INTERNATIONAL NEWS

Muling pumutok ang Bulkang Fuego sa Central America.

Ang naturang pagsabog ng nasabing bulkan ay mayroong kasamang lava at abo dahilan upang saraduhan ang ilang mga kalsada sa Guatemala.

Magdamag umanong nagpakita ng mga sensyales ng nalalapit na pagsabog ang bulkan, gaya ng pagkahulog ng mga bato mula sa bulkan at pagbuga ng abo na umaabot sa taas na dalawang kilometro.

Ayon sa Spokesman Ng Highway Police, pansamantalang hindi pwedeng daanan ang Central Guatemala.

Samantala, patuloy ang isinasagawang pagbabantay ng mga awtoridad para sa kalagayan ng nasabing bulkan.

Naalarma ang Estados Unidos hinggil sa full-scale defense partnership ng Russia at Iran.

Tinatayang magdudulot ng pinsala sa Ukraine at kalapit na bansa nito ang naturang ugnayan.

Una nang inihayag ni White House National Security Spokesman John Kirby na hinahangad ng Russia ang pakikipag-ugnayan sa Iran hinggil sa weapon development at training.

Samantala, inaakusahan ng western powers ang Iran na nagbibigay ng mga drone sa Russia, bagay na mariing itinanggi ng Russia.  - sa panunulat ni Hannah Oledan

Binalaan ni Russian President Vladimir Putin ang mga bansang magtatangkang umatake sa Russia.

Ayon kay Putin, mapapalitan silang gamitin ang kanilang makabagong hypersonic weapons kapag inatake ang nabanggit na Russia.

Mababatid na sinabi ni Putin na wala silang planong gamitin ang nuclear dahil sa mawalakang epekto nito.

Inamin nito na ang pag-atake nila sa Ukraine ay bilang pagganti lamang para sa kanilang bansa. - sa panunulat ni Jenn Patrolla

Pumalo na sa 10M na turista ang bumisita sa Thailand ngayong 2022.

Ito’y matapos bumawi sa turismo bunsod ng Covid-19 pandemic.

Ayon kay Prime Minister Prayut Chan-o-Cha, nais nilang maging ‘Top Tourist Destination’ sa buong mundo.

Sa kabila nito, mainit na tinanggap ng mga tradisyonal na mananayaw at drummers ang mga pasaherong dumarating sa Suvarnabhumi International Airport ng Bangkok.

Samantala, inaasahan ng gobyerno na tataas pa ang bilang ng mga turista sa susunod na taon.

Nakahinga naman ng maluwag ang mga Thai Hotel Owners at restaurant dahil unti-unti nang nakakabawi sa negosyo. —sa panulat ni Jenn Patrolla

Itinulak ng US Congress ang isang landmark legislation na naglalayong protektahan ang Same Sex Marriage sa ilalim ng Federal Law.

Nangako naman si U.S. President Joe Biden na agad niya itong lalagdaan.

Mababatid na isa ang marriage equality sa kanyang mga legislative priorities at sinabing pipirmahan agad ang panukala.

Una rito, binawi ng Korte Suprema ng U.S. noong Hunyo ang karapatan ng wastong pagpapalaglag na nag-udyok sa mga mambabatas na kumilos upang pigilan ang Korte na tanggalin ang karapatan ng publiko para magpakasal sa kapareho nilang kasarian.