FEATURES

(HEALTH)

Mahilig ka bang magpakulay ng buhok para takpan ang inyong mga white hair?

Pakinggan niyo muna ito bago magpasiyang gawin ito.

Batay sa isang pag-aaral, mas mataas ang panganib na magkaroon o mag-develop ng sakit sa atay ang mga mahilig o madalas na nagpapakulay ng kanilang mga buhok.

Kasunod ito ng ginawang pag-aaral sa 5,000 katao kung saan nakitang 40 porsyentong mas mataas ang tiyansa na magkaroon ng sakit sa atay ang mga participant na nagkukulay ng buhok kumpara sa mga hindi.

Isa sa tinukoy na responsable sa pagkasira ng atay ay ang kemikal na octynoic acid na nakikita sa hair dye gayundin sa nail polish at ibang regular beauty cosmetics.

Bukod dito, nakita rin ang kemikal na toluidine sa mga pangkulay ng buhok na nagdudulot din ng pagkasira sa atay.

Kaya naman makabubuti rin kung titignan muna ang label ng mga nais na gamiting pangkulay ng buhok kung nagtatagalay ito ng mga nasabing kemikal na nakasisira sa atay at katawan.

—-

Mismong ang 62-anyos na si Dra. Angelina Carreon ang makapagpapatunay na mayroong himala.

Ayon sa kanya, dalawang beses na siyang na-stroke ngunit dahil sa kanyang pananampalataya at sa tulong ng milagrosong imahen ng Sta. Ines sa Bulakan, Bulacan ay mabilis aniya siyang nakatayo at nakalakad.

Dra. Angelina Carreon, deboto ng mahal na poong Sta. Ines de Bulacan 

Kuwento ni Nanay Angelina, gamit ang lumang kapa o damit ng mahal na poong Sta. Ines ay kanya itong inihahaplos sa kanyang naparalisang katawan.

May mga kakilala rin siyang gumaling sa iba’t ibang sakit gaya ng kanser dahil sa pamamanata kay Sta. Ines.

“Nagbabago at lumalakas ako. Lakas lang ng loob at saka talagang matinding pagdarasal sa kanya. Kaya nga sabi ng therapist ko eh malakas ka kay Sta. Ines.” Ani Angelina

Lumang kapa ng imahen ni Sta. Ines na ginagamit ni Dra. Angelina magmula nang siya ay mai-stroke.

Maliban sa pagpapagaling, misteryoso rin ang imahen ni Sta. Ines dahil sa hindi ito maaaring hawakan ng mga kalalakihan.

Sa mga pagkakataong may mga lalakeng nagtangkang hawakan ito…. kalamidad sa kanilang lugar ang nagiging kapalit nito.

Ang milagrosang imahen ng Sta. Ines de Bulacan 

Ang iba pang kuwento ng himala at pananampalataya, abangan sa aming “Siyasat: Haplos ng Himala” Marso 24 sa ganap na 7:00–8:00 ng umaga.

—-

(HEALTH)

Habang nalalapit na ang bakasyon, marami na ang nagbabalak na magtungo sa mga beach o sumabak sa ilang mga outdoor activities na tiyak namang magdudulot ng pinsala sa balat tulad ng sunburn.

Ang sunburn ay mapula, mahapdi, mainit at minsang makati na pakiramdam sa balat matapos na magbabad ng iulang oras sa araw.

Kaya naman, narito ang ilang mga paraan para malunasan at maibsan ang hapdi na dulot ng sunburn.

Una ay ang paglalagay ng cold compress na makatutulong para mabawasan ang pamamaga at kirot ng paltos na dulot ng sunburn sa balat.

Isa ring magandang lunas sa sunburn ang aloe vera gel na kilalang epektibong natural na gamot sa minor burns gaya ng paltos na dulot ng sunburn.

Nakatutulong din ang aloe vera para ma-rehydrate ang nasunog na bahagi ng balat at magpapadali sa proseso ng paggaling nito.

Huli ay ang suka na nakatutulong para sipsipin ang init sa balat dulot ng sunburn.

Ihalo lamang ang suka sa malamig na tubig, isawsaw dito ang isang malambot na tela saka marahang ipahid sa apektadong bahagi ng balat.

—-

Kinamulatan na ng 45-anyos na si Melanie Delfin ang pamamanata sa Our Lady of Peñafrancia o “Ina” para sa mga deboto nito.

Tubong Naga City si Melanie at sa murang edad ay nakita niya ang matinding debosyon ng kanyang ama rito.

Kuwento ni Melanie, maliit pa man ay sakitin na ang kanyang ama.

Kaya naman namanata ang kanyang lola noon kay “Ina” para mapagaling ang kanyang ama.

