SPORTS

Binasag ng laban nina Deontay Wilder at Tyson Fury ang gate record sa heavyweight fight sa Las Vegas.

Kasunod na rin ito nang pag abot sa 16, 816, 440 US dollars ng ticket sales sa halos 16,000 crowd capacity ng MGM Grand.

Nahigitan nito ang heavyweight fight sa Nevada nina Lennox Lewis at Evander Holyfield na mayroong mahigit $16-M kung saan panalo si Lewis sa pamamagitan ng unanimous decision.

Magugunitang pinatumba ng tatlong beses ni Fury si Wilder sa ikatlo at ikalimang round para makuha ang WBC World Heavyweight Title.

Nangunguna pa rin ang laban nina Floyd Mayweather at Manny Pacquiao sa may pinakaraming ticket sales na aabot sa mahigit $72-M na sinundan ng laban ni Mayweather kay Conor Mcgregor na nasa mahigit $55-M ang kinita.

Pinadapa ng Gilas Pilipinas ang koponan ng Indonesia sa iskor na 100-70 sa kanilang naging paghaharap sa first window qualifiers para sa Fiba Asia Cup 2021 sa britama arena sa Jakarta.

Pinangunahan ni Thirdy Ravena ang panalo ng Gilas kung saan nakapagrehistro ito ng 23 points at walong rebounds.

Nakapag-ambag din si Roger Pogoy na nakagawa naman ng 16 points.

Naging madali sa Gilas ang pagkuha ng panalo kung saan sa 3^rd quarter lamang dumikit ang iskor ng Indonesia sa Pilipinas na 55-51 bago humataw si Ravena.

Dahil sa panalo, naitala ng national team ang 1-0 record sa group a kung saan kanilang kasama ang Thailand at South Korea.

Inaprubahan na ng PBA ang hirit nina Kiefer Ravena ng NLEX at Vic Manuel ng Alaska na gamitin ang No. 24 ngayong taon sa kanilang jersey bilang pagpupugay sa yumaong NBA legend na si Kobe Bryant.

Ayon kay PBA commissioner Willie Marcial, kapwa masugid na tagahanga ni Bryant ang dalawang manlalaro.

Paliwanag ni Marcial, walang problema sa liga at hindi isyu ang magpalit ng jersey number basta’t mag-abiso lamang nang maaga sa kanila.

Matatandaang no. 87 ang orihinal na number na gamit Manuel habang no. 15 naman ang kay Ravena.

Pawang mga bago at bata ang bubuo ng Gilas Pilipinas na unang sasabak laban sa Indonesia sa FIBA Asia Cup Qualifiers.

Sa ipinalabas na listahan ng Samahang Basketbol ng Pilipinas (SBP) pangungunahan ni Kiefer Ravena ang 12 man line up na kinabibilangan din nina Cj Perez, Poy Erram, Abu Tratter, Justin Chua, Roger Pogoy, Dwight Ramos, Troy Rosario, Isaac Go, Thirdy Ravena, Juan Gomez De Lianio at Matt Nieto.

Ayon kay SBP President Al Panlilio mahaba habang journey ito sa FIBA Asia Cup subalit tiwala slang ipapakita ng Gilas Pilipinas ang galing ng mga Pilipino sa basketball.

Ang national team ay pangangasiwaan ni interim coach Mark Dickel.

Ilalabas na ngayong araw ng Gilas Pilipinas Coach Mark Dickel ang listahan ng bubuo ng FIBA Asia Cup qualifying match laban sa Indonesia.

Magkahalong baguhan at mga beterano ang mga napiling manlalaro na sasabak sa laban.

Ilan sa mga tiyak na kabilang ay ang regular na lumalaban na sina Roger Pogoy, Troy Rosario, Poy Erram at Cj Perez.

Nakatakdang lumipad patungong Jakarta ang koponan sa Pebrero 21 para sa laban na gaganapin naman sa Pebrero 23.

Tuloy-tuloy ang pag-eensayo ng Gilas Pilipinas bilang paghahanda sa kanilang pagsabak sa FIBA Asia Cup Qualifier game na nakatakdang ganapin sa Indonesia.

Ito ay sa kabila naman ng posibilidad na makansela ang laban dahil sa banta coronavirus diease outbreak.

Ayon kay Gilas Pilipinas Team Manager Gabby Cui, hangga’t wala pang opisyal na anunsyo ang FIBA, patuloy lamang sa practice ang koponan kasama ang kanilang interim coach na si Mark Dickel.

Una nang napaulat na kanselado ang unang laban ng Gilas kontra Thailand.

Gayunman sa pinakahuling anunsiyo ng FIBA kahapon, tuloy ang qualifer game ng dalawang koponan na nakatakda sa February 20.

This is for Kobe.

Ito ang binigyang diin ni 2020 NBA All Star MVP Kawhi Leonard matapos makamit ang panibagong parangal.

Sinabi ni Leonard na malaking bagay na makatanggap siya ng nasabing award na pasasalamat niya kay Bryant sa lahat ng ginawa nito sa kaniya at naging kaibigan niya ito at nakasama sa maraming okasyon sa labas ng NBA.

Si Leonard ang kauna-unang recipient ng Kobe Bryant MVP award na binago ang pangalan mula sa All Star Game MVP trophy bilang pagpupugay sa pumanaw na NBA icon.

Sa ginanap na NBA All Star Game sa Chicago umiskor si Leonard ng 30 points kasama ang walong 3 pointers para pangunahan ang panalo ng team Lebron kontra team Giannis sa final score na 157-155.

Binigyang ng tribute sa NBA All Stars si Kobe Bryant at anak nitong si Gigi na kapwa namatay sa helicopter crash.

Ipinangalan na rin kay Kobe Bryant ang MVP award para sa best player sa NBA All Stars.

Wagi ang Team Lebron sa unang quarter kontra sa team Giannis, 53-41.

Katumbas ito ng 100,000-dolyar na para sa charity na mapipili ng captain.

Kinuha naman ng Team Giannis ang second quarter, 51-30, at ang katumbas na 100,000-dolyar para sa charity.

Permanente nang ipapangalan ng National Basketball Association (NBA) ang All-Star Game Most Valuable Player (MVP) Award sa yumaong NBA legend na si Kobe Bryant.

Ito ang inihayag ni NBA Commissioner Adam Silver bilang pagkilala sa hindi matatawarang ambag ni Bryant sa itinanghal bilang 18 time all-star awardee ng liga.

1998 nang magsimula sa liga si Kobe na kinilala rin bilang pinakabatang manlalaro na sumabak sa all-star game, sumunod kay Kareem Abdul  – Jaabar na kapwa nasa edad 19.

Paliwanag pa ni Silver, ang pagpapangalan kay Bryant ang all-star game MVP award ay resulta ng nagkakaisang desisyon ng mga opisyal ng NBA gayundin ng mga manlalaro nito.

Napabilang sa walong finalists para sa 2020 Basketball Hall of Fame si 5x NBA Champion Kobe Bryant.

Inanunsyo ito kasabay ng pagsisimula ng tatlong araw na NBA All Star Weekend sa Chicago.

Si Bryant ay nakikilala bilang ika-apat sa all-time NBA scoring, nakakuha ng 5 NBA championship sa kanyang 20 taong paglalaro sa LA Lakers, dalawang beses naging NBA finals MVP at isang league MVP.

Kasama ni Bryant sa mga finalists ang mga dating NBA stars na sina Tim Duncan, Kevin Garnett at Chris Bosh.

Gayundin ang mga dating Women’s National Basketball Association Stars Swin Cash at Tamika Catchings at iba pang nakagawa ng kasaysayan sa basketball.

Magugunitang, nasawi si Bryant sa helicopter crash kasama ang kanyang anak na si Gianna noong Enero.