SPORTS

Hindi nakapasok sa finals ng men’s 200 meter individual Medley sa Paralympic games si Paralympic Swimmer Gary Bejino.

Sa kanyang pagsabak sa nasabing pampalakasan, pumuwesto siya sa ika-17 bilang pinakahuli sa mga naglaro ng 200 meters Medley.

Pambato naman ng bansang Columbia ang nakabingwit ng pinakamabilis na paglangoy.

Hindi pa natatapos diyan ang journey ni Bejino dahil maglalaro pa ang atleta sa men’s 50 meter butterfly, men’s 400 m freestyle at sa men’s 100m backstroke. —sa panulat ni Rex Espiritu

Ikinukunsider ni Senador Manny Pacquiao ang posibleng rematch kay WBA Champion Yordenis Ugas.

Sinabi ni Pacman na ipapaalam muna niya sa promoter na gusto niyang labanan muli si Ugas sa January 2022.

Samantala, bagamat natalo sa laban kay Ugas, inaasahang idedeklara ng WBA si Pacman bilang “Champion for life” bilang bahagi ng pagdiriwang ng ika-100 taon ng WBA.

Ipinabatid ito ni WBA Presidente Gilberto Mendoza matapos makausap si Pacman bago ang laban nito kay Ugas.

Ayon kay Mendoza, nagpagawa na sila ng belt para sa pambansang kamao na ibibigay nila kasama ang isang resolusyon na nagdedeklara rito bilang WBA Champion for life.

Inabot ng halos tatlong buong araw ang isolation at pahinga ni pambansang kamao Manny Pacquiao para maka-recover sa kanyang nakaraang madugong pakikipagsagupaan kay Cuban Boxer Yordenis Ugas.

Matapos ang naturang laban , bumalik si Pacman sa kanyang bahay sa Los Angeles nitong Martes ng hapon, Agosto 24, at tumatanggap na rin ito ng mga bisita.

Unti-unti na ring gumagaling ang mga natamo nitong sugat sa nakaraang laban at pinayuhan ng mga doktor na ipagpatuloy lamang ang kanyang pahinga.

Nang tanungin naman tungkol sa politika ay pinili nitong hindi muna magbigay ng komento.

Ibinahagi naman ni Pacman na gusto muna niyang bumawi ng lakas bago bumalik sa Pilipinas.—sa panulat ni Angelo Baino

Fil-Am basketball player Bobby Ray Parks, maglalaro na sa Japan Basketball League pormal nang pumirma ng kontrata si  basketball player Bobby Ray Parks sa koponang Nagoya Diamond Dolphins para maglaro sa Japan Basketball League.

Ito mismo ang kinumpirma ng koponan na makakasama na nito ang 6th footer guard sa ilalim ng asian player quota rule.

Mababatid na ang Nagoya ay naglalaro sa first division ng liga kung saan may anim ding Pinoy ang naglalaro rito. Nauna rito, pumirma na rin si Thirdy Ravena sa San-En Neo Phoenix habang ang kapatid nitong si Kiefer ay napabilang sa Shiga Lakestar. Handa naman na ang mga Pinoy fans ni Parks para panuorin ito sa laban ng kanyang koponan.

Naibigay na ng pamahalaan ang inaasam ni 1996 Olympic Silver Boxing Medalist Onyok Velasco.

Mismong si Pangulong Duterte ang naggawad ng Order of Lapu-Lapu rank of kamagi at 500 thousand na cash kay velasco para sa naging tagumpay nito sa olympics dalawampo’t limang taon na ang nakararaan.

Kasama si velasco sa mga binigyan ng parangal kasabay ng mga nagwagi sa 2020 tokyo olympics.

Magugunitang isiniwalat ng olympian na hindi pa niya natanggap ang mga pagkilala mula nang magwagi ito noong 1996 sa atlanta olympics.—sa panulat ni Rex Espiritu

Hindi makakasali ang Para Powerlifter na si Achele Guion sa Tokyo Paralympics.

Iyan ay matapos silanng magpositibo sa COVID-19 ng kanyang coach na si Antonio Taguibao.

Ayon sa Philippine Paralympicss Committtee, asymptomatic at nasa magandang kalagayan ang dalawa.

Bukod sa kanila nagpositibo rin sa sakit ang Chef De Mission na si Francis Diaz at para athletics coach na si Joel Deriada.

Dahil dito, papalit si PPC President Michael Barrerdo sa Office of Chef De mission.—sa panulat ni Rex Espiritu

Kinakabahan man pero excited ang mga atletang Pinoy na sasabak sa Tokyo Paralympics.

Sinabi ni wheelchair Racer Jerrold Mangliwan na siyang magdadala ng ating bandila sa torneyo feeling blessed siya at nakahanda na na maging kinatawan ng ating bansa.

Sa kabila naman ng kanyang edad, hindi makapanilawa si Discus Thrower Jeannette Acevada dahil nakapasok siya sa palaro.

Malaking tulong naman aniya para sa para kay swimmer athlete Ernie Gawilan ang karagdagang cash allowance kaya puspusan ang ginagawa nilang pag-eensayo.

Sa tala, dalawang bronze medal pa lang ang nakukuha ng bansa sa paglahok ng Paralympics simula noong 1988 sa bansang Korea.—sa panulat ni Rex Espiritu

Nakahanda na ang 12 miyembro ng delegasyon ng Pilipinas para sa 2020 Tokyo Paralympics.

Mula sa kanilang quarantine facility, umalis na nitong linggo ang ating mga pambato papuntang Japan at lahat ng mga ito ay sumailalim sa swab test pagdating.

Pinangunahan ni Philippine Paralympic Committee President Mike Barredo ang delegasyon.

Si Jerrold manglinawan naman na beterano ng 2016 Rio Paralympics ang naatasan na dalhin ang ating bandila sa pagbubukas ng seremonya ng torneryo kasama ang 163 mga atleta ng iba’t ibang bansa.

Traditional na barong tagalog naman ang isusuot ng ating mga delegado.—sa panulat ni Rex Espiritu

Nakahanda na ang 12 miyembro ng delegasyon ng Pilipinas para sa 2020 Tokyo Paralympics.

Mula sa kanilang quarantine facility, umalis na nitong linggo ang ating mga pambato papuntang Japan at lahat ng mga ito ay sumailalim sa swab test pagdating.

Pinangunahan ni Philippine Paralympic Committee President Mike Barredo ang delegasyon.

Si Jerrold Manglinawan naman na beterano ng 2016 Rio Paralympics ang naatasan na dalhin ang ating bandila sa pagbubukas ng seremonya ng torneryo kasama ang 163 mga atleta ng iba’t-ibang bansa.

Traditional na Barong Tagalog naman ang isusuot ng ating mga delegado. —sa panulat ni Rex Espiritu

Hindi naniniwala si Dennis Principe, Sports Analyst na edad ang dahilan ng pagkatalo ni fighting Senator Manny Pacquiao kay Cuban boxer na si Yordenis Ugas.

Ani Principe, posible aniyang malaki pa ang naging epekto sa laban ni Pacquiao ang hindi nito pagtapak sa boxing ring ng mahigit dalawang taon.

Giit ni Principe, hindi maaaring itulad si Pacquiao sa ibang 40 taong gulang na boksingero.

May kulang, may kulang. Pero ‘yong kakulangan, hindi natin sinasabi na may edad na. Kasi si Manny, hindi mo maikukumpara sa mga kapareho niyang 40 year old fighter. Because unique si Manny. For me ‘yong nakita natin kahapon, kung edad ‘yon, hindi na aabot ng 12 rounds si Manny o baka 9 o 10 rounds hapong hapo na ‘yan. But nakita natin hanggang last round lumalaban pa. So it’s more of inactivity ‘yong naging problema niya.

Si Dennis Principe, Sports Analyst sa panayam sa DWIZ.