Wagi ang Kansas City Chief sa ginanap na Super Bowl LIV ngayong taon sa Amerika.
Sa score na 31-20 natalo ng Chiefs ang San Francisco 49ers sa laban na ginanap sa Hard Rock Stadium.
Muling nanguna sa laban si Patrick Mahomes na sinamahan pa ng team work nina Tom Brady para makuha ang Lombardi trophy.
Ito ang kauna-unahang super bowl title ng Kansas City sa loob ng 50 taon.
Nagkaroon ng sandaling katahimikan sa Super Bowl bilang pagbibigay pugay kay NBA legend Kobe Bryant, anak nitong si Gianna at mga kasamang nasawi sa pagbagsak ng sinasakyang helicopter noong nakaraang linggo.
Ipinakita ang larawan nina Bryant at Gianna sa higanteng LED screen sa gitna ng katahimikan sa Hard Rock Stadium.
Bukod dito, tumayo rin sa 24 – yard – line ang mga manlalaro ng Kansas City Chiefs at San Francisco 49ers na magtatapat sa Super Bowl.
Magugunitang ang numerong 24 ang nasa jersey ni Bryant na lagi nitong suot sa mahigit dalawang dekadang paglalaro nito sa Los Angeles Lakers.
Napasakamay ni Novak Djokovic ang ikawalong kampeonato niya sa Australian open title.
Nabawi ni Djokovic ang world number one ranking matapos manaig kay Dominic Thiem.
Ipinagmamalaki naman ni Djokovic ang kaniyang trophy na patunay ng kaniya pa ring galing sa kabila ng mga pagtatangka ni Thiem na makaisa sa kaniya.
Nangako si Lebron James na ipagpapatuloy niya at ng kanyang teammates sa Los Angeles Lakers ang legacy ni club icon Kobe Bryant na pumanaw dahil sa helicopter crash noong Lunes.
Sa harap ng kanilang fans sa staples center bago ang kanilang laro laban sa Portland Trail Blazers, nanawagan si James sa lahat ng mga tagahanga na ipagdiwang ang buhay at karera ni Bryant na kinabibilangan ng limang NBA titles sa loob ng 20 taon kasama ang Lakers.
Sa nabanggit na laban, kumamada si Lebron James ng 22 points, 10 assists at 8 rebounds, habang nagdagdag si Kyle Kuzma ng 17 points at 15 rebounds.
Ngunit sa kabila nito, natalo ng Blazers ang Lakers sa score na 127-119.
Lumobo ang presyo ng mga memorabilia ni NBA Legend Kobe Bryant.
Ayon sa isa sa mga sikat na online auction website sa Estados Unidos, aabot ng halos $3-M ang presyo ng bola na may pirma ni Bryant.
Ilan pa sa mga memorabilia na aabot sa milyon ang halaga ay ang mga jersey at sapatos na pirmado rin ng NBA legend.
Magugunitang umabot din ng milyon ang halaga ng mga memorabilia ng ilan sa pinaka kilalang pangalan tulad nina Michael Jackson, Marilyn Monroe at US President John F. Kennedy.
Balik-training na ang mga players ng Los Angeles Lakers matapos magluksa sa pagkamatay ni NBA legend Kobe Bryant.
Ayon kay Lakers coach Frank Vogel, nais nilang ipagmalaki sila ni Bryant at ituloy ang laban ng team nito.
Sinabi ni Vogel na hindi kaagad sila nagpractice dahil gusto niyang masimulan ang training na maayos na ang pag-iisip ng kanilang players at sabay-sabay lang silang nananghalian at muling inalala si Bryant.
Nabatid na lumutang na sa nasabing training sina Lebron James at Anthony Davis subalit hindi naman nagsalita sa media.
Ipinagpaliban ng NBA ang nakatakdang laro ngayong Martes, Enero 28, sa pagitan ng Los Angeles Lakers at Los Angeles Clippers.
Ito ay para bigyang pagkakataon ang LA Lakers na magkaroon ng mas mahabang panahon para ipagluksa ang pagkamatay ng dating player nitong si Kobe Bryant.
The following has been released by the NBA pic.twitter.com/NgrEP2qpDi
— NBA (@NBA) January 27, 2020
Sa Staples Center dapat isasagawa ang nasabing laban na home court ng Lakers.
Ayon sa NBA, labis na nagluluksa ang Lakers Organization kaya’t minabuting ipagpaliban ang nasabing laban.
Itinanghal si Kobe Bryant bilang kauna-unahang Hall of Famer ngayong taon ng Naismith Memorial Basketball Hall.
Isang normal election process ang idaraos ng Hall of Fame para gawing inductee si Bryant na 19-time All Star at mayroong limang beses na kampeonato sa NBA.
Si Bryant ay kasalukuyang fourth leading scorer sa kasaysayan ng liga.
Nagpasiya ang mga magkakatunggaling koponan sa NBA na kapwa magkaroon ng 24 second violation at 8 second violation sa umpisa ng kanilang laban.
Ito ay bilang pagbibigay respeto sa yumaong legendary NBA player na si Kobe Bryant na gumamit ng numerong 24 at 8 sa kaniyang jersey.
Sa laban ng San Antonio at Toronto, kapwa hinintay ng mga ito na matapos ang 24 second shot clock.
Habang sa laban naman ng Atlanta at Washington, hinayaan ng manlalaro na magkaroon ng 8 second at 24 second violation ang kani-kanilang koponan.
Agad naman itong napansin ng mga manonood kaya’t kanila na ring isinigawa ang pangalan ni Kobe.
Si Kobe at 13 gulang na anak nitong si Gianna ay kabilang sa siyam na nasawi sa pagbagsak ng kanilang sinakyang helicopter.
Ipinagluluksa ang biglaang pagkamatay ng basketball legend na si Kobe Bryant at kanyang anak na si Gianna.
“Devastated” ang ginamit na salita ni NBA Commissioner Adam Silver upang ilarawan ang kanilang nararamdaman sa pagkamatay ni Kobe.
Sa 20 seasons anya ng NBA, ipinakita ni Kobe Bryant kung ano ang puwedeng mangyari kapag pinaghalo ang talento at ang debosyong manalo.
BASAHIN: Pahayag ni NBA Commissioner Adam Silver sa pagkasawi ni Los Angeles Lakers legend Kobe Bryant sa isang helicopter crash. | via @NBA https://t.co/BUN8klbHND
— DWIZ Newscenter (@dwiz882) January 26, 2020
Sa kasaysayan ng NBA, maituturing na “legendary” ang accomplishments ni Kobe Bryant –bahagi ito ng limang NBA championships, NBA MVP Award, 18 NBA All-Star selections at dalawang olympic gold medals.
Ayon sa NBA, maaalala si Kobe, hindi sa kanyang mga award, kun’di sa kanyang adbokasiya na ibahagi ang kanyang karanasan at kaalaman sa basketball sa mga kabataang naging maging basketbolista sa hinaharap.
Si Kobe Bryant kasama ang anak na si Gianna ay kabilang sa syam kataong nasawi matapos bumagsak ang sinasakyang helicopter.