SPORTS

Tuloy-tuloy ang paghakot ng gintong medalya ng Pilipinas sa ginaganap na 30th South East Asian (SEA) Games ngayong araw.

Ito ay matapos masungkit ng atletang si Christine Hallasgo ang gold medal sa women’s marathon event sa New Clark City Athletics Stadium.

Si Hallasgo ay maituturing na surprise winner makaraang matalo sa nasabing palaro ang kapwa Pilipino na si Mary Joy Tabal, ang kauna-unahang female marathon Olympian ng Pilipinas, na siyang nag-uwi naman silver medal.

Narating ni Hallasgo ang finish line sa loob ng dalawang oras 56:56 habang natapos ni Tabal ang marathon sa loob ng dalawang oras 58:49.

11 gintong medalya ang naidagdag sa Pilipinas sa ika limang araw ng South East Asian Games (SEA Games).

Kabilang sa mga nanalo ng gintong medalya  ay sina Margielyn Didal ng Cebu na nasungkit ang una niyang SEA Games gold medal sa women’s game of skate event na ginanap sa Sigtuna Hall, Tagaytay International Convention Center.

Daniel Ledermann na tinanghal na hari sa men’s game of skate competition doon din sa Tagaytay.

Kiyomi Watanabe na matagumpay na nadepensahan ang kanyang SEA Games title nang muling masungkit ang 4th gold medal sa women’s judo 63kg final event.

Chino Tancontian na hindi rin nagpahuli sa gold medal finish sa men’s sambo 82kg competition.

Shugen Nakano na nagdagdag ng gold medal sa men’s judo 66kg final competition.

Mark Mugen na nakakuha rin ng gold medal sa sambo men’s combat 74kg at Jylyn Nicanor para naman sa fencing women’s individual sabre final event.

Sa kabuuan, nakakuha na ng 63 gold medals ang Pilipinas.

Nangunguna pa rin ang Pilipinas sa Southeast Asian (SEA) Games.

Hanggang kaninang 8 p.m. (December 5) ay nasa 63 na ang gold medals ng Pilipinas, 45 silver at 34 na bronze medals.

Ngayong araw na ito ay binuksan na ang makasaysayang pagiging bahagi ng e-sports sa SEA games.

Ang babanderang laro sa e-sport ay Mobile Legend, Heartstone, Starcraft, Arena of Valor, Dota2, at Tekken 7.

Hahatiin ang torneo sa mga kategoryang PC games, console, at mobile games.

Ang official e-sport team ng Pilipinas ay pinangalanang team Sibol na binubuo ng 24 na miyembro.

Nasungkit ng Pilipinas ang unang gintong medalya sa ika-limang araw ng 30th SEA Games ngayong araw, Huwebes, December 5.

Nagdagdag ng gold medal ng Pilipinas si Jermyn Prado sa women’s road event individual time trial na ginanap sa Praying Hands Monument sa Tagaytay City.

Napasakamay naman ni Yiwei Luo ng Singapore ang silver medal at nakuha ni Phetdarin Somrt ng Thailand ang bronze medal .

Sa kabuuan, nakapag contribute na ang cycling team ng tig-limang gold, silver at bronze medals sa ginaganap na SEA Games.

Itinanghal ng Sports Industry Awards Asia (SPIA) na “Best Sea Games Organizer” ang Pilipinas.

Ang SPIA ay isang leading sports awards platform.

Kasabay nito, binigyang kilala rin ng SPIA ang PHISGOC sa inihandang nitong mala-world class opening ceremony ng SEA Games at sa pag organisa sa kabuuang 56 na sports at mahigit 500 events.

Umapaw ang suporta ng mga Pilipino para sa mga atleta ng Timor Leste para sa 30th SEA Games.

Ito ay para makamit nila ang una nitong medalya sa mga palaro.

Sa social media, makikita ang pagpapahayag ng mga netizens ng kanilang cheer na may hashtag na ‘’#TimorLeste’’ kung saan naging trending topic pa sa Twitter.

Noong SEA Games 2017 na ginanap sa Malaysia ay nag-uwi ang Timor Leste ng tatlong bronze medal sa larangan ng taekwondo.

Umabot na sa 56 na gintong medalya ang nasungkit ng Pilipinas sa 30th South East Asian o SEA Games.

Batay sa pinaka huling tala 8:30 kagabi, bukod sa 56 na gold medals, may 41 na silver medals at 22 na bronze medals na ang Pilipinas.

Sa kabuuan ay nasa 119 na ang medalya ng bansa at nananatiling nangunguna sa SEA Games.

Pitong medalya ang kinolekta ni Filipino Gymnast Carlos Edriel Yulo sa pagtatapos ng kanyang kampanya sa SEA Games 2019.

2 ang gintong medalya ni yulo na nagmula sa all around category at floor exercise.

5 naman ang kanyang silver medals mula sa pommel horse, sting rings, vault, parallel bars at horizontal bars.

Ang ipinakita ni Yulo sa SEA Games ay isang magandang palatandaan ng magandang performance nya sa 2020 Tokyo Olympics.

Natapos na rin ang 10 taong pagkauhaw ng bansa para sa gintong medalya sa larangan ng swimming sa SEA Games.

Itoy matapos masungkit ni James Deiparine ang gintong medalya para sa men’s 100 meter breaststroke .

Tinapos ni Deiparine ang laro sa oras na  1:01.46s kung san tinalo nya ang Vietnam at Singapore.

Nuong SEA Games 2009 nasungkit ni Miguel Molina ang huling gold medal ng Pilipinas.

Naapektuhan ng din bagyong ‘Tisoy’ ang schedule ng ilang sporting events na nakatakda sana kahapon, Martes.

Ilan sa mga larong naantala ay ang Canoe, Kayak, Surfing at Sepak Takraw.

Hindi rin kasi nakarating ang ibang atleta matapos makansela dahil sa sama ng panahon.

Gayunman tiniyak ng PHISGOC na may accomodation para sa mga atletang naapektuhan ng bagyo.

Hindi pa naman matiyak kung kailan matutuloy ang mga ipinagpalibang laro.