FEATURES

Sunog sa isang commercial building sa Parañaque City, umabot pa sa 5th alarm bago maapula!

Naapula kaninang umaga ng mga bumbero ang sunog na naganap sa isang commercial building sa Barangay San Isidro, Parañaque City.

Ayon sa mga otoridad, sumiklab ang sunog sa apektadong gusali sa panulukan ng Dr. A. Santos Avenue at Filipinas Avenue bandang 11 P.M. kahapon, Setyembre 26.

Umabot pa ang sunog sa ikalimang alarma, o fifth alarm, bago ito naideklarang fire under control kaninang 6:29 A.M.

Walang nasaktan sa sunog at wala rin itong epekto sa daloy ng trapiko dahil madaling araw nangyari ang sunog.

Patuloy namang iniimbestigahan ng Parañaque City Fire Station ang sanhi ng insidente. | Sa panulat ni Anjo Riñon

September 26, 2026 0 comment

EVENTS FEATURES NEWS

DARBC MEMBERS DUMULOG SA PROGRAMANG ‘BARANGAY 882’ SA DWIZ, HUMIRIT NG PAGLILINAW UKOL SA WRIT OF EXECUTION NG CDA

written by DWIZ 882

Nananawagan ng transparency at malinaw na paliwanag mula sa Cooperative Development Authority (CDA) ang ilang miyembro ng Dolefil Agrarian Reform Beneficiaries Cooperative (DARBC) kaugnay ng writ of execution na inilabas nito noong February 24, 2026.

Ayon kay Oscar Serohijos, isang Agrarian Reform Beneficiary, pioneering member ng DARBC at dating rank-and-file labor union official, nais lamang nilang malaman ang kasalukuyang status at saklaw ng nasabing writ.

“We respectfully ask the CDA to identify and explain the precise legal effect of the pending injunction and to implement only those portions of its final directives that are not suspended or prohibited by a valid court order,” ani Serohijos makaraaang dumulog sa programang “BARANGAY 882” ni Gilbert Perdez sa DWIZ 882 AT ALIW 23, kasama ang iba pang ARBs na sina Roland Donasco at Jose Teruel.

Kaugnay nito, sinasabing nakabinbin sa CA Special Twenty-Third Division ang hiwalay na usapin na may kaugnayan sa CDA proceedings at sa temporary injunctive relief na ipinagkaloob sa isang resolusyon noong June 24, 2026.

Iginiit ng grupo na hindi nila layuning pangunahan ang appellate court o akusahan ng kriminal na pananagutan ang sinumang director ng kooperatiba.

Hinihiling lamang umano nila sa CDA na malinaw na tukuyin kung sino at anong mga aksyon ang saklaw ng umiiral na court order at kung aling bahagi ng writ ang maaari pang ipatupad.

Samantala, sinabi ni Serohijos na handa silang igalang ang anumang balidong kautusan ng korte habang hinihintay ang paglilinaw sa legal na epekto nito sa writ of execution.

Aniya, ang kanilang panawagan ay nakatuon umano sa transparency, due process, at proteksyon sa karapatan ng mga ordinaryong miyembro ng DARBC.

September 20, 2026 0 comment

FEATURES NEWS

KA REX CAYANONG, KAMPEON SA DALAWANG STAG DERBIES

written by DWIZ 882

Messenger_creation_4B2C05C3-E33B-40DF-AECE-357AFCDDBED1

Muling umarangkada sa larangan ng sabong si veteran broadcast journalist Ka Rex Cayanong matapos nitong masungkit ang dalawang kampeonato sa magkahiwalay na 6-Stag Derbies noong Huwebes, Setyembre 17.

Gamit ang entry name na “Ka Rex 6-Stag Nov. 15 SPC,” nagkampeon si Cayanong sa 6-Stag Derby ni Budjit Aguilar na ginanap sa New Zapote Cockpit. Nagtala ito ng 5 1/2 puntos para maiuwi ang titulo.

Hindi rin nagpahuli ang kampo ni Cayanong sa Pasay Cockpit kung saan nasungkit din nito ang kampeonato sa 6-Stag Derby na pinangunahan ng two-time World Slasher Champion na si Honey Yu. Nakipagtambalan naman si Cayanong kay Carlo Dizon sa nasabing palaban at nakapagtala sila ng limang puntos.

