RONDA PROBINSYA

P2.72 bilyong halaga ng shabu, nasabat sa Pangasinan at La Union

Tinatayang aabot sa 400 kilograms ng shabu na nagkakahalaga ng P2.72 billion, ang nasabat ng Philippine Drug Enforcement Agency sa buy-bust operation sa Pangasinan at La Union.

Ayon kay PDEA Director General Wilkins Villanueva, naka-pack pa ang mga pakete na mayroong label na Chinese Tea.

Unang nasabat ng mga otoridad sa Pozorrubio, Pangasinan ang 360 kilograms ng shabu mula sa isang Chinese national at iba pa nitong kasamang Pilipino, habang sa follow-up buy-bust operation sa San Fernando, La Union nakuha ang 40 kilograms mula kay Romel Leyese at John Paul Repuesto.

Nanguna sa operasyon ang PDEA Intelligence Service katuwang ang PDEA RO 1, PDEA NCR, AFP Task Force Noah, AFP Team Navy, Bureau of Customs, at Philippine National Police.

Sa ngayon, inihahanda na ng mga otoridad ang kasong isasampa sa mga suspek dahil sa paglabag sa Republic Act 9165 o Comprehensive Dangerous Drugs Act of 2002.

August 13, 2022 0 comment

RONDA PROBINSYA

Halos 10k pamilya sa Maguindanao, apektado ng pagbaha

written by DWIZ 882

Sumampa na sa 9, 836 pamilya ang naapektuhan ng pagbaha sa Maguindanao.

Ito ay matapos umapaw ang ilog ng Rio Grande de Mindanao bunsod ng naranasang malakas na pag-ulan.

Ayon sa Balumol Kadiding, opisyal mula sa Municipal Disaster Risk Reduction and Management, kabilang sa naapektuhan ang Barangay Batungkayo, Bulit, Bulod, Dungguan, Limbalod, Maraidagao, Nabundas, Pagagawan, Talapas, at Talitay.

Pero nakauwi na ang mga residente na nakatira sa nabanggit na lugar matapos tuluyan nang humupa ang baha.

Dalawang bahay malapit sa ilog ang nasira ng baha kung saan maraming pananim ang napinsala.

Patuloy naman ang pamamahagi ng food packs ng LGU sa mga apektadong residente.

August 13, 2022 0 comment

RONDA PROBINSYA

Isa patay sa landslide sa Davao Del Norte

written by DWIZ 882

Patay ang isang lalaki sa Talaingod, Davao del Norte matapos matabunan ng lupa ang kanilang bahay.

Kinilala ng Provincial Disaster Risk Reduction and Management Office ng Davao del Norte ang biktima na si Liloy Linsagan.

Sugatan naman ang asawa nito na si Evelyn Linsagan na nagpapagamot na ngayon sa ospital sa Bayan ng Kapalong.

Nabatid na aabot sa anim na bahay ang nasira ng landslide dahil sa malakas na ulan, pero ang bahay ng mag-asawa ang pinaka-apektado.

Nananatili na ngayon sa Evacuation Center ang ilang residente na nasiraan ng bahay.

August 13, 2022 0 comment

HEADLINES NATIONAL NEWS RONDA PROBINSYA

Ilang classroom at daan sa Bagac, Bataan, natabunan ng putik

written by Angelica Doctolero

Natabunan ng putik dahil sa mudslide bunsod ng ilang araw na pag-ulan ang bahagi ng gusali ng paaralan at mga silid-aralan sa bayan ng Bagac, Bataan.

Ayon sa mga otoridad, naapektuhan ng nasabing musdlide ang quinawan integrated school kung saan iminungkahi ng Mines and Geosciences Bureau ang pansamantalang pagsasara ng ilang silid-aralan para sa seguridad.

Nakikipag-ugnayan naman ang mga local authority sa Department of Education (DepEd) kaugnay sa naturang insidente.

Sa ngayon, naghahanap na ang mga lokal na opisyal ng alternatibong lugar para pansamantalang gamitin sa nalalapit na pagbubukas ng klase. —sa ulat ni Jun Bringula (Ronda Patrol – Bataan)

August 12, 2022 0 comment

HEADLINES RONDA PROBINSYA

Mahigit P3-M halaga ng iligal na droga nasabat sa Legazpi City

written by Angelica Doctolero

Arestado ang dalawang lalaki matapos mahulihan ng mahigit tatlong milyong pisong halaga ng iligal na droga sa ikinasang buy bust operation sa Legaspi City, Albay.

Bandang 10:30 ng umaga nitong Huwebes nang madakip ang mga suspek sa Barangay 37-Bitano.

Nasabat mula sa mga suspek ang 550 gramo ng hinihinalang shabu na tinatayang nagkakahalaga ng 3.4 million pesos.

Nasa kustodiya na ng PDEA-RO5 ang mga suspek at sasampahan ng kasong paglabag sa Section 5 na may kaugnayan sa Sections 26 at 11 ng Article 2 ng Republic Act No. 9165 o Comprehensive Dangerous Drugs Act.

August 12, 2022 0 comment

HEADLINES NATIONAL NEWS RONDA PROBINSYA

1.6 smuggled na sigarilyo, nasamsam sa Zamboanga City

written by Angelica Doctolero

Aabot sa P1.6 million na halaga ng smuggled cigarettes ang nasamsam ng mga otoridad sa apat na tripulante sa Zamboanga City.

Kinilala ang mga suspek na sina Julhasim Said; Albaser Said; Akramin Tarawi; at Rahim Said na pawang taga-Bayan ng Tungawan, Zamboanga Sibugay.

Ayon sa mga otoridad, dadalhin sana sa bayan ng Ipil, Zamboanga sibugay malapit sa Manalipa Island ang mga puslit na sigarilyo ng maharang sa operasyon ng mga tauhan ng Police Command-Western Mindanao, at joint PNP-Bureau of Customs Anti-Smuggling Operation.

Kabilang sa mga nasamsam ang 43 master cases o kahon na may 94 na ream ng sari-saring imported na sigarilyo na sinasabing galing umano sa bansang Malaysia at idinaan sa Jolo, Sulu.

Nasa kustodiya na ngayon ng BOC-Zamboanga ang mga nakumpiskang sigarilyo, maging ang mga tripulante para sa masusing imbestigasyon at tamang disposisyon.

August 12, 2022 0 comment

HEADLINES RONDA PROBINSYA

42 indibidwal, arestado sa Anti-Criminality Operations sa Cavite

written by Angelica Doctolero

Arestado ang 42 indibidwal sa ikinasang Anti-Criminality Operations sa Cavite.

Ayon sa Cavite PIO, unang inaresto ang 25 suspek na naaktuhang gumagamit ng iligal na droga kung saan nakumpiska ang 46 na plastic sachet na may lamang pinaghihinalaang shabu at ilang mga drug paraphernalia.

Naaresto rin ang 12 pang indibidwal sa kasong illegal gambling matapos maaktuhang naglalaro ng pusoy, tong it’s at cara y cruz.

Samanatala, apat na wanted person din na naaresto sa bisa ng warrant of arrest sa bayan ng Carmona, Cavite habang isa naman ang naaresto sa kasong physical injury sa Cavite.

Dahil dito, tiniyak ng Cavite PNP, na mag papatuloy ang kanilang kampanya laban sa lahat ng uri ng sugal at kriminalidad sa lalawigan.

August 11, 2022 0 comment

NATIONAL NEWS RONDA PROBINSYA

11 leptospirosis-related deaths, naitala sa Bicol

written by Angelica Doctolero

Nakapagtala ang health authorities ng 11 nasawi dahil sa leptospirosis sa lalawigan ng Bicol simula Enero hanggang Hulyo 30.

Sa datos na inilabas ng Department of Health Center for Health Development Bicol Regional Epidemiology Surveillance Unit, tatlong pasyente ang nasawi sa lalawigan ng Albay, dalawa mula sa Camarines Norte, isa sa Camarines Sur, dalawa sa Catanduanes, at tatlo sa Sorsogon.

Naitala naman ang 85 kaso ng naturang sakit sa kaparehong panahon sa buong rehiyon.

August 10, 2022 0 comment

RONDA PROBINSYA

3 Lineman na nagtatayo ng poste, nakuryente, isa patay

written by DWIZ 882

Patay ang isang lineman habang sugatan ang dalawa nitong kasama, matapos makuryente habang nagtatayo ng poste sa Narvacan, Ilocos Sur.

Kinilala ni Narvacan Police Duty Administrator, Patrolman Nathaniel Cuaresma ang nasawi na si Michael Castillo, 40-anyos at mga sugatang sina Carlos Paa at Charles Aquino.

Batay sa imbestigasyon ng mga otoridad, hawak ng tatlo ang poste nang matapat ito sa butas dahilan para dumikit sa livewire.

Kulang din sa protective gear ang mga biktima kaya nakuryente.

Sa ngayon, nangako na ng tulong ang employer ng mga biktima.

August 10, 2022 0 comment

NATIONAL NEWS RONDA PROBINSYA

Anini-y Antique, niyanig ng magnitude 4.7 na lindol

written by Angelica Doctolero

Niyanig ng magnitude 4.7 na lindol ang bahagi ng Anini-y sa Antique.

Batay sa ulat ng PHIVOLCS, dakong 10:52 ng umaga kung saan tectonic ang origin ng naturang lindol at may lalim na 18 kilometro.

Habang naitala ang pagyanig sa layong 16 na kilometro pa-kanluran sa nasabing bayan.

Samantala, wala namang inaasahang aftershock at pinsala kasunod ng lindol.

August 9, 2022 0 comment

Newer Posts

Older Posts