Sumampa na sa 195 bata ang nasawi matapos tamaan ng sakit na acute kidney injury (AKI) sa Indonesia.
Ayon kay health ministry spokesperson Mohammad Syahril, aabot sa 320 kaso ng AKI ang naitala sa mga lalawigan na nabanggit na bansa habang 27 ang nananatili sa ospital.
Kaugnay nito, naging sanhi ito sa sangkap ng syrup na naglalaman ng ethylene glycol, diethylene glycol and ethylene glycol butyl ether.
Matatandaang nasa 133 kaso ang kumpirmado noong October 21.—mula sa panulat ni Jenn Patrolla
Nagsagawa ng magkahiwalay na political rally sina US President Joe Biden at dating US President Donald Trump kasabay ng araw ng eleksiyon kahapon.
Si Biden ay nagtungo sa Maryland para suportahan ang kandidatura ng democratic nominee na si Wes Moore na nangunguna ngayon sa botohan laban sa republican na si Dan Cox.
Nagpunta naman sa Ohio si Trump para suportahan at palakasin ang boto ng Republican na si J.D. Vance, na tumatakbo bilang US Senator.
Layunin nina Biden at Trump na mapalakas ang boto at mahikayat ang mga botante na iboto ang kanilang sinusuportahang kandidato.
Nagbabala ang alkalde ng Kyiv City sa Ukraine sa mga tao na umalis sa lungsod oras na magkaroon ng tuluyang pagkawala ng suplay ng kuryente.
Ayon kay Mayor Vitaly Klitshko na ang pag-target ng russian troops sa mga imprastruktura sa lugar ay maituturing na terorismo at genocide.
Binigyang-diin pa ng alkalde na hindi naman umano kailangan ni Russian President Vladimir putin ang mga Ukrainians kundi nais lamang nito ang teritoryo.
Matatandaang milyon-milyong ukrainian na ang nakararanas ng kawalan ng suplay ng tubig at kuryente dahil sa pag-atake ng Russia.
Isasabak ni Russian President Vladimir Putin ang mga dating bilanggo sa laban nito sa Ukraine.
Ito ay matapos amyendahan ni Putin ang isang batas para ipatawag ang mga reservists kabilang ang mga convicted murderers at drug dealers na napalaya na.
Ipinagbabawal naman na magsilbi sa Russian Military ang mga dating bilanggo na convicted sa sex crimes, partikular na sa mga bata.
Una rito, inanunsyo ni Putin na nasa 49,000 mula sa 300,000 reservists ang dineploy sa units na nasa Ukraine noong Setyembre. - sa panunulat mula kay Hannah Beatrisse Oledan.
Nauwi sa trahedya ang masayang kasalan sa Spain matapos masawi ang apat katao habang sugatan naman ang apat na iba pa na nag-ugat umano sa isang away.
Ito’y matapos araruhin ng isang kotse ang mga bisita sa isang wedding party sa Torrejon De Ardoz na ilang kilometro mula sa Madrid, at mabilis na umalis sa lugar.
Nabatid na bago ang insidente ay nagkaroon ng away sa pagitan ng dalawang indibidwal.
Agad namang natagpuan ng mga otoridad ang sasakyang ginamit sa pag-atake at naaresto ang tatlong indibidwal na nadiskubreng mag-aama.
Patuloy namang pinaghahanap ang isa pang suspek na pinaniniwalang sangkot sa krimen.
Pinalawig ng Uganda ng tatlong linggo ang lockdown sa gitna ng ebola outbreak matapos masawi ang higit 50 katao.
Idineklara ang sakit mula sa distrito ng Mubende habang kumalat sa buong bansa ng East Africa kabilang ang kabisera ng Kampala.
Kaugnay nito, kilala din bilang Sudan ebola virus ang nasabing sakit at kasalukuyang wala pang nadidiskubre na bakuna laban dito.
Sinabi ni health minister Ruth Jane Aceng sa AFP na e-extend pa ng 21 araw ang lockdown sa lugar.
Nagbabala na rin ang World Health Organization (WHO) na peligro ang pagkalat ng ebola at nanawagan sa kalapit na bansa na palakasin ang kahandaan sa naturang sakit. —sa panulat ni Jenn Patrolla
Patay ang 19 na indibidwal matapos bumagsak ang isang eroplano sa coastal area ng lake victoria habang papalapit sa airport ng Tanzania, East Africa.
Ayon kay Prime Minister Kassim Majaliwa, nakararanas ng mga pag-ulan ang kanilang bansa na posibleng dahilan ng pagbulusok ng eroplano sa nabanggit na lugar.
Dalawamput anim (26) na indibidwal ang nailigtas na ngayon ay patuloy pang nagpapagaling sa ospital.
Sa ngayon, patuloy pang nagsasagawa ng rescue operation ang mga otoridad habang patuloy pang inaalam ang dahilan ng pagbagsak ng eroplano.
Patay ang 13 katao nang masunog ang isang nightclub sa Kostroma, Russia.
Nangyare ang sunog dakong alas-2:30 ng madaling araw sa mismong entertainment venue ng bar, matapos magpaputok ng flare gun sa kisame ng bar ang hindi pa nakikilalang lalake.
Batay sa ulat, nag-unahan at nagtutulakan palabas ang mga tao dahil sa panic at na-suffocate na rin ang iba dahil sa mabilis na pagkalat ng usok sa loob.
Mahigit 250 indibidwal naman ang mabilis na nailikas mula sa gusali at hawak na ng awtoridad ang 20 taong gulang na lalaki na umano’y lasing noong nagpaputok ng flare gun.—mula sa panulat ni Hannah Oledan
Hindi inaalis ng US Air Force ang posibilidad na magpadala ng B-1B strategic bombers sa isinasagawang military exercises ng Estados Unidos at South Korea.
Kasunod na rin ito ng mga inilunsad na weapon test ng North Korea noong nakalipas na mga araw bilang pagpapakita ng kanilang mariing pagtutol sa military drills ng South Korea at Amerika.
Matatandaan na sinimulan noong nakalipas na Lunes ang tinawag na “vigilant storm” na air drill ng dalawang bansa na pinalawig pa hanggang kahapon, araw ng Sabado, dahil sa ginawang pagbabanta ng North Korea.
Matagal nang panahon na nanawagan sa Estados Unidos ang South Korea na mag-deploy sa kanila ng mga “strategic assets” upang higit pang mapalakas ang kanilang military defense.
Patay ang nasa 200 hayop gaya ng elepante at zebra sa Kenya matapos makaranas ng malawakang tagtuyot sa lugar.
Sinabi ni Tourism Minister Peninah Malonza na labis na naapektuhan ang wildlife animals sa labis na tag-tuyot na itinuturing pinaka-malala sa loob ng apat na dekada.
Tumaas pa ang nasabing bilang ng mga nasawing hayop dahil sa kawalan ng pagkain at tubig.
Mula noong Pebrero at Oktubre ay mayroong 205 elepante, 512 Gnus, 381 zebras, 12 giraffes at 51 buffalo ang namatay na. —sa panulat ni Hannah Oledan