Pasok na sa Western Conference finals ang Los Angeles Clippers.
Ito’y makaraang masungkit ng Clippers ang 131-119 victory laban sa Utah Jazz sa kanilang semifinals series.
Unang nabaon ng 25 puntos ang Los Angeles sa third quarter ngunit unti-unting hinabol ang Utah at nanalo pa sa dulo ng laban.
Kumamada si Terance Mann ng 39 points na siyang pumalit sa puwesto Kawhi Leonard dulot ng tinamo nitong injury.
Makakaharap ng Clippers sa West finals ang Phoenix Suns.
Handa nang humarap ang national team na Gilas Pilipinas laban sa Indonesia sa Fiba Asia Cup Qualifiers na gaganapin ngayong araw sa auf gym sa Pampanga.
Kabilang pa rin sa mga manlalaro na sasabak ay sina SJ Belangel, Kai Sotto at Ange Kouame.
Kasama rin sa lineup ng Gilas laban Indonesia ay sina lebron Lopez, Geo Chiu, Jordan Heading at Javi Gomez De Liano kung saan kapalit ito ni William Navarro.
Habang hindi muna makakapaglaro sina Mike Nieto at Jedee Tungcab.
Nasa 12-man line up naman ay sina Isaac Go, Dwight Ramos, Justine Baltazar, Carl Tamayo, Sj Belangel, at Rj Abarrientos.
Samantala, pasok na ang bansa sa susunod na torneyo sa Indonesia para sa Fiba Asia Cup sa buwan ng Agosto.
Tumaas ang world ranking ni Filipina Japanese Golf Player Yuka Saso.
Malaking tulong ang pagiging kampeon ni Saso sa 76th US Women’s Open sa San Francisco, USA para umakyat ito sa ika-8 puwesto sa Rolex world ranking.
Ang 19 anyos na si Saso ang kauna-unang Pinay na nagkampeon sa naturang torneo bukod pa sa nahigitan niya si Hyo Joo Kim ng Korea matapos magwagi sa LPGA Mediheal Championship.
Bukod kina Saso at Kim wala namang pagbabago sa top 10 sa world rankings na pinangungunahan ni Jin Yong Ko.
Nakabawi ang Los Angeles Clippers sa Utah Jazz sa Game 3 ng kanilang Western Conference semifinals.
Ito’y matapos masungkit ng Clippers ang 132-106 victory laban sa Jazz sa kanilang home court.
Si Kawhi Leonard ang nanguna sa LA taglay ang kanyang 34 points habang nagdagdag naman si Paul George ng 31 points.
Inaasahan namang babawi ang Jazz sa Game 4 ng nasabing serye.
Hawak na ng Phoenix suns ang 2 – 0 lead sa Western Conference Semi-Finals matapos gibain ang Denver Nuggets.
Tinusta ng suns ang nuggets sa score na 123 – 98 sa game 2 ng kanilang best of seven series, kanina.
Pinangunahan ni Devin Booker ang Phoenix sa pamamagitan ng 18 points habang nagpakawala ng 24 points si Nikola Jokic para sa nuggets.
Muling maghaharap ang dalawang team sa home court naman ng Denver sa ball arena sa Colorado, sa Sabado.
Samantala, sinikwat ng Utah Jazz ang kanilang buena manong panalo sa Western Conference Semi-Finals ng NBA.
Nalusutan ng Jazz ang Los Angeles clippers sa score na 112 – 109 sa kanilang paghaharap sa game 1 ng best of seven series.—sa panulat ni Drew Nacino
Isang mataas na opisyal ng Japanese Olympic Committee ang patay matapos umanong magpasagasa sa tren sa Tokyo subway.
Kinilala ng Tokyo Metropolitan Police ang opisyal na si Yasushi Moriya, 52 anyos na tumalon mula sa platform ng Nakanobu station.
Si moriya ang head ng Accounting department ng Tokyo Olympic Committee.
Iniimbestigahan na ng japanese government ang naturang insidente sa gitna ng ilalabas na desisyon ng gobyerno kung itutuloy o ipagpapaliban ang Olympics.—sa panulat ni Drew Nacino
Napasakamay ng Pinay fencer na si Samantha Catantan ang silver medal sa North American Cup Senior Women’s Tournament sa Virginia, USA.
Ito ay matapos matalo ng pambato ng Canada na si Eleanor Harvey sa score na 5-15.
Ang panalo ni Catantan ay kasunod nang nakuha nitong bronze medal sa Asia Oceana Olympic qualification tournament sa Tahskent, Uzbekistan nitong Abril 26.
Magsisilbing malaking inspirasyon ang nasabing panalo ni Catantan sa kanyang pagsabak sa 2021 Southeast Asian Games sa Hanoi, Vietnam sa buwan ng Nobyembre.
Malaking tulong din ang panalo ni Catantan sa maagang paghahanda nito sa 2024 Paris Olympics.
Itinanghal na kampeon si Filipina-Japanese Golfer Yuka Saso sa katatapos lang na 2021 US Women’s Open Championship na ginanap sa San Francisco, California.
Nanalo ang 19 anyos na si Saso matapos ang three-hole playoff laban kay nasa HATAOKA ng Japan.
Nanguna rin si Saso sa pagtatapos ng second round noong Sabado kaya nakapaglaro ito sa finals.
Si Saso ang kauna-unahang manlalarong Pinoy na nagwagi sa naturang paligsahan.
Kaugnay nito, taos pusong nagpapasalamat si Saso sa kaniyang pamilya , mga kaibigan at lahat ng sumuporta sa kaniya mula sa Pilipinas maging sa Japan.
Kahit wala si James Harden, wagi ang Brooklyn Nets laban sa Milwaukee Bucks sa score na 115-107 sa Game 1 ng kanilang Eastern Conference semifinals.
Kumamada si Kevin Durant ng 29 points habang nagdagdag naman si Kyrie Irving ng 25 points para sa kanilang koponan.
Si Giannis Antetokounmpo naman ang nanguna sa Bucks taglay ang kanyang 34 points at 11 rebounds.
Inabaangan naman ng mga fans ang Game 2 at inaasahan nilang babawi ang Bucks sa naturang laro.
Inanunsiyo ng PBA board na ipatutupad nito ang uniform players’ contract na may kinalaman sa paglagda ni Kiefer Ravena ng kontrata sa Shiga Lakestars ng Japan B.League.
Dahil dito, ito’y nangangahulugan na hindi pa maaaring maglaro sa labas ng bansa si Ravena.
Ayon kay PBA Chairman Ricky Vargas, dapat kilalanin at sundin ni Ravena ang kontrata nito sa NLEX na epektibo pa hanggang sa susunod na tatlong taon.