RONDA PROBINSYA

Inabot ng bubungan ng maraming bahay ang baha sa Cagayan De Oro City.

Makikita rin sa video ang pagtangay ng malakas na agos ng baha sa isang motorsiklo sa Barangay Bugo.

Sinasabi ng mga residente na ang nasabing pagbaha ay naranasan simula nuong 1994.

Ayon sa Cagayan de Oro City Social Welfare and Development Office, mahigit 700 pamilya ang apektado ng baha at karamihan sa mga ito ay inilikas na sa mga paaralan at barangay gym.

Namahagi naman ng pagkain mula sa community kitchen ang CSWD bilang tulong sa mga apektado ng baha.

Umabot sa P532,960,858 ang halaga ng pinsalang idinulot ng  Tropical Cyclone “Maymay” sa Cagayan.

Ayon sa Provincial Disaster Risk Reduction and Management Office, pumalo sa  P516,200,000 ang danyos sa imprastraktura habang P16,322,185 naman sa agrikultura.

Kabilang sa mga nagtamo ng pinsala ang irrigation canal, multi-purpose building, day-care center, waiting shed, school buildings, at barangay health station.

Batay pa sa datos, nasa 8,730 pamilya o 33,432 indibidwal mula sa 150 barangays sa 14 bayan ang naapektuhan ng kalamidad.

Aabot sa P5,000 financial assistance ang maatanggap ng mga pamilyang namatayan sa Lalawigan ng Sorsogon.

Ito ay bilang bahagi ng programa ng pamahalaang lalawigan limang libong burial assistance ng mga residente.

Layunin ng Sorsogon LGUs na masimulan ang programa sa susunod na buwan kasabay ng pagkakaroon ng botika para sa mga Sorsoganon at ‘Doctors to the Household’ bilang bahagi pa rin ng programang pangkalusugan ng provincial government.

Kinilala bilang Most Organized Pay-out sa social pension sa mga senior citizens ang lokal na pamahalaan ng San Antonio, Zambales.

Pinangunahan ng Department of Social Welfare and Development Region 3 ang paggawad sa nasabing lugar matapos makakuha ng 1st place na tinanggap ng Municipal Social Welfare Office.

Nabatid na ang Munisipyo ng San Antonio pa lamang ang nagagawaran ng pagkilala sa organisado at sistematikong paggawad ng social pension.

Nasa maayos nang kalagayan ang Lalawigan ng Cagayan matapos manalasa ang bagyong Neneng sa Northern Luzon.

Sa panayam ng DWIZ, sinabi ni Provincial Disaster Risk Reduction and Management Office (PDRRMO) head Ruely Rapsing na nakabalik na sa kani-kanilang bahay ang mga lumikas.

Nilinaw din niya na ang Multi-Purpose Hall ang kanilang ginamit bilang evacuation centers sa halip na mga paaraalan.

May ilan ding aniyang bahay na naapektuhan pero partialy damage lamang ang mga ito.

Binigyang-diin naman ni Rapsing na patuloy pa rin ang pamamahagi nila ng tulong sa mga residente ng kanilang lalawigan na apektado ng nasabing bagyo.