FEATURES

Para sa karamihan, isang pangarap na mahirap abutin ang pagiging isang milyonaryo. Ngunit ang isang baboy na ito mula sa South Africa, nakamit ang kanyang millionaire status sa pamamagitan ng pagpipinta.

Siya si Pigcasso the Painting Pig, isang world-renowned artist.

Iniligtas ni Joanne Lefson, isang animal rights activist, si Pigcasso mula sa katayan noong 2016. Mula noon, mapayapang nanirahan sa isang animal sanctuary ang baboy.

Unang napansin ni Lefson ang pagkahilig ni Pigcasso sa pagpipinta nang makitang sinisira nito ang lahat ng kagamitan sa kanyang kulungan, maliban sa paintbrush na iniingatan niya.

Gamit ang kanyang bibig, ipinipinta ng baboy ang kanyang napupusuan. At kapag tapos na ang kanyang masterpiece, tinatatakan niya ito ng kanyang snout o nguso.

Tinatayang 500 paintings ang nagawa ni Pigcasso. Ang isa niyang likha, naibenta pa sa halagang $26,500 o tumataginting na P1.5 million!

Dahil high-demand si Pigcasso, pumalo sa higit $1 million o P57 million ang kanyang naging kita mula sa pagpipinta. Napupunta ang perang ito sa food supplies, veterinary bills, at sa iba pang pangangailangan ng animal sanctuary.

Sa kasamaang-palad, nitong March 2024 pumanaw si Pigcasso sa edad na walong taong gulang dahil sa sakit na chronic rheumatoid arthritis.

Gayunman, sa kanyang maikling buhay, naipakita niyang tunay at likas na matalino at malikhain ang mga hayop na dapat nating alagaan at irespeto.

Nanawagan sa publiko ang mga netizen na huwag kalimutang isauli ang coaster buzzer na nagbibigay abiso sa mga customer ng fast-food chains na handa na ang kanilang inorder na pagkain.

Ang coaster buzzer ay isang paging system na ginagamit ngayon sa food establishments.

Sa pamamagitan ng pag-flash at vibrate, malalaman ng customers na handa na ang kanilang order at maaari na itong kunin sa counter.

Ngunit imbes na ibalik ang ipinahiram na coaster buzzer, inuuwi umano ito ng ibang customers.

Katulad na lamang ng isang vlogger na ipinost pa ang larawan ng naiuwing buzzer.

Isang netizen ang nagsabing sa store nila galing ang nakuhang buzzer at siningil umano ng P500 ang kanilang ka-crew upang mapalitan ito. At dahil naawa sila sa kasamahan, naghati-hati sila rito para mabayaran.

Kaugnay nito, may isang tauhan din ng fast-food chain na naglabas ng sama ng loob dahil sa inuuwing buzzer.

Saad niya sa kanyang post, “Hindi niyo naman po mapapakinabangan yan. Kung sa tingin niyo katuwaan lang sa inyo ang pag uwi ng gamit, sa amin po hindi, kasi kinakaltas po sa sahod namin. P500 po ang isa niyan. Hindi po biro ang binabawas sa sahod namin.”

Kaya panawagan ng mga netizen, maging responsableng customer at magkaroon ng simpatya sa crew na nagtratrabaho lamang nang patas para sa kanilang pamilya.

Sa edad na 78, natupad ni lola Salvacion Jurinario mula sa Jaro, Iloilo City, ang kanyang pangarap na makakuha ng high school diploma.

Isa kasi siya sa 45 passers ng Alternative Learning System (ALS) sa Buntatala National High School.

Tubong Himamaylan sa lalawigan ng Negros Occidental ang pamilya ni lola Salvacion. Pang-anim siya sa siyam na magkakapatid.

Dahil sa hirap ng buhay simula pa noong bata siya, isinantabi niya muna ang kanyang pag-aaral.

Ngunit hindi ito naging hadlang para kay lola Salvacion na tuparin ang kanyang pangarap na makapagtapos.

At nitong May 30, 2024, naranasan na niya sa wakas ang pakiramdam ng pagmamartsa sa entablado sa kanyang graduation ceremony.

Para kay lola Salvacion, “anghel” ang kanyang naging teacher na si Rossniño Pasaporte na gumabay sa kanyang paglalakbay bilang estudyante.

Higit sa lahat, labis ang pasasalamat niya sa Panginoon dahil sa pagdating ng mahalagang tagumpay na ito sa kanyang buhay.

Sa kabila ng paglipas ng panahon at mga pagsubok na kanyang hinarap, ipinakita ni lola Salvacion na posible pa ring makamit ang ating mga pangarap, basta’t mayroon tayong determinasyon at pananalig.

Nasorpresa ang isang estudyante mula sa Midsayap, Cotabato nang makatanggap ng isang buhay na kambing sa kanyang graduation!

Nagtapos bilang cum laude si Camille Viloan sa kursong Bachelor of Secondary Education Major in Social Studies sa Notre Dame of Midsayap College.

