SPORTS

Nakasungkit ng walong gintong medalya ang Philippine Behrouz Elite Swim Team (BEST) junior squad sa 2020 Tokyo Swimming Winter Championships na ginanap sa St. Mary’s International School sa Setagaya Tokyo Japan.

Ang walong gintong medalya ay bahagi lamang ng 18 medalya na napanalunan ng junior squad.

Rumatsada ng tatlong gintong medalya ang Cambodia based Filipino swimmer na si Enkhmend Enkmend, dalawang ginto ang kay Brendan Vinias at tig-isang ginto naman sina Jahzeel Rosario, Dawn Martina Camacho at Ashley Anne Alvarez.

Ipinakita ng Pinoy tankers ang kanilang husay kontra sa mahigit 15 clubs at school teams na lumahok sa naturang swimming event.

May napili nang numero si Los Angeles Lakers forward Lebron James na ilalagay sa isusuot niyang jersey sa NBA All-Star Game ngayong buwan sa Chicago.

Kaagad pinili ni James ang number 2 bilang pagpaparangal kay Gianna, ang 13-anyos na anak ni NBA legend Kobe Bryant na kasama nitong nasawi sa isang helicopter crash nitong nakalipas na January 26.

Sinabi ni James na nakita niya sa nakalipas na tatlong taon kung gaano kasama si Bryant lalo na’t kasama nito ang kaniyang mga anak at buong pamilya.

Ayon kay James, naalala niya ang 5-taong gulang niyang anak na si Zhuri kaya’t pinili niya ang number 2.

Wagi ang Kansas City Chief sa ginanap na Super Bowl LIV ngayong taon sa Amerika.

Sa score na 31-20 natalo ng Chiefs ang San Francisco 49ers sa laban na ginanap sa Hard Rock Stadium.

Muling nanguna sa laban si Patrick Mahomes na sinamahan pa ng team work nina Tom Brady para makuha ang Lombardi trophy.

Ito ang kauna-unahang super bowl title ng Kansas City sa loob ng 50 taon.

Nagkaroon ng sandaling katahimikan sa Super Bowl bilang pagbibigay pugay kay NBA legend Kobe Bryant, anak nitong si Gianna at mga kasamang nasawi sa pagbagsak ng sinasakyang helicopter noong nakaraang linggo.

Ipinakita ang larawan nina Bryant at Gianna sa higanteng LED screen sa gitna ng katahimikan sa Hard Rock Stadium.

Bukod dito, tumayo rin sa 24 – yard – line ang mga manlalaro ng Kansas City Chiefs at San Francisco 49ers na magtatapat sa Super Bowl.

Magugunitang ang numerong 24 ang nasa jersey ni Bryant na lagi nitong suot sa mahigit dalawang dekadang paglalaro nito sa Los Angeles Lakers.

Napasakamay ni Novak Djokovic ang ikawalong kampeonato niya sa Australian open title.

Nabawi ni Djokovic ang world number one ranking matapos manaig kay Dominic Thiem.

Ipinagmamalaki naman ni Djokovic ang kaniyang trophy na patunay ng kaniya pa ring galing sa kabila ng mga pagtatangka ni Thiem na makaisa sa kaniya.

Nangako si Lebron James na ipagpapatuloy niya at ng kanyang teammates sa Los Angeles Lakers ang legacy ni club icon Kobe Bryant na pumanaw dahil sa helicopter crash noong Lunes.

Sa harap ng kanilang fans sa staples center bago ang kanilang laro laban sa Portland Trail Blazers, nanawagan si James sa lahat ng mga tagahanga na ipagdiwang ang buhay at karera ni Bryant na kinabibilangan ng limang NBA titles sa loob ng 20 taon kasama ang Lakers.

Sa nabanggit na laban, kumamada si Lebron James ng 22 points, 10 assists at 8 rebounds, habang nagdagdag si Kyle Kuzma ng 17 points at 15 rebounds.

Ngunit sa kabila nito, natalo ng Blazers ang Lakers sa score na 127-119.

Lumobo ang presyo ng mga memorabilia ni NBA Legend Kobe Bryant.

Ayon sa isa sa mga sikat na online auction website sa Estados Unidos, aabot ng halos $3-M ang presyo ng bola na may pirma ni Bryant.

Ilan pa sa mga memorabilia na aabot sa milyon ang halaga ay ang mga jersey at sapatos na pirmado rin ng NBA legend.

Magugunitang umabot din ng milyon ang halaga ng mga memorabilia ng ilan sa pinaka kilalang pangalan tulad nina Michael Jackson, Marilyn Monroe at US President John F. Kennedy.

Balik-training na ang mga players ng Los Angeles Lakers matapos magluksa sa pagkamatay ni NBA legend Kobe Bryant.

Ayon kay Lakers coach Frank Vogel, nais nilang ipagmalaki sila ni Bryant at ituloy ang laban ng team nito.

Sinabi ni Vogel na hindi kaagad sila nagpractice dahil gusto niyang masimulan ang training na maayos na ang pag-iisip ng kanilang players at sabay-sabay lang silang nananghalian at muling inalala si Bryant.

Nabatid na lumutang na sa nasabing training sina Lebron James at Anthony Davis subalit hindi naman nagsalita sa media.