SPORTS

Bigo ang tennis superstar na si Serena Williams na makuha ang ika-24 na grand slam women’s single title sa 2019 Australia open.

Ito ay matapos siyang talunin ng Chinese tennis player na si Qiang Wang.

Ang pagkatalo ni Williams kay Wang ang kauna unahang pagkakataon na hindi nakalusot sa third round sa naturang sports tournament ang tennis player.

Sa ngayon ay muling magiintay si Williams sa kanyang susunod na laban para makuha ang minimithi nitong titulo.

Umani ng iba’t ibang papuri ang pagkapanalo ni Wang at tinawag na “masterclass” ang kaniyang performance sa laban kontra kay Williams.

Posibleng mahirapang maka-recover si Atlanta Hawks forward Chandler Parsons sa tinamong pinasala nang masangkot sa aksidente.

Si Parsons ay patungo na sana sa practice ng kanilang team nang banggain ng isang sasakyan ang kaniyang kotse –dahilan kaya’t nagtamo ang manlalaro ng brain injury, disc herniation o problema sa spinal canal  at torn labrum o problema sa kaniyang balikat.

Ayon sa mga abogado ni Parson, kaagad namang kinasuhan ang nakasagasang driver na nadiskubreng nakainom pa.

Si Parsons ay pumasok sa NBA noong 2011 at naglaro sa Houston Rockets, Dallas Mavericks, Memphis Grizzles at ngayo’y bahagi ng Atlanta Hawks.

Buena manong nakapagtala ng panalo sina tennis superstars Serena Williams at Naomi Osaka sa pagbubukas ng Australian Open.

Ito ay sa kabila ng patuloy na paglala ng kalagayan ng hangin sa Melbourne dahil sa bushfire.

Napataob ni Williams ang mas batang si Russian tennis champion Anastasia Potapova sa iskor na 6-0, 6-3.

Habang nag advance din sa second round si Osaka matapos na matalo nito si Marie Bouzova.

Kahit masyado pang maaga, sinabi ng mga tennis expert na posibleng magkaharap sa quarter finals sina Williams at Osaka na tila re-match ng kanilang paghaharap noong 2018 US Open Final.

Inilampaso ng Miami Heat ang Oklahoma City Thunder sa kanilang laro sa NBA sa score na 115-108.

Nakapagtala si Kendrick Nunn ng 22 points habang nagdagdag si Jimmy Buttler ng 14 points, 10 rebounds at 7 assists para sa Heat.

Samantala, si Danilo Gallinari naman ang nanguna sa Thunder sa pamamagitan ng kanyang 27 points.

Tuluyan nang iiwanan ng nag iisang babaeng Olympiad ng Iran ang kanyang bansa para lumipat sa Europa.

Sa kanyang instagram account, ipinaliwanag ni Kimia Alizadeh sa kanyang desisyon.

Aniya, kabilang siya sa mga inaaping babae sa Iran at anoman ang ipagawa o nais na sabihin ay sinusunod niya.

Nagdiriwang aniya ang Tehran sa kanyang tagumpay sa kanyang sports ngunit hindi siya itinuturing na atleta kundi isang tool o gamit lamang ng kanyang bansa.

Si Alizadeh ay ang kauna unahang babaeng Iranian na nanalo sa bronze medal sa 57 kilogram category ng taekwondo sa 2016 Rio Olympics.

Ibinahagi ni Los Angeles Lakers forward Anthony Davis ang sikreto ng ‘chemistry’ nila ni Lebron James para iangat ang Lakers sa Western Conference standings ng NBA.

Ayon kay Davis, mayroon silang mutual respect ni Lebron at pagkilala sa pagkakaiba ng kanilang mga talento sa paglalaro ng basketball.

Inihalintulad pa ni Davis sa ‘Yin at Yang’ o ‘peanut butter and jelly’ ang maganda nilang chemistry ni Lebron.

Nasa 33-7 ang team standing ng Lakers at nakatakda silang sumabak sa limang larong road trip para humarap sa Eastern Conference to Squads.

Panalo ang Los Angeles Clippers laban sa Cleveland Cavaliers sa iskor na 128- 103.

Pinangunahan ni Kawhi Leonard ang panalo sa pamamagitan ng pagkamada niya ng ang 43 high–points.

Ito naman ang ikatlong game ng clippers na wala ang isa pa nilang ace player na si Paul George dahil sa injury.

Ikinukunsidera ng kampo ni Senador Manny Pacquiao na idaos sa Middle East ang susunod nitong laban.

Ayon kay Sean Gibbons, pinuno ng Mp Promotions, pinaplantsa na nila ang posibleng laban ni Pacman saan man sa Saudi Arabia, United Arab Emirates o Qatar.

Sinabi ni Gibbons na posibleng isagawa sa Abril o Hulyo ang nasabing laban ni Pacman na huling sumagupa at nagpatumba kay Keith Thurman sa Las Vegas.

Bumangon mula sa 14 point deficit ang New York Knicks upang padapain ang Miami Heat, 124-121 sa pagpapatuloy ng 74th season ng NBA.

94-84 ang score pabor sa Heat nang pumasok ang 4th quarter at nagsimulang bumawi ang Knicks nang maka iskor sila ng sunod-sunod na anim na puntos sa unang 34 na segundo ng 4th quarter.

Sinelyuhan ng free throw ni Taj Gibson ang panalo ng Knicks sa huling 1:38 ng laro.