Nang magkaroon na ng isip ay namanata na rin ang kanyang ama hanggang sa ito ay nagka-pamilya.

Hindi malilimutan ni Melanie na palagi siyang kasa-kasama ng kanyang ama sa tuwing pumapasan ito sa pista ng Ina ng Peñafrancia.

Bago aniya pumanaw ang kanyang ama sampung taon na ang nakaraaan, nagbilin ito kay Melanie na may dapat magpatuloy sa kanilang pamilya ng pamamanata kay Ina.

Dito na inako ni Melanie ang responsibilidad na ipagpatuloy ang debosyon ng kanyang ama at ngayon nga ay limang taon na siyang pumapasan at nakikipagbuno sa dagat ng mga tao tuwing kapistahan ng Ina ng Peñafrancia.

Si Melanie Delfin, deboto ng Ina ng Peñafrancia, bilang pasasalamat sa maraming biyayang naipagkaloob ni Ina sa kanilang pamilya, nagpatato si Melanie ng Imahe ni Our Lady of Peñafrancia sa kanyang binti

“Everytime na naiiyak… everytime na nalulungkot… everytime na may problema ako, si Ina [ang takbuhan ko]. Palagi akong si Ina… kaya gusto ko nasakin lang siyang palagi” Ani Melanie

 

Imahe ng Ina ng Peñafrancia na ipinatato ni Melanie

Ang iba pang kuwento ng himala at pananampalataya, abangan sa aming “Siyasat: Haplos ng Himala” Marso 24 sa ganap na 7 – 8 ng umaga.

Wala pang epekto o anumang implikasyon ang naging deklarasyon ng Pangulong Rodrigo Duterte na pagkalas ng Pilipinas bilang signatory sa Rome Statute, ang kasunduang lumikha sa International Criminal Court o ICC.

Ayon kay Professor Ramon Casiple, isang political analyst, ito’y dahil merong batas na ipinasa ang Kongreso para sa implementasyon ng kasunduan at may proseso para tuluyang kumalas dito.

“Treaty ‘yan eh, ang process actually nasa Presidente ang unang step, but there are still some more steps, the Congress, particularly the Senate has to agree na umalis tayo.”

“The treaty itself stipulates na from the time na binigyan mo ng notice as a government, na mag-withdraw, one year pa ‘yan bago actually mag-withdraw.” Ani Casiple

Sinabi na Casiple na sa kasalukuyan ay mananatiling epektibo at ligal ang pagpapatupad ng nasabing tratado sa bansa sa kabila ng pahayag na pagkalas ng Pilipinas.

“Kung may mga mangyari within the year, that will still apply to the country, ibig sabihin mas important ‘yung ginawa ni President at ang intention rather than may actual force and effect kaagad.” Dagdag ni Casiple

Ibinahagi ni Casiple na isa ang Pilipinas sa mga bansang nanguna sa pagbuo ng tinaguriang Rome Statute.

Aniya isa ang yumaong senador na si Miriam Santiago sa mga nominado para irepresenta ang Pilipinas na maglilitis ng mga kaso sa ICC.

“She’s our nominee at tinanggap ‘yun pero hindi na siya nakapag-serve fully dahil nagkasakit na ang senadora.”

Binigyang diin ni Casiple na bagama’t hindi puwedeng pakialaman o pigilan ng anumang bansa ang desisyon ng Pilipinas na tuluyang mag-withdraw sa ICC ay kinakailangan pa ring dumaan ito sa tamang proseso.

“We have to determine that within our own, we willingly went into it, we should be willingly go out of it, nasa atin ang desisyon diyan.”

“Public opinion siguro or mga representation ng ibang gobyerno, or acts of Congress kasi ‘yung pag-alis natin has o be approved by the Senate, magbobotohan sila, ‘yun lang ang makakapagpigil unless the President himself changes his mind.”

Sa Article 127 ng Rome Statute na pirmado ng Pilipinas nakasaad ang prosesong dapat sundin ng isang bansang nais kumalas sa kasunduan.

“1. A State Party may, by written notification addressed to the Secretary-General of the United Nations, withdraw from this Statute. The withdrawal shall take effect one year after the date of receipt of the notification, unless the notification specifies a later date.

2. A State shall not be discharged, by reason of its withdrawal, from the obligations arising from this Statute while it was a Party to the Statute, including any financial obligations which may have accrued. Its withdrawal shall not affect any cooperation with the Court in connection with criminal investigations and proceedings in relation to which the withdrawing State had a duty to cooperate and which were commenced prior to the date on which the withdrawal became effective, nor shall it prejudice in any way the continued consideration of any matter which was already under consideration by the Court prior to the date on which the withdrawal became effective.”

