Pinataob ng Meralco Bolts ang San Miguel Beermen sa score na 93-87 sa kanilang laro sa 2021 PBA Philippine Cup na ginanap sa Ynares Sports Arena sa Pasig City.
Si Chris Newsome ang bumida sa panig ng Bolts matapos kumamada ng 17 points habang nagdagdag naman si Aaron Black ng 14 points.
Dahil dito, naitala ng Meralco ang ikalawang panalo sa kasalukuyang torneo kasunod ng ginawa nitong pagdurog sa Northport Batang Pier sa kanilang season-opener noong Biyernes.
Nangingibabaw ang Milwaukee Bucks sa Game 5 ng NBA finals laban sa Phoenix Suns sa score na 123-119.
Dahil dito, nakuha ng Bucks ang 3-2 lead sa kanilang best-of-seven series.
Si Giannis Antetokounmpo ang nanguna sa Milwaukee matapos kumamada ng 16 na puntos.
Dalawang pambato ng Pilipinas sa Tokyo Olympics, ngayong linggo ang darating sa Japan.
Inihayag ni samahan ng weightlifting ng Pilipinas o SWP President Monico Puentevella na ngayong linggo darating sa Japan ang pambato ng bansa sa olympics.
Ayon kay Puentevella, manggagaling sa Malaysia si dating Rio Olympics Silver Medalist Hidyln Diaz matapos ang higit sa isang taon nitong training para sa weightlifting.
Habang si Elreen ando naman ay magmumula sa ating bansa.
Kasunod nito, iginiit ni Puentevella na malaki ang tyansa ni Diaz na muling makasungkit ng medalya.
Hindi lamang masabi nito na kung anong medalya mula sa gold, silver o bronze.
Pinadapa ng Magnolia Hotshots ang Phoenix Super LPG sa score na 80-73 sa pagbubukas ng 2021 PBA Philippine Cup kahapon.
Kumamada si Calvin Abueva ng 26 points sa panig ng Hotshots dahilan upang mapataob nila ang kanyang dating team na Phoenix.
Sa isa pang laro, panalo rin ang TNT Tropang Giga kontra TerraFirma Dyip sa score na 86-79.
Pasok na sa finals ng JA Milan tournament sa Italy ang No. 1 seed Alex Eala ng Pilipinas at ang kanyang katambal na si Madison Sieg ng Estados Unidos.
Ito’y makaraang pataubin ng top-seeded Filipino-American tandem sina No. 5 seeds Kira Pavlova at Diana Shnaider ng Russia sa kanilang bakbakan sa semifinals.
Makakasagupa nina Eala at Sieg sa finals ang mga pambato ng Croatia at Belgium.
Pinayagan na ng IATF ang Philippine Basketball Association (PBA) na isagawa ang kanilang 46th season.
Gayunman, sinabi ni Presidential Spokesman Harry Roque na dapat sumunod ang PBA sa mahigpit na health and safety protocols na nakasaad sa mga panuntunan ng games and amusement board.
Una nang inihayag ni Gab. Chair Baham Mitra na ang PBA Season 46 ay gagawin sa Ynares Sports Arena sa Pasig City sa ilalim ng closed circuit, semi bubble set up.
Naungusan ng Milwaukee Bucks ang Phoenix Suns sa iskor na 109-103, dahilan para magtabla na sila sa game 4 ng NBA finals.
40 puntos ang naibuslo ni Khris Middleton kung saan, 10 rito ang pinakawalan sa mga huling minuto ng laban.
Nakapag-ambag naman si Giannis Antetokounmpo ng 26 na puntos, 14 na rebound at 8 assist para sa Bucks.
Habang hindi naman naging sapat ang mga ambag ni Devin Booker ng Phoenix matapos makapagbuslo ng 42 puntos sa laban.
Muling maghaharap ang Bucks at Suns para sa game 5 sa Sabado sa Phoenix habang sa Milwaukee naman gagawin ang game 6.
Nakabawi ang Pinay Tennis Player Na Si Alex Eala sa singles at doubles play sa kanyang opening games sa Ja Trofeo Bonfiglio Tournament sa Milan, Italy.
Natalo ni Eala si Brenda Fruhvirtova ng Czech Republic sa kanilang first round clash na may score na 6-1, 6-2 sa singles.
Katuwang ang pambato ng United States na si Madison Sieg, dinurog nila ang tandem nina Stefania Bojica ng Romania at Matilde Jorge ng Portugal sa score na 6-2, 6-1 sa doubles.
Susunod nilang makakaharap ang Russian duo na sina Anastasiia Gureva at Ekaterina Maklakova. —sa panulat ni Hyacinth Ludivico
Umatras na si Swiss tennis star Roger Federer Sa Tokyo Olympics.
Ito ayon sa 38 anyos na tennis player ay dahil sa lumalang injury niya sa tuhod sa katatapos lamang ng Wimbledon.
Inamin ni federer na dismayado siya at nanghihinayang sa dagdag na exposure sa kanyang career ng Olympics.
Hindi na nakapaglaro si Federer sa 2016 Rio Olympics sa Brazil sa knee injury.
Una nang umatras sa Olympics sina Serena Williams, Rafael Nadal at Nick Kyrgios.
Isa pang batang basketball player ng bansa ang maglalaro sa ibayong dagat professionally.
Ito ang 18-year-old na si Francis “Lebron” Lopez ng Ateneo Blue Eaglets matapos pumirma ng kontrata sa Overtime Elite League (OTE) sa Estados Unidos.
Winelcome naman ni Brandon Williams, OTE head of basketball operations si Lopez.
We’re delighted to have Lebron join the OTE family as we expand our international reach, bringing in top talent from across the globe,” ani Williams
Ayon pa kay Williams, napahanga siya sa passion sa laro at athleticism ni Lopez kung kaya’t binigyan ang Filipino cager ng kontrata.
Francis is a young man who has impressed us with both the combination of pure passion for the game and self-improvement, physical athleticism, work ethic, as well as many leadership intangibles. He’s the kind of player we want and expect to thrive at OTE.” ani Williams
Samantala nagpasalamat si Lopez sa lahat ng mga taong tumulong sa kanya at gagawing niya ang lahat para makamit ang pangarap niyang maglaro sa NBA.