FEATURES

Nang pumasok si Érika de Souza Vieira Nunes kasama ang kanyang tiyuhin sa isang bangko sa Brazil, agad na nakaramdam ng kakaiba ang mga empleyado rito.

Mukha kasing matamlay at hindi maayos ang lagay ng 68-year-old na si Paulo Roberto Braga habang tinutulak ng kanyang pamangkin sa kanyang wheelchair.

Nang imbestigahan, napag-alamang matagal na palang patay ang matanda!

Nagtungo si Érika sa bangko upang mangutang sana ng $3,250 o higit sa P180,000. Isinama niya ang kanyang tiyuhin upang maging co-signer na tatanggap sa legal responsibility ng loan.

Dahil masama ang kutob ng mga empleyado matapos makaamoy ng tila patay na daga, kinuhanan nila ng video ang insidente. Dito, makikitang bumabagsak na ang ulo ng matanda at pinipilit ng babae na pahawakin ito ng panulat upang pumirma sa kontrata.

Tumawag sa emergency services ang mga empleyado at nang dumating ang rescuers, nakumpirma nilang isang malamig na bangkay na ang nakasakay sa wheelchair.

Ayon sa investigating officer, alam ni Érika na patay na ang kanyang tiyuhin dahil ilang oras nang patay ang matanda. Ngunit depensa ng abogado ng pamilya, buhay pa ito nang magtungo sa bangko.

Agad na inaresto si Érika dahil sa pang-aabuso sa patay at tangkang pagnanakaw sa pamamagitan ng fraud.

Hindi maikakailang nakakatakot ang mga ahas, lalo na ‘yung mga makamandag katulad ng rattlesnake.

Pero alam mo bang sa Amerika, partikular na sa Southern United States, piniprito at kinakain ito?

Ito ang tinatawag nilang Southern fried rattlesnake.

Valuable food source para sa indigenous peoples at early settlers sa Texas at sa ilang Southwest states ang rattlesnakes.

Dahil na rin sa kakulangan ng ibang mapagkukunan ng pagkain, isinali nila ang rattlesnakes sa kanilang diet. Bukod sa madali itong mahuli, mayaman ito sa protina.

Sa ganitong paaran, nakokontrol din ang populasyon ng mga makamandag na ahas.

Sa paghahanda naman ng Southern fried rattlesnake, kailangan munang balatan ang ahas. Huhugasan nang mabuti ang karne nito, saka ilalagay sa isang mixture ng itlog at gatas at seasoned flour. Pagkatapos, pwede na itong i-deepfry.

Kung titignan, mukhang fried chicken ang lutong rattlesnake. Lasa rin itong manok, kaya kung hindi sasabihin, hindi mo mamamalayang ahas na pala ang kinakain mo!

Most valuable player o MVP in the making kung tawagin ng netizens ang isang taong gulang na bata dahil sa galing nito sa basketball!

Sa viral video, makikita kasi ang bata na ilang beses na naka-shoot habang naglalaro sa kanyang kwarto.

Ayon sa ina ng bata at uploader ng video na si Jezzel Liwanag, nagulat sila ng asawa niyang si Mark Anthony nang makitang nakaka-shoot ang anak nilang si Markus dahil malilliit na laruan ang kadalasan nitong nilalaro.

Kahit medyo malayo ang distansya, nakaka-perfect shot pa rin si baby Markus. Pinaulit-ulit niya pa ito, at lahat, na-shoot!

Naniniwala ang ina ni Markus na nagmula ang skills ng kanyang anak sa ama nitong basketball player. Magkasama pang nanonood ng PBA (Philippine Basketball Association) at NBA (National Basketball Association) games ang mag-ama.

Pinuri naman ng netizens ang ipinakitang suporta ng mga magulang ni Markus sa kanya.

Ayon kay Jezzel, kung basketball talaga ang kahihiligan ng anak paglaki nito, susuportahan nila itong mag-asawa. At kapag magtuloy-tuloy ito, hindi imposibleng maging MVP nga si Markus sa hinaharap.

Sabi nga sa kasabihan, “Money can’t buy happiness.”

Ngunit ayon sa consumer website na Expensivity, kailangan kumita ng mga Pilipino ng P110,000 kada buwan upang tuluyang maging masaya.

Gamit ang datos mula sa pag-aaral ng Purdue University, kinalkula ng Expensivity ang price of happiness ng bawat bansa. Dito napag-alamang kailangang kumita ng isang pamilyang Pilipino ng tinatayang P1.3 million kada taon upang maging kuntento sa buhay.

Nakalulula ba? Mababa pa ito kumpara sa “price of happiness” ng ibang bansa.

Para sa mga Pilipino, tumutukoy ang kaligayahan sa pagkakaroon ng kumpleto at malusog na pamilya, mga tunay na kaibigan, at hangarin sa buhay. Hindi nabibili ang mga ito ng anumang presyo.

Ngunit hindi ba mahirap ding sumaya kung namomroblema tayo sa gastusin natin sa pang araw-araw?

Hindi man natin kailangang magkaroon ng P110,000 upang maging maligaya, hindi maikakailang malaki ang maitutulong ng pera upang matugunan ang mga pangunahing pangangailangan natin.

Sa kabila nito, hindi pera ang tanging pinagmumulan ng tunay na kaligayahan, dahil ang tunay na kaligayahan ay hindi nasusukat ng anumang halaga. Nanggagaling ito sa mga tao at gawaing nagbibigay ng walang katulad na kasiyahan sa ating mga puso at isipan.

Naranasan mo na bang pumasok sa iyong trabaho nang malungkot o sobrang stressed? Hindi ba napakahirap mag-focus sa iyong tasks dahil mas gugustuhin mo na lang na magkulong sa iyong kwarto at magpahinga?

Hindi ito problema ng mga empleyado ng Fat Dong Lai, isang supermarket chain sa China, dahil maaari silang mag-request ng ‘sad leave.’

Ayon sa chairman ng Fat Dong Lai na si Yu Dong Lai, lahat naman ay nakararanas ng kalungkutan; natural lang ito.

Dahil dito, nag-aalok ang kumpanya ng 10 days of annual sad leave para sa kanilang mga empleyado.

Pwedeng mag-file ng sad leave ang mga tauhan ng naturang supermarket anumang araw at hindi ito pwedeng i-reject ng managers.

Sa kabuuan, mayroong 40 days of leave kada taon ang mga tauhan ng Fat Dong Lai. Limang araw pa silang walang pasok tuwing Chinese New Year!

Bukod pa rito, pitong oras lang silang nagtratrabaho sa isang araw; limang beses sa isang linggo. Kontra ito sa notorious 12-hour per day, 6-day workweek na ipinatutupad ng ibang Chinese companies.

Kung insultuhin o pagbantaan naman ng customers, pagkakalooban ang supermarket employees ng P40,000 dahil sa on-the-job grievances.

Kung bilib ka na rito, mas lalo kang mamamangha kapag malaman mong lahat ng empleyado ay may overseas vacations! Libreng makapupunta sa Europe ang managers, samantalang sa Japan naman makapagbabakasyon ang kanilang mga tauhan.

Sa mundong trabaho ang kadalasang ginagawa nating prayoridad, malaki ang tulong ng mga kumpanyang inuuna ang kalagayan at kapakanan ng kanilang mga tauhan.

Gusto mo bang mabuhay muli sa hinaharap?

Sa halagang P1.2 million hanggang P12 million, may posibilidad na umanong buhayin ang isang patay sa pamamagitan ng siyensya.

Kapag namamatay ang isang tao, kadalasan itong inililibing. Ngunit kung nais mong dayain ang iyong kamatayan, kailangan mong magpalibing hindi sa lupa, kundi sa yelo.

Ito ang cryopreservation, ang proseso ng paglalagay ng ulo o buong katawan sa loob ng malaking freezer sa pag-asang isang araw, maaaring i-revive ang tao.

Based ito sa ideya na sa hinaharap, maaaring i-extract ang DNA ng tao o hayop at gamitin ito upang lumikha ng kanilang mas batang version, o kaya naman buhayin mismo ang original body.

Upang sumailalim sa cryopreservation, aalisin ang dugo mula sa katawan at papalitan ito ng isang organ preservation solution. Tuturukan din ito ng isang solusyon na pipigil sa pagbuo ng ice crystals sa cells. Sa kalaunan, ilalagay ito sa isang tanke ng liquid nitrogen sa temperaturang -196 °C.

Sa kasalukuyan, 500 na katawan ng tao ang cryonically preserved. At mananatili lang ang mga katawan sa mga tangke hanggang sa malikha na ang teknolohiyang bubuhay muli sa kanila—kung maimbento nga ito.

Maging posible man ang pagbuhay muli sa patay o hindi, maging palatandaan sana ito sa lahat na sulitin ang buhay na mayroon tayo ngayon dahil sabi nga nila, you only live once—at least for now.

Maraming netizens ang napahanga ng isang homeless na babae mula sa Simoun St., Sampaloc, Manila.

Sa isang video na viral ngayon, maririnig kasi ang ginintuang tinig ni Gesliza, 43 anyos.

Isang registered nurse ang homeless na si Gesliza. Araw-araw siyang nakaka-survive dahil maraming karinderya sa lugar ang nag-aalok sa kanya ng libreng pagkain.

Ayon sa uploader ng trending video, palaging nasa kalsada at kumakanta ng kanyang mga paboritong awitin si Gesliza. At hindi lamang ito basta pagkanta dahil bukod sa napakaganda niyang boses, maririnig mo ang nararamdaman niyang lungkot na may pahiwatig ng pag-asa.

Sa kabutihang palad, nasagip na si Gesliza at kasalukuyang naninirahan sa isang shelter kung saan matutugunan na ang kanyang mga pangangailangan.

Sa pamamagitan ng musika, nagbigay si Gesliza ng inspirasyon sa marami na patuloy na lumaban sa buhay, lalo na at mayroon pa ring mga taong nagpapakita ng kabutihang loob sa kanilang kapwa.

INIHAYAG ng Capampangan in Media Inc. (CAMI) na matagumpay nitong naidaos, sa kooperasyon ng Clark Development Corporation (CDC) at Quest Plus Hotel and Conference Center Clark, ang 10th CAMI Clark Golf Cup (2024) sa Mimosa Golf Course sa Clark Freeport Zone Philippines noong Abril 19.

Nabatid na sina Chairman Arsenio “Arni” N. Valdes ng Juan D. Nepomuceno (JDN) Realty at dating Mayor Tito Mendiola (regular players) ang nanguna sa ceremonial tee off para sa aktibidad.

Sinasabing lead sponsors para sa golf tournament ang RASLAG Corporation (platinum), Philippine Amusement and Gaming Corporation (PAGCOR)-gold at Philippine Charity Sweepstakes Office (PCSO)-gold.

Naginh silver sponsors naman ng 10th CAMI Clark Golf Cup ang Prime Water, MERALCO, BPI, SM Investments Corporation, Mileage Asia (CHERRYLUME), GCASH at Vista Mall.

Bronze sponsors naman ang Filinvest, Clark Water, DBP at Chevron.

Tumayo namang hole sponsors ang Senior Citizens Party List at LIPAD.

Special sponsors din sina Senator Win Gatchalian, Roger M. Garcia, Hon. Marino Morales at PGen Oscar David Albayalde.

Pahayag ng CAMI, si Kristian Michael Sade ang tinanghal na Grand Champion sa annual CAMI Clark Golf Cup ngayong taon.

Class A Champion naman si Vincent Encarnacion, Class B Champion si Patricia Hizon, Class C Champion si Joan Cruz at runner-up winners sina Jera Sison, Kerwin Ong at Mary Ann Martinez.

Layunin ng CAMI golf event na makalikom ng pondo para sa mga proyekto at programa ng organisasyon na kinabibilangan ng kinakailangang medical at wellness program para sa mga miyembro nito at mga indigents, book publication program at sa regular na media forum (Balitaan Bale Balita) activity.

Napag-alaman na ang CAMI ay isang non-profit organization ng mga reputable journalists na nakabase sa Metro Manila at Metro Clark, sa pangunguna nina Nonnie Pelayo bilang Chairman, Mario Garcia, Vice Chairman, Vittorio “Vot” Vitug bilang Pangulo, Mer Layson bilang National Vice President, Robert Mananquil bilang Provincial Vice President , Abel Cruz bilang Treasurer at Ric Sapnu bilang Auditor.

Isang malaking sunog ang sumiklab sa mga komunidad ng Parola at Isla Puting Bato sa Tondo, Maynila. Tinatayang isang libong pamilya ang nawalan ng tahanan matapos ang nasabing kalamidad.

Sa gitna nito, muling naghatid ng tulong ang SM Foundation at SM Supermalls sa pamamagitan ng disaster relief program na Operation Tulong Express (OPTE). Layunin nitong magbigay ng tulong at pag-asa sa mga nasalanta ng kalamidad habang sila’y bumabangon at nagsisimulang muli.

Sa tulong ng OPTE, naipamahagi ang halos 800 Kalinga Packs na naglalaman ng mga pangunahing kagamitan at relief supplies para sa mga pamilyang naapektuhan.

Nagpaabot rin ng tulong ang SM Group sa isa pang komunidad sa Baguio na tinamaan rin ng sunog kamakailan.

Napakahalaga sa pang-araw-araw nating gawain ang ating mga binti at kamay. Ngunit kaya mo bang isipin ang mangyayari sa iyo kung bigla na lang lumaki ang mga bahaging ito ng iyong katawan?

Ito ang reyalidad ng tatlong kakaibang indibidwal mula sa India. Hindi lang sila mayroong malalaking binti at kamay, kundi mayroon ding matibay na determinasyon na mabuhay nang maayos.

Dahil sa kanyang malalaking kamay na may habang 13 inches mula pulso hanggang dulo ng daliri, at may bigat na 2 kg bawat isa, natatakot ang ilang estudyante kay Mohammad Kaleem. Ito ang rason kung bakit hindi siya pinayagan ng paaralan na pumasok dito.

Gayunman, naghahanap siya ng lunas mula sa kanyang kakaibang kondisyon upang mabuhay nang normal.

“Devil child” naman kung tawagin si Bablu Pashi dahil sa napakalaki nitong kanang braso na may bigat na 20 kg. Lumipat siya sa Mumbai upang magpagamot at makahanap ng trabaho, ngunit dahil sa kanyang kondisyon, walang gustong tumulong sa kanya. Binubugbog at sinasabihan pa siyang umalis sa kanyang inaaplyan.

Pursigido siyang magpagamot upang makapagtrabaho at makapagpatayo ng sariling bahay.

Samantala, mayroon namang giant leg disease si Arun Rajasingh. May bigat mang 100 kg ang kanyang kanang binti, matagumpay siya sa larangan ng computer science and engineering.

Sa kabila ng mga hamon at diskriminasyon, patuloy na ipinapakita nina Mohammad, Bablu, at Arun ang kanilang katapangan at katatagan sa pagharap sa mga pagsubok sa buhay.