Dahil dito, umabot na sa pitong kampeonato ngayong 2026 ang naitala ni Cayanong.

Kabilang sa mga nauna niyang panalo ang laban noong Hunyo 19 sa Del Monte Cockpit na pinangunahan ni Ed Monreal, gayundin ang kanyang pag-arangkada sa Cavite Coliseum sa palaban ni Biboy Enriquez kung saan nakakuha siya ng limang puntos gamit ang entry name na Ka Rex Cayanong/Anteng Bullecer.

Muling nagpakitang-gilas si Cayanong sa Pasay noong Setyembre 1 sa isang 5-Stag Derby, dagdag sa sunod-sunod niyang kampanya ngayong taon.

Samantala, nakatakda namang sumabak si Cayanong sa Sabong On Air 6-Stag Derby (National Banded) sa San Pedro Coliseum sa Nobyembre 15.

Nakataya rito ang ₱600,000 guaranteed prize, kung saan ₱300,000 ang nakalaan sa kampeon.

September 20, 2026 0 comment

FEATURES NEWS

MAYNILAD, LIBRENG SEPTIC TANK CLEANING SA ILANG LUGAR NG METRO MANILA AT CAVITE

written by DWIZ 882

September 14- Maynilad offers desludging services this September

MANILA — Nag-aalok ang Maynilad Water Services, Inc. ng libreng septic tank cleaning o desludging service ngayong Setyembre para sa mga kwalipikadong residential at semi-business customers sa piling barangay sa Metro Manila at Cavite.

Kabilang dito ang ilang lugar sa Caloocan, Las Piñas, Maynila, Muntinlupa, Parañaque, Pasay, Quezon City, Valenzuela, Bacoor at Imus.

Karaniwang umaabot sa ₱4,700 kada truck ang halaga ng serbisyo. Maaaring tumawag sa Maynilad Hotline 1626 para malaman ang requirements at proseso ng pag-avail.

September 17, 2026 0 comment

BUSINESS FEATURES

JOLLIBEE PHILIPPINES, BRAND OF THE YEAR SA NEXT AWARDS 2026

written by DWIZ 882

MANILA — Kinilala ang Jollibee Philippines bilang Brand of the Year Grand Prix winner sa NEXT Awards Philippines 2026 ng Marketech Asia-Pacific.

Nakakuha rin ang Jollibee ng limang Gold at tatlong Silver awards para sa iba’t ibang kampanya sa marketing, innovation, public relations at events.

Ayon sa Jollibee, iniaalay nila ang parangal sa kanilang mga empleyado, partners, franchisees, store teams, at mga Pilipinong patuloy na sumusuporta sa brand.

September 17, 2026 0 comment

METRO PATROL

65-anyos na babae, nasawi matapos tumaob ang sinasakyang pampasaherong jeep sa Maynila!

written by DWIZ 882

Nasawi ang isang 65-anyos na babae habang walong iba pa ang nagtamo ng injuries matapos tumaob ang isang pampasaherong jeep sa Rizal Avenue Extension, Sta. Cruz, Manila nitong Sabado ng hapon, Setyembre 12.

Batay sa imbestigasyon ng District Traffic Enforcement Unit, sinabi ng driver na bigla umanong nawalan ng preno ang minamanehong jeep kaya ibinangga niya na lang ito sa isang metal post. Dahil sa lakas ng impact, tuluyang tumaob ang sasakyan.

Nasa kustodiya na ng mga awtoridad ang driver at inihahanda ang pagsasampa ng kaso laban sa kaniya dahil sa reckless imprudence resulting in homicide and multiple injuries.

September 13, 2026 0 comment

FEATURES

Makati Medical Center, ipinakilala ang new technology na Ultherapy Prime upang higit na mapahusay ang pangangalaga sa balat o skin care

written by DWIZ 882

Mas pinalawak ng Makati Medical Center ang serbisyo nito sa aesthetic care sa paglulunsad ng Ultherapy Prime, isang bagong non-invasive treatment para sa skin lifting at tightening.

Layunin ng teknolohiya na makatulong sa pagpapasigla ng collagen at pag-improve ng kondisyon ng balat, nang walang surgical procedure.

Ipinakita rin sa launching ang aktuwal na device at ang mga benepisyong hatid nito, sa pangunguna ng Makati Med Skin and Laser Hub.

