Patay ang 18 Pakistanis, kabilang ang 12 mga bata, matapos masunog ang bus na kanilang sinasakyan.
Nangyari ang insidente sa Karachi-Hyderabad Highway malapit sa bayan ng Nooriabad.
Nabatid na lulan ng bus ang 47 katao na miyembro ng isang extended family.
Pauwi na sana ang mga ito sa kanilang tahanan matapos lumikas dahil sa pagbaha.
Sa ngayon ay nagpapatuloy ang imbestigasyon ng mga otoridad sa insidente.
Nasawi ang nasa 500 indibidwal sa Nigeria bunsod ng malalang pagbaha habang nasa 1,546 naman ang naiulat na sugatan.
Nasa 1.5 million naman ang naiulat na na-displace mula sa kanilang tahanan.
Nakaapekto ang pagbaha dulot ng pag-ulan at ang mahinang imprastraktura sa pinaka mataong bansa sa Africa, na nagdulot ng pangambang mas lumala ang kawalan ng seguridad sa pagkain at inflation.
Kabilang sa kabuuang danyos ang mahigit 45 bahay na lubusang napinsala at mahigit 70,000 ektarya ng farmlands na bahagyang napinsala.
Matatandaang inihayag ng world food programme at ng UN’s Food and Agriculture Organization noong nakaraang buwan na nahaharap ang Nigeria at anim pang African countries sa banta ng mataas na lebel ng kagutuman. – sa panulat ni Hannah Oledan
Kinondena ng United Nations General Assembly ang ginawang pag-annex o pag-angkin ng Russia sa ilang rehiyon ng Ukraine.
Sa ginanap na pagpupulong ng mga kinatawan ng UN, nagkasundo ang mga ito hinggil sa resolusyon kung saan, suportado ito ng 143 bansa habang 35 na estado naman kabilang na ang china at india ang nag-abstain o hindi lumahok.
Kabilang naman sa mga bansang hindi sumoporta sa naturang resolusyon ang Russia, Belarus, North Korea at Nicaragua.
Nabatid na ito na ang pinakamataas na botong naitala laban sa russia mula nang sakupin nito ang Ukraine.
Sa kabila nito, hinihimok ng un ang international community na huwag kilalanin ang anumang annexation ng Russia laban sa Ukraine.
Mariing kinondena ng mga leader ng G7 group ang ginawang major Russian Missile strike ng Russia sa Ukraine.
Dahil dito sinabi ng grupo na patuloy silang magbibigay ng military at Humanitarian Aid sa Ukraine.
Kinondena din ng grupo si Russian President Vladimir Putin sa ginawa nitong pag-atake sa 4 na rehiyon ng Ukraine sa pamamagitan ng self-styled referendums.
Matatandaang una rito, hiniling ni Ukrainian President Volodymyr Zelensky sa G7 ang dagdag na sandatahang lakas sa gitna ng paglaban nito sa Russia.
Tatanggalin na ng Hongkong Government ang quarantine protocols sa mga biyaherong pumapasok sa nasabing bansa.
Ito ang kinumpirma ng Filipino Community kahit na nakakapagtala pa rin ng pagtaas ng impeksiyon ng COVID-19 ang bansang Hongkong.
Nakatakdang mag-anunsiyo ang Hongkong ng kanilang pinal na desisyon sa pag-aalis ng g quarantine requirement sa inbound travelers.
Dahil dito, ikinatuwa naman ng filipino community ito dahil maaari nang makabalik sa hong kong ang Overseas Filipino Workers (OFWs) na naipit at hindi agad nakabalik dahil sa ilang buwan na restrictions ng Hong Kong.
Hinatulan ng panibagong anim na taong pagkakakulong ang napatalsik na lider ng Myanmar na si Aung San Suu Kyi.
Ang dalawang tig-tatlong taong sentensya ni Suu Kyi ay dahil umano sa pagtanggap nito ng suhol mula sa negosyanteng si Maung Weik na umabot ng 550,000 dollars.
Mariin namang itinanggi ni Suu Kyi ang paratang laban sa kanya.
Sa ngayon, umabot na sa kabuuang 26 na taong pagkakakulong ang sentensya para kay Suu Kyi na nahaharap sa limang iba pang corruption charges. – sa panulat ni Hannah Oledan
Nanawagan ng pagkakaisa si Pope Francis kasabay ng ika-60 anibersaryo ng second Vatican Council.
Nabatid na taong 1962 at 1965 nang magsimulang umupo sa pwesto ang ikalawang konseho ng Vatican na nakagawa ng labing anim na dokumento na nakaapekto sa maraming aspeto sa pagiging buhay simbahan.
Binuksan ang sinaunang simbahan para makipag-usap o makipagdayalogo ang mga santo papa sa ibang mga relihiyon sa buong mundo.
Ayon kay Pope Francis, dapat manaig sa mga katoliko ang pag-ibig at magturingan bilang magkakapatid at huwag gumawa ng pagtataksil sa kapwa.
Naitala ang unang pagkasawi ng Ebola virus sa kapital ng Uganda na kampala.
Sinabi ng Health Ministry ng bansa na ito ang ika- 19 na biktima dahil sa outbreak at unang napaulat na nasawi.
Papalo aniya sa 54 ang kumpirmadong kaso ng Ebola ang naiulat sa nasabing bansa.
Samantala, sa nasabing bilang ay dalawampung katao na ang gumaling kabilang ang 5 medics mula sa unang pagamutan sa bansa.
Pumalo na sa 43 ang bilang ng mga nasawi sa naganap na landslide sa bayan ng Las Tejerias sa Venezuela.
Ayon sa mga otoridad, posibleng tumaas pa ang bilang dahil sa mga natagpuang bangkay mula sa mga napuruhang lugar.
Nasa 56 naman ang nawawala kung saan, tumulong na rin ang ilang mga residente sa paghahanap sa mga ito.
Mahigit 1,000 kabahayan ang napinsala dahil sa naturang kalamidad.
Sa ngayon ay naibalik na ang supply ng kuryente at cellphone coverage sa naturang bayan ngunit marami pa rin ang walang supply ng tubig.
Nangako naman ang ilang opisyal ng gobyerno sa pagsasaayos ng mga naapektuhang kabahayan at gusali.