SPORTS

Palalakasin ng mga higher education institution sa bansa ang kanilang sports program.

Ayon kay Commission on Higher Education o c CHED Chairman Popoy De Vera, iyan ang isa sa mga nakamit ng unified tertiary sports program ng ahensya at ng Philippine Sports Commission na kanilang nilagdaan nitong Marso.

Paliwanag pa ni De Vera na maalab na nakikipatulungan ang bawat sangkot na asosasyon at paaralan sa nasabing programa.

Ipinunto rin ni De Vera ang pagbubukas ng national sports academy na siyang kauna-unahang paaralan sa bansa para sa mga mag-aaral na atelta mula junior at senior high school students at gumagawa sila ng paraan para mahasa ang mga kabataang Pinoy na nahihilig sa pampalakasan.

Target din ng CHED na madala sa mga higher education institution ang Unified Tertiary School Sports Development framework para kanilang makatuwang ang ito sa paghubog ng mga atletang Pinoy.—sa panulat ni Rex Espiritu

Nakapasok na sa quarterfinals ng US open ang pambato ng Czech Republic na si Karolina Pliskova.

Iyan ay matapos niyang matalo ang pambato naman ng Russia na si Anastasia Pavlyuchenkova sa score na 7-5 at 6-4.

Sa kanilang naging laban, sa unang set pa lang ay dominado na si Pliskova at nakabuo ito ng 58 aces.

Matatandaang nabigo si Plikova sa Madrid open ngayong taon at sa 2020 Australian open.

Makakaharap ng Czech player ang sinumang magwawagi sa pagitan ng bansang Greece at Canada.—sa panulat ni Rex Espiritu

Maaari nang makanood ang mga fans ng larong football.

Iyan ay matapos pumayag ng The Union of European Football Association o UEFA.

Ayon sa ulat, tinanggal na ng UEFA ang pagbabawal sa mga audience na manood matapos na umarangkada o magsimula ang pagbabakuna kontra COVID-19.

Sinabi pa ng organisasyon na dapat na sumunod ang mga nais makanood ng football games sa mga ipinatutupad na health and safety protocols ng  pamahalaan.

Kabilang sa maari nang mapaanood ang laro ng champions league, Europa league at Europa Conference League.

Nakalaan naman ang 5% sa buong kapasidad ng stadium kung saan ito gaganapin.—sa panulat ni Rex Espiritu

Iaapela ng National Chess Federation of the Philippines o NCFP ang pag-disqualify sa Pilipinas sa 2021 fide online Olympiad dahil sa paglabag umano sa patakaran ng palaro.

Nadiskubre kasi na isang manlalaro nito ang lumabag sa fair play kaya ang kanilang diniskwalipika ang buong koponan.

Samantala, pangalawa naman sa overall ranking ang bansa sa pool a na pinangunahan naman ng bansang Indonesia.

Aabante naman ang top 3 finisher sa mga pool sa top division.—sa panulat ni Rex Espiritu

Masusubok ngayon ang galing ng bagong Women’s Tennis sensation na si Leyla Fernandez sa quarterfinals ng nagpapatuloy na US open sa New York.

Hiling naman ng mga Pinoy na manalo ito sa nasabing palaro dahil tumuntong na ito sa edad na 19 nitong Setyembre 6.

Nitong linggo, tinalo ni Fernandez ang three times grand slam champion Angelique Kerber sa women’s single sa score na 4-6, 7-6 at 6-2.

Maghaharap si Fernandez at at pambato ng Ukraine na si Elina Svitolina ngayong Martes.—sa panulat ni Rex Espiritu

Nakasungkit ng gintong medalya ang Filipina-Japanese Karaketa Junna Tsukii sa Karate One Premier League sa Cairo, Egypt nitong linggo.

Tinalo ni Tsukii ang hometown bet na si areeg rashed sa score na 2-1 sa 50 kilogram division finals.

Naging dikit ang laban ni Tsukii at areeg hanggang sa sumapit ang last seconds ng gold medal match.

Ito na ang ikalawang pagkakataon na nanalo si Junna sa nasabing kumpetisyon makalipas ang limang buwan sa Portugal leg ng nasabing tournament.—sa panulat ni Rex Espiritu

Kinansela ang qualifying match ng World Cup sa pagitan ng bansang Argentina at Brazil.

Iyan ay matapos magpositibo sa COVID-19 ang tatlong football player ng bansang Argentina kaya’t minabuti ng mga namumuno ng palaro na huwag ng ipagpatuloy ang nasabing laban.

Pinagmulta naman ng health agency ng Brazil ang apat sa kanilang manlalaro dahil sa pagsuway ng mga ito sa pinatutupad na protocol tungkol sa COVID-19 sa bansa.

Isinailalim na sa quarantine ang apat na manlalaro ng Argentina mula sa English Premier League.

Magkakaroon naman ng pagpupulong ang Fifa Commissioners kung kailan ipagpapatuloy ang kinaselang laro.—sa panulat ni Rex Espiritu

Naungusan ng Filipino-Canadian tennis player na si Leylah Fernandez ang 2016 champion na si Angelique Kerber at world number 3 Naomi Osaka sa US open.

Ito’y makaraang mapatumba ni Fernandez sa kanilang laban si Kerber, dahilan upang siya’y makalusot na sa quarterfinals.

Una nang natalo ng 18 anyos na Pinay-Canadian tennis player si Naomi Osaka sa ikatlong round.

Magugunitang kinatawan ni Fernandez ang Canada nitong nakalipas na Tokyo Summer Olympics.

Sinuportahan ng mga kapwa niya tennis player si Japanese Tennis Star Naomi Osaka sa pansamantala nitong pahinga sa nasabing pampalasakasan.

Ayon kay Retired American Tennis Pro James Blake, nais nya na makitang masaya si Osaka at hiling nito na makita siyang muli sa paglalaro ng tennis.

Tama naman ani Six-Time Grand Slam Winner Boris Becker at four time Olympic Gold Medal Winning Sprinter Michael Johnson ang naging pasya ni naomi na tumigil muna sa paglalaro.

Nitong nakaraang buwan,inamin ng 23 anyos na manlalaro na nakararanas ito ng depresyon.—sa panulat ni Rex Espiritu

Tapos na ang kampanya ng Manila chooks TM sa Fiba 3 by 3 Montreal Masters matapos makapagtala ng 0-2 standing sa nasabing tournament.

Sa score na 21-16, bigo ang bansa kontra local club Edmonton sa kompestisyon sa bansang Canada.

Kabilang sa koponan ng chooks sina Mark Yee, Marc Tallo, Zach Huang, Dennis Santos at Chico Lanete bilang alternate.

Bago nito, natalo na ang koponan sa Antwerp ng Belgium sa score na 21-11.—sa panulat ni Rex Espiritu