon ang University of the Philippines (UP) at University of Sto. Tomas (UST) para makuha ang natitirang slot sa finals ng UAAP Season 82 men’s basketball tournament.

Ayon kay UST Growling Tigers Coach Aldin Ayo, inaasahan nila na hindi magiging madali para sa koponan ang laban.

Samantala, humihingi naman si UP Maroons Head Coach Bo Perasol ng matinding effort mula sa kanyang mga manlalaro para makamit ang pagkapanalo.

Gaganapin mamayang 4:00 ng hapon ang huling bakbakan ng dalawang koponan.

Makakalaban ng winning team sa finals ang defending champion na Ateneo Blue Eagles.

Target ng Philippine Wushu Teams na makasungkit ng walo (8) hanggang 10 medalya sa Southeast Asian (SEA) Games na magsisimula sa November 30.

Ayon kay Julian Camacho, Secretary General ng Wushu Federation of the Philippines, nasubukan na nila kung hanggang saan ang kakayanan ng kanilang mga atleta sa world championships sa Shanghai noong nakaraang linggo.

Dalawang silver medals at dalawang bronze ang naiuwi ng Philippine team na lumahok sa world competition kung saan nakatunggali nila ang mga magagaling na atleta ng Indonesia, Malaysia at Vietnam.

Nananatiling positibo ang University of the Philippines (UP) Fighting Maroons na makababawi sa University of Santo Tomas (UST) Growling Tigers at makapapasok ng finals.

Ito ay matapos matalo ng Tigers ang twice-to-beat na Maroons sa semifinals ng UAAP Season 82 Men’s Basketball.

Ayon kay UP Coach Bo Perasol, kinakailangan pa nilang i-level up ang kanilang laro para matalo ang UST at makapasok ng finals.

Bukas nakarakdang magharap muli ang Maroons at Tigers para sa kanilang do-or-die match.

Makakalaban naman ng mananalong koponan ang Ateneo De Manila Blue Eagles sa ‘best of three series’ finals.