Pumanaw na ang dating Chinese President na si Jiang Zemin sa edad na 96.
Batay sa ulat, leukemia at multiple organ failure ang ikinasawi ng dating pangulo ng China.
Si Jiang ay nagsilbing pangulo ng China mula 1993 hanggang 2003.
Siya rin ang nagdala sa China tungo sa pagiging global powerhouse nito.
Naging daan din si Jiang sa pagturn-over sa Hong Kong noong 1997 at napabilang ang China sa World Trade Organization.
Naka-half mast ngayon ang mga watawat sa lahat ng Chinese government buildings.
Inanunsyo ng Lebanese Islamic State Jihadist Group na napatay ang kanilang lider na si Abu Hasan Al-Hashimi Al-Qurashi sa isang sagupaan.
Tumanggi namang magbigay ng detalyadong pahayag ang tagapagsalita ng naturang grupo ngunit inihayag na si Hashimi ay napatay sa “sa pakikipaglaban sa mga kaaway ng diyos.”
Pinangalanan naman si Abu Al-Hussein Al-Huseini Al-Qurashi bilang panibagong pinuno ng grupo.
Ang salitang Qurashi ay tumutukoy sa isang tribo ni Propeta Mohammed, kung saan ang mga pinuno ng is ay dapat mag-claim ng pinagmulan. – sa panulat ni Hannah Oledan
Patay ang 16 na indibidwal matapos maganap ang pagsabog sa isang religious school sa Afghanistan.
Sa imbestigasyon ng mga otoridad, naganap ang pagsabog sa gitna ng afternoon prayer ng mga estudyante kung saan, karamihan sa mga nasawi ang mga batang lalaki habang sugatan naman ang iba pa.
Patuloy pang nagsasagawa ng operasyon sa nabanggit na lugar habang inaalam pa ng mga otoridad kung sino at anong grupo ang may pananagutan sa insidente.
Mas dumami ang nuclear weapons na nakatago ang China.
Ito ang ibinunyag ng pentagon kung saam mas dumoble ang estimate nila nuong 2020 na mayroon lamang hanggang 200 na Nuclear Missile ang nasabing bansa.
Nangangamba rin sila na posibleng sa 2035 ay umabot na sa 1,500 Nuclear Warheads ang gagawin ng China.
Maliban dito, hindi na rin nagtaka ang pentagon na mas tataas pa ang bilang ng mga nuclear missile ng china dahil sa pagpapaigting nila ng kanilang military power.
Buo ang suporta ng North Atlantic Treaty Organization (NATO) sa Ukraine.
Ito ang tiniyak ni NATO Chief Jens Stoltenberg sa ginawang pagpupulong ng mga foreign minister ng iba’t ibang bansa sa Bucharest, Romania.
Paglilinaw naman nito na hindi kasama ang organisasyon sa anumang kaguluhan ng Ukraine at Russia sa halip na sumusuporta lamang ito sa tama.
Niyanig ng magnitude 5.0 na lindol ang Central Greece nitong Martes.
Ayon sa European-Mediterranean Seismological Centre, natunton ang epicenter ng lindol sa layong 57 kilometers hilagang silangan ng Athens.
Tinaya naman sa dalawang kilometro ang lalim ng naturang pagyanig.
Naramdaman din ang lindol sa Athens ngunit wala namang napaulat na nasawi o napinsala.
Una rito, niyanig din ng magnitude 4.7 na lindol ang isla ng Evia sa Central Greece noong Martes, kung saan napinsala ang ilang lumang gusali.
Sinisimulan na ng non-profit organization na APOPO ang pagsasanay sa mga higanteng daga o tinatawag na “Herorats” sa Tanzania.
Ito’y upang makatulong sa search and rescue operations sa mga biktima ng lindol at sakuna.
Ayon kay Lead Researcher, Dr. Donna Kean, katulad din ng mga aso ang mga daga dahil sa mahusay na pakiramdam at pang-amoy nito at maaari lumusot sa maliit na butas at espasyo.
Sinasanay ang mga daga upang mahanap ang mga tao sa isang disaster zone at ninilagyan ng backpack na pinaglalagyan ng GPS locator para sa komunikasyon.
Tinuruan din silang hilahin ang micro-switch sa kanilang leeg na konektado as backpack kapag may nakitang biktima.
Kilala ang East African giant pouched rat dahil sa kanilang kakaibang talino at mas mahaba ang buhay kumpara sa ibang uri ng mga daga. —sa panulat ni Jenn Patrolla
Patay ang 15 indibidwal matapos ang mahigit 20 oras na siege o pag-atake ng mga armadong kalalakihan sa isang sikat na hotel at restaurant sa Mogadishu, Somalia.
Ayon sa mga otoridad, kabilang sa mga nasawi ang mga sibilyan kasama ang anim na armadong lalaki na umatake at planong kub-kubin ang naturang lugar.
Napag-alaman na ang nasabing hotel ay kilalang “hang out spot” o tambayan ng mga senior government officials, mga ministro at mga negosyante.
Sa ngayon, kinundena na ng international community ang insidente habang nagpapatuloy pa ang imbestigasyon ng mga otoridad.
Sumabog ang bulkang muana loa na matatagpuan sa Hawaii.
Ayon sa US Geological Service (USGS), ito ang tinaguriang pinakamalaking aktibong bulkan sa mundo na kauna-unahang beses na sumabog.
Sa ngayon, bagaman hanggang paanan lamang ang lava na ibinuga ng bulkan, pinayuhan ang mga residente na maging alerto sa mga abo.
Matatagpuan ang Bulkang Muana Loa sa Hawaii Volcanoes National Park, na may taas na 13, 679 talampakan above sea level at may lawak na 2,000 square miles.
Plano ng gobyerno ng Indonesia na magtayo ng daan-daang bahay para sa mga nakaligtas sa naganap na magnitude 5.6 na lindol sa West Java Province.
Ayon kay National Disaster Management and Mitigation Agency Head Suharyanto, sisimulan ng ministry of public works at public housing ang konstruksyon ng mga bahay sa dalawang ektaryan ng lupa sa susunod na linggo.
Nabatid na umabot sa 62, 628 kabahayan ang napinsala ng naturang lindol.