FEATURES

“Biggest wedding surprise ever.”

Ganito inilarawan ng Singaporean na si Kelly Chua ang pagdalo sa kasal ng kanyang Filipino nanny na si Lolita Tabaque.

Naging kasambahay ng pamilya ni Kelly si Nanay Lita nang mahigit 27 taon. Subalit tatlong taon bago ang kasal ni Kelly noong 2022, umuwi si Nanay Lita sa Pilipinas at hindi na nakabalik pa dahil sa umano’y hindi niya na-renew ang kanyang passport.

Buong buhay ni Kelly, si Nanay Lita ang nag-aalaga sa kanila ng kapatid niyang si Keith. Lubos na napamahal ang magkapatid sa kanilang nanny at sa katunayan, si Nanay Lita pa ang pinakaunang inimbita ni Kelly sa kanyang kasal.

Ngunit isang linggo bago maganap ang kasal, nakatanggap si Kelly ng malungkot na balita: hindi makakaalis ng Pilipinas si Nanay Lita.

Lingid sa kaalaman ng bride, kasabwat na pala ni Nanay Lita si Keith na tumulong sa kanyang lumipad patungong Singapore!

Nang dumating ang araw ng kasal, napahagulgol na lamang si Kelly nang makita ang kanyang pinakamamahal na yaya na naging saksi sa pinakamahalagang kabanata ng kanyang buhay.

Hanggang sa kasalukuyan, hindi nawawalan ng komunikasyon ang pamilya ni Kelly kay Nanay Lita na itinuturing na nilang bahagi ng pamilya.

Sabi nga ng mga netizen, iba talaga mag-alaga ang mga Pilipinong domestic helper.

Katulad ng ibang magulang, nais ng isang ama mula sa Cabanatuan City na mabigyan ng hindi makakalimutang kaarawan ang kanyang anak.

Dahil sa kahilingan nitong makakain ng lechon manok sa kanyang birthday, nagtungo ang ama sa isang grill house.

Ngunit nang malamang P270 ang presyo nito, napanghinaan siya ng loob dahil halos pang-isang araw na niya itong sahod bilang construction worker.

Ayon sa may-ari ng grill house na si Jacqueline Quibuyen, nagtanong ang ama kung maaari ba siyang mabigyan ng discount dahil P450 lamang kanyang sahod kada araw at nais niyang mabigyan ng handa ang anak.

Nang marinig ang kwento, agad na nagbalot si Jacqueline ng dalawang lechon manok. Hindi na niya kinuha ang bayad ng ama.

Laking tuwa naman ng ama sa biyayang natanggap.

Sa kanyang social media post, nanawagan si Jacqueline sa mga kapwa negosyante na bigyan ng discount ang mga nangangailangang customer upang makatulong kahit papaano.

Dahil sa munting kabutihan na ipinakita ni Jacqueline, isang anak ang nagkaroon ng handa sa kanyang kaarawan na tunay na nagpasaya sa kanyang amang lubos na nagmamahal sa kanya.

Bata pa lamang, malalim na ang pananampalataya sa Diyos ni Jonathan Sia, 23-anyos mula sa Cebu City.

Nang magkolehiyo, naging youth leader siya sa isang simbahan kung saan niya tinuruan ang mga bata tungkol sa mga aral sa Bibliya.

Masipag din mag-aral si Jonathan at sa katunayan, nagtapos siya ng kursong Marketing Management bilang Magna Cum Laude. Sa kasamaang-palad, hindi na siya nakadalo sa kanyang graduation dahil naospital siya, at sa kalaunan, binawian ng buhay.

Ngunit ilang sandali bago pumanaw, isang mahalagang mensahe ang ibinahagi niya sa kanyang magulang. Ito ay, “Jesus is real.”

Ayon sa kanyang amang Joel Sia, tinatapos ni Jonathan ang kanyang thesis noong Mayo at posibleng dahil sa stress at kakulangan sa tulog, nagkaroon ito ng lagnat at diarrhea.

Hunyo 21 nang i-admit si Jonathan sa ospital. Sa kabila ng iniindang sakit, ibinabahagi niya pa rin ang salita ng Diyos sa mga doktor at nars sa ospital.

At nitong Hulyo, nasawi si Jonathan.

Bago i-resuscitate, sumesenyas siya sa kanyang ama na tila may ibang taong nakikita.

Dahil hindi maintindihan, inabutan ni Joel ang anak ng papel at ballpen. Bago ideklara ng mga nars ang code blue, malinaw niyang isinulat ang mga katagang, “Jesus is real.”

Naniniwala si Joel na nakita ni Jonathan si Hesus, dahil napansin umano ng kanyang asawa ang napakaliwanag na ilaw at isang kamay na humahawak sa kanyang anak habang nakangiti.

Pagbabahagi nga ni Joel, “God answered our prayers differently and we trust that He knows better. He knows what’s best for us.”

UNICEF is deeply concerned for children as the trail of destruction caused  by the Typhoon Carina (known internationally as Gaemi) and the Southwest Monsoon become clear.  The combined effects brought heavy to intense rains in the past days in Metro Manila, Northern  Luzon, and Central Luzon. UNICEF is similarly concerned by multiple weather systems affecting  children in the Bangsamoro Autonomous Region in Muslim Mindanao. Widespread flooding, road  closures, and power outages are forcing many families in low lying areas to evacuate.  

Disaster response and rescue workers evacuate children and their families from their flooded homes in Brgy. Tatalon, Quezon City as the southwest monsoon is intensified by Typhoon Carina (International name: Gaemi) causing widespread flooding across Metro Manila on Wednesday, 24 July 2024. ©UNICEF Philippines/2024/Larry Monserate Piojo

The opening of the new school year on 29 July may be at risk with thousands of schools severely affected and some being used as evacuation centers.  

In any emergency, children are among those who suffer the most. They continue to bear the brunt of extreme weather events exacerbated by climate change. According to UNICEF studies, the Philippines has the highest number of children displaced in the last six years from weather-related events at 9.7 million1, while 97 per cent of children in the Philippines experience three or more types of shock, hazard, or stress2. While children in the Philippines have the highest level of eco anxiety in the world3, they are also the most resilient and engaged4. 

Residents are rescued from their flooded homes in Brgy. Tatalon, Quezon City as the southwest monsoon is intensified by Typhoon Carina (International name: Gaemi) causing widespread flooding across Metro Manila on Wednesday, 24 July 2024. ©UNICEF Philippines/2024/Larry Monserate Piojo

UNICEF is committed and ready to provide support to the Philippine Government to reach the most vulnerable. As co-leader of the water, sanitation, and hygiene; education, nutrition, and child protection clusters, UNICEF is coordinating and monitoring with partners at the national and local levels. The agency has prepositioned emergency supplies for nearly 10,000 families to respond to affected people’s needs for safe drinking water, sanitation, hygiene, nutrition, education, and child protection. These supplies include schools-in-a-box, family hygiene and dignity kits, tents, water purification tablets, and ready-to-use therapeutic food, among others. UNICEF and partners are ready to immediately distribute these supplies upon Government request. 

“Children in the Philippines should not have to fear for their lives every time a strong typhoon comes. The climate crisis faced by countries like the Philippines is changing the lives of children.  Children are robbed of the ability to live happy and healthy lives, threatening their future, and exposing them to harm. While they are vulnerable, children and young people do have an active role to play in reducing risk and working with adults. They bring critical skills, experiences, and creative solutions,” UNICEF Philippines Representative a.i. Edgar Donoso Paz said. 

About UNICEF 

UNICEF works in some of the world’s toughest places, to reach the world’s most disadvantaged children. In more than 190 countries and territories, we work for every child, everywhere, to build a better world for everyone.  

For more information about UNICEF and its work for children in the Philippines, visit www.unicef.ph.  Follow UNICEF Philippines on Facebook, Twitter, and Instagram. 

Ang Power Nap Contest ng South Korea ang itinuturing na pinakamasaya at pinaka-relaxing na paligsahan sa buong mundo.

Sa halip kasing mapagod at pagpawisan, ang kailangan mo lamang gawin sa kompetisyong ito ay matulog!

Kamakailan lamang, nasa 100 South Koreans ang nagtungo sa Han River Park sa Seoul upang lumahok sa Power Nap Contest.

Suot ang kanilang mga damit pantulog, kanya-kayang hanap ng kumportableng pwesto ang mga kalahok upang matulog nang mahimbing sa loob ng isang oras at 30 minuto.

Ayon sa organizer ng 2024 Power Nap competition na si Lim Ji-Hyeon, ang South Korea ang may pinakamababang sleep duration sa mga bansang kasapi ng Organization for Economic Cooperation and Development (OECD).

Batay sa datos, natutulog lamang ang isang South Korean ng 7 oras at 41 minuto kada gabi; mas mababa kumpara sa OECD average na 8 oras at 22 minuto.

Sa pamamagitan ng pagdaraos ng Power Nap Contest, umaasa ang organizers na makakapagpahinga ang mga kalahok at mararamdaman ang mga benepisyo ng pagtulog.

Hindi naman ganun kadali ang kompetisyon dahil habang natutulog, iistorbohin ang mga kalahok sa pamamagitan ng pagkiliti, pagbulong, at iba pa.

Matutukoy naman ang nanalo sa pamamagitan ng pag-alam sa heart rate ng mga kalahok dahil kung mas malaki ang pinagkaiba ng tibok ng puso bago at habang natutulog, mas maayos ang naging pahinga.

Gaano man tayo kaabala sa buhay, mahalaga pa ring tiyakin na mayroon tayong sapat na tulog at pahinga. Tandaan, ang pagtulog ay isang mahalagang bahagi ng ating araw na nagbibigay sa atin ng lakas at sigla upang harapin ang mga hamon ng buhay.

Dahil sa init ng panahon, nag-order ang doktor na si Orlem Brandon Serrao mula sa Mumbai, India ng tatlong ice cream cones sa pamamagitan ng isang online grocery delivery app.

Habang kinakain ang butterscotch-flavored ice cream, bigla siyang nakakagat ng isang matigas na bagay.

Akala niya noong una, mani o tsokolate ito; ngunit matapos iluwa, dito na tumambad sa harap niya ang isang putol na daliri ng tao!

Nang suriin ang niluwang sahog ng ice cream, napansin ni Serrao ang kuko at fingerprints nito. Dahil isang doktor, pamilyar siya sa mga bahagi ng katawan at nakumpirma niyang isa itong hinlalaki.

Agad niya itong ipinagbigay-alam sa mga pulis.

Ayon sa manufacturer na Yummo Ice Cream, itinigil na nila ang produksyon ng naturang produkto. Tiniyak din nilang tutulong sa imbestigasyon hinggil sa insidente.

Kaugnay nito, isang hindi pinangalangang empleyado ng Yummo ang kinasuhan ng food adulteration and endangering human life.

Sa ngayon, ipinadala na sa isang forensic lab ang putol na daliri upang matukoy kung pagmamay-ari ba ito ng isang tao o hayop.

Nawa’y magsilbi ang kwentong ito bilang paalala sa mga negosyante, partikular na sa mga pabrika, na palaging bigyan ng pansin ang paggawa ng kanilang produkto dahil nakasalalay rito ang kaligtasan ng publiko at maging ng kanilang mga empleyado.

Nitong mga nakalipas na araw, nakaranas ng matinding pag-ulan ang malaking bahagi ng bansa dahil sa bagyo at habagat.

Hindi maikakailang mahirap para sa atin ang ganitong uri ng panahon, ngunit mas mahirap ito para sa mga ligaw na hayop na walang masisilungan.

Dahil dito, hinikayat ng ilang animal welfare organizations ang publiko na isaalang-alang ang kaligtasan ng mga hayop ngayong tag-ulan.

Sa pamamagitan ng isang Facebook post, nanawagan ang Animal Kingdom Foundation (AKF) sa mga residente na patuluyin at bigyan ng masisilungan ang mga ligaw na hayop, kahit saglit lamang.

Ayon sa AKF, napakahirap para sa mga hayop sa kalye na makahanap ng matutuluyan tuwing tag-ulan; kaya pakiusap ng naturang animal welfare organization, piliin ang magbukas ng pinto para sa mga nangangailangan.

Samantala, nagpaalala naman ang Philippine Animal Welfare Society (PAWS) sa pet owners na huwag kalimutan ang mga alagang hayop kung kailangang lumikas sa lugar.

Ngunit kung hindi talaga maaaring dalhin sa evacuation centers ang mga alaga, tiyaking hindi sila maiiwang nakatali o nakakulong upang mabigyan sila ng pagkakataong makalikas at makaligtas.

Matindi man ang tag-init o tag-ulan, hindi kailanman naging ligtas para sa mga hayop ang kalye. Marahil para sa atin, ilang oras o araw lamang natin silang matutulungan, pero para sa kanila, buong buhay nila ang nakasalalay.

Sabi nga ng AKF, “Your kindness will save a life.”

Isang kakaibang insidente ng road rage ang nasaksihan sa isang viral video.

Batay sa ulat, isang bus ang nag-counterflow at nakasalubong ang isang truck.

Sa halip na magbigayan sa daan, pareho silang nagmamatigas at hindi umaalis, dahilan upang hindi umusad ang trapiko.

Ilang saglit lamang, biglang lumabas ang konduktor ng bus at iniabot ang isang supot ng chicharon sa driver ng truck!

Bagama’t nagpakumbaba na ang konduktor ng bus sa pamamagitan ng pagbibigay ng peace offering, hindi ito tinanggap ng truck driver at hindi pa rin sila pinagbigyan sa kalsada.

Sa kalaunan, pareho namang nakausad ang dalawang sasakyan, ngunit patuloy pa rin ang pagbuhos ng reaksyon mula sa mga netizen na nakapanood ng viral video.

Pabirong kwinestiyon ng ilang netizen ang peace offering ng konduktor dahil anila, naha-high blood na nga ang truck driver, binigyan pa ng chicharon!

Hula ng ibang netizen, baka tanggapin ang chicharon kung may kasama itong suka o kaya alak.

Seryoso naman ang komento ng iba na nagsasabing sana laging ganito ang road rage, ‘yung nagpapakumbaba ang may kasalanan. Sabi nga ng isang netizen, “Choose to be kind, instead of being right.”

Viral ngayon sa social media ang mga litrato ng isang lalaking pumasok sa isang sikat na fast food restaurant sa Marikina. Madumi ang suot nitong damit at mahahalata sa mukha nito ang nararamdamang gutom at uhaw.

Nagtungo ito sa counter upang humingi ng dalawang baso ng tubig. Ngunit nang lapitan siya ng supervisor, isang hindi inaasahang tagpo ang umantig sa puso ng mga customer at maging ng mga netizen.

Ayon sa isang nakasaksing customer, tinanong ng supervisor na si Khel ang lalaki kung kumain na ba ito.

Matapos sumagot, laking gulat ng lalaki nang bigla siyang abutan ng supervisor ng dalawang pritong manok at kanin.

Minabuti naman ng isang customer na kunan ng litrato ang pangyayari upang ibahagi ang nakatutuwang kwento sa social media.

Aniya, tila naging masaya ang gabi ng lalaki dahil sa ipinakita sa kanyang kabutihan.

Hindi maikakailang malaki ang epekto ng pagmamalasakit sa buhay ng kapwa natin. Maging inspirasyon sana ang kwentong ito sa lahat na ipagpatuloy ang pagiging mabuti, sapagkat ito ang isa sa mga pinakamahalagang katangian ng pagiging tunay na tao.