INTERNATIONAL NEWS

Napanalunan na ang record breaking na 2.04 billion dollar-jackpot prize sa powerball lottery sa California, USA.

Lumabas ang mapapalad na numero na 10, 33, 41, 47, 56 at powerball na 10.

Ayon sa Multi-State Lottery Association, nasa 1.9 billion dollars lamang ang jackpot prize ngunit lumago ito sa 2.4 billion dollars noong panahong ng drawing.

Papipiliin ang nanalo kung minsanan nitong kukunin ang premyo sa halagang 997.6 million dollars na lump sum ng cash o tatanggapin ang buong jackpot sa pamamagitan ng annuity sa loob ng 29 na taon.

Ayon sa tagapagsalita ng California Lottery na si Carolyn Becker, hindi pa kinukubra ng nanalo ang papremyo nito.

Samantala, nabigyan rin ng isang milyong dolyar ang may-ari ng gas station owner na si Joseph Chahayed na siyang nagbenta ng winning ticket. –  sa panulat ni Hannah Oledan

Nanawagan si Ukrainian Leader Volodymir Zelensky sa mga lider ng iba’t ibang bansa na isulong ang kapayapaan upang matugunan ang problema ng climate change.

Sinabi ito ni Zelensky sa kaniyang virtual speech sa united nation climate change summit sa Egypt na hindi nito napigilang tuligsain ang russia dahil ito ang nagiging hadlang upang makamit ang hangarin ng maraming bansa.

Halimbawa na aniya rito ang pagkubkob ng russia sa Zaporizhzhia Nuclear Power Plant sa ukraine kaya’t nakararanas ng kawalan ng suplay ng kuryente ang maraming lugar dito.

Posibleng umabot sa 90,000 katao ang masawi sa Europe kung magpapatuloy pa ang heatwave.

Ayon sa European Environment Agency, posible itong maganap sa 2100 kung hindi makokontrol ang init ng panahon na papalo sa 3°C

Pero kung mababawasan sa 1.5°C ang global warming, mababawasan ng 30,000 ang mamamatay sa nasabing bansa kada taon.

Maliban sa init, delikado rin ang heatwave dahil nagdudulot ito ng nakakahawang sakit gaya ng malaria at dengue.

Patay ang anim na indibidwal matapos ang magnitude 6.6 na lindol na tumama sa Nepal.

Ayon sa mga opisyal ng Doti, limang iba pa ang nasugatan habang walong bahay ang gumuho matapos ang malakas na pagyanig.

Una nang sinabi ng European-Mediterranean Seismological Center (EMSC) na naitala nito ang magnitude 5.6 na lindol, at may lalim na 10 kilometro.

Natukoy ng EMSC ang sentro nito sa layong 158 kilometers hilagang-silangan ng siyudad ng Pilibhit.

Samantala, naramdaman din ang pagyanig sa New Delhi, India at kalapit nitong mga lugar.

Pumalo pa sa 195 ang bilang ng mga batang nasawi sa Indonesia dahil sa kidney failure o epektong idinulot ng mga nakakapinsalang sangkap na matatagpuan sa mga syrup medicines.

Ayon kay Health Ministry Spokesman Mohammad Syahril, karamihan sa mga nasawi ay mga batang edad 5 pababa.

Sa nabanggit na bilang, higit 200 ang naitala sa mga probinsya habang 27 ang nananatili pa rin sa ospital.

Simula noong Agosto, nakitaan na ng pagtaas ang kaso ng acute kidney injury sa Southeast Asia, dahilan para imbestigahan ang lahat ng ibinebentang syrup medicine.