Natapos na rin ang 10 taong pagkauhaw ng bansa para sa gintong medalya sa larangan ng swimming sa SEA Games.
Itoy matapos masungkit ni James Deiparine ang gintong medalya para sa men’s 100 meter breaststroke .
Tinapos ni Deiparine ang laro sa oras na 1:01.46s kung san tinalo nya ang Vietnam at Singapore.
Nuong SEA Games 2009 nasungkit ni Miguel Molina ang huling gold medal ng Pilipinas.
Naapektuhan ng din bagyong ‘Tisoy’ ang schedule ng ilang sporting events na nakatakda sana kahapon, Martes.
Ilan sa mga larong naantala ay ang Canoe, Kayak, Surfing at Sepak Takraw.
Hindi rin kasi nakarating ang ibang atleta matapos makansela dahil sa sama ng panahon.
Gayunman tiniyak ng PHISGOC na may accomodation para sa mga atletang naapektuhan ng bagyo.
Hindi pa naman matiyak kung kailan matutuloy ang mga ipinagpalibang laro.
Limang gintong medalya ang naging kontribusyon ng Philippine Wushu players sa ikatlong araw ng SEA Games.
Sa 48 klogram category, tinalo ni Divine Wally ang kalabang Vietnamese upang masungkit ang gold medal sa womens division samantalang si Jessie Aligaga naman ang namayani sa mens division.
Si Arnel Manda naman ang sumungkit ng gold sa 52 kilogram category samantalang si Francisco Solis ang sa 56 kilogram category.
Ang ikalimang ginto ay nakuha ni Clemente Tagubara Jr. para sa 65 kilograms category.
Nasungkit ni Carlos Yulo ang ikalawa nyang medalyang ginto sa Southeast Asian Games.
Para naman ito sa floor exercise event ng men’s artistic gymnastics na ginanap sa Rizal Memorial Coliseum.
Isa si Yulo sa mga naunang nakakuha ng medalyang ginto sa unang araw ng SEA Games para sa all around category.
Matagumpay na nasungkit ng Philippine Lawn Bowl Teams ang gold medal sa 30th South East Asian o SEA Games sa Clark Freeport Zone.
Kalaban rito ng bansa ang Thailand.
Matatandaang nagkaroon ng problema sa pag-eensayo ang Philippine team dahil sa hindi pa natatapos na konstruksyon ng gagamiting lawn bowls venue sa Clark.
Samantala, ngayong araw nakatakda ang huling kompetisyon sa lawn kung saan sasabak at target din makakuha ng gintong medalya ng Pilipinas sa ladies triples at men’s fours.
Nakuha na rin ni Hidilyn Diaz ang kauna unahan nyang medalyang ginto sa SEA Games.
Nanalo si Diaz sa women’s 55 kilogram weightlifting competition matapos nyang mabilis na mabuhat ang 91 kilogram at 120 kilogram barbell.
Nakilala si Diaz matapos manalo ng silver sa 2016 Olympics at gold sa 2018 Asian Games.
Pagkakataon na sana ni Diaz na tangkaing makasungkit ng ginto nuong 2017 SEA Games subalit tinanggal ng host country na Malaysia ang womens weightlifting nuong panahong iyon.
Una nang nakapaglaro sa SEA Games si Diaz nuong 2007, 2011 at, 2013 kung saan nakakuha sya ng dalawang silver at bronze medals.
Lusot na sa preliminary round ang Gilas Pilipinas men’s team sa 3 by 3 basketball event sa 30th Southeast Asian (SEA) Games.
Ito ay matapos na maipanalo na ng Gilas Pilipinas ang lahat ng anim nilang laban para sa preliminary round.
Unang natalo ng Pilipinas ang Malaysia sa score na 21 -13.
At sinundan ito ng panalo sa Cambodia sa score na 21 -6.
Inaasahan namang makukumpleto na ng Gilas Pilipinas ang kanilang medal games ngayong hapon.
Tuloy-tuloy ang pag-arangkada ng mga manlalarong Pinoy para sa ikalawang araw ng 30th Southeast Asian (SEA) Games.
Ito ay matapos madagdag ang dalawa pang gintong medalyang nasungkit nina Monica Torres sa women’s individual duathlon at Lea Belgira sa women’s downhill mountain bike event.
Tatlong minuto ang agwat ni Torres sa mga manlalaro ng Thailand at Vietnam na siya namang nakakuha ng silver at bronze medal.
Sa kabila ng masamang lagay ng tiyan ni Torres, nagawa pa rin niyang maipanalo ang women’s individual duathlon na ginanap sa Subic.
Samantala, si Belgira naman ang unang nakakuha ng ginto sa 12 cycling event para sa SEA Games.
Nasungkit ng triathlete na si John “Rambo” Chicano ang kauna unahang gintong medalya ng Pilipinas sa 30th Southeast Asian Games.
Tinapos ni Chicano ang laban sa oras na 1 hour 53 minutes and 26 seconds.
Bitbit ni Chicano ang bandila ng Pilipinas habang papatakbo sa finish line.
Samantala sumunod naman sa kaniya ang kapwa Pilipino na si Kim Remolino na nakuha ang silver medal.
Ginanap ang triahtlon sa Subic Bay Boardwalk, kahapon December 1.
Nanguna ang Pilipinas sa pinakamaraming nasungkit na medalya sa unang araw ng 30th Southeast Asian Games kahapon December 1.
Back to back win ang nakuha ng Pilipinas sa triathlon kung saan nasungkit ang 3 medalya.
Nakuha naman ng Pilipinas ang 10 gintong medalya at 3 silver sa lahat ng kategorya ng dance sport.
Nakamit ng National Sepak takraw Tim ang panalo at over all champion naman ang men’s division ng bansa sa arnis, bukod dito ay nakakuha rin ng panalo ang women’s division.
Nakaginto rin ang mga Pilipinong sumabak sa bantamweight at featherweight division, maging ang lightweight at welterweight division.
Nakasungkit din ng ginto si Agatha Wong sa Wushu at hindi naman binigo ng gymnastics champion Carlo Yulo ang mga kababayan matapos makamit ang gintong medalya sa individual all around event sa men’s artistic gymnastics.
Tinambakan naman ng mga basketball players ng Pilipinas ang kani kanilang mga nakalaban.
Tinalo ng women’s team ng Gilas Pilipinas sa 3 on 3 basketball ang Myanmar sa score na 21-4 at Indonesia sa score naman na 16-13.
Nakuha rin ng men’s division ng Gilas ang pagkapanalo nang matalo ang Vietnam sa score na 21-15.
Silver medal naman ang nakuha ng water polo at ng mga manlalaro na sumabak sa figure skating.
Sa ngayon ay nangunguna sa ranking ang Pilipinas na sinundan naman ng Vietnam at Malaysia.