Kabilang ang NBA star na si Kobe Bryant sa mga pasaherong nasawi sa pagbagsak ng isang helicopter sa California.
Ayon sa report, pasado 10:01 a.m. sa Amerika, Enero 26, nang makita ng ilang mga indibidwal ang pagbagsak ng helicopter.
Ayon sa sheriff ng Los Angeles, patay ang lulan nitong 5 katao at walang nakaligtas.
Sa ngayon ay inaalam pa ng mga otoridad ang sanhi ng pagbagsak ng sinasakyang helicopter ng basketball legend.
Inilipat na sa Jordan ang Olympic boxing qualifiers matapos kanselahin ang pagdaraos nito sa Wuhan City sa China.
Ito ay kasunod pa rin ng outbreak ng novel coronavirus 2019 sa naturang lungsod.
Ayon sa International Olympic Committee Boxing Task Force, napagdesisyunan na sa Amman gawin ang naturang qualifying rounds para sa Tokyo Olympics.
Mula sa orihinal nitong petsa na Pebrero 3 hanggang 14 sa Wuhan ay gagawin na ito sa Marso 3 hanggang 11 sa Amman, Jordan.
Samantala, inilipat na rin ng lokasyon ang 2020 Olympic Asian Women’s Football matches sa Nanjing na orihinal na nakaplanong gawin sa Wuhan City.
Nakuha na ni Los Angeles Lakers forward Lebron James ang ikatlong pwesto sa NBA all time scoring list.
Ito ay matapos maungusan ni James ang total score na nagawa ni NBA star Kobe Bryant.
Nagawa ni James ang kasayasayan sa laban ng Lakers kontra Philadelphia 76ers.
May kabuuang 33,655 points si James samantalang 33,643 points naman ang kay Bryant.
Nagbigay naman ng suporta si Bryant kay James gamit ang kanyang twitter account.
Samantala, nasa ikalawang pwesto pa rin si Karl Malone sa score na 36,928.
Nasa unang pwesto pa rin si Kareem Abdul Jabbar na may score na 38,387 points.
Nakapagtala ng kasaysayan ang Miluwakee Bucks sa NBA season game na ginawa sa kauna-unahang pagkakataon sa Paris, France.
Ito’y makaraang maka-buena mano ang Bucks kontra sa Charlotte Hornets sa score 116-103 kung saan, nagpakitang gilas ang ilan sa mga star players nito.
Nakapagbuslo ng 30 puntos si NBA MVP Giannis ante-to-kumpo para sa ika-40 panalo ng Bucks at ika-8 sa kanilang best of 46 game start.
Habang umani naman ng hiyaw at palakpak ang isa pang taga-France na si Nicolas Batum nang makabuslo ito ng 5 puntos para sa Hornets.
Bago ito, agaw pansin din ang mga retirado at dating manlalaro tulad nila Tony Parker ng San antonio Spurs, Ronny Turiaf ng Miami Heat.
Inilampaso ng Mighty Sports-Pilipinas ang Syrian club na Al Ittihad sa score na 77-72 sa kanilang laro na ginanap sa Dubai International Basketball Tournament.
Kumamada si Andray Blatche ng 28 points at 11 rebounds para sa team ng mga Pinoy.
Sinasabing walang pantapat ang Ittihad sa bagsik ni Blatche na dating naglaro sa Gilas Pilipinas.
Nag-ambag si Renaldo Balkman ng 15 points at 10 rebounds para sa Filipino club na mayroon nang dalawang panalo sa torneo.
Matatandaang binuksan ng Mighty Sports ang kampanya nito sa pamamagitan ng 88-82 victory laban sa United Arab Emirates na pinangunahan ni Fadi El-Khatib noong Huwebes.
Pinataob ng Toronto ang New York Knicks sa score na 118-112.
Kumamada si Kyle Lowry ng 26 na puntos habang nagdagdag si Pascal Siakam ng 23 puntos para sa Raptors.
Naglunsad ng fourth-quarter rally ang Knicks pero kinapos ito at naubusan ng oras.
Si Marcus Morris Sr. naman ang nanguna sa New York matapos tumipa ng 21 puntos at 10 rebounds.
Abot kamay na ni NBA Superstar Lebron James ang ikatlong puwesto para sa all-time scoring list ng NBA.
Ito’y makaraang makapagtala si Lebron ng mahigit sa 33,626 career points.
18 puntos na lang ang kailangan para maungusan ni James ang 33,643 points na naitala ni Kobe Bryant.
Si Kareem Abdul-Jabbar ang may hawak ng all-time NBA record na mayroong 38,387 points habang si Karl Malone ang nasa 2nd place na mayroong 36,928 points.
Malapit nang maungusan ni NBA star Lebron James si Kobe Bryant sa all time scoring list ng prestihiyosong sports tournament.
Ayon sa tala ng NBA, kailangan na lamang ng 18 puntos ni James para malampasan ang record ni Bryant.
Mayroong kabuuang 33,643 points si Bryant samantalang 33,626 naman ang kasalukuyang points na nagawa ni James.
Oras na makuha ni James ang 18 puntos o higit pa, ito na ngayon ang nasa ikatlong pwesto sa NBA all time scoring list.
Nasa ikalawang pwesto naman si Karl Malone na may 36,928 points habang nangunguna pa rin Kareem Abdul-Jabbar na may hawak ng all time NBA record sa score na 38,387.
Bigo ang tennis superstar na si Serena Williams na makuha ang ika-24 na grand slam women’s single title sa 2019 Australia open.
Ito ay matapos siyang talunin ng Chinese tennis player na si Qiang Wang.
Ang pagkatalo ni Williams kay Wang ang kauna unahang pagkakataon na hindi nakalusot sa third round sa naturang sports tournament ang tennis player.
Sa ngayon ay muling magiintay si Williams sa kanyang susunod na laban para makuha ang minimithi nitong titulo.
Umani ng iba’t ibang papuri ang pagkapanalo ni Wang at tinawag na “masterclass” ang kaniyang performance sa laban kontra kay Williams.
Posibleng mahirapang maka-recover si Atlanta Hawks forward Chandler Parsons sa tinamong pinasala nang masangkot sa aksidente.
Si Parsons ay patungo na sana sa practice ng kanilang team nang banggain ng isang sasakyan ang kaniyang kotse –dahilan kaya’t nagtamo ang manlalaro ng brain injury, disc herniation o problema sa spinal canal at torn labrum o problema sa kaniyang balikat.
Ayon sa mga abogado ni Parson, kaagad namang kinasuhan ang nakasagasang driver na nadiskubreng nakainom pa.
Si Parsons ay pumasok sa NBA noong 2011 at naglaro sa Houston Rockets, Dallas Mavericks, Memphis Grizzles at ngayo’y bahagi ng Atlanta Hawks.