Hindi mag-uumpisa ang proseso sa deklarasyon lamang sa publiko na kakalas na ang Pilipinas sa ICC bagkus ay una, kinakailangang magpadala ng sulat o ‘letter of intent’ ang Pilipinas na naka-address sa Secretary-General ng United Nations, sa kasalukuyan, ito ay sa katauhan ni UN Secretary-General Antonio Guterres.

Oras na matanggap na ng UN ang sulat, kinakailangang maghintay ng isang taon ang gobyerno ng Pilipinas para maging epektibo ang tuluyang pagkalas sa kasunduan.

Matapos ang isang taon ay tsaka lamang masasabing hindi na miyembro ng ICC ang bansa.

Gayunman binigyang diin sa kaparehong artikulo sa Rome Statute na ang anumang imbestigasyon na nasimulan bago pa man kumalas ang isang bansa sa kasunduan ay magpapatuloy pa rin.

Ang ICC ay may hurisdiksyon na mag-imbestiga sa mga indibiduwal para sa mga mabibigat na krimen katulad ng genocide o pagpatay ng lahi, crimes against humanity o mga krimen laban sa sangkatauhan tulad ng mass murder, rape at sexual slavery, war crimes o mga krimen sa digmaan tulad ng pag-torture sa mga sibilyan at paggamit sa kabataan bilang sundalo sa giyera, at crime of aggression o ang paggamit ng armadong puwersa ng isang bansa laban sa soberanya, integridad o kalayaan ng isa pang estado.

Layon ng hukuman ang pandaigdigang kooperasyon upang maprotektahan ang lahat ng tao mula sa paglabag sa karapatang pantao.

Sa kasalukuyan ay aabot sa 123 bansa ang sakop ng ICC treaty na nagsimula noong 2002.

Para naman sa dating Solicitor General na si Florin Hilbay, hindi maaaring magdesisyon ang Pangulo sa sarili lamang nito dahil ang ICC aniya ay niratipikahan ng Senado. Dagdag pa ni Hilbay, magiging epektibo lamang ang pagkalas ng Pilipinas sa pandaigdigang hukuman pagkatapos pa ng isang taon matapos itong ipahayag.

Pres. Duterte has no authority to withdraw from the ICC on his own. The ICC was ratified by the Senate. Withdrawal, as a constitutional matter, requires a similar concurrence.

Also, withdrawal from ICC takes effect 1 yr after notification & w/o prejudice to any pending matter. pic.twitter.com/ATGTAGIekt

— florin hilbay (@fthilbay) March 14, 2018

Ang sentimiyentong ito ay sinegundahan din ng Integrated Bar of the Philippines sa isang statement:

An important national decision such as the country withdrawing from the Rome Statute should undergo the same scrutiny, diligent study, and debate that the country’s prior decision of entering into the Rome Statute went through.

‘Highlights’ matapos mapabilang ang Pilipinas sa ICC

Agosto 2011

Niratipikahan ng Senado ang Rome Statue o ang kasunduan na lumilikha sa International Criminal Court o ICC. Ito rin ang nagbigay daan sa Pilipinas na maging ika-117 miyembro ng nasabing hukuman. Sa kapareho ring buwan ay ninomina ng Department of Foreign Affairs si Senator Miriam Defensor-Santiago bilang isang posibleng maging hukom dahil sa expertise nito sa international law.

Disyembre 2011

Naging isang ICC judge si Santiago kung saan ay nakakuha ito ng 79 na botong mula sa 104 casted votes sa naganap na eleksyon sa New York. Si Santiago ang naging kauna-unahang Pilipina na umupo sa tribunal na lumilitis sa mga kaso ng genocide, war crimes at crimes against humanity. Ayon kay Santiago, ang Pilipinas ang nanguna sa unang round ng botohan.

Hunyo 2014

Pormal na sumulat si Santiago kay ICC President Sang-Hyun Song para iparating na magbibitiw na ito sa puwesto dahil sa iniindang sakit na Chronic Fatigue Syndrome. Sa kabila nito, nagpahayag pa rin ng suporta si Santiago sa tratado.

Narito ang link transcript ng sponsorship speech ni Santiago bilang Chair ng Subcommittee on the Rome Statute. (Source: Senate of the Philippines)

http://www.senate.gov.ph/press_release/2011/0816_santiago2.asp

Isa rin sa mga tahasang nag-lobby para sa pagratipika ng Pilipinas sa Rome Statute ay si Presidential Spokesperson Harry Roque na kilala rin bilang isang human rights lawyer. Ayon kay Roque, ang pagkakabilang ng Pilipinas sa ICC ