INTERNATIONAL NEWS

Niyanig ng magnitude 7.6 na lindol ang karagatan ng indonesia at east timor ngayong araw.

Ayon sa US Geological Survey (USGS), may lalim ang lindol na 95 kilometro o higit 90 milya.

Naitala ang episentro nito 427 kilometro o 265 milya ka- timogang bahagi ng Ambon Island.

Agad namang nagpalabas ng tsunami warning ang  Indonesian Geophysics Agency para sa mga lokal na isla sa bansa.

Sa ngayon, ilang aftershocks na ang naitala na umaabot sa magnitude 5.5.

Wala pa namang naitatalang casualties at halaga ng nasirang imprastruktura sa naturang bansa.

Aabot sa 19 na indibidwal ang nasawi habang 20 naman ang nasugatan matapos silang araruhin ng isang truck sa Jiangxi Province sa China.

Ayon sa mga otoridad, dumadalo ang mga biktima sa isang libing nang mga oras na iyon nang bigla na lamang silang sagasaan ng nasabing truck.

Sa ngayon ay hindi pa malinaw kung ano ang sanhi ng aksidente ngunit una nang nagbabala ang Nanchang County Traffic Police na nakakaranas ang lugar ng ”foggy weather.”

Nabatid na karaniwan na ang road accidents sa China dahil sa kakulangan sa strict safety controls.

Niyanig ng magnitude 7.2 na lindol ang Pacific Nation ng Vanuatu alas-11:30 kagabi.

Batay sa US Geological Survey, namataan ang pagyanig sa layong 25 kilometers sa Port Olry na sakop ng Espiritu Santo, probinsya ng Sanma, Vanuatu.

May lalim ang lindol na aabot sa 27 kilometers at tectonic ang origin o pinagmulan nito kung saan, naglabas na ng tsunami alert sa nasabing lugar maging sa New Caledonia Atthe Solomon Islands.

Ayon sa mga otoridad, posibleng umabot sa point 3 meters ang alon sa karagatan kaya pinag-iingat ang mga residente sa mga nabanggit na lugar.

Nagpatupad na rin ng mahigpit na pagbabantay ang Germany sa mga ba-biyaheng pasahero patungong China.

Ito’y matapos maiulat na dumarami muli ang bilang ng mga kaso ng Covid-19 na naitala sa nabanggit na bansa.

Ayon sa German Foreign Ministry, hindi na muna nila hinihikayat ang mga German citizen na bumiyahe patungo sa China upang hindi mahawaan ng virus.

Binalaan naman ng mga opisyal ang nabanggit na bansa sa posibleng pagkakaroon ng multi-pronged outbreak sa darating na linggo.

Samantala, nagsimula na ring magpatupad ng restrictions ang iba pang bansa bilang bahagi ng pag-iingat at paghanda bunsod ng Covid-19. —sa panulat ni Jenn Patrolla

Nagpadala ang Estados Unidos sa Ukraine ng $3B bilang military assistance nito.

Ayon sa White House, ang nasabing halaga na ang pinakamaking tulong na naipadala ng US sa Kyiv.

Sinabi naman ni Press Secretary Karine Jean-Pierre na sa susunod na nila idedetalye ang impormasyon sa tulong, kung saan kabilang sa ipapaabot ang Bradley infantry fighting vehicles, MRAPs at iba pang personnel carriers, at self-propelled howitzers.

Matatandaang bago rito, matagal nang itinulak ng Ukraine ang pagkakaroon ng mas mabibigat na armas, kabilang ang mga tangke, na makakatulong sa mga operasyon nito.

Ang mga bansa sa Kanluran ay nag-aatubili na ipadala ang mga ito, na binanggit ang mga takot na higit pang maakit sa digmaan o makapukaw ng Russia.