SPORTS

Nakahanda nang sumabak sa ikalawang round ng Men’s Individual Golf sa Tokyo Olympics ang pambato ng Pilipinas na si Juvic Pagunsan.

Nasa pang limang pwesto si Pagunsan sa unang round ng torneo na ginanap sa Kasumigaseki County Club.

Ang Three-Time Southeast Asian Games Gold Medalist ay Seasoned Professional sa Asya na naglalaro na rin sa Golf Tournament sa Japan kaya kabisado na nito ang klima sa bansa.

Samantala, inaabangan na rin bukas, Hulyo 31 ang laban ng pambato ng Pilipinas sa Pole Vault Event na si Ernest John Obiena gayundin si Pinay Boxer Nesthy Petecio.

Sumuko na ang pambato ng Pilipinas sa Women’s Flyweight Round 16 sa Tokyo Olympics.

Hindi kinaya ni Irish Magno ang lakas ng Thai National na si Jutamas Jitpong sa sagupaan nila sa nasabing event.

Ang 30 anyos na Pinay Boxer ay tuluyan nang bumitiw sa inaasam na panalo tungo sa final score na 5-0.

Ginawan ng isang leaf art ng magkaibigan sa Samar ang Olympic Gold Medalists na si Hidilyn Diaz.

Inukit nila Jerry Casaljay at Joneil Calagos Severino mula sa dahon ng Alocasia Macrorhizoz o Giant Taro na mas kilala sa tawag na badjang.

Ang nasabing dahon ay sumisimbolo umano na malaking karangalang iniuwi ni Diaz sa ating bansa.

Ayon naman sa magkaibigan,  inspirasyon ang ibinigay ni hidilyn sa kanila dahil sa pagpupursige nito na mag-uwi ng karangalan sa bansa.

Natapos ang leaf art sa loob lamang ng apat na oras.―sa  panulat ni Rex Espiritu

Dumapa ang grupo ng Phoenix sa koponan ng Meralco bolts sa iskor na 91-80 sa patuloy na PBA Philippine Cup.

Nakabawi ang bolts sa pagkatalo nito sa rain or shine noong nakaraang araw.

Bumida sina Allein Maliksi na nakapagtala ng 24 points habang 23 points si Chris Newsome.

Ikinatuwa naman ni Meralco Coach Norman black ang ipinamalas na depensa ng koponan ng Meralco bolts.―sa  panulat ni Rex Espiritu

Balik bansa na ang kauna-unahang Pinoy Olympic Gold Medalist na si Hidilyn Diaz.

Si Diaz kasama ang kanyang team at ang grupo ni Skateboarding Bet Margielyn Didal ay dumating sa NAIA Terminal 2 sakay ng eroplano ng Philippine Airlines.

Una nang inihayag ni Diaz na excited na siyang makapiling ang kaniyang pamilya at maipakita rito maging sa mga Pilipino ang gold medal na nakuha mula sa 55kg. category ng Weightlifting sa Tokyo Olympics.

Kaagad nag courtesy call via zoom sa Pangulong Rodrigo Duterte si Diaz matapos lumapag ang eroplanong sinakyan nito mula sa Japan.

Ang grupo ni Diaz ay sasailalim pa sa pitong araw na quarantine bago tuluyang makauwi sa kani-kanilang pamilya partikular si Diaz sa kanyang mga mahal sa buhay sa Zamboanga City.

Bago tumulak pa Japan si Diaz ay stranded sa Malaysia noong isang taon pa dahil sa lockdown sa COVID-19.

Sigurado na ang medalya sa Tokyo Olympics ni Filipina Boxer na si Nesthy Petecio.

Mauuwi ni Petecio ang bronze medal matapos talunin si Yeni Arias Castañeda ng Colombia.

Samantala, sa Sabado ay muling lalaban si Petecio at makakaharap naman nito si Irma Testa ng Italy.

Ito na ang unang pagkakataon mula noong 1932 na hindi lamang isang medalya ang nasungkit ng Pilipinas sa Olympics.

Promoted na bilang Staff Sergeant Rank si Weightlifter Hidilyn Diaz matapos makamit ang unang gintong medalya sa 2020 Tokyo Olympics.

Ayon kay AFP Chief Cirilito Sobejana, inaprubahan ang promotion ni Sergeant Hidilyn Diaz epektibo Hulyo 27, 2021.

Dagdag ni Sobejana, kanilang hinahangaan ang determinasyon ni Diaz sa paguwi ng inaasam-asam na gold medal sa Olympics.

Sinabi ng opisyal na talaga namang proud na proud sa kaniya ang AFP.

Inaasahang uuwi na ng Pilipinas ang Tokyo Olympics gold medalist na si Hidilyn Diaz ngayong araw.

Ayon Kay Philippine Olympic Committee President Abraham Tolentino, base sa protocols sa itinakda ng Tokyo Olympics Organizing Committee, mandatory na umuwi na ng kanilang bansa ang isang atleta na natapos na sa laban .

Isa na rin sa rason ay nais na rin ni Hidilyn na makapiling ang kanyang pamilya na hindi nya nakasama sa loob ng isa’t kalahating taon.

Samantala, hindi magsasagawa ng nakagawiang grand home welcome dahil sa health and safety protocols na kailangan sundin.

Gayunman, tinapos ni diaz ang 97 taong paghihintay ng Pilipinas sa gintong medalya sa Olympics.

Bigo ang pambato ng Pilipinas na si Kiyomi Watanabe sa Women’s 63kg Judo Event elimination round of 32 na ginanap sa Nippon Budokan Arena sa Tokyo.

Ginamitan ng diskarteng Ippon ni Cristina Perez ng Spain si Watanabe hanggang sa nagtapos sa iskor na 0-10.

Ganun pa man, nagpasalamat ang Philippine Sports Commission at POC sa matapang na pakikipagharap ni Watanabe laban sa dayuhang atleta.

Iipinagmamalaki ng Armed Forces of the Philippines  (AFP) ang panibagong tagumpay ng atletang si Hidilyn Diaz.

Ito’y makaraang masungkit ni Diaz ang kauna-unahang gintong medalya ng Piliipinas sa Tokyo 2020 Olympics.

Nagwagi si Diaz sa women’s 55 kilogram category sa weightlifting.

Sa kabuuang 224 kilogram, 97 dito ay sa snatch habang 127 naman ang para sa cleant & jerk.

Ayon kay AFP Chief of Staff, Gen. Cirilito Sobejana, isang inspirasyon si Hidilyn hindi lang sa AFP kungdi sa buong Sambayanan.

Isa aniyanghuwaran si Hidilyn ng sipag, tyaga at dedikasyon bilang isang atleta.

Si Diaz ay kabilang sa hanay ng Philippine Air Force na may ranggong Sergeant. —ulat mula kay Jaymark Dagala (Patrol 9)