FEATURES

May bago nang tahanan ang itinuturing na pinakamalaking rural bank sa Laguna.

Mula sa Poblacion, Calamba City, inilipat sa Rizal Avenue San Pablo City ang sangay ng Planbank Rural Bank of Canlubang Planters Inc. para sa mas malawak pang operasyon nito.

Kabilang sa mga produktong alok ng Planbank ang real estate mortgage, salary loan, back to back loan, microfinance loan, SSS pension at auto loans.

Pinapayagan rin ng Planbank ang paggamit ng mga alahas bilang kolateral sa utang.

Dumalo sa pagbubukas ng San Pablo Branch ng Planbank ang mga opisyal ng bangko na sina Dominga Rufina Cabangon na pangulo ng bangko, Dominga Mikaela Cabangon, Vice President for Corporate Support Services, Justice Harriet Demetriou na siyang chairman ng board at Leonora Zafra, ang treasurer.

Naging panauhing pandangal naman sa pagtitipon sina San Pablo City Mayor Loreto Amante at Vice Mayor Angie Yang.

—-

Hatid ng Aliw Broadcasting Corporation ngayong Pasko…

Isang araw na puno ng palaro at saya para sa mga bata sa Intramuros, Maynila na gaganapin ngayong December 16, Sabado…

Katuwang ang DWIZ Metro Patrol Volunteers at ang ating mga sponsors, Tang, Queensland butter, Regent Aguila energy drink, Voltracom, PHAPCares Foundation at Federation of Independent Legions of Immigrant Philippine- Americans in the North America (FILIPINAS)

Maituturing ang mga taong 2013 hanggang 2017 na panahon kung kailan naitala ang mabilis na pagtaas ng kaso ng dengue sa Pilipinas at panahon na nagkaroon pa ng outbreak ng nasabing sakit.

Sa taong 2013 umabot sa 186,416 kaso ng dengue ang naitala sa buong bansa mula Enero hanggang Setyembre, bahagyang bumaba naman ngunit nanatili sa daang libong kaso noong 2014 na sumampa sa 113,485.

Taong 2015 naman nang maitala ang aabot sa 200,415 dengue cases sa buong bansa mula Enero hanggang Setyembre lamang.

Sumampa pa ito sa 220,518 dengue cases sa kaparehong panahon noong 2016 at umabot ng hanggang 97,287 naman ngayong 2017.

Mga nakakaalarmang pagtaas na tila naging dahilan upang maging masigasig o magkaroon ng ‘urgency’ ang gobyerno na tugunan ang lumalalang problema sa dengue.

Ayon sa World Health Organization o WHO, ang dengue ang itinuturing na ‘fastest growing mosquito-borne disease’ sa mundo kung saan umaabot sa halos 400 milyong katao ang tinatamaan ng nasabing sakit kada taon at kalat na rin ito sa 100 mga bansa partikular sa Asya, Latin America at Africa.

DENGUE CASES STATISTICS YEAR 2013-2017 (Philippines)

DENGUE DEATH STATISTICS 2013-2017 (Philippines) 

Dengvaxia

Disyembre 2015 nang maaprubahan at mabigyan ng lisensya ang kauna-unahang bakuna laban sa dengue sa buong mundo na gawa ng French pharmaceutical company na Sanofi Pasteur…ang Dengvaxia.

Una itong nabigyan ng lisensya sa Mexico ngunit inilaan lamang sa mga lugar kung saan mataas ang naitatalang kaso ng dengue o ang tinatawag na endemic areas.

Abril 2016 naman nang ilunsad ang anti-dengue vaccine program sa Pilipinas sa ilalim ng pamumuno ng noo’y dating Health Secretary Janette Garin.

Binigyan ng libreng bakuna ang mga piling Grade 4 public school students na mula sa tatlong rehiyon sa bansa kung saan mataas ang dengue cases—ang Metro Manila, Central Luzon, at Calabarzon.

Ang Pilipinas ang tanging bansa kung saan isinagawa ang ‘three phases’ ng clinical development ng nasabing bakuna at una rin sa buong mundo na nagpatupad ng dengue vaccine sa pamamagitan ng public health system immunization program at sa ilalim ng public school setting.

Ayon sa DOH, aabot sa 700,000 mga estudyante ang nakatanggap ng una sa tatlong dose ng bakuna na ginastusan ng aabot sa P3.5 billion pesos.

Kasabay nito ay ang kabi-kabila ring pagkuwestyon at panawagang imbestigasyon sa umano’y tila minadaling pagpapatupad ng dengue vaccine program sa kabila ng mga safety questions dito.

Taong 2016 nang imbitahan ng House of Representatives Committee on Health sa isang pagdinig si Garin dahil na rin sa ilang tanong at hiling na medical review ukol sa dengue vaccine.

Sa inilabas na position paper ng World Health Organization o WHO ukol sa dengvaxia noong Hulyo 2016 nakasaad na puwedeng ikunsidera ng mga bansa ang paggamit ng dengue vaccine ngunit tanging sa mga lugar lamang kung saan marami at malala ang mga naitatalang kaso ng dengue.

Inirerekomenda ang bakuna sa mga batang edad 9 pataas lamang, at ang pagbibigay ng tatlong dose ng gamot ay sa loob ng 6-month interval.

Hindi naman inirerekomenda ang dengvaxia sa mga batang may edad 2 hanggang limang taong gulang dahil na rin sa mataas na panganib ng posibleng pagkaka-ospital ng mga ito.

Binigyang diin ng WHO na ang paggamit ng dengue vaccine ay dapat bahagi ng isang komprehensibong stratehiya sa pagkontrol ng dengue, kabilang na ang masusing pag-monitor sa mga pasyenteng tinurukan nito, bagama’t wala pang malinaw na pag-aaral kaugnay sa impact nito sa pagkontrol ng dengue outbreak.

Nakasaad din sa posisyon ng WHO na nananatili ang pangangailangan sa karagdagang mga pag-aaral ukol sa bakuna at pag-implementa nito kung saan prayoridad ang posibleng mas maikling dosing schedule sa mga babakunahan at kung ligtas ba ang dengue vaccine sa mga buntis na ina.

Iginiit din ng WHO na kinakailangan ng mga research para i-monitor ang occurrence ng sakit sa mga taong nabakunahan na ng dengue vaccine.

Ilan lamang ang mga nabanggit sa mga abisong inilabas ng WHO ukol sa dengue vaccine, Hulyo 2016, dalawang buwan matapos na ipatupad sa bansa ang school based immunization ng dengue vaccine, Abril 2016.

Sa pag-upo sa puwesto ni dating Health Secretary Paulyn Ubial noong nakaraang taon ay itinuloy ang pagbabakuna na pinalawak sa Cebu at iba pang karatig lugar, sa rekomendasyon na rin umano ng isang panel ng mga eksperto.

Matatandaang Disyembre 2016 nang kuwestyunin ni Ubial sa House of Representatives’ Health Committee hearing ang ‘timing’ sa pagpapatupad ng dengue vaccine program na ipinatupad ng noo’y Health Secretary Garin bago ang May 2016 Presidential Elections.

Ipinagtatataka rin noon ni Ubial kung bakit aabot sa 1 milyon ang mga batang babakunahan gayung nagsimula ito na ang target ay nasa 20,000-30,000 na mga bata lamang.

—–

Sources: WHO, DOH

Ginawaran ng parangal sa katatapos lamang na ika – 4 na ‘Inding Indie Short Film Fest’ ang mga programa at personalidad ng DWIZ.

Tinaguriang taga – habi ng sining at pelikula ang Chairman at President ng Aliw Broadcasting Company si D. Edgard Cabangon.

Kaparehong parangal din ang iginawad kina Robert Rivera para sa programang ‘Pilipinas Ngayon Na’, at Lolly Rivera at Sandra Cam para sa programang ‘Sulong Na Bayan’.

Sa kanyang talumpati, nagpasalamat si Cabangon sa natanggap na parangal at nangakong itutuloy ang paghahatid ng DWIZ ng makabuluhan at makatotohanang balitat impormasyon sa publiko.

#TINGNAN Chairman & President Aliw Broadcasting Company D. Edgard Cabangon at mga personalidad ng DWIZ, pinarangalan sa “Inding Indie Film Fest”. | via @JonathanAndal_ pic.twitter.com/oNt2WXD3eA

— DWIZ Newscenter (@dwiz882) December 4, 2017

Tiniyak ni Russian Prime Minister Dmitry Medvedev na makikipagtulungan sila sa Pilipinas upang matugunan ang pangangailangan nito sa enerhiya.

Ito ang ipinangako ni Medvedev kay Pangulong  Rodrigo Duterte sa kanilang paghaharap sa isang bilateral meeting.

Ayon kay Medvedev, naniniwala siyang sa pamamagitan ng mga nabuong kasunduan sa katatapos lamang na 31st ASEAN Summit.

Mapupunuan anya ang anumang kakulangan ng Pilipinas sa usapin ng enerhiya lalo’t  nangunguna sa buong mundo ang Russia  pagdating sa sektor ng enerhiya at may malawak na karanasan sa pagresolba ng ibat-ibang uri ng energy-related problems.

(Health News)

Alam nyo bang sa pamamagitan lamang ng mga ginagamit na salita ay matutukoy na kung ang isang tao ay puno ng stress???

Ayon sa mga eksperto ng University of Arizona, ang paulit-ulit na paggamit ng mga salitang pang-halip o adverbs gaya ng “talaga… sobra at napaka” ay senyales ng matinding stress.

Napatuynayan ito sa pamamagitan ng eksperimento kung saan ni-record ang speech patterns ng may 143 volunteers…lumalabas na nagiging paulit-ulit ang naturang mga salita at expressions sa mga panahong ngarag o nase-stress ang mga ito.

Mapapansin ding bibihira sa mga stressed na participants ang gumagamit ng salitang “sila” o “kanila”.

Paliwanag ng eksperto, kapag tayo ay aburido na at nasa ilalim ng matinding pressure … nakatuon na lamang ang ating atensyon sa ating mga sarili.

—-

Nagpasalamat ang acting chairman ng Catholic Mass Media Awards o CMMA at Presidente ng Aliw Broadcasting Corporation na si D. Edgard Cabangon sa lahat ng dumalo at sumuporta sa ginanap na 39th CMMA Awards Night sa Star Theater sa Pasay City kagabi.

Mismong si CMMA Honorary Chairman Manila Archbishop Antonio Cardinal Tagle ang nanguna sa gabi ng parangal.

Taun-taon ay nagbibigay ng parangal ang CMMA para sa mga natatanging grupo at programa sa larangan ng pamamahayag tulad ng print, radyo at telebisyon.

Nagsilbi din bilang Chairman at Presidente ng CMMA sa loob ng halos 17 taon ang yumaong si Ambassador Antonio Cabangon Chua na Chairman Emeritus ng ALC Group of Companies kung saan kabilaang ang DWIZ 882 radio sa ilalim ng Aliw Broadcasting Corporation.

Dito ay ginawaran siya ng espesyal na posthumous award.

Nangako naman si Ginoong D. Edgard ng mas engrande na CMMA sa 2018 para sa ika-apatnapung anibersaryo nito.

—-

Lumagda sa isang memorandum of agreement o MOA ang Department of Environment and Natural Resources o DENR at Aliw Media Group sa pangunguna ng Business Mirror.

Pinangunahan ni Business Mirror Publisher Anthony Cabangon at ALC Group of Companies Chairman D. Edgard Cabangon ang paglagda ng MOA kasama si Director Theresa Mundita Lim, Head ng Biodiversity Management Group ng DENR.

Nagkaisa ang Aliw Media Group na suportahan ang DENR sa kanilang kampanya para ipaalam sa mga Pilipino ang kahalagahan ng biodiversity at proteksyunan ang kalikasan.

“Kailangan po tayong magkaisa, ang DENR at sektor ng media para ipaalam sa publiko ang kahalagahan ng biodiversity at proteksyunan ang kalikasan dahil ito po ang susi sa masamang epekto ng climate change” Ani Mundita Lim

Sinabi ni Lim na sa buong mundo ay iba’t ibang sakuna na may kaugnayan sa climate change ang nararanasan at kapag hindi natin pahalagahan ang kalikasan ay patuloy itong mananalasa sa buong mundo.

Ayon naman kay Business Mirror Publisher Anthony Cabangon, isang malaking pribilehiyo para sa Aliw Media Group na maging bahagi ng proyekto na ipaliwanag sa taong bayan na bigyan halaga ang programa ng DENR sa biodiversity.

—-

Inaasahan ang mas malaki pang merkado para sa sasakyan ng Isuzu.

Kasunod ito ng soft opening ng ika-pitong sangay ng Isuzu Gencars sa Sta. Rosa Laguna.

Nanguna sa pagbubukas ng pinakabagong sangay ng Isuzu dealership si ALC Group of Companies Chairman at Isuzu Gencars President and CEO D. Edgard Cabangon.

Sa kanyang talumpati sa nasabing okasyon, nagpahayag ng kasiyahan si Mr. Hajime Koso, Pangulo ng Isuzu Philippines Corporation sa anya’y lalo pang tumitibay na relasyon ng Isuzu Philippines at ang Gencars.

Aniya, hindi malilimutang taon ang 2017 para sa Isuzu Philippines at Gencars dahil ngayong taon ang ika-dalawampung anibersaryo ng Isuzu Philippines samantalang sa Oktubre aniya ay ipagdiriwang ang ika-39 na taon ng Gencars.

Isuzu Philippines and Gencars officials during the Sta. Rosa Laguna branch soft opening.

(Photo Credit: Raoul Esperas)

The literary community is on the spot light as the Philippines Graphic presents the 2017 Nick Joaquin Literary Awards (NJLA).

Happened last Tuesday, September 13, 2017, 7p.m. at the BHotel, Scout Rallos, Barangay Laging Handa Quezon City.

The selection of the 2017 NJLA winners was decided by a panel of judges composed of noted writers Alfred ‘Krip’ Yuson, Susan S. Lara, and Angelo ‘Sarge’ Lacuesta, with support from Graphic Editor-in-Chief Joel Pablo Salud and Graphic Literary Editor Alma Anonas-Carpio.

Plaques and cash prizes include: First Place (P50,000); Second Place (P30,000); and Third Place (P20,000) given to the top three short stories contributed in the Graphic’s Literary Section.

“Poet of the Year” was also chosen.

Here’s the list of winners for the 2017 NJLA:

3rd Price Wayne Benitez Castillo

2nd Price Scott Lee Chua

1st Price Christian Ray Buendia

Poet of the Year Award  Anne Carly Abad

The Graphic, which began in 1927, celebrates this year’s NJLA giving honor to the 100th year birth anniversary of National Artist Nick Joaquin, the Graphic’s first editor-in-chief after it was relaunched in 1990 through its third owner—the late media mogul-businessman and philanthropist Antonio L. Cabangon Chua and his family.

It was indeed a remarkable celebration for the literary community, as a whole.

Congratulations to the winners!

EVENT PHOTOS:

—-