Sumuko sa mga otoridad sa Maguindanao ang 7 miyembro ng BIFF.
Sinabi ni Lt. Col. Omar Orozco na ang pagsuko ng mga nasabing rebelde sa tulong ng local officials ay patunay nang paniniwala sa programang pangkapayapaan ng gobyerno.
Ayon sa mga nasabing rebelde hirap na sila sa pagtatago sa militar kayat nais na nilang magbagong buhay.
Kasabay na isinuko ng mga rebelde ang isang 60 mm motor launcher, isang 50 caliber barret sniper rifle, isang M-16 rifle, isang garand at isang converted M14 rifle.
Nagpositibo sa COVID -19 ang isang retiradong pari sa Cebu.
Ayon sa report, si Auxiliary Bishop Emeritus Antonio Raniola ay isinugod sa ospital dahil sa matinding pag-ubo nito at mahigpit nang binabantayan ng mga duktor bagamat stable naman ang vital signs nito.
Na ospital din dahil sa COVID-19 si Father Russel Sungcad, parish team member ng Alliance of Two Hearts Parish sa Barangay Banawa sa Cebu City.
Inanunsyo ng parokya na naka home quarantine na ang convent workers samantalang nananatiling normal ang guest priests at parish ministries church services.
Samantala, nasa stable condition na si Cebu Archbishop Jose Palma at mahigpit pa ring mino monitor ng kanyang mga duktor matapos mag positibo sa COVID-19 nuong Huwebes, Pebrero 18.
Nakatakdang kasuhan ang dalawang babaeng turista mula Metro Manila dahil sa pamemeke umano ng swab test results para makapasok sa El Nido, Palawan.
Ayon sa Department of Tourism (DOT), ang dalawang babae ay hinuli ng mga awtoridad sa Lio Airport sa El Nido matapos matuklasan na palsipikado ang petsa ng specimen collection ng kanilang RT-PCR test results.
Agad na dinala sa isang hotel ang mga suspek para isalang sa pitong araw na quarantine at nakatakdang sampahan ng kaukulang kaso.
Isinailalim sa red alert ang Office of Civil Defense (OCD) sa Region 6 bilang paghahanda sa pinangangambahang paghagupit ng bagyong Auring.
Ayon sa OCD-Region 6, naghanda na ang kanilang tanggapan sa posibleng maging epekto ng bagyo.
Kabilang dito ang pre-disaster risk assessment kasama ang ilang kinauukulang ahensya ng pamahalaan.
Bukod pa rito, nakahanda na rin ang mga disaster relief goods para sa mga maaapektuhan ng bagyo gayundin ang quick response teams.
Kaugnay nito, nagpaalala naman ang OCD-CARAGA sa mga nasasakupan nito na huwag magpakampante sa bagyong Auring, sa halip ay maghanda sa pagdating nito.
Napigilan ng militar ang tangkang pagpapasabog sa isang improvised explosive device o IED sa Brgy. Satan, Sharif Aguak, lalawigan ng Maguindanao.
Ayon kay Western Mindanao Command (WesMinCom) Chief Lt/Gen. Corleto Vinluan Jr, ito’y sa pamamagitan ng tip mula sa isang concerned citizen na ipinaabot sa 1st mechanized infantry battalion.
Natagpuan ang nasabing IED sa nabanggit na barangay kung saan, agad itong kinordonan at saka isinailalim sa detonation ng mga tropa mula sa 32nd explosive ordinance disposal team.
Batay naman sa ulat ni Army’s 1st Mechanized Battalion Commander Lt/Col. Cresencio Sanchez, gawa sa 81 mm mortar round at dalawang RPG projectiles ang nasabing ied at mayruon ding radio controlled detonator.
Pinapurihan naman ng mga opisyal ng militar ang mabilis na pagresponde ng kanilang mga tauhan at maagapan ang mas malaking pinsala sakaling sumabog ang nasabing bomba.
Sinampahan na ng patumpatong na kaso ng Philippine National Police (PNP) ang pitong itinuturong nasa likod ng pagdukot umano sa mga kabataan sa Cebu nuong 2018.
Ito’y makaraang mailigtas ng pulisya ang 19 na kabataang lumad sa kamay na ni-recruit umano bilang mga child warrior ng New People’s Army sa Talaingod, Davao Del Norte.
Pormal na isinailalim sa inquest proceedings ang nasa dalawang datu, dalawang guro at dalawang mag-aaral na Lumad na nasa hustong gulang na via video conference sa Davao Provincial Prosecutor’s Office.
Kasong kidnapping with serious illegal detention, child exploitation at human trafficking na isinampa ng pulisya laban sa mga suspek dahil sa pagdukot ng mga ito sa mga katutubong batang lumad ng walang paalam sa kanilang mga magulang.
Binigyan naman ng piskaliya ang mga respondent sa kaso ng 15 araw para makapaghain ng kanilang kontra salaysay hinggil sa kasong isinampa laban sa kanila.
Ligtas at nagpapagaling na sa ospital ang isang pulis sa General Santos City matapos aksidenteng sumabog ang karerekober pa lamang na granada sa loob ng himpilan ng pulisya.
Kinilala ni General Santos City Police Station 6 Chief P/Capt. Abdulsalam Mamalinta ang biktima na si P/Cpl. Samson Cael, desk officer on duty sa nasabing himpilan nang mangyari ang pagsabog.
Ayon kay mamintala, sumabog ang granada matapos na malaglag ang blasting cap nito habang itine-turn over sa pulisya ng mga tanod ng Barangay Bula alas-4 ng hapon kahapon.
Agad kinordonan ang paligid ng himpilan ng pulisya bilang bahagi ng standard operating procedure at nagpapatuloy naman ang imbestigasyon hinggil sa kung ano ang naging dahilan ng aksidenteng pagsabog.
Kalaboso ang apat na drug suspek sa magkakahiwalay na operasyon ng Pambansang Pulisya sa lalawigan ng Bulacan nitong Biyernes.
Kinilala ni Bulacan Provincial Police Office Director P/Col. Lawrence Cajipe ang mga suspek na sila Edmond Salcedo, Emmanuel Lagmay, Nathaniel Ellado at Lincone Tadeo.
Nasamsam sa mga ito ang 17 piraso ng mga hinihinalang shabu na nakasilid sa plastic sachet na may bigat na apat na gramo at nagkakahalaga ng P27,000.
Nakuha rin mula sa mga suspek ang kalahating kilo ng pinatuyong dahon ng marijuana na nagkakahalaga ng P60,000, marked money na nagkakahalaga ng P3,500 at P11,000 boodle money.
Agad dinala sa Bulacan Provincial Crime Laboratory ang mga ang mga nasabat na iligal na droga upang isailalim sa karampatang pagsusuri habang inihahanda na ng pulisya ang mga kasong isasampa laban sa mga suspek.
Kalaboso ang dalawang lalaki matapos mahulihan ng hinihinalang shabu na ipinalaman sa tinapay sa La Paz, Iloilo City.
Kinilala ng Iloilo Police ang mga suspek na sina alyas “Rico” na isang guwardiya at alyas “Pido” na isang waiter, kapwa nakatira sa naturang lungsod.
Maliban sa marked money, nasabat din sa operasyon ilang sachets ng umano’y shabu na may halagang higit sa P200,000.
Sasampahan ang mga suspek ng kasong paglabag sa Comprehensive Dangerous Drugs Act of 2002.
Nilinaw ng Department Of Health (DOH) na mahirap sabihin na ang pagsirit ng kaso ng COVID-19 sa Central Visayas ang dahilan sa na-detect na mutation concerns duon.
Ayon kay doh Secretary Francisco Duque III, mahirap itong sabihin dahil may iba’t-ibang dahilan na maituturong responsable sa naturang mutations.
Mahirap mong iugnay ‘yan nang gano’n na lamang or ng direktamenteng pag-uugnay, kasi marami rin tayong ibang factors na dapat alamin o obserbahan,” he said during a virtual briefing, ani Duque”
Kabilang sa mga posibleng maging dahilan ani duque ay ang pagluluwag ng restrictions sa cebu na nagpataas ng mobility rate ng mga residente nito.
Kaugnay nito, sinabi ni Research Institute for Tropical Medicine (RITM) director, dr. Celia carlos na isasailalim nila ang iba pang mga samples mula sa central visayas sa genome sequencing para masuri kung ang mga ito ay nagtataglay ng ibang uri ng mutations of concern.
To have a clearer picture of the situation, we need to sequence more samples from more areas of Region 7 before we draw conclusions, ani Carlos”