Pinangunahan nina Dra. Ma. Lourdes Aragon De Veyra at Dr. Jose Giovanni Dimayuga ang event, na dinaluhan din ng Ultherapy Prime ambassadors na sina Megan Young at Mikael Daez. | via Jopel Pelenio (Patrol 17)

September 10, 2026 0 comment

EVENTS FEATURES NEWS RONDA PROBINSYA

KABATAAN, HINASA SA RESPONSABLE AT TAPAT NA PAMAMAHAYAG SA LIPA CITY, BATANGAS

written by DWIZ 882

Isinagawa sa Pinagkawitan Elementary School sa Lipa City, Batangas ang 2026 Division Schools Press Conference, sa pangunguna ng DepEd Lipa sa pamumuno ni Schools Division Superintendent Homer Mendoza.

Dumalo rin si Mayor Eric Africa upang magpaabot ng suporta at hikayatin ang mga kabataang mamamahayag mula sa iba’t ibang pampubliko at pribadong paaralan sa lungsod. ERIC AFRICA LIPA CITY

Tampok sa kompetisyon ang iba’t ibang larangan ng pamamahayag, kabilang ang news, editorial, feature, sports, photojournalism, broadcasting, at online publishing.

Layunin ng aktibidad na malinang ang talento at kasanayan ng mga mag-aaral bilang paghahanda sa Regional Schools Press Conference, habang isinusulong ang integridad, katapatan, at pananagutan sa campus journalism. | mula sa panulat ni Angelo Baino

September 4, 2026 0 comment

FEATURES RONDA PROBINSYA

Kasal, itinuloy sa gitna ng baha sa Hagonoy

written by DWIZ 882

“BAHA KA LANG, KASAL KO TO!”

Sa halip na ipagpaliban, pinili ng mag-asawang sina Mr. at Mrs. Chico na ituloy ang kanilang kasal ngayong araw sa Parokya ng San Juan Bautista sa Hagonoy, Bulacan.

Umabot umano sa beywang ang baha sa loob ng simbahan, dahilan para payuhan ng pamunuan ng parokya ang mag-asawa na ireschedule muna ang seremonya.

Gayunman, nagpasya silang ituloy ang kasal dahil sa ilang personal na dahilan.

Pinaikli pa ng bride ang kanyang wedding gown upang mas madali siyang makalakad sa baha. Dahil wala ring kuryente, portable speaker ang ginamit para sa seremonya.

Sa kabila ng baha, sinikap pa rin ng mga naghanda na maayos at maging espesyal ang kanilang kasal.

Sa huli, walang baha ang naging hadlang para matupad ang pangako ng mag-asawa sa isa’t isa sa harap ng altar.

September 1, 2026 0 comment

FEATURES

Legasiya ni Amb. Cabangon Chua, ginunita sa kanyang ika-92 kaarawan

written by DWIZ 882

Ipinagdiwang ngayong araw, August 28, 2026, ang ika-92 kaarawan ni ALC Group of Companies Founder Late Ambassador Antonio Cabangon Chua. Dito, inalala ang buhay at naging makabuluhang ambag ni Amb. Cabangon Chua pagdating sa larangan ng pagnenegosyo at paglilingkod sa kapwa.

Binigyang-diin sa 92nd Anniversary ang patuloy na inspirasyong ibinibigay ng iniwang legasiya ni Ambassador Cabangon Chua upang maglingkod nang may malasakit at kahusayan.

Present sa anibersaryo ang mga anak ni Late Amb. Cabangon Chua na sina Fortune Life Insurance Company, Inc., President and CEO Dominic Arnold Cabangon, Eternal Plans Vice Chairman and CEO D. Antoinette Cabangon-Jacinto, Business Mirror Publisher T. Anthony Cabangon, mga apo na sina Antonio Carlos “AC” Cabangon, Eternal Group Operations Executive Ms. Dannica Nicole A. Cabangon, Isuzu Gencars Group Operations Executive Ms. Giannina Eunice A. Cabangon, Citystate Properties and Management Corporation Business Development & Operations Executive Michael “Wes” Cabangon, at AAA Southeast Equities Pres. William Matthew Cabangon.

Bahagi ng anibersaryo ang pagsasagawa ng misa na pinangunahan ni Rev. Father Jojo Buenafe. | via Jopel Pelenio (Patrol 17)

August 28, 2026 0 comment

Newer Posts

Older Posts