SPORTS

Nagpasalamat ang Philippine Sea Games Organizational Committee (PHISGOC)  sa lahat ng naging bahagi ng 30th South East Asian (SEA Games).

Sa talumpati sa closing ceremony ng SEA Games, sinabi ni House Speaker Alan Peter Cayetano, chairman ng PHISGOC na hindi magiging matagumpay ang palaro kundi dahil sa tulong ng bawat indibidwal na nakibahagi sa palaro.

Kaniyang pinasalamatan ang mga atletang nagpamalas ng husay sa kani-kanilang larangran at ang libu-libong volunteers at workforce na kanilang naging katuwang sa palaro.

‘’Thank you athletes, thank you volunteers, we feel great because of you. Because of you, we feel better about ourselves. Volunteers and workforce, we won’t last a day without you,’’ ani Cayetano.

Kasabay nito, ipinagmalaki ni Cayetano na kinaya ng Pilipinas ang pagho-host ng SEA Games at hindi lamang aniya basta kinaya kundi may pang-world class ang kalidad.

Hindi rin nalimutan banggitin ni Cayetano ang mga kritiko ng pangunguna ng PHISGOC sa SEA Games.

‘’Those of you who didn’t believe, for those of you who said this couldn’t be done, for those of you who said this stadium will not be built on time, for those of you who said ‘sayang ang pera, dapat hindi tayo nag host’, sa lahat ng nagkalat ng fake news, ang masasabi ko sa inyo, taga niyo sa bato, peace be with you,’’ ani Cayetano.

Pormal nang nagtapos ang 30th South East Asian Games (SEA Games) na ginanap dito sa Pilipinas.

6:00 ng gabi nang sinimulan ang closing ceremony sa New Clark City sa Capas, Tarlac.

Binuksan ang programa sa pagpapakitang gilas sa pagsasayaw ng mga aeta mula sa Porac, Pampanga.

Napili naman ang singer na si Arnel Pineda na umawit ng Lupang Hinirang.

Sinundan ito ng drone show at parada ng mga atleta, team officials at volunteers.

Ginawaran din ng parangal ang ilang atleta gaya ng ‘hero surfer’ na si Roger Casugay dahil sa ginawa nitong pagliligtas sa kaniyang katungali mula sa Indonesia sa kasagsagan ng kanilang laban.

Itinanghal naman na ‘best male athlete’ ang Singaporean swimmer na si Uah Zheng Wen habang ‘best female athlete’ naman ang Vietnamese swimmer na si Nguyen Thi Anh Vien.

Matapos ang ilang talumpati, opisyal namang isinara ni Executive Sec. Salvador Medialdea ang palaro.

WATCH: Pagtatapos ng #SEAGames2019 https://t.co/bKd4SHairM pic.twitter.com/JA2qvHM4mN

— DWIZ Newscenter (@dwiz882) December 11, 2019

Hanga ang Philippine Sports Commission (PSC) sa naging tagumpay ng mga atletang Pilipino sa Southeast Asian (SEA) Games.

Sa pinakahuling tala, nangunguna pa rin ang Pilipinas kung saan hindi bababa sa 300 mga medalya ang nasungkit ng Pilipinas sa iba’t-ibang sports events.

Ayon kay PSC Commissioner Ramon Fernandez, nagbunga ang lahat ng paghihirap at sakripisyo ng mga Pilipinong manlalaro.

Gayundin aniya ang pagsisikap ng gobyerno na isabak sa iba’t-ibang international sports event ang Pinoy athletes upang mas mahasa pa sila.

Mamayang hapon ay opisyal nang isasara ang SEA Games sa pamamagitan ng closing ceremony na gaganapin sa New Clark City.

The PSC spent more than a billion for their training abroad, equipments, their food, their supplements, their psychologist, nutrionist and all that. So, ready na ready talaga yung mga atleta and as I’ve said they stick up to their performances,” ani Fernandez. — sa panayam ng Ratsada Balita.

Higit 200 medalya na ang nakukuha ng Pilipinas sa 30th Southeast Asian (SEA) games.

Patuloy ang pamamayagpag ng mga atletang Pilipino sa mga sports event ng SEA games.

Nasungkit ng Filipina skateboarder na si Christiana Nicole Means ang gintong medalya sa women’s park skating event gayundin ang national team para sa 4X100 meter mixed relay athletics event.

Muli namang nakagawa ng kasaysayan ang Pilipinas matapos ang performance ni Natalie Rose Uy sa women’s pole vault.

Ginto rin ang nakuha nina William Morrison III para naman sa men’s shot put event at Sarah Dequinan para sa women’s heptathlon.

Kabilang din ang Philippine men’s baseball team sa nakapag ambag ng gold medal, si Samuel Morrison sa taekwando 80kg event, at Dave Cea sa 74kg event

Silver medal naman ang nakuha ng Pilipinas sa dalawa pang taekwando event at sa women’s swimming team 4×100 medley relay.

Nakasungkit din ng medalya ang mga Filipino skaters para sa men’s downhill skatebording event.

As of 9:30 p.m. ngayong Disyembre 8, may kabuuang 283 medalya na ang nakukuha ng Pilipinas sa SEA Games.

110 dito ay ginto, 85 ang pilak, at 88 sa tansong medalya.

Inaasahang maghahakot pa ng medalya ang Pilipinas sa mga huling araw ng sea games.

Wagi ng gintong medalya sa men’s longboard event sa 30^th Southeast Asian (SEA) Games ang nag viral na Pinoy surfer dahil sa ipinakitang pagmamalasakit sa kalabang Indonesian surfer kamakalawa.

Nakakuha ng score na 14.50 ang tinaguriang ‘surfer hero’ na si Roger Casugay sa longboard surfing competition ng SEA Games na ginanap sa San Juan, La Union.

Nasungkit naman ng kapwa nito Pinoy surfer na si Rogelio Esquievel Jr. ang silver medal sa kompetisyon sa score na 14.20.

Magugunitang, sumikat si Casugay matapos nitong iligtas ang katunggaling indonesian na si Arip Nurhidayat nang maputol ang tali ng surfing board nito at madala ng alon.

Ito ay sa kabila nang pangunguna na sana ni Casugay sa kompetisyon.

Pumalo na sa 225 ang medalyang nahakot ng Pilipinas sa ika-7 araw ng 30th Southeast Asian (SEA) Games.

Kabilang sa mga atletang nadagdag sa listahan ng mga nakakuha ng gintong medalya sina Melcah Jen Caballero para sa rowing, lightweight women’s single scull gayundin ang koponang Blu girls para sa women’s softbal.

Medalyang pilak naman ang nasungkit ng koponan ng Pilipinas para sa men’s softball.

Habang tanso naman ang nakuha nila Edgar Ilas at Roque Abala para sa rowing men’s double sculls, Daisy Valdez para sa longboard open surfing.

Gayundin si Diogenes Avila para sa mixed metallic silhouette air rifle shooting evenr, John Mark Tokong para sa men’s shortboard surfing at ang Philippine Dragonboat Team.

Mula sa nabanggit na bilang, 90 dito ang gintong medalya; 67 ang pilak habang 68 naman ang bronze na na-ani na ng Pilipinas sa nasabing palaro.