Ayon sa kanya, hindi mahilig magbigay ng regalo o sorpresa ang kanyang kasintahang si Ton Ton Funtilon.

Kaya naman laking gulat ng dalaga nang inabot sa kanya ni Ton Ton ang isang kambing bilang graduation gift nito sa kanya!

Nasiyahan at natawa ang mga kaanak at kaibigan ni Camille dahil sa kakaibang regalo ng kanyang nobyo.

Nagpasalamat naman si Camille kay Ton Ton sa pagpapakita nito sa kanya ng pagmamahal at suporta mula pa noong Grade 11 siya.

Aniya, ang tagumpay niya ay tagumpay rin ng kanyang kasintahan.

Patunay ang kwento nina Camille at Ton Ton na hindi nasusukat sa halaga ng regalo o materyal na bagay ang tunay na pag-ibig, kundi sa tapat na pagmamahalan at walang-humpay na suporta para sa isa’t isa.

Experience Fashion Brilliance with Jojie Lloren, Cary Santiago, and Jaggy Glarino

Get ready for the ultimate fashion celebration at “TernoCon: Kasarinlan, Kultura, Kasuotan” happening on June 10, 2024, at the Museo del Galeón, SM Mall of Asia. Marking the 125th anniversary of Philippine independence, this event features the creative genius of top Filipino designers Jojie Lloren, Cary Santiago, and Jaggy Glarino.

A Partnership for the Ages

SM Supermalls, Bench / lifestyle + clothing, and the Cultural Center of the Philippines (CCP) team up once again, following the success of 2023’s Paskong Ternocon at SM Aura. This year, the spotlight is on TernoCon: Kasarinlan, Kultura, Kasuotan, where heritage meets high fashion in an unforgettable celebration.

Meet the Masters

Jojie Lloren: A Lullaby For My Mother

Jojie Lloren, a Paris-trained designer known for his minimalist style, brings a deeply personal touch to his collection, “A Lullaby For My Mother.” This twelve-piece terno collection pays tribute to his mother and the motherland, showcasing his exceptional tailoring and dedication to Filipino culture.

Cary Santiago: Ikonograpiya

Cary Santiago, celebrated for his intricate and sculptural designs, presents “Ikonograpiya.” This collection of twelve Ternos draws inspiration from the vibrant colors of the Philippine flag and iconic symbols like the Sampaguita, mango, jeepney, and sorbetes, celebrating Filipino pride and identity.

Jaggy Glarino: Lemlunay

Avant-garde designer Jaggy Glarino takes a non-traditional approach with “Lemlunay.” Featuring nine Ternos and three barongs, his collection is inspired by the rich cultural heritage of Mindanao, blending traditional motifs with contemporary flair.

Fashion Show and Exhibit

Witness 36 stunning looks at the TernoCon: Kasarinlan, Kultura, Kasuotan fashion show, with 24 ensembles displayed in an exhibit at the Main Atrium of SM Mall of Asia from June 11 to June 23, 2024. This showcase offers an immersive experience, celebrating the diverse cultural icons and traditions of the Philippines.

Don’t Miss Out!

“TernoCon: Kasarinlan, Kultura, Kasuotan” is more than just a fashion show; it’s a celebration of independence, heritage, and Filipino artistry. For more information and updates, please visit smsupermalls.com or follow us on all social media @SMSupermalls.

Join us for a revolutionary fashion event at SM Mall of Asia and celebrate Philippine independence in style!

The Cebu Professional Pickleball Association together with SM Seaside City Cebu announces the opening of Cebu’s first outdoor free-play pickleball court. Located at the upper ground level, Tower Garden, Cube Wing, this new facility is set to become a hub for both seasoned players and newcomers to the sport.

Pickleball is a fast-growing sport that combines elements of tennis, badminton, and table tennis. Played on a smaller court with a lower net, it uses paddles and a plastic ball with holes. It’s easy to learn, making it accessible to players of all ages and skill levels.

The game begins with an underhand serve, hit diagonally across the court. The serve must clear the non-volley zone (the area near the net). The ball must bounce once on each side before volleys (hitting the ball before it bounces) are allowed.

Only the serving team can score points. A point is scored when the opposing team fails to return the ball or commits a fault.

Whether you are a professional or a beginner, everyone is invited to join the daily sessions and experience the thrill of pickleball. Grab your paddles and come ready for some action-packed, friendly matches in a welcoming environment.

Hinangaan ng mga netizen ang isang kindergarten student mula sa Alicia, Isabela.

Malinaw at buong kumpiyansa kasing nagbigay ng speech ang anim na taong gulang na si Maverick Cyrus Manango Pelayo sa kanyang graduation ceremony sa School of Our Lady of Atocha, Inc.

Sa kanyang maikli, ngunit hindi malilimutang mensahe, ibinahagi ni Maverick ang kanyang growth bilang kindergarten student.

