Muling namayagpag sa loob ng basketball court si NBA Kyle Lowry matapos pangunahan ang pagkapanalo ng Toronto Raptors.
Sa score na 117-97, natalo ng Raptors ang Cleveland Cavaliers para sa huling tapatan nito sa taong 2019.
Nakapagtala si Lowry ng 24 points, 8 assists at 1 rebound na sinundan naman ni Serge Ibaka sa score na 20 points, 2 assists at 10 rebounds.
Samantala, susunod na makakalaban ng Raptors ang Miami Heat sa Biyernes, ika-3 ng Enero.
Magbabalik-torneo ang dating World number one Tennis player na si Maria Sharapova sa susunod na buwan.
Batay sa ulat, sasabak sa Brisbane International si Sharapova matapos naman itong gawaran bilang wild card sa Autralian open warm up.
Kabilang sa posibleng makalaban ni Aharapova sa Brisbane International ang kasalukuyang World number 1 na si Ash Barty gayundin sina Naomi Osaka at Karolina Pliskova.
Gaganapin ang tournament sa Queensland tennis center mula January 6 hanggang 12.
Magugunitang, bumaba sa 133rd ranking si Sharapova matapos magtamo ng injury at hindi makapaglaro sa walong tournaments.
Nagpasiklab si fighting Sen. Manny “Pacman” Pacquiao sa basketball court nang pamunuan nito ang kaniyang koponan sa Maharlika Pilipinas Basketball League na ginawa sa Calgary, Canada.
Ito’y makaraang ilampaso ng koponan ni Pacman ang Casem Calgary team para sa isang exhibition match sa Seven chiefs sports complex sa score na 116-99.
Hindi naman magkamayaw ang mga Pinoy fans matapos ang laban dahil dinumog ng mga ito ang senador para makapagpakuha ng selfie.
Sunod na gagawin ang Maharlika Pilipinas Basketball League sa Edmonton, Canada kung saan makakalaban ang ilang piling manlalaro sa nabanggit na lugar.
Muling magbabalik sa loob ng basketball court ang NBA star na si Eric Gordon ng Houston Rockets matapos itong maooperahan.
Ayon sa pamunuan ng Rockets, inaasahan na nila na makikipagbakbakan na si Gordon para sa laban nila kontra New Orleans Pelicans, bukas.
Sumama na sa ensayo ng koponan si Gordon kahapon ngunit ipinahayag ng kanilang coach na hindi ito makakapaglaro sa laban kontra Brooklyn Nets.
Magugunitang hindi na nakapaglaro si Gordon mula noong Nobyembre 11 matapos ang natamong knee injury.
Inaabangan na ng mga fans ng PBA ang salpukan ng Barangay Ginebra Kings at Meralco Bolts.
Bago ito, nagpahayag ng pananabik ang coach ng Bolts na si Coach Norman Black.
Ayon kay Black, pakiramdam nila ay mayroong “unfinished business” sa Gin Kings.
Aniya, dalawang beses na ilang nakakaharap ang Ginebra at nasasabik sila sa ikatlo nilang bakbakan.
Magugunitang natalo ng Ginebra ang Meralco noong 2016 at 2017.
Samantala, mag uumpisa ang PBA Governor’s Cup finals sa ika-7 ng Enero ng susunod na taon.
Idineklarang highest paid athlete of the decade ng Forbes Magazine si dating five division world champion Floyd Mayweather, Jr.
Kasunod na rin ito nang pagpalo sa US$ 915-million ang kita ni Floyd, Jr., sa nakalipas na 10 taon.
Naging malaking tulong sa pagkamal ng salapi ni Floyd Jr. ang laban kina fighting senator Manny Pacquiao noong 2015 at Conor McGregor noong 2017.
Sumunod kay Floyd Jr. bilang highest paid athlete sina Cristiano Ronaldo na may kita ng US$ 800-million, Lionel Messi – US$ 750-million, Lebron James – US$ 680-million at nasa ika limang puwesto si Roger Federer na may kitang US$ 640-million.
Pasok din sa kategorya sina Tiger Woods na may kitang US$ 615-million, Phil Mickelson – US$ 48-million, Manny Pacquiao – US$ 435-million, Kevin Durant – US$ 425-million at Lewis Hamilton – US$ 400-million.
Inaasahang magkakapaglaro na ang mga basketball superstars na sina Lebron James at Anthony Davis sa Los Angeles Lakers
Base sa report, nakasama na sa walk through ang dalawang manlalaro
Magugunitang hindi nakasabak si Lebron dahil sa tinamo nitong thoracic muscle strain sa likod
Samantalang right knee injury naman ang nangyari kay Davis.
Susunod na kakalabanin ng LA Lakers ang Los Angeles Clippers kung saan inaasahang maglalaro na ang dalawa.
Mahigpit ang pagsasanay nina Pole Vaulter Ernest John Ej Obiena at Pinay boxing champion Nesthy Petecio matapos kapwa magbulsa ng gold medal sa 2019 South East Asian Games.
Sinabi ni Obiena na kaagad siyang bumalik sa Italy matapos malampasan ang 5.20 meters na nakuha ng kalaban niyang taga Thailand at maabot ang 5.45 meters sa men’s pole vault ng SEA Games.
Ayon naman kay Petecio nagsimula na ang kaniyang training para sa 2020 Olympics kung saan binigyan lamang siya ng isang linggong pahinga matapos ang 2019 SEA Games kaya’t hindi niya makakasama ang kaniyang pamilya ngayong Pasko.
Pinangunahan ni James Harden ang pagkapanalo ng Houston Rockets matapos makagawa ng 47 points 6 rebounds at 7 assists.
Sa score na 139-125 natalo ng Rockets ang Phoenix Suns sa homecourt nito sa Arizona.
Nag ambag ng 30 points at 10 assists si Russel Westbrook sa score ng Rockets na nakatulong sa pagkapanalo nito.
Samantala, susunod na makakalaban ng Rockets ang Sacramento Kings sa Martes, Disyembre 24.
Inilabas na ang listahan ng mga basketball players na kabilang sa mga nominees para maisama sa Naismith Memorial Basketball Hall of Fame.
Ayon sa report, kabilang sa nominees sina Kobe Bryant, Tim Duncan, Kevin Garnett at Chris Bosh.
Nasa 15 manlalaro ang kabilang sa listahan.
Pagsapit ng all-star weekend sa Pebrero ay mamimili na lamang ng 12 pangalan para sa pinal na listahan ng mga pagpipilian.
Ilalabas ang pinal na listahan sa Abril sa susunod na taon.