NATIONAL NEWS

Kinumpirma ng tagapagsalita ni Vice President-elect Sara Duterte na Si Liloan, Cebu Mayor Christina Garcia Frasco, na dadalo sa inagurasyon nito sina Pangulong Rodrigo Duterte at dating pangulo at come backing Pampanga Representative Gloria Macapagal-Arroyo.

 Nabatid na kinumpirma na ni Arroyo ang kanyang pagdalo sa inagurasyon na gagawin sa Hunyo 19 sa San Pedro Square, Davao City.

 Samantala, sinabi naman ni Sara Duterte na hindi makakadalo si Vice President Leni Robredo sa naturang event dahil nakatakda ito na pumunta sa naga charter day.

Pinaghahandaan na ng Commission on Elections (COMELEC) ang ikakasang Barangay at Sangguniang Kabataan (SK) election sa December.

Kabilang sa ginagawang preparasyon ng poll body ang mga sumusunod:

• Drafting ng implementing resolutions
• Pagbili ng election supplies tulad ng ballot paper
• Pagbili ng printing services para sa opisyal na balota, accountable at non-accountable forms.
• Pagsusuri sa COVID-19 health protocos at
• Posibleng pagdaraos ng voter registration sa July 4 hanggang 30 na pag-aaralan pa ng Commission en Banc

Tinataya namang aabot sa 66,053,357 ang kabuuang bilang ng rehistradong botante sa barangay election habanag 23,059,227 naman ang mga rehistradong botante para sa SK election.

Ginagawa ng Department of Energy (DOE) ang lahat ng kanilang makakaya para matulungan ang kababayan sa gitna ng pagtaas ng presyo ng produktong petrolyo.

 Sa panayam ng DWIZ, sinabi ni DOE Undersecretary Gerardo Erguiza na ito ay sa pamamagitan ng diskwento, suggestion subsidy katulad ng suspensyon ng excise tax at long term amendment ng oil derregulation law.

 Samantala, sinabi ni Erguiza na napag-uusapan na nila ang paggamit ng electric vehicle.

Umapela ang grupo ng mga guro sa Department of Education (DEPED) kaugnay sa pagbibigay ng karagdagang sahod o service credit sa mga guro na magpapasilidad sa remedial classes.

 Batay sa Order No.13 ng deped, nakasaad dito ang mga alituntunin sa pagsasagawa ng remedial at enrichment classes sa mga grade 1 hanggang 11 na hindi makakapasa kasunod ng school year 2021-2022 na nakatakdang magtapos sa June 24.

 Ayon kay Teachers Dignity Coalition (TDC) National Chairperson Benjo Basas, dapat na maging malinaw ang polisiya ng kagawaran dahil inaasahan nila na makakapagpahinga ang guro sa dalawang buwang bakasyon.

 Kabilang kasi aniya sa requirements ng DEPED sa remedial classes ang online activities, virtual and physical classes at pagre-report sa mga paaralan.

 Iginiit din na hindi nabanggit sa DEPED order kung makakatanggap ng sahod ang mga gurong magtuturo sa naturang klase.

 Samantala, sinabi ni Basas na nais nitong makipag-usap kay Education Undersecretary Nepomuceno Malaluan o kay outgoing Secretary Leonor Briones para sa naturang sahod.

Ibinabala ng OCTA Research na posibleng umakyat sa moderate ang risk classification ng COVID-19 sa Metro Manila ngayong hunyo.

Ayon kay OCTA Research Fellow Dr. Guido David ito ay dahil tumaas ang 7-day average na kaso ng COVID-19 sa 31% o 115 mula sa 88 na kaso.

Sumipa rin sa 1.49 mula sa 1.21 ang reproduction number habang tumaas rin sa 2.4% mula sa 1.5% ang positivity rate.

Dagdag pa ni David na bahagya ring tumaas ang healthcare utilization rate sa 23% mula sa 21%.

Inaasahan naman ng OCTA na posibleng tumaas ang mga bagong kaso sa Metro Manila sa 300 hanggang 400 kada araw sa pagtatapos ng Hunyo sakaling magpatuloy ang naturang trend.

 Nagsasagawa na ng paghahanda ang Department of Education (DEPED) at ang Commission on Higher Education (CHED) para sa gagawing pagbabakuna sa mga paaralan.

 Ito ang inihayag ni Department of Health (DOH) Undersecretary Maria Rosario Vergiere kasunod ng inilabas na resolusyon ng IATF ukol dito.

May mga pag-uusap na ani Vergiere ang bawat ahensiya ng pamahalaan para sa mga kinakailangang preparasyon.

 Pero paglilinaw ni Vergiere, dedepende parin ito sa mga magulang kung papayagan nilang mabakunahan ang kanilang mga anak.

 Giit pa ng DOH official, sa pamamagitan nito ay mas mailalapit na sa mga mag-aaral ang pagbabakuna na isang hakbang din upang mapataas pa ang bilang ng mga bakunado sa bansa. –  sa ulat ni Jopel Pelenio (Patrol 17)

Pinagreresign ni Philippine National Police (PNP) Officer-in-Charge Lieutenant General Vicente Danao Jr. ang mga police officers na hindi susunod sa patakaran ng gobyerno hinggil sa pagsusuot ng face mask.

 Giit niya na ang direktiba lamang ng kalihim ng Department of Interior and Local Government (DILG) at ng pangulo ang dapat sundin.

 Sinabi pa niya na sila ay bahagi ng ahensya ng gobyerno na naglilingkod sa bansa.

 Nabatid na nilagdaan ni Cebu Governor Gwendolyn Garcia ang executive order noong June 8 na nagpapatupad ng opsyonal na pagsusuot ng face mask sa outdoor set up maliban na lamang sa poor-ventilated spaces.

Hinimok ni Senador Win Gatchalian ang susunod na administrasyon na tiyakin ang dekalidad na edukasyon at training o pagsasanay para sa mga guro para mahusay na matugunan ang krisis na kinakaharap ngayon sa sektor ng edukasyon.

 Ayon kay Gatchalian, dapat gawing prayoridad ng Department of Education (DEPED) ang agaran at epektibong pagpapatupad ng Excellence in Teacher Education Act.

 Layon ng batas na ito na patatagin ang Teacher Education Council (TEC) at iangat ang kalidad ng training at edukasyon ng mga guro mula sa kolehiyo hanggang sa tuluyang makapasok sa mga paaralan upang magturo.

 Paliwanag ni Gatchalian, ang susunod na kalihim ng DEPED na si Vice President-elect Sara Duterte-Carpio ay may political capital upang ipatupad ang mga repormang tulad ng Excellence in Teacher Education Act.

 Sa ilalim ng batas, ang kalihim ng DEPED ang magiging chairperson ng TEC, habang Vice Chairperson naman ang Chairman ng Commission on Higher Education (CHED). –  sa ulat ni Cely Ortega-Bueno (Patrol 19)

Dalawang barangay lamang mula sa higit 500 barangay sa lalawigan ng Sorsogon ang pinakanaapektuhan ng ashfall bunsod ng pagputok ng bulkang Bulusan.

Dahil dito, sinabi ni Governor Francis Escudero na walang dahilan para mag-panic o mag-isip ng ano pa man ang publiko.

Sa katunayan aniya ay inaasahan nila na ngayong araw babalik sa kani-kanilang tahanan ang mga residenteng nanatili sa evacuation centers dahil hindi na kailangang ilikas ang iba pa.

Nabatid na naitala ng PHIVOLCS ang muling pagputok ng naturang bulkan, alas tres:trenta’y syete ng madaling araw kahapon na nagtagal ng 18 minuto.

Nasawi ang dalawang indibidwal na lulan ng motorsiklo matapos mahulog sa riles ng Metro Rail Transit 3 (MRT-3) sa pagitan ng Taft at Magallanes Stations.

Sa panayam ng DWIZ, sinabi ni MRT 3 General Manager Mike Capati na binabagtas ng mga ito ang flyover sa Aurora Boulevard, Edsa nang mawalan ng kontrol sa sinasakyan bunsod ng madulas na daan dahilan para sumalpok ito sa gilid ng barrier at mahulog sa nasabing riles dakong alas-sais singkwenta kagabi.

Dahil dito, nag-regulate aniya sila ng operayon ng tren at nagpatuloy ng alas-syete bente sais kagabi.

Sa ngayon, naka full operation ang MRT-3.

Samantala, nilinaw ni Capati na ang susunod na administrasyon na ang magdedesisyon hinggil sa extension ng libreng sakay ng naturang tren.