Welcome sa Federation of Free Workers (FFW) ang appointment ni Incoming Labor Secretary Bienvenido Laguesma.
Ayon kay Atty. Sonny Matula, pangulo ng grupo, natutuwa silang si Laguesma ang itinalagang kalihim ng DOLE dahil maayos nila itong nakaugnayan nuong mga nakalipas na administrasyon.
Ipinabatid pa ni Matula na maraming pagkakataon na pumapabor si Laguesma sa kapakanan ng mga manggagawa.
Wala pang venue para sa inagurasyon ni presumptive president Ferdinand Bongbong Marcos, Jr.
Ayon ito sa kampo ni BBM na unang tinatarget ang Quirino Grandstand kung saan tradisyunal na ginagawa ang inagurasyon para sa kanyang sariling inagurasyon subalit may mga COVID-19 programs na ginagawa pa rito.
Magugunitang June 19 planong idaos ni presumptive vice president Sara Duterte-Carpio ang kanyang Inauguration Ceremony sa kanyang baluwarteng Davao City.
Nakumpiska ng mga otoridad sa isang lalaki ang aabot sa P55-M halaga ng shabu matapos ikasa ang drug buy-bust operation sa Riverside Phase 12, Barangay 188, Caloocan City.
Kinilala ang suspek na si Tantawi Salic alyas “Tangie”, 35-anyos at residente ng nabanggit na lungsod.
Nakuha mula sa suspek ang walong piraso ng transparent vacuum-sealed plastic sachet na shabu at isang plastic bag na naglalaman ng kabuuang 8,100 grams ng umano’y shabu na nagkakahalaga ng P55, 080, 000.
Nasamsam din ang pitong piraso ng foil wrapper bag, isang blue travel backpack, isang black digital weighing scale, dalawang pirasong P1,000 bill, at boodle money na ginamit sa buy-bust.
Nakakulong ngayon ang suspek sa custodial facility ng Caloocan Police Station at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Magsasagawa ng konsultasyon sa mga nasa labor sector si Incoming Labor Secretary Bienvenido Laguesma.
Ipinabatid ito ni Laguesma matapos kumpirmahin ang pagtanggap na muling pamunuan ang Department of Labor and Employment (DOLE).
Sinabi ni Laguesma na kailangan muna nilang marinig ang tinig ng mga labor group at maging employers’ group para makabuo at magsulong ng mga solusyon para tugunan ang mga usaping may kinalaman sa paggawa tulad ng contractualization.
Nilinaw ni Laguesma na wala siyang dalang magic wand o quick fix solution sa mga usaping bumabalot o bumabatay sa larangan ng paggawa.
Kasabay nito, dumistansya si Laguesma sa pagkuwestyon kaugnay sa posisyon sa pagtigil muna ng deployment ng OFWs sa Arab countries na kumikilala sa Kafala System na pinapayagan ang employers na tratuhin ang kanilang manggagawa bilang Pseudo Properties.
Nilinaw ni Dr. Maricar limpin, President ng Philippine College of Physicians na ang monkeypox virus ay nagmula sa sakit ng hayop na naipasa sa isang tao dahilan kaya nagkaroon ng human to human transmission.
Sa panayam ng DWIZ sinabi ni Limpin na ang panibagong virus ay kamag-anak ng smallpox at chicken pox pero hindi ito mabilis makahawa kung ikukumpara sa COVID-19.
Ayon kay Limpin, malaki ang tiyansa na mahawa ang isang indibidwal na makakalanghap ng particles mula sa isang indibidwal na positibo sa monkeypox.
Sinabi ni Limpin na ang bakuna sa COVID-19, ay iba pa sa bakuna laban sa smallpox, chicken pox at iba pang virus.
Dagdag pa ni Limpin na kailangan pa rin ng publiko ng dobleng pag-iingat laban sa ibat-ibang uri ng sakit na kumakalat ngayon sa Pilipinas at sa iba pang bansa.
