Hawak na ng mga otoridad sa Turkey ang isang babaeng nagtanim ng bomba sa Istanbul, dahilan para masawi ang 6 katao at pagkasugat ng higit 80 iba pa.
Ayon sa Turkey police, naaresto nila ang babae matapos suriin ang security cameras na nakapalibot sa lugar.
Hindi pa inilalabas ng mga otoridad ang pagkakilanlan ng babae na umamin na sa ginawa nito.
Maliban sa suspek, nasa 46 katao rin ang inaresto ng mga otoridad para imbestigahan sa nangyaring pagsabog sa Turkey.
Personal na binisita ni Ukrainian President Volodymyr Zelensky ang Kherson ilang araw matapos itong mabawi sa kamay ng Russia.
Ayon kay Zelensky, isang malaking kahihiyan sa Russia ang pagkabawi nila sa kabisera.
Aniya, simula lamang ito at tuluyan nang makakalaya ang mga rehiyon sa Ukraine mula sa pananakop ng nasabing bansa.
Matatandaan na sinakop ng Russia ang Kherson noong Marso at isa ito sa inangkin na bahagi ng kanilang bansa.
Kinumpirma ni Cambodian Prime Minister Hun Sen na nagpositibo siya sa COVID-19.
Dahil dito, kinansela ni Hun Sen ang mga nakatakda sana niyang meetings sa G20 Summit sa Bali, Indonesia kabilang ang pulong nila nina French President Emmanuel Macron at Chinese Leader Xi Jin Ping.
Matatandaang nakaharap ni Pangulong Ferdinand Marcos Jr., at iba pang regional leaders si Hun Sen sa Association of Southeast Asian Nations (ASEAN) Summits sa Cambodia na idinaos mula November 10 hanggang 13.
Natagpuang patay ang apat na estudyante ng University of Idaho sa isang bahay na malapit sa campus sa Washington.
Kinilala ang mga biktima na sina Ethan Chapin, 20-taong gulang, Madison Mogen, 21-taong gulang, at Xana Kernodle, 20-taong gulang.
Ayon sa awtoridad, homicides ang naging dahilan ng pagkasawi ng mga biktima.
Kaugnay dito, naabisuhan na ang mga pamilya ng mga nasabing estudyante habang nakikipagtulungan na ang unibersidad sa imbestigasyon ng pulisya.
Bukod pa rito, hiniling ng pulisya ng Moscow na makipag-ugnayan sa kanilang departamento ang sinumang may impormasyon hinggil sa pagkasawi ng apat na estudyante.—mula sa panulat ni Jenn Patrolla
Wala pang pinoy ang naiuulat na sugatan sa nangyaring pagsabog sa Istanbul, Turkey.
Nabatid na 6 ang nasawi habang 81 indibidwal ang sugatan sa insidente kung saan inaalam pa ang sanhi nito.
Sinabi naman ng Department of Foreign Affairs (DFA) na patuloy silang naka-monitor sa sitwasyon.
Nagpahayag din ang ahensya ng pakikiramay sa pamilya ng mga biktima sa naturang insidente.
Dumaong ang isang cruise ship sa Sydney, Australia matapos na magpositibo sa COVID-19 ang daan-daang pasahero nito.
Ayon kay Carnival Australia President Maguerite Fitzgerald, nangangalahati na sa 12 araw na paglalayag ang majestic princess cruise ship nang mapansin ang outbreak.
Lahat aniya ng mga nagpositibo sa COVID-19 o 800 indibidwal ay symptomatic at asymptomatic.
Naka-isolate na rin ang iba pang pasahero upang hindi mahawaan habang ang mga nag-negatibo sa COVID-19 test ay maaari nang umalis sa barko.
Nabatid na nasa 4 ,600 ang pasahero ng naturang cruise ship, na patungo sana ng Melbourne at Tasmania.
Patay ang anim na katao habang 53 ang sugatan sa naganap na pagsabog sa Turkish, Istanbul.
Nangyari ang pagsabog dakong alas-4 ng hapon sa oras ng Pilipinas.
Ayon sa awtoridad, hindi malinaw kung ano ang naging sanhi ng pagsabog.
Nasaksihan ni Cemal Denizci na nasa 50 meters ang layo na may tatlo o apat na tao sa ground nang marinig niya ang pagsabog.
Matatandaang pinuntirya na rin ito ng isang suicide bomber noong 2016.
Pinapaimbestigahan na ni Pangulong Recep Tayyip Erdogan at mananagot ang mga salarin sa nangyaring insidente sa naturang lugar. —mula sa panulat Jenn Patrolla
Patay ang 20 indibidwal matapos mahulog sa kanal ang isang minibus sa Northern Egypt.
Ayon sa mga otoridad, walo pa sa mga pasahero ng minibus ang sugatan at patuloy na nagpapagaling sa ospital.
Base sa nakuhang imbestigasyon, gumagamit umano ng cellphone ang suspek habang nagmamaneho na hinihinalang nasa ilalim din ng impluwensya ng iligal na droga.
Sa ngayon, inaresto na ang driver ng minibus at nakatakdang isailalim sa Preliminary Drug Test.
Nagbanggaan ang 2 World War Two-Era Planes sa isang air show kahapon sa Dallas.
Ito ay kinumpirma ng Dallas US Aviation ngunit hindi pa sigurado ang Federal Aviation Administration kung ilan ang indibidwal na sakay ng Boeing B-17 Flying Fortress at Bell P-63 Kingcobra.
Kita naman sa mga video na na-i-post sa social media ang pagsadsad ng P-63.
Matapos ang salpukan, tila nahati ang mga eroplano sa malalaking piraso bago ito bumagsak sa lupa at sumabog.
Ang B-17 na kilala sa reputasyon nito bilang workhorse ay may malaking papel na ginampanan noong World War Two sa Germany at naging isa sa mga most produced bombers.
Habang ang P-63 ay fighter aircraft na ginamit sa labanan ng soviet airforce.
Sa kasalukuyan, pinaiimbestigahan na ng faa at national transportation safety board ang nangyareng insidente upang matukoy ang sanhi ng naturang banggaan. - sa panunulat ni Hannah Oledan
Umabot na sa 326 na katao ang nasawi sa kilos protesta sa Iran.
Nabatid na nag-ugat ang demonstrasyon sa pagpatay ng mga otoridad sa 22-anyos na babaeng si Mahsa Amini matapos nahuling hindi nakasuot ng Hijab sa pampublikong lugar.
Kabilang sa mga nasawi ang 43 bata at 25 babae dahil sa nagpatuloy na protesta sa nabanggit na bansa.
Kaugnay dito, nanawagan naman ang direktor ng IHR na si Mahmood Amiry-Moghaddam sa ibang pang bansa na kumilos sa lalong madaling panahon upang mahinto ang crackdown.
Patuloy ang pagsisiyasat ng mga otoridad sa naganap na protesta kung saan nasawi ang daan-daang katao. —sa panulat ni Jenn Patrolla