Pumanaw na sa edad na 59 si Pinoy Boxer Olympics Bronze Medalists na si Leopoldo Serantes.
Si Serantes ay isa sa walong Pinoy boxer na nagbigay ng karangalan at medalya sa bansa mula sa olympics.
Lumaban ang Pinoy boxer sa light flyweight division at nakapag-uwi ng medalya sa nasabing torneyo.
Nakipaglaban sa sakit na chronic obstructive pulmonary disease si Serantes.—sa panulat ni Rex Espiritu
Haharap sa mabigat na kalaban ang Pilipinas sa pagsabak nito sa 2023 Fiba World Cup.
Kabilang ang Gilas Pilipinas sa grupo, kasama ang bansang New Zealand, South Korea at India sa ginawang draw ceremony nitong Martes ng gabi oras sa bansa.
Habang 80 bansa ang susubok na makakuha ng pwesto sa World Cup pero 32 lang ang makakapasok sa palaro na gaganapin sa Pilipinas, India at Japan.
Magaganap sa Agosto 25 hanggang Setyembre 10, 2023 ang World Cup at ito rin ang unang beses na tatlong bansa ang mag-hohost ng World Cup.—sa panulat ni Rex Espiritu
Bumaba ang world rankings ng Pinoy tennis player na si Alex Eala sa Women’s Tennis Association o WTA.
Iyan ay bago pa man ang kanyang muling pagsabak sa Juniors ng US open sa New York sa Setyembre 6 hanggang 11, 2021.
Bumaba si Eala sa number 513 batay iyan sa updated list ng wta matapos ang careers-best placing na number 505.
Kabilang sa sinasabing dahilan nito ay ang halos walang events sa women’s pro circuit.
Sa kabila nito, number two naman ang Pinay sa US open girls’ singles.—sa panulat ni Rex Espiritu
Nakapagtala ng bagong record pero bigong maagaw ang puwesto para sa ginto.
Isang achievement pa rin para kay wheelchair racer Jerrold Mangliwan ang pagkakaroon ng bagong record sa Men’s 1500-m-t52 finals sa 2020 Tokyo Paralympics nitong linggo.
Natapos niya ang karera sa loob lamang ng 3:58.24, higit sampung segundong mas mabilis sa nakaraan nitong record na 4:09.95.
Ngunit bigo pa rin itong masungkit ang ginto laban sa hapon na si Sato Tomoki na nakapag-set ng paralympic record na 3:29.13.
Samantalang ang nakasungkit naman ng silver ay si American Raymond Martin sa oras na 3:29.72.
Ngunit hindi pa huli ang lahat para kay Mangliwan dahil sasabak pa siya sa Men’s 100-meter event ng patimpalak.—sa panulat ni Angelo Baino
Pumwesto sa ika-6 ang Pinoy para-swimmer na si Ernie Gawilan sa Men’s 400 meter freestyle-S7 event sa Tokyo Paralympics.
Natapos si gawilan sa oras na 4 minutes, 56.24 seconds habang naabot naman ng pambato ng bansang Israel na si Mark Malyar ang world record time na 4 minutes 31.06 seconds.
Binasag ng record ni Malyar ang naitala sa London noong Setyembre 2019.
Pumangalawa naman ang pambato ng Ukraine na si Andrii Trusov sa oras na 4.35.56 kasama ang pambato ng bansang Amerika na si Evan Austin na may oras namang 4.38.95
Hindi man nakaabot sa podium si Gawilan, siya naman ang kauna-unahang Pinoy para swimmer na nakapasok sa finals ng Paralympics.—sa panulat ni Rex Espiritu
Balak ni Filipino boxer Mark “Magnifico” Magsayo na sumampa muli ng ring ngayong taon.
Ang 26 taong gulang na si Magsayo ay naging No. 1 contender para sa WBC featherweight championship na kasalukuyang hawak ni Gary Russell Jr. matapos patulugin ang Mehikanong si Julio Ceja.
Ang laban nina Ceja at Magsayo ay bahagi ng Manny Pacquiao-Yordenis Ugas undercard kung saan nakabawi ang Pinoy mula sa fifth round knockdown at pinatumba ang Mexican boxer sa ika-sampung round.
Dahil sa panalong iyon, wala pa ring talo si Magsayo sa kanyang dalawampu’t tatlong laban.
Binasag ni Pole Vaulter at Olympian Ernest John Obiena ang sariling record sa Meeting De Paris Wanda Diamond League.
Nakapagtala si Obiena ng 5.91m sa naturang event mula sa dating record high nitong 5.87m sa polish meet noong buwan ng Hunyo.
Dahil dito, napasakamay ni Obiena ang Silver Medal at pumangalaw kay Olympic Champion Armand Duplantis.
Na clear ni Obiena ang 5.91m sa unang attempt subalit bigo itong maabot ang 5.96m sa dalawang attempt bago sumuong sa final attempt ang 6.01m.
Una nang nakatapos sa ika limang puwesto si Obiena sa Athletissima Wanda Diamond League sa Lausanne, Switzerland dalawang araw lamang ang nakalipas sa pamamagitan ng 5.52m.
Pumayag na ang Manchester United sa inilatag na deal ng juventus para palagdain muli si Cristiano Ronaldo.
Ito ang inanunsiyo ng Premier League Club kung saan kasama sa kasunduan ang personal terms, visa at medical.
Dahil dito, ang portugal forward ay babalik na sa kanyang dating club kung saan nanalo ito ng walong major trophies mula 2003 hanggang 2009.
Wala pang inilalabas na financial details ukol sa deal pero isiniwalat ng British at Italian media na ang dalawang taong kontrata ni Ronaldo sa United ay nagkakahalaga ng 25 million euros.
PINATAOB ni Pinoy fighter Jenelyn Olsim ng Team Lakay ang kalaban nitong Vietnamese-American na si Bi Nguyen sa pamamagitan ng unanimous decision sa “ONE: Battleground III” sa Singapore Indoor Stadium.
Sa unang dalawang rounds ay pinahirapan ni Olsim si Nguyen nang magpaulan ito ng maraming suntok.
Pagsapit naman ng ikatlong round ay gumawa si Olsim ng tatlong submission attempts laban kay “Killer Bee”.
Nag-rally sa dulo si Nguyen pero si Olsim pa rin ang nangibabaw sa naturang laban.
Disqualified sa kanyang event ang pambato ng Pilipinas na si Jerrold Mangliwan sa Men’s 400 Meter Final sa Tokyo Paralympic Games.
Ito’y matapos na lumabag umano sa lane infridgement ang flag bearer ng bansa na tinatawag ng rule 18.5.
Ibig sabihin, ay hindi pwedeng lumabas ang mga atleta sa kanilang linya kung gustuhin man nilang mag-overtake.
Bukod kay Mangliwan, na-disqualify din ang paralympic athlete ng Estados Unidos dahil sa kaparehong paglabag.
Sa kabila nito, lalahok pa rin si Mangliwan sa Men’s 100m.