SPORTS

Permanente nang ipapangalan ng National Basketball Association (NBA) ang All-Star Game Most Valuable Player (MVP) Award sa yumaong NBA legend na si Kobe Bryant.

Ito ang inihayag ni NBA Commissioner Adam Silver bilang pagkilala sa hindi matatawarang ambag ni Bryant sa itinanghal bilang 18 time all-star awardee ng liga.

1998 nang magsimula sa liga si Kobe na kinilala rin bilang pinakabatang manlalaro na sumabak sa all-star game, sumunod kay Kareem Abdul  – Jaabar na kapwa nasa edad 19.

Paliwanag pa ni Silver, ang pagpapangalan kay Bryant ang all-star game MVP award ay resulta ng nagkakaisang desisyon ng mga opisyal ng NBA gayundin ng mga manlalaro nito.

Napabilang sa walong finalists para sa 2020 Basketball Hall of Fame si 5x NBA Champion Kobe Bryant.

Inanunsyo ito kasabay ng pagsisimula ng tatlong araw na NBA All Star Weekend sa Chicago.

Si Bryant ay nakikilala bilang ika-apat sa all-time NBA scoring, nakakuha ng 5 NBA championship sa kanyang 20 taong paglalaro sa LA Lakers, dalawang beses naging NBA finals MVP at isang league MVP.

Kasama ni Bryant sa mga finalists ang mga dating NBA stars na sina Tim Duncan, Kevin Garnett at Chris Bosh.

Gayundin ang mga dating Women’s National Basketball Association Stars Swin Cash at Tamika Catchings at iba pang nakagawa ng kasaysayan sa basketball.

Magugunitang, nasawi si Bryant sa helicopter crash kasama ang kanyang anak na si Gianna noong Enero.

Itinanggi ni Greg Slaughter na napaulat na mga kondisyon niya na hindi napagbigyan ng Barangay Ginebra kaya’t nagpasya siyang magpahinga muna sa paglalaro.

Sa kaniyang twitter account sinabi ni Slaughter na wala siyang natanggap na alok mula sa Barangay Ginebra Management kaya’t wala itong dapat na hilingin sa koponan.

Wala rin aniya siyang alam na kasama siya sa trade na pinaplano ng Ginkings.

Ito ang unang pagsasalita ng seven foot restricted free agent matapos ihayag na magpapahinga siya sa basketball matapos ang kaniyang kontrata sa koponan ngayong taon.

Papalitan ni Phoenix Suns Guard Devin Booker si Portland Trail Blazers Guard Damian Lillard para sa NBA All-Star weekends.

Kasunod na rin ito ng right groin injury si Lillard sa pagkatalo ng Portland sa Memphis Grizzles.

Dahil sa injury hindi na makakapaglaro si Lillard sa NBA All-Star game o maging sa 3 point contest.

Mismong si NBA Commissioner Adam Silver ang pumili kay Booker na siyang magiging unang all-star appearance ng 23 anyos na Suns player sa ilalim naman ng team captain na si Lebron James.

Suspendido na rin ang pagdaraos ng Chinese Grand Prix ng Formula One.

Ang nasabing F1 race ay gaganapin sana sa Shanghai, China sa April 19.

Subalit nagpasya ang formula one at governing body na FIA na huwag nang ituloy ang F1 race dahil sa banta ng COVID-19 hindi lamang sa China kundi maging sa iba pang panig ng mundo.

Nabatid na maaaring ituloy na lang ang grand prix sa ibang petsa o bago matapos ang taong ito.

Inihatid na sa huling hantungan si NBA legend Kobe Bryant at anak nitong si Gianna.

Sa inilabas na death certificates ng Los Angeles county officials inihimlay ang Los Angeles Lakers star at 13 anyos nitong anak sa Pacific View Memorial Park sa Corona Del Mar, California noong Biyernes.

Naging pribado ang paglilibing sa mag ama at wala nang iba pang impormasyong isinapubliko ang mga otoridad hinggil dito.

Nakatakda namang isagawa sa February 24 sa Staples Center sa Los Angeles ang public celebration of lives ng mag amang Bryant.

Magugunitang nasabi ang mag ama kasama ang pitong iba pa sakay ng isang private plane patungo ng Mamba Sports Academy sa Thousand Oaks, California nang mangyari ang aksidente.

Nagdagdag pa ng manlalaro ang Gilas Pilipinas para sa pagsabak sa first window ng FIBA Asia Cup Qualifier sa February 20 kung kailan makakasagupa nila ang tropa ng Thailand.

Magiging bahagi na rin ng pool sina sina Vic Manuel at Abu Tratter ng Alaska Aces.

Si Manuel ay naging bahagi na ng SEA Games kung saan naging coach si Tim Cone noong nakaraang taon habang si Tratter ay nakasama na rin sa Gilas sa second window ng FIBA World Cup Qualifiers noong 2018.

Pinalitan nina Manuel at Tratter sina Christian Standhardinger at Mac Belo na una nang umatras dahil sa kanilang injury.

Una na ring kinuha ng Gilas si Phoenix player Justin Chua kapalit ni Japeth Aguilar na nasa honeymoon pa.

Sina Manuel, Tratter at Chua ay dagdag na puwersa kina Po Erram, Isaac Go, Marc Pingris at Troy Rosario.

Kanselado ang pagbubukas ng ika – 45th season ng Philippine Basketball Association (PBA) dahil sa banta ng novel coronavirus acute respiratory disease (2019-nCoV ARD).

Sa kanilang anunsiyo, gagawin ang opening ng PBA sa March 8 sa halip na sa March 1.

Maging ang PBA D- League na magsisimula sa February 13 ay gagawin na lamang sa March 2.

Ginawa ito ng pamunuan para na rin sa kaligtasan ng mga fans, manlalaro at mga opisyal nito.

Nakasama ng Gilas Pilipinas sa kanilang ensayo ang Phoenix Pulse player na si Justin Chua.

Pinangunahan nina Program Director Tab Baldwin at interim coach Mark Dickel ang nasabing ensayo ng national team.

Hindi naman binanggit ng naturang mga opisyal kung ano ang magiging papel ni Chua sa Gilas team.

Magugunitang dahil sa injury ay hindi makakasama sa Fiba Asia Cup Qualifiers sina Christian Standhardinger at Mac Belo.

Magpapahinga muna sa basketball si Barangay Ginebra center Greg Slaughter makaraang ang anim na taon sa Philippine Basketball Association (PBA).

Ang pahayag ay ginawa ni Slaughter matapos mapaso ang kanyang kontrata sa Gin Kings.

Ayon kay Slaughter, hindi pa niya alam kung anong kapalaran ang naghihintay sa kanya sa hinaharap pero tiyak ay may nakalaan aniyang mas maganda para sa kanya.

Nagpasalamat naman si Slaughter sa management ng Ginebra, kay Coach Tim Cone at sa kanyang teammates.

Samantala, hinihinalang ite-trade si Slaughter ng Gin Kings sa ibang koponan kaya inunahan na niya ito.