INTERNATIONAL NEWS

Pinaiimbestigahan ni Russian president Vladimir Putin ang nangyaring pagkasunog sa tulay na nagko-konekta sa Crimean Peninsula at Russia.

Sinisi ng Crimean Parliamentary speaker na si Vladimir Kontantinov ang nangyaring pagsabog sa Ukraine.

Binuksan ni Pangulong Vladimir Putin noong 2018 ang 19 na kilometro na tulay sa buong Kerch Strait.

Sinasabing ito’y pangunahing target para sa pwersang Ukrainian na umaatake sa Russia.

Ayon naman sa explosive expert, hindi sanhi ng isang missile ang naganap na pagsabog.

Aniya, posibleng pinagplanuhan ang nasabing pag-atake.

Samantala, nagdulot naman ng pagkasunog ang mga oil tankers sa rail section at gumuho ang kalsada.

Gayunman, hindi pa direktang inaangkin ang pananagutan ng Ukraine sa naganap na pagsabog. —sa panulat ni Jenn Patrolla

 Natupok ng apoy ang ilan sa mga monumental carved stone figures ng Eastern Island na kilala bilang MOAI.

Ayon sa mga otoridad, nagmula ang apoy sa isang forest fire na pinulbo ang ilang bahagi ng Eastern Island.

Sinabi naman ni Carolina Perez, cultural heritage undersecretary, na nasa 60 ektarya ng lupa ang apektado dahil sa naturang sunog.

Pinaka apektado aniya ang lugar sa paligid ng Rano Raraku volcano na isang UNESCO world heritage site.

Tinatayang nasa ilang daang MOAI ang nasa Easter Island o mga higanteng ulo na pinaniniwalaang unang inukit noong ika-13 siglo ng mga orihinal na naninirahan sa isla.

Ayon naman kay Easter Island Mayor Pedro Edmunds Paoa, hindi aksidente ang nangyare at sinabing lahat ng sunog sa Rapa Nui ay gawa ng mga tao.

Sa kasalukuyan, wala pang naiulat hinggil sa kabuuang danyos ng pinsala dulot ng forest fire.

- sa panunulat ni Hannah Oledan

6 na indibidwal ang nagtamo ng paso sa katawan matapos mahulugan ng sinunog na effigy sa Dussehra, India.

Ang pagsunog sa effigy ni Ravana na isang demon king sa hindu mythology ay bahagi ng selebrasyon na ang pinagdiriwang ay ang pagkakagapi ni Lord Rama kay Ravana na simbolo ng pananaig ng kabutihan.

Batay sa ulat ng mga otoridad, matapos matupok ang ikalawang effigy ay nilapitan pa umano ng mga tao ang naunang effigy na sinunog.

Ilang saglit pa, bumagsak sa mga tao ang dalawang effigy at nagkaroon naman ng pasabog mula sa isa pa.

Wala namang napaulat na nagtamo ng matinding pinsala sa katawan. - sa panunulat ni Hannah Oledan 

Patay ang 21 indibidwal matapos tumaob ang dalawang bangkang kanilang sinasakyan sa karagatang sakop ng Greek Island.

Ayon sa mga otoridad, nawasak ang sinasakyan ng mga biktima matapos hampasin ng malalakas na alon sa nabanggit na lugar.

Sa ngayon, kasalukuyan pang pinaghahanap ang iba pang nawawalang pasahero habang nagsasagawa narin ng iba pang operasyon matapos ang insidente.

Nagpalipad ng “volley of missiles” ang South Korea at US military forces.

ito ay bilang tugon matapos ang pagpapakawala ng ballistic missile ng North Korea sa coastal area ng Japan.

Ayon sa joint chief of staff ng South Korea, parehong nagpakawala ng US-made atacms short-range ballistic missiles ang magkaparehong panig habang nagsasagawa nadin ng missile drill ang South Korean forces at American troops.

Matatandaang kapwa kinondena nina US President Joe Biden at Japanese Prime Minister Fumio Kishida ang ginawang test ng North Korea at tinawag itong provocative avtion ng European Union.

Dalawampung katao ang patay habang 36 naman ang sugatan matapos ang pag-atake ng Al-Shabab Group sa Beledweynes Somalia.

Target ng mga militante grupo ang Somalian Government ng Hiran Region matapos masawi ang kanilang lider na si Abdullahi Nadir.

Ayon sa mga otoridad, kabilang sa mga nasawi ang mga opisyal ng gorbyerno, sibilyan at mga sundalo.

Kinondena na ni U.N. Secretary-General Antonio Guterres ang naganap na pag-atake at muling pinagtibay ang pangako ng U.N. para sa kapayapaan ng bansa. —sa panulat ni Jenn Patrolla

Umakyat na sa 102 ang bilang ng mga nasawi dulot ng pananalasa ng Hurricane Ian sa Florida, U.S.

Ayon sa mga otoridad, apat na araw ng nakararanas ng power outage ang ilang lugar sa nabanggit na bansa, dahil sa nagtumbahang mga poste at mga puno.

Ayon sa mga rescuer, libu-libong residente na ang nagsilikas dahil nananatili paring lubog sa baha ang maraming lugar sa Florida na hindi na maaring gawing tirahan dahil sa nagkalat na mga buwaya sa kalsada.

Sa ngayon, nagsasagawa na ng door-to-door searching ang mga rescuer para alamin kung mayroong mga survivor na naiwan o nanatili parin sa kani-kanilang mga tirahan.

Umakyat na sa 43 ang bilang ng mga nasawi sa suicide bomb attacks sa isang learning center sa Kabul, Afghanistan.

Ayon sa United Nations Mission, 83 ang nasugatan at inaasahang madadagdagan pa ang death toll.

Matatandaang noong Biyernes ay pinasabog ng isang suicide bomber ang kaniyang sarili malapit sa mga kababaihan sa isang gender-segregated study hall sa kabul, na tahanan ng historically oppressed Shiite Muslim Hazara Community.

Sa ngayon ay wala pang grupo na umaako sa nasabing pagpapasabog, ngunit ang Jihadist Islamic State Group, ang nagsasagawa ng deadly attacks sa lugar na tuma-target sa mga babae, eskwelahan at mga moske.

Umabot na sa 92 katao ang nasawi matapos naganap ang kilos-protesta sa Iran.

Ito’y kasunod nang pagkamatay ng 22-anyos na babae sa loob ng kustodiya ng Pulisya matapos umanong lumabag sa tuntunin ng mga kababaihan na magsuot ng hijab.

Sumiklab ang sagupaan matapos magpunta ang mga protestante sa kalsada para magsagawa ng 16 na magkakasunod na gabing rally upang ipanawagan ang kanilang karapatan at dignidad.

Ilan sa mga protestante ay naghagis ng mga malotov cocktail sa headquarters ng Tehran.

Nagsasagawa na ng operasyon ang Iranian Forces bunsod ng nagpapatuloy na kilos-protesta sa nabanggit na lugar. —sa panulat ni Jenn Patrolla