INTERNATIONAL NEWS

Nasawi ang 14 na indibidwal matapos araruhin ng kotse ang nagkukumpulan na mga tao sa sikat na Carnival sa Calabar City, Nigeria.

Naganap noong Martes ang insidente sa parada ng sikat na Bikers’ Parade na isa sa mga pangunahing ruta ng nasabing Carnival.

Batay sa imbestigasyon, nawalan ng kontrol ang driver kaya’t naararo nito ang mga tao sa paligid.

Agad namang isinugod sa pagamutan ang ilang biktima na nagtamo ng sugat at matinding pinsala sa kanilang katawan.

Ang naturang Carnival na taunang ipinagdiriwang ng isang buwan ay dinarayo na ng mga tao mula pa 2004 nang una itong buksan sa publiko.  —sa panulat ni Hannah Oledan

Nasawi ang isang turista sa Thailand matapos mahulog sa Burma railway o kilala bilang ‘death railway’ habang nakasakay sa tren at nagse-selfie.

Ayon kay Police Colonel Phuchong Narong-in, commander ng police station sa bansa, sumali sa isang group tour ang biktimang si Patrick Ward na nagmula sa New Zealand at sumakay ng tren para makita ang death railway sa Kanchanaburi province sa western Thailand.

Pero binuksan ni Ward ang isang pinto ng tren upang subukang mag-selfie, ngunit nadulas ito sa hagdan dahilan para tuluyang mahulog.

Isa pang turista ang nakakuha ng video ng pagkahulog si Ward na nakitang bumagsak sa kanilang likod.

Sa ngayon, nakuha na ng mga rescuer ang katawan ng biktima sa pamamagitan ng isang makeshift pulley system.

Makikipag-ugnayan naman ang bansa sa New Zealand embassy sa Bangkok para sa kustodiya ng bangkay.

Nasawi ang isang turista sa Thailand matapos mahulog sa Burma railway o kilala bilang ‘death railway’ habang nakasakay sa tren at nagse-selfie.

Ayon kay Police Colonel Phuchong Narong-in, commander ng police station sa bansa, sumali sa isang group tour ang biktimang si Patrick Ward na nagmula sa New Zealand at sumakay ng tren para makita ang death railway sa Kanchanaburi province sa western Thailand.

Pero binuksan ni Ward ang isang pinto ng tren upang subukang mag-selfie, ngunit nadulas ito sa hagdan dahilan para tuluyang mahulog.

Isa pang turista ang nakakuha ng video ng pagkahulog si Ward na nakitang bumagsak sa kanilang likod.

Sa ngayon, nakuha na ng mga rescuer ang katawan ng biktima sa pamamagitan ng isang makeshift pulley system.

Makikipag-ugnayan naman ang bansa sa New Zealand embassy sa Bangkok para sa kustodiya ng bangkay.

Patuloy na nadadagdagan ang death toll sa tinaguriang ‘Blizzard of the Century’ sa Amerika kung saan pinaka napuruhan ang New York.

Batay sa pinakahuling datos ng mga otoridad, umabot na sa 31 ang nasawi sa Erie County kabilang na ang siyudad ng Buffalo, habang 25 naman ang naitala sa 11 US States.

Samantala, nananatiling sarado ang international airport at epektibo pa rin ang driving ban sa lungsod ng Buffalo, kung saan libu-libong residente ang wala pa ring kuryente.

Sinabi naman ni Buffalo Mayor Byron Brown na ilang insidente ng looting ang naiulat sa siyudad kung saan walo na ang naaresto.

Inaasahan naman ng mga otoridad na tataas na ang temperatura sa lugar ngayong linggo ngunit pinangangambahan naman na magdudulot ito ng pagbaha.

Umakyat na sa pito ang napaulat na nasawi matapos mahulog sa tulay ang isang pampasaherong bus sa Northwestern Spain.

Ito’y matapos matagpuan ng mga otoridad ang ika-7 bangkay sa Lérez River.

Sinabi pa ng regional authorities na dalawang indibidwal ang nasugatan matapos ang aksidente kabilang ang 63-anyos na drayber at babaeng pasahero.

Ayon pa sa mga otoridad, hindi nakainom ng alak at nag-negatibo sa droga ang naturang drayber ng bus.

Sa ngayon ay hindi pa malinaw kung ilan ang lulan ng bus nang maganap ang trahedya.

Sumampa na sa 47 ang death toll sa pananalasa ng winter storm o itiunuturing na “Blizzard of the Century” sa Estados Unidos.

Matinding blizzard ang nararanasan sa ilang bahagi ng US na nagdulot ng malawakang power outages at pagkaantala ng mga biyahe.

Tinukoy ng mga otoridad ang Buffalo City sa Erie County bilang episentro ng krisis na lubhang nabalot ng mga niyebe.

Sinabi naman ni New York Governor Kathy Hochul na ilang bayan sa Western New York ang natabunan ng niyebe na aabot sa 30 hanggang 40 inches o katumbas ng hanggang isang metro.

Una nang sinabi ni Hochul na nakausap niya si US President Joe Biden na nag-alok ng suporta sa New York at panalangin para sa mga biktima ng kalamidad.

Pumalo na sa 17 katao ang bilang ng mga nasawi sa heavy snow o matinding pag-ulan ng nyebe sa Japan.

Ayon sa mga otoridad, 17 indibidwal din ang nasugatan at patuloy na nagpapagaling sa ospital.

Sa loob ng 10 araw, libu-libong kabahayan na ang nakaranas ng pagkaantala sa suplay ng kuryente dahil sa snow fall.

Sa ngayon, patuloy pa ring nagsasagawa ng operasyon ang mga otoridad para mabigyan ng mga food packs ang mga na-stranded na residente partikular na ang mga nasa kanlurang bahagi ng Japan.

Tatlong indibidwal ang nasawi matapos tumaob ang kanilang sinasakyang tourist boat sa Colta Lagoon, Central Ecuador.

Ayon sa mga otoridad, kabilang sa mga nasawi ang isang limang buwang gulang na sanggol, tatlong taong gulang na bata at isang 53-anyos na ginang.

Sinabi pa ng mga opisyal na nasa apatnapung pasahero ang nailigtas mula sa Colta Lagoon.

Patuloy namang iniimbestigahan ng mga otoridad ang dahilan ng pagtaob ng naturang bangka.