INTERNATIONAL NEWS

Palalakasin pa ng Australia ang defense capabilities nito sa pamamagitan ng pagbili ng advanced missile at rocket system na nagkakahalagang 700 milyong dolyar.

Kabilang sa mga equipment na bibilhin ang M142 High Mobility Artillery Rocket Systems (HIMARS) na gawa sa US at tulad din ng ginagamit sa Ukraine.

Sinabi pa ng Australian government na ang rocket system na kanilang bibilhin ay may kasamang launchers, missiles, at training rockets na maaaring magamit hanggang taong 2026.

Nabatid na pumirma rin ang Australia ng kontrata sa Norway para bumili ng naval strike missiles.

Patay na nang matagpuan ng mga otoridad ang 8 miyembro ng isang pamilya, kabilang ang limang bata, sa loob ng kanilang tahanan sa siyudad ng Enoch sa Utah.

Sa imbestigasyon ng mga otoridad, nagtamo ng tama ng bala sa katawan ang mga biktima na ikinasawi ng mga ito.

Nadiskubre ang sitwasyon ng naturang pamilya makaraang magsagawa ng welfare check ang mga pulis.

Ayon kay City Manager Rob Dobson, kilala ang nasabing pamilya sa siyudad kaya’t marami ang nalungkot sa sinapit ng mga ito.

Sa ngayon ay nagpapatuloy ang imbestigasyon ng mga otoridad sa insidente at tiniyak na walang anumang banta sa seguridad sa nasabing lugar.

Inaprubahan na ng US FDA ang pagbebenta ng abortion pills sa mga retails pharmacies sa Estados Unidos.

Ito’y sa kabila ng maraming opisyal na nagnanais ipagbawal ang paggamit ng medication abortion lalo na sa mga kabataan.

Ayon sa FDA, maaaring mag apply ng certification ang mga pharmacy para sa distribution ng abortion pill mula sa isa sa dalawang kumpanyang gumagawa nito na kinabibilangan ng Danco Laboratories at Genbiopro makaraang magsumite ng karagdagang aplikasyon sa DFA.

Matatandaang inalis ng pamahalaan ang naturang tableta noong 2001 dahil sa covid-19 pandemic.

Patay ang isang 10 taong gulang na batang lalaki matapos mahulog sa isang concrete hole sa Mekong Delta Province sa Vietnam.

Nabatid na apat na araw nang na-trap ang biktima mula sa makitid na concrete hole sa isang construction site.

Agad namang ipinag-utos ni Vietnamese Prime Minister Pham Minh Chinh sa mga rescuer at mga otoridad na agad na saklolohan ang bata.

Gayunman, idineklarang patay na ang bata nitong Miyerkules makaraang walang marinig na pagtugon mula dito ang mga rescuer.

Sa ngayon ay hindi pa malinaw sa mga otoridad kung paano nahulog ang bata sa nasabing concrete pile.

Magpapatupad ng fever screening o temperature screening ang Malaysia para sa mga traveller na dumarating sa kanilang bansa partikular na ang mga galing sa China.

Ayon sa mga otoridad, mahigpit nilang babantayan ang lahat ng international entry points para sa pagpasok ng mga manlalakbay.

Sa pahayag ng Malaysia Health Ministry, kanilang pinaghahandaan ang posibleng pagtaas ng kaso ng covid-19 matapos ang muling pagsirit ng virus kasabay ng pagluluwag ng restriksiyon sa China partikular na sa Beijing.

Nabatid na ang mga na-diagnose na may lagnat o sintomas ng nakahahawang sakit, ay kanilang ire-refer sa mga health authorities para sa muling isailalim sa pagsusuri.

Magsasagawa rin sila ng sewage water bilang supplementary covid-19 environmental surveillance, alinsunod sa transition ng endemic phase sa tulong ng mga tauhan ng klia health office para matukoy ang mga bansang mapanganib.

Pinaplano ng Taiwan na magbigay ng cash payout na $200 sa kanilang bawat mamamayan ngayong taon.

Ito ang sinabi ni Premier Su Tseng-chang kasunod paglago ng ekonomiya ng bansa.

Batay sa huling datos,  lumago ng 6.45 % noong 2021 ang mga produkto sa Taiwan kabilang ang semiconductor chips, pinakamabilis kumpara sa 10.25 % noong 2010.

Hindi naman nagbigay ng ibang detalye ang gobyerno kung paano maipadadala ang pera.

Inihayag ng Philippine Ambassador to China na si Jaime FlorCruz na under control na ang sitwasyon ng COVID-19 sa nasabing bansa.

Sa kabila ito ng patuloy na pagtaas ng kaso ng sakit nitong nakalipas na linggo, na nagresulta ng maraming pagkasawi at punuang mga ospital.

Ayon kay FlorCruz na kasama sa state visit ni Pangulong Ferdinand ‘Bongbong’ Marcos Junior, batay sa lagay ng trapiko mula sa airport ng nabanggit na bansa ay masasabing normal na ang lagay ng mga tao.

Gayunpaman, hindi maibigay ni FlorCruz ang bilang ng mga impeksyon, partikular sa mga Pilipino.

Una rito, sinabi ng Office of the Press Secretary na negatibo sa COVID-19 sa pamamagitan ng RT-PCR test ang buong delegasyon maging si Pangulong Marcos nang dumating sa China.

Dismayado naman ang mga miyembro ng Filipino community na hindi makikipagkita sa kanila si PBBM, gayunpaman, idinagdag ni FlorCruz na naiintindihan nila ang sitwasyon dahil sa banta ng COVID-19.

Umaming nagkasala ang lalaking suspek sa pamamaril sa 10 katao sa New York Subway Train noong April 12,2022.

Humarap ang suspek na si Frank James, 63 years old sa US District Court sa Brooklyn at binago ang kaniyang apela matapos mag-request ng hearing noong nakaraang buwan ang kaniyang mga abogado.

Una nang umapelang “not guilty” si James noong may sa 10 counts ng terrorist attack at weapon charges laban sa pag-atake sa naturang transport system.

14 na indibidwal ang nasawi matapos salakayin ng mga armadong lalaki ang kulungan sa Ciudad Juarez, El Paso, Texas.

Ayon sa Chihuahua State Prosecutor’s Office, kabilang dito ang apat na inmates at sampung guwardiya bandang alas-7 ng umaga, oras sa Pilipinas nang dumating sa kulungan ang ibat-ibang armored vehicle at pinaputukan ng mga armadong lalaki ang mga guwardiya.

Bukod pa sa namatay, 13 katao ang sugatan at 24 na preso ang nakatakas.

Patuloy na sinisiyasat ng Pulisya ang insidenteng naganap. –sa panulat ni Jenn Patrolla