Sisimulan na mamayang alas-2 ng hapon ng National Board of Canvassers ang Marathon of Canvassing ng mga boto at Election Returns (ERs) na dumating sa Batasang Pambansa Complex.
Sa panayam ng DWIZ sinabi ni Mark Llandro Mendoza, Secretary General ng House of Representantives na magkakaroon ng joint session ang Kamara at Senado na magsisimula mamayang alas-10 ng umaga.
Ayon kay Mendoza, target na matapos ang Canvassing bukas, Miyerkules ng gabi o Huwebes ng umaga kung saan, posibleng ianunsyo ang mga mananalo sa pagka-presidente at bise-presidente.
Aarangkada na ngayong araw ang dagdag-bawas sa presyo ng mga kumpaniya ng langis sa bansa.
Ayon sa Pilipinas Shell, Cleanfuel at Petro Gazz, epektibo na kaninang alas-6 ng umaga ang singil sa produktong petrolyo kung saan, maglalaro sa P3.95 centavos ang taas singil sa kada litro ng gasolina.
Magtatapyas naman ng P2.45 centavos sa kada litro ng kerosene habang P2.30 centavos naman ang magiging bawas-singil sa kada litro ng diesel.
Ayon sa Department of Energy (DOE), ang adjustments o pabago-bagong presyo ng langis sa bansa ay bunsod pa rin ng paggalaw sa pandaigdigang merkado at bakbakan sa pagitan ng Russia at Ukraine.
Hinikayat ng Department of the Interior and Local Government ang mga Local Government Unit na magpasa na ng mga ordinansa hinggil sa pagpapatupad ng “no cctv, no business permit” policy.
Ayon kay DILG Secretary Eduardo Año, dapat na maging prayoridad ng mga LGU Ang kaligtasan ng publiko ngayong bumabalik na ang mga mamamayan sa kanilang pre-pandemic activities.
Malaking tulong anya sa pagtiyak ng public safety, kung gagawing requirement ng mga lungsod at bayan ang paglalagay ng mga CCTV systems, sa pagkuha ng business permits ng mga establisimyento na mayroong malaking bilang ng mga customer at mga risk o hazard-prone area.
Makatutulong din ang mga CCTV upang mapigilan ang mga krimen at matukoy o mahuli ang mga nasa likod nito.
Alinsunod sa DILG memorandum circular 2022-060, kabilang sa mga establisimyento na dapat na mayroong CCTV ay mga financial establishment, gaya ng mga bangko, pawnshop, money lender at money remittance services at mga kahalintulad nito;
Mga business establishment na maraming sangay; shopping mall, shopping center, supermarket, mga palengke, ospital, klinika at laboratoryo.
Aabot na sa 1,214 na bagong kaso ng COVID-19 ang naitala ng Department of Health mula May 16 hanggang 22.
Ito ay 9.9% na mas mataas sa mga kaso noong May 9 hanggang 15.
Ayon sa DOH, nasa 173 na ang daily average cases sa nasabing linggo habang nakapagtala rin ng 14 na bagong severe at critical cases at anim na bagong nasawi.
Sa mga namatay, tatlo ang naitala simula Mayo 9 hanggang 22.
Samantala, sumadsad na sa 2,215 ang aktibong kaso kahapon kumpara sa 2,252 noong linggo, May 22.
Natunton na sa Negros Oriental ang unang kaso ng Omicron subvariant na BA.4 sa bansa.
Kinumpirma ng Negros Oriental Provincial Health Office na naitala sa bayan ng Dauin ang kaso ng BA.4 na kabilang sa variant of concern.
Ayon kay assistant provincial health officer, Dr. Liland Estacion, magaling na ang pasyente bago pa man dumating sa probinsya.
Ang nasabing pasyente na isang seafarer at dalawang linggong sumailalim sa quarantine sa isang hotel sa Metro Manila, subalit hindi naman binanggit ni Estacion kung kailan.
May 4 nang dumating sa bansa ang Pinoy seafarer mula middle east.
Samantala, sumailalim na ang balikbayan at pamilya nito sa swab test habang sinusuri na sa laboratoryo ang kanilang specimens.