SPORTS

Ipinagpaliban ng PBA ang bakbakan ng Barangay Ginebra San Miguel at Meralco Bolts ngayong alas-4:30 ng hapon.

Ito ayon sa PBA ay batay na rin sa umiiral na health and safety protocols.

Ang nasabing postponement ay ikalawa na simula nang magbalik ang laro sa PBA sa Setyembre 1.

Kahapon sinuspindi ang laban ng Alaska Aces at San Miguel Beermen.

Gayunman, natuloy naman kaninang alas-2 ng hapon ang laban ng Terrfirma Dyip at Blackwater Bossing samantalang mas maaga namang gagawin o ngayong 4:35 ng hapon sa halip na mamayang alas-7 ng gabi ang pagtatagisan ng Magnolia Pambansang Manok Hotshots at TNT Tropang Giga.

Ang lahat ng PBA games ay ginagawa sa Don Honorio Ventura State University Gym sa Bacolor, Pampanga.

Hindi susuko ang Samahang Basketbol ng Pilipinas (SBP) sa iginigiit na pagkuha kay Jordan Clarkson para mapasama sa gilas team na sasabak sa 2023 Fiba world cup.

Tiniyak ito ni SBP president Al Panlilio na nagsabing target ding makuha para makapaglaro sa Fiba sina Christian Standhardinger at Stanley Pringle ng Barangay Ginebra.

Sinabi ni Panlilio na inaalam nila ang mga impormasyong nakuha kaugnay sa passports ng mga nasabing player para maidepensa nila sa Fiba ang dapat na pagsama ng mga ito sa official basketball team ng Pilipinas.

Gayunman, ipinabatid ni Panlilio na nagkakaproblema sila sa pagtiyak ng commitment ng ilang PBA players.

Hindi susuko ang Samahang Basketbol ng Pilipinas (SBP) sa iginigiit na pagkuha kay Jordan Clarkson para mapasama sa Gilas Team na sasabak sa 2023 FIBA World Cup.

Tiniyak ito ni SBP President Al Panlilio na nagsabing target ding makuha para makapaglaro sa FIBA sina Christian Standhardinger at Stanley Pringle ng Barangay Ginebra.

Sinabi ni Panlilio na inaalam nila ang mga impormasyong nakuha kaugnay sa passports ng mga nasabing player para maidepensa nila sa FIBA ang dapat na pagsama ng mga ito sa official basketball team ng Pilipinas.

Gayunman, ipinabatid ni Panlilio na nagkaka problema sila sa pagtiyak ng commitment ng ilang PBA players.

PINADAPA ng NLEX ang Phoenix Super LPG sa score na 94-76 sa kanilang bakbakan sa PBA Philippine Cup na ginanap sa Don Honorio Ventura State University Gym sa Bacolor, Pampanga.

Kahit wala si Kiefer Ravena, humataw nang todo ang Road Warriors sa pangunguna ni Jericho Cruz na humakot ng 19 points, 7 assists at 4 steals.

Kumamada rin si Raul Soyud ng 17 points habang tumipa si JR Quiñahan ng 14 points para sa NLEX.

Dahil sa panalo, umakyat sa 4-2 ang record ng Road Warriors habang nalugmok naman ang Fuel Masters sa ikalimang sunod na pagkatalo sa pitong laro.

TINAMAAN ng COVID-19 ang alamat ng boxing na si Oscar De La Hoya.

Dahil dito, umatras ang 48-anyos na boksingero sa kanyang laban kay dating UFC champion Vitor Belfort sa Los Angeles sa susunod na linggo.

Ang kanilang bakbakan ni Belfort ay unang sabak sana ni Dela Hoya sa ring mula nang magretiro ito noong 2008.

Aminado naman si De La Hoya na bakunado o fully vaccinated siya, kaya’t nagtataka ang Mexican legend kung bakit siya dinapuan ng nasabing impeksiyon.

Sumakabilang buhay na ang 18 anyos na babaeng mexican boxer na si Jeanette Zacarias Zapata limang araw mula nang matalo ito sa laban.

Sa abiso ng kampo ni Zapata, hindi na nito nakayanan ang tinamong head injury.

Bago bawian ng buhay, napabilang muna si Zapata sa mga boksingerong lumaban sa isang International Boxing Event sa Montreal kung saan ay sa ika-apat na round sa kanilang Welterweight Match ay tinalo siya ng kalabang si Marie Pier Houle.

Ito’y matapos na tumama kay Zapata ang kumbinasyon ng kaliwang uppercut at right hook ni Houle dahilan para ilabas ito ng ring at agad na dalhin sa pagamutan.

Ipinagluluksa ng mga nasa mundo ng palakasan o sports ang pagpanaw ng isa pang atletang Pinoy.

Ito’y makaraang kumpirmahin ng Philippine Table Tennis Federation sa kanilang Facebook page ang pagpanaw ni 2016 Rio Paralympics bronze medalist Josephine Medina.

Nabatid mula sa pamangkin ni Medina na hinihintay pa nila ang resulta ng RT-PCR test ng kaniyang tiyahin gayundin ang kung ano ang sanhi ng kaniyang pagpanaw.

Gayunman, sinabi ng Coach ni Josephine na si Louie Eballa na nabatid na may naranasang sintomas ng COVID-19 ang atleta bago ito pumanaw.

Kahit may polio, hindi ito naging hadlang para kay Josephine para mag-uwi ng mga medalya sa Pilipinas sa larangan ng table tennis.

Inanunsyo ng Philippine Paralympic delegation na isa na namang atletang Pinoy ang nagpositibo sa COVID-19.

Sa isang pahayag, sinabi ni PPC President Michael Barredo na hindi na makakaalis papuntang japan si Filipino Taekwando athlete allain ganapin matapos na magpositibo sa nasabing sakit.

Dahil dito, si ganapin na ang pangatlo sa mga delegado ng bansa na tinamaan ng COVID-19 kabilang si Achelle Guion at Jeanette Acevada.

Lalaban sana si ganapin sa men’s K44-75kg ngayong araw.—sa panulat ni Rex Espiritu

Kahit pa sigurado na ang pwesto ng Gilas Pilipinas sa Fiba Basketball World Cup sa taong 2023.

Wala pa ring magbabago sa kanilang kagustuhan na maabot ang kampyonato.

Pasok na kasi ang bansang Japan at Pilipinas sa World Cup bilang dalawa sa tatlong host country at indonesia na kainakailangan pa nakalusot sa top eight ng Fiba Asia cup 2021.

Ayon kay Gilas Pilipinas Program Director Tab Baldwin, kanilang paghahandaan ang mga nasabing palaro at iginiit na ang manalo sa laro ang kanilang target.—sa panulat ni Rex Espiritu

Siniguro ni Boxing Legend Oscar Dela Hoya na magugulat ang karamihan sa kanyang muling pag-akyat sa boxing ring sa darating na Setyembre 11.

Iyan ay para sa sagupaan nila ni dating UFC World Champion Vitor the Phenom Belfort sa Los Angeles, California.

Ayon sa boksingero, kahit na labing tatlong taon na ang nakalilipas sa huling laban nila ng pambansang kamao Manny Pacman Pacquiao.

Hindi pa rin aniya nabago ang kanyang pagkagutom sa boxing at hinahanap hanap niya ang sakit ng katawan.

Aniya, ibang klase ang ginawa niyang pagsasanay at kung tutuusin daw ay hindi naman siya nagretiro sa mundo ng boxing matapos ang laban kay Pacman noong 2008. —sa panulat ni Rex Espiritu