SPORTS

Inimbitahang dumalo si Pangulong Rodrigo Duterte sa Tokyo Olympics upang saksihan ang pagsabak ng mga atletang Pilipino.

Ayon kay Philippine Sports Commission Chairman William Ramirez, isa ang Pangulo sa tatlong opisyal mula sa gobyerno na nakatakdang sumama sa 19-atletang maglalaro sa Olympics.

Bukod sa Pangulo, kasama rin si Ramirez at Training Director Marc Velasco upang suportahan ang pangangailangan ng mga atleta.

Tiwala naman si Ramirez na makakasungkit ng gintong medalya ang bansa sa Tokyo games.—sa panulat ni Hyacinth Ludivico

Pasok ang dalawa pang atletang pinoy sa Tokyo Olympics.

 Ito’y sina Filipina Golfers Yuka Saso at Bianca Pagdanganan na nasa top 60 ng Olympic Golf Rankings.

Si Saso ay ang kasalukuyang nangunguna sa U.S Women’s Open Champion at nasungkit ang rank 9 sa final edition ng Olympic Golf Ranking.

 Nakapasok rin sa pagdanganan na nasa rank 42 naman.

 Magkasama sa iisang koponan sa 2018 Asian Games ang dalawang atleta, kung saan nag uwi si Saso ng gold habang bronze naman ang kay Pagdanganan.

 Nasa kabuuang labing pitong atleta na ang pambato ng Pilipinas sa Tokyo Olympics.

Nahaharap sa matinding hamon ang Gilas Pilipinas matapos na magtamo ng injury ang ilang miyembro nito.

Mababatid na ilang araw na lamang bago ang International Basketball Federation Olympic qualifying tournament sa Belgrade, Serbia.

Nagtamo kasi ng injury si Gilas Pilipinas member Stalwart Dwight Ramos.

Ayon kay Gilas Pilipinas Head Coach Tab Baldwin, posibleng hindi makapaglaro si Ramos sa laban sa Serbia sa Hulyo 1 at Dominican republic sa Hulyo 2 dahil sa groin injury.

Ngunit umaasa si Baldwin na magbago pa ito.

Habang si Angelo Kouame naman ay may iniindang deep knee bruise at si Carl Tamayo naman ay nagtamo ng sprained left ankle.—sa panulat ni Hyacinth Ludivico

Hindi dapat maging kampante ang Gilas Pilipinas sa pagsabak sa Fiba Olympic Qualifying Tournament.

Kasunod na rin ito ng babala ni head coach Tab Baldwin matapos ang impresibong kampanya ng Gilas Team sa Fiba Asia Cup Qualifiers kung saan pinataob nito ng dalawang beses ang koponan ng South Korea at pinahiya ng isang beses ang tropa ng Indonesia.

Ayon kay Baldwin hindi dapat magpaka-kampante ang buong team at sa halip ay maging handa ang lahat sa mga inaasahang hirap, hamon o ika nga’y rough road tungo sa pag abot ng pangarap na magtagumpay sa nasabing international basketball tournament.

Ang mga hamon aniya sa Gilas Team ay posibleng maranasan ngayong linggo habang naghahanda itong sumabak sa Fiba Olympic Qualifying Tournament sa Belgrade, Serbia.

Gayuman, patuloy na kinikilala ni Baldwin ang ambag ng coaching staff at management team lalo’t higit ang mga players sa panalo kontra tropa ng Sokor at Indonesia.

Isang panalo na lang ay pasok na ang Phoenix Suns sa NBA finals.

Ito’y makaraang masungkit ng Suns ang 84-80 victory laban sa Los Angeles Clippers sa Game 4 ng kanilang serye sa Western Conference finals.

Si Devin Booker ang nanguna sa Suns matapos kumamada ng 25 points habang nagdagdag si  Deandre Ayton ng 19 points.

Samantala, si Chris Paul na kababalik lang sa laro ay tumipa ng 18 points at at pitong assists.

Isiniwalat ni National basketball team coach Tab Baldwin na hindi pa lubusang gumagaling ang groin injury ni guard Dwight Ramos.

Dahil dito, posibleng umanong mapilitan ang Gilas Pilipinas na huwag na itong paglaruin kontra Serbia.

Nakuha ng 6-foot-5 Gilas star ang injury habang nagsasanay sa Pampanga kaya’t hindi ito nakalaro sa kanilang exhibition game laban sa China.

Nakatabla ang Milwaukee Bucks sa kanilang Eastern Conference finals series laban sa Atlanta Hawks.

Ito’y makaraang magwagi ang Bucks sa score na 125-91 sa Game 2 ng kanilang serye laban sa Hawks.

Si Giannis Antetokounmpo ang nanguna sa Bucks sa pamamagitan ng kanyang 25 puntos at siyam na rebounds habang nagdagdag naman si Brook Lopez ng 16 na puntos.

Inilabas na ng Gilas Pilipinas ang 12 manlalaro na isasabak sa Belgrade, Serbia kaugnay sa Olympic Qualifying Tournament.

Kabilang sa mga ito ang 7-foot-3 na si Kai Sotto, Isaac Go, Jordan Heading, Geo Chu, Dwight Ramos, Mike Nieto, Sj Belangel, William Navarro, Justine Baltazar, Rj Abarrientos, Carl Tamayo, at ang naturalized player na si Ange Kouame.

Unang makakalaban ng Pilipinas ang powerhouse team ng Serbia sa a-primero ng Hulyo, 2:15am

Habang susunod na kakaharapin ng mga Pinoy ang Dominican Republic sa a-dos ng hulyo, 2:30am.

Hindi naman makakasama sa final cut mula sa pool sina Jaydee Tungcab, Javi Gomez De Liano at Lebron Lopez.

Magugunitang nanalo ang Pilipinas laban sa South Korea sa Fiba Asia Cup Qualifiers na ginanap  sa Angeles City, Pampanga.

Wagi si Wesley So sa 2021 Paris Rapid and Blitz Tournament.

Scintillating o kamangha mangha ang pagsasalarawan ng tournament observers sa naging performance ni So sa nasabing event.

Si So ay nakapagtala ng kabuuang 24. 5 points kung saan 12 points sa rapid at 12.5 points sa Blitz para padapain ang Russian player na si Ian Nepomniachtchi na nakagawa ng 21. 5 points.

Binigyang diin ng grandchesstour.org sa website nito na hindi lamang basta nanalo sa tournament si So kundi nananatili itong unbreakable o hindi magigiba.

Kabilang ang bucharest leg ng grand chess tour isang beses lamang natalo si So sa 36 matches nito.

Magugunitang si So ay umalis ng Pilipinas para katawanin ang Amerika sa mga international competitions.

Pinadapa ng Milwaukee Bucks ang Brooklyn Nets sa score na 115-111 sa Game 7 ng kanilang semifinals series.

Dahil dito, umabante ang Bucks sa Eastern Conference finals kung saan makakaharap nito ang mananalo naman sa hiwalay na serye sa pagitan ng Atlanta Hawks at Philadelphia Sixers.

Kumamada si Giannis Antetokounmpo ng 40 puntos para sa Bucks na nagdala sa kanila sa finals habang si Kevin Durant naman ang nanguna sa Nets sa pamamagitan ng score na 48 puntos.

Ayon kay Antetokounmpo, paghahandaan nila nang husto ang susunod na serye sa Eastern Conference finals.