Pinangunahan ni James Harden ang pagkapanalo ng Houston Rockets matapos makagawa ng 47 points 6 rebounds at 7 assists.
Sa score na 139-125 natalo ng Rockets ang Phoenix Suns sa homecourt nito sa Arizona.
Nag ambag ng 30 points at 10 assists si Russel Westbrook sa score ng Rockets na nakatulong sa pagkapanalo nito.
Samantala, susunod na makakalaban ng Rockets ang Sacramento Kings sa Martes, Disyembre 24.
Inilabas na ang listahan ng mga basketball players na kabilang sa mga nominees para maisama sa Naismith Memorial Basketball Hall of Fame.
Ayon sa report, kabilang sa nominees sina Kobe Bryant, Tim Duncan, Kevin Garnett at Chris Bosh.
Nasa 15 manlalaro ang kabilang sa listahan.
Pagsapit ng all-star weekend sa Pebrero ay mamimili na lamang ng 12 pangalan para sa pinal na listahan ng mga pagpipilian.
Ilalabas ang pinal na listahan sa Abril sa susunod na taon.
Inaabangan na ng mga basketball fans ang paghaharap ng Los Angeles Lakers at Milwaukee Bucks, bukas.
Sa naturang laro, magbabakbakan ang dalawa sa pinakahinahangaang manlalaro sa buong mundo.
Maghaharap sina Lebron James at Giannis Antetokounmpo para ipanalo ang kani-kanilang mga koponan.
Bago ang laro, binigyan ng tribute ni Antetokounmpo si James dahil sa ipinakita nitong galing sa basketball court sa loob ng ilang taon.
Mapapanood ang bakbakan ng Bucks at Lakers bukas sa Pilipinas.
Nagsanib pwersa ang tatlo sa pambato ng Brooklyn Nets para makuha ang panalo sa laban kontra New Orleans Pelicans.
Nakapagtala ang Nets ng 108 points samantalang 101 points naman ang nakuha ng Pelicans.
Nagtulong-tulong ang mga manlalaro ng Nets na sina Spencer Dinwiddle, Joe Harris at Jarret Allen.
Nagkaroon ng overtime kung saan tuluyan nang nalamangan ng Nets ang Pelicans
Samantala, susunod na makakalaban ng Nets ang San Antonio Spurs sa Biyernes, Disyembre 20.
Nakatakdang ipakita sa publiko ang wax figure ni Pinoy boxing champion Manny Pacquiao.
Makikita ang ‘Pacman’ wax figure sa Madame Tussauds wax museum sa Hong Kong sa susunod na taon.
Ang anunsyo ay isinabay sa pagdiriwang ng ika-41 kaarawan ng fighting senator.
Ikinatuwa naman ni ‘Pacman’ ang pagkakaroon niya ng wax figure na isang pagkilala sa mga Pilipino.
Tiwala si dating two-time Welterweight World Champion Shawn Porter na siya ang mapipili ni Manny Pacquiao para maging susunod na kalaban nito.
Ito, ayon kay Porter, ay dahil siya na lamang ang natitira sa listahan ng mga posibleng sunod na makalaban ni Pacman.
Tiniyak naman ni Porter na kaya niyang patumbahin ang fighting senator.
Una nang nasa listahan ni Pacman sina dating Jr. Welterweight Champion Danny Garcia na kinailangan pang sumalang sa isang tune-up fight kaya’t pumirma para labanan si Ivan Redkach sa susunod na buwan.
Samantala, pinili naman ni dating 4-Division World Champion Mikey Garcia ang one-fight-deal kung saan papangalanan pa ang makakalaban nito.
Hindi umubra ang Meralco Bolts sa TNT KaTropa sa kanilang sagupaan sa 2019 PBA Governors’ Cup semifinals kung saan nairehistro ang final score na 103-94.
Nanguna si KJ McDaniels ng KaTropa sa 38 points at 14 rebounds habang si Jayson Castro ay nagpamalas ng all-around performance na 17 points, 8 rebounds at 7 assists.
Ang do-it-all import naman ng Meralco ay gumawa ng 32 points at 21 rebounds habang si Chris Newsome ay nagdagdag ng 14 points.
Subalit hindi naman ito naging sapat para talunin ng Meralco ang TNT na naggupo ng twin digit scores mula sa tatlo sa mga bagito nilang manlalaro na sina Roger Pogoy, Ray Parks at Troy Rosario.
Pursigido ang TNT na makakamit nila ang 2-0 series lead sa laban nila bukas, Martes, ika-17 ng Disyembre.
Magsisimula na ngayong linggo ang trading season ng NBA.
Ayon sa pamunuan ng naturangt basketball league, lahat ng mga manlalarong pumirma ng kontrata noong off season ay “trade eligible”
Dahil dito, maaaring magpalitan ng manlalaro ang mga koponan na may basbas ng mga opisyal.
Sa ngayon ay nagsisimula nang magsagawa ng evaluation ang mga NBA teams para dito.
Tatakbo ang NBA trading season mula sa, Disyembe 15 hanggang sa Pebrero 6 ng susunod na taon.
Nagpahayag ng pagtulong ang Philippine Sea Games Organizational Committee (PHISGOC) sa Vietnam bilang susunod na magho-host ng South East Asian Games (SEA Games) sa 2021.
Ayon kay PHISGOC Chairman Alan Peter Cayetano, magkapatid ang turingan ng Pilipinas at Vietnam kaya’t handa siyang tumulong sa pagpa-plano ng hosting ng palaro sa nasabing bansa.
Wala aniyang problema kahit pa malampasan ng Vietnam ang kalidad ng pagho-host ng Pilipinas sa SEA Games.
Dagdag pa ni Cayetano, bagama’t ito ang tinaguriang “best sea games”, hangad pa rin umano niya na mas gumanda pa ang SEA Games sa mga susunod pang bansa na magho-host nito.
Pinahiya ng Los Angeles Lakers ang Orlando Magic sa kanilang sagupaan kung saan naitala ang final score sa 96-87.
Nanguna sa laro ng Lakers si Lebron James na gumawa ng 25 points, 11 rebounds at 10 assists.
Nagdagdag naman ng 16 points at 12 rebounds ang kasalukuyang Western Conference Player of the Week na si Anthony Davis.
Ang serye ng panalo ng Lakers ay kahalintulad ng performance ng team noong 1972 hanggang 1973.