INTERNATIONAL NEWS

Libo-libong domestic at international flights sa Amerika ang naantala matapos makaranas ng computer outage ang Federal Aviation Administration (FAA).

Batay sa datos ng flight aware na sumusubaybay sa pagkaantala at pagkansela ng mga byaheng pang-himpapawid, nasa 7,600 flights papunta, mula at sa loob ng United States ang naantala at higit sa 1,100 flights naman ang nakansela.

Unti-unti namang ipinagpatuloy ang mga operasyon sa himpapawid dakong alas dies ng gabi, oras sa Pilipinas matapos i-lift ang isang ground stop order na nagpapatigil sa mga domestic departures para sa lahat ng airline.

Sa ngayon wala pang katibayan na ang pagbagsak ng teknolohiya sa paglalakbay sa himpapawid ay dahil sa cyber-attack, sinabi ng Transport Secretary Pete Buttigieg, ngunit hindi rin niya ito ibubukod.  –  sa panulat ni Hannah Oledan

Binawi ng Thailand ang ipinatutupad na entry policy sa mga turistang magpupunta sa kanilang bansa.

Matatandaang nagpatupad ng polisiya ang Thailand kung saan, obligadong magpakita ng covid-19 vaccine certificate ang mga dayuhang nais pumasok o magbakasyon sa kanilang bansa.

Kasunod narin ito ng pangamba matapos ang muling pagsirit ng covid-19 cases sa China at pagluluwag ng restriksiyon sa beijing.

Ayon kay health ministry ng Thailand, magiging malaking abala lang ang naturang hakbang kung saan nagkasundo na ang mga eksperto na alisin ang nasabing kautusan.

Matatandaan na ang Thailand ay kabilang sa mga popular destination sa Asya kung saan, noong nakaraang taon, pumalo sa mahigit isang milyong turista ang bumisita sa bansa.

Pumanaw na ang Dating hari ng Greece na si King Constantine II sa edad na 82.

Ayon sa pinsan nito na si King Charles III , nasawi ang dating hari dahil sa stroke.

Matatandaang isinugod si Constantine II sa Athens Hospital noong nakaraang linggo dahil hirap ito sa paghinga.

Kinilala ang Japan bilang may World’s Most Powerful Passport sa loob ng 5 taon mula sa kabuuang bilang na 199 na bansa.

Nakabatay ang Global Passport Index sa ranking kaugnay sa bilang ng destinasyon na visa-free gayundin ang Henley Passport Power (HPP).

Nakapagtala ng iskor na 193 ang Japan mula sa 227 travel destinations.

Nag-tie naman sa pangalawang pwesto ang Singapore at Korea na may score na 192.

Sinundan ito ng Germany at Spain sa pangatlong pwesto sa score na 190.

Pang-4 naman ang mga bansang Finland, Italy, at Luxembourg sa score na 189.

Habang nakakuha ng score na 188 para sa ika-5 pwesto ang mga bansang Austria, Denmark, Netherlands, at Sweden.

Samantala, nasa ika-78 pwesto ang Pilipinas sa score na 76.

Kinumpirma ng Ecuador na naitala nito ang unang kaso ng human transmission ng bird flu sa isang nuebe-anyos na babae.

Sinabi pa ng Health Ministry na isa itong pambihirang kaso ng human infection matapos ang isang buwan mula nang magdeklara ng animal health emergency ang nasabing bansa.

Ayon pa sa ministry, nangyari ang infection dahil sa direct contact ng pasyente sa mga ibon na may virus.

Kaugnay nito, tiniyak ng Health Ministry na mahigpit nilang mino-monitor ang transmission ng sakit na natukoy sa Central Province ng Bolivar.

Sinabi ng U.S. Centers for Disease Control and Prevention na ang bird flu infection sa tao ay maaaring walang sintomas o maaaring mild hanggang severe disease na pwedeng magresulta sa pagkamatay.

Pumalo na sa 17 ang nasawi habang 68 ang sugatan sa naganap na kilos-protesta sa paliparan sa Juliacia City, Peru.

Ito’y matapos hiniling ng mga protestante ang maagang halalaan at pagpapalaya sa nakakulong na dating pangulo na si Pedro Castillo.

Matatandaang, tumaas ang bilang ng mga casualties mula nang magsimula ang protesta noong unang bahagi ng Disyembre. - sa panunulat ni Jenn Patrolla

Nagpatupad ng panibagong entry regulations ang gobyerno ng Thailand kasunod ng pagbubukas ng mga border sa China dahil sa muling pagsirit ng kaso ng COVID -19.

Sa bagong panuntunan ng Thailand, hihingian na ang mga international travelers ng katibayan na sila ay fully vaccinated na laban sa COVID-19 bago payagang makapasok ng bansa.

Kailangan namang magpakita ng medical certificate ang mga hindi nabakunahang dayuhan para malaman ang dahilan kung bakit hindi sila nagpaturok ng bakuna laban sa nakakahawang sakit.

Ayon sa Civil Aviation Authority ng Thailand, ang lahat ng foreign arrivals ay kailangan ng pruweba at sertipikong nagpapatunay na naka-recover ito sa COVID sa nakalipas na 6 na buwan.

Ang panibagong hakbang ay epektibo na, at tatagal lamang hanggang sa katapusan ng Enero.