RONDA PROBINSYA

Inihayag ng Davao Oriental Provincial Health Office na isa na sa Sitio Lower Manzanas sa Caraga ang naitalang nasawi habang umabot naman sa 350 katao ang naapektuhan ng diarrhea outbreak sa Barangay Santiago, bayan ng Caraga, Davao Oriental.

Kinilala ang nasawi na si Cludualdo Tucasan, na inadmit sa Mati City Hospital pero agad ding binawian ng buhay matapos tamaan ng diarrhea habang patuloy paring ginagamot ang nasa 60 pasyente kung saan, isang tatlong buwang gulang na sanggol ang pinakabatang tinamaan ng naturang sakit.

Nabatid na ang COVID-19 Quarantine Facility sa lugar ay pansamantala munang ginawang Infirmary o pasilidad para sa mga may diarrhea.

Nagpaalala naman sa mga residente si Dr. Chris Anthony Limen ng Municipal Health Office laban sa pag-inom ng tubig mula sa kanilang mga gripo dahil posible na ito ang dahilan ng outbreak dahil sa kontaminadong tubig.

Ayon naman kay Melanie Ybanez, Officer ng Caraga Municipal Risk Reduction and Management Office, mainam na pakuluan muna ng 20 minutes ang mga tubig na iinumin na makukuha mula sa mga gripo.

Mas okay din kung iinom ng distilled at purified water para makasigurong ligtas at malayo sa sakit na diarrhea.  —sa panulat ni Angelica Doctolero

Aabot sa 370 ang inaresto ng pinagsanib puwersa ng mga tauhan ng Bulacan-PNP, Station Drug Enforcement Unit (SDEU) ng Municipal at City Police Station ng Bulacan Police Provincial Office (BPPO) sa ikinasang operasyon sa Bulacan.

Kabilang sa mga nahuli ay drug peddlers at karamihan dito ay kabilang sa drug watchlist; Most Wanted Person (MWP) na naaresto sa bisa ng warrant of arrest; mga sugarol na nalambat sa ibat-ibang Anti-illegal Gambling Operation habang ang iba pa ay naaresto naman sa iba pang operasyon.

Ayon sa mga otoridad, nagkasa ng week-long simultaneous Anti-Criminality Law Enforcement Operation (SACLEO) ang mga pulis kung saan, nakumpiska ang nasa mahigit P4M halaga ng ilegal na droga.

Nakuha sakanila ang 367 pakete ng shabu na may timbang na mahigit 144 grams, 87 pakete at bricks ng pinatuyong dahon ng marijuana na may kabuuang timbang na mahigit 25,000 grams bukod pa sa assorted drug paraphernalias at Buy-bust money.

Isinuko naman sa mga otoridad ang nasa siyam naput pitong baril habang siyam na baril pa ang nakumpiska dahil sa paglabag sa omnibus election code.

Umabot naman sa 1,037 motorista nahuling walang lisenya at walang orihinal na dokumento dahilan para i-impound ang kanilang mga motorsiklo habang patuloy pa itong biniberipika ng mga otoridad.

Ayon sa Bulacan pnp, ang pagkakahuli sa mga suspek ay patunay lamang ng matagumpay na operasyon kontra iligal na droga, loose firearms, illegal gambling, mga wanted at pasaway na law violators.  —sa panulat ni Angelica Doctolero

Nasawi ang isang pulis nang tangkain nitong sagipin ang isang babaeng nalulunod sa Atimonan, Quezon na kalauna’y namatay rin matapos anurin sa Maling river.

Kinilala ang mga biktima na si Corporal Ruel Agnes ng Quezon Police Provincial Office at Mary Jean Binaday Mata, 25- anyos.

Ayon sa Quezon Provincial Police, kapwa inanod ang dalawa ng malakas na agos ng ilog ang dalawa na hindi agad nakita.

Nagsasagawa na ng joint retrieval operation ang awtoridad.

Patay ang isang lalaki matapos pagbabarilin habang nakikipag-inuman sa Pola, Oriental Mindoro.

Kinilala ng Pola Municipal Police ang biktima na si Jomedes Pais.

Nakikipag-inuman si Pais kay Cesar Logatic nang dumating ang suspek na si Marino Panganiban, 62-anyos.

Dalawang beses pinaputukan ni panganiban ang biktima at bagaman suwerteng hindi tinamaan si Logatic, pinagbantaan naman ito ng suspek.

Agad nadakip si Panganiban sa bahay nito at narekober ang caliber .45 na baril na ginamit sa krimen at ilang mga bala.

Batay sa imbestigasyon, love triangle ang motibo sa pamamaslang.

Patay ang isang karpentero at kanyang asawa matapos silang pasukin ng dalawang hindi pa nakikilalang lalaki sa kanilang bahay sa Sorsogon.

Kinilala ang mga biktima na sina Rodolfo Gaban at kanyang misis na si Gloria Gaban.

Ayon kay Sorsogon Police Chief Major Christine Llorin, ilang ulit na binaril si Rodolfo sa ulo, habang si Gloria naman ay binaril din kahit pa nagmakaawa na ito sa mga suspek.

Nabatid na nasa pinangyarihan ng krimen ang apat na anak ng mga biktima, na hindi pinansin ng mga suspek.

Samantala, inaalam pa ng mga otoridad kung ano ang motibo sa pamamaril.

Patay ang isang contractor matapos barilin nang malapitan sa harap ng kanyang bahay sa General Trias City, Cavite.

Kinilala ang biktimang si Jay Atienza, 42 anyos.

Ayon sa Gentri Police, maglilinis sana ng kanyang motorsiklo ang biktima nang lapitan ng salarin at pinaputukan.

Inaalam na ang pagkakakilanlan ng gunman at motibo sa pamamaslang.—sa panulat ni Mara Valle

Nasawi ang isang pulis nang tangkain nitong sagipin ang isang babaeng nalulunod sa atimonan, quezon na kalauna’y namatay din matapos anurin sa Maling River.

Kinilala ang mga biktima na si Corporal Ruel Agnes ng Quezon Police Provincial Office at Mary Jean Binaday Mata.

Ayon sa Quezon Provincial Police, kapwa inanod ang dalawa ng malakas na agos ng ilog ang dalawa na hindi agad nakita.

Nagsasagawa na ng joint retrieval operation ang mga otoridad.  —sa panulat ni Mara Valle

Na-aagnas na ang bangkay ng isang hindi pa nakikilalang lalaki matapos lumutang sa breakwater ng Port Area, Maynila.

Ayon sa Manila Police District-Homicide Section, namataan ng mangingisdang si Bienvenido Delos Angeles ang bangkay sa South Harbor, Baseco Compound.

Agad nitong iniulat sa mga kawani ng Philippine Coast Guard (PCG) ang palutang-lutang na katawan.

Nakasuot ng gray short pants ang lalaki at namamaga na ang katawan nang marekober.

Dinala na ang bangkay sa Cruz Funeral Homes para sa otopsiya at safekeeping..—sa panulat ni Mara Valle

Arestado ang isang construction worker matapos pagnakawan at bugbugin pa ang isang kahera ng salon sa Mandaue City, Cebu.

Huli sa akto ang ilang ulit na panununtok, pagsakal at pagbalibag ng suspek na si Samuel Dumaguit, 23 anyos sa hindi pinangalanang kahera.

Agad namang sumuko ang suspek sa Mandaue City Police pero iginiit ng kanyang ina na mayroong sakit sa pag-iisip ang anak nitong si Dumaguit.

Tinatayang 9,000 piso ang halaga ng ninakaw na cellphone ng suspek na napagalamang nakulong na noong 2019 dahil sa kasong carnapping.—sa panulat ni Mara Valle

Patay ang isang lalaki matapos pagbabarilin habang nakikipag-inuman sa Pola, Oriental Mindoro.

Kinilala ng Pola Municipal Police ang biktimang si Jomedes Pais.

Nakikipag-inuman si pais kay Cesar Logatic nang dumating ang suspek na si Marino Panganiban72-anyos.

Dalawang beses pinaputukan ni Panganiban ang biktima at bagaman suwerteng hindi tinamaan si Logatic, pinagbantaan naman ito ng suspek.

Agad nadakip si Panganiban sa bahay nito at narekober ang caliber 45 na baril na ginamit sa krimen at ilang mga bala.

Batay sa imbestigasyon, love triangle ang motibo sa pamamaslang. —sa panulat ni Mara Valle