Inihayag din ng bata na nais niyang makita ang kanyang mga kaklase at mga kaibigan sa hinaharap, kasabay sa patuloy nilang pagsisikap na mag-aral upang magkaroon ng magandang kinabukasan.

Agad namang umani ng mga papuri mula sa mga netizen ang talumpati ni Maverick.

Marami ang natuwa sa ipinakitang confidence ng bata. Anila, simple ngunit klaro ang kanyang naging mensahe.

Ang ilan naman, sinabing malayo ang mararating ni Maverick.

Pinuri rin ng mga netizen ang kanyang mga magulang na nagpalaki sa kanya bilang matalino at magalang na bata.

Bumida sa Santacruzan sa Legazpi City, Albay ang isang lola na kinoronahan bilang Reyna Emperatriz kamakailan.

Tila sanay na sanay kasi siya sa pagngiti at pagkaway sa mga residenteng masayang nakaabang sa kanyang parada.

Bukod sa pagiging dating beauty queen, naging war veteran din sa probinsya ang 99-anyos na si Ester Del Rosario.

Ipinanganak siya noong April 26, 1925, at sa edad na 22, kinoronahan siya bilang kauna-unahang Princess of Peñafrancia Festival noong 1947.

Maraming manonood ang namangha sa hindi kumukupas na ganda ni Lola Ester.

Mahina na ang pandinig ng dating beauty queen, ngunit malinaw at malakas pa ang kanyang tuhod, memorya, at paningin.

Napanatili niya ang kanyang kalusugan dahil sa kanyang healthy diet at regular exercise. Aktibo rin siya sa ballroom dancing!

Patunay si Lola Ester na ang tunay na kagandahan, lalo na ang kagandahang loob, ay hindi kumukupas at patuloy na magniningning kahit gaano man katagal na panahon ang lumipas.

Mayroong isang uri ng palaka na muling nabubuhay kahit mistula na itong patay.

Ito ang tinatawag na wood frog, isang uri ng amphibian na kusang nagyeyelo sa loob ng anim hanggang walong buwan kada taon upang maka-adapt sa malamig na klima.

Sa pagsisimula ng taglamig, agad na napupuno ng yelo ang abdominal cavity o tiyan ng wood frogs. Bumabalot ito sa lamang-loob ng palaka.

Kasabay nito, nagpro-produce ng maraming urea at glucose ang atay ng wood frog. Magsisilbi ang mga ito bilang antifreeze substance upang mapigilan ang dehydration at pag-freeze ng cells ng mga palaka.

Dahil tumigil na ang paghinga at pagtibok ng puso ng wood frog, aakalaing patay na ito, kahit ang totoo, nasa hibernation state o mahabang pagtulog lang ito.

Pagdating naman ng tagsibol, matutunaw na ang palaka. Unang gagana ang puso nito, kasunod ng utak, at sa kalaunan, ang mga binti.

“Biological miracle” kung ituring ang pagyeyelo ng wood frogs na ginagawa ito upang protektahan ang kanilang sarili mula sa taglamig. Patunay ito sa kamangha-manghang kakayahan ng mga hayop na manatiling buhay at ligtas sa kabila ng matinding hamon ng kalikasan.

Lahat naman tayo, ayaw lumusong sa baha. Bukod sa madumi at mabaho, marami pang sakit na maaaring makuha mula rito.

Ngunit ibahin mo ang ilang residente sa Batasan, Tubigon, Bohol dahil napakalinaw na nga ng kanilang tubig-baha, wala pa itong amoy!

Minsan, may makikita pang mga buhay na isda rito.

Nagsimulang bahain ang Batasan matapos tamaan ng 7.2 magnitude na lindol ang Bohol noong October 15, 2013.

Nagdulot ito ng pagguho ng lupa at malawakang pagkawasak sa lalawigan. Tinatayang 200 katao rin ang binawian ng buhay dahil sa sakunang ito.

Ayon sa mga eksperto, posibleng lumubog ang lupa sa barangay dahil sa lindol. Kaya tuwing high tide, umaakyat ang tubig-dagat at umaabot sa tirahan ng mga residente.

Maaari ring may kinalaman ang climate change sa pagbaha sa Batasan.

Unti-unti na kasing tumataas ang sea-level sa pagtaas ng temperatura sa dagat. Sumabay pa rito ang paglubog ng lupa dahil sa nangyaring malakas na paglindol.

Sa kabutihang-palad, mayroong maayos na septic tank at waste disposal sa Batasan kaya malinis ang kanilang tubig-baha.

Bagamat nahihirapan na sa nararanasang pagbaha sa kanilang lugar, tuloy lang ang buhay ng mga residente rito.

Sila na lang ang nag-aadjust sa pamamagitan ng pagpapataas sa kanilang mga bahay at pag-eenjoy sa kanilang sariling “beach” na gawa sa malinis at malinaw na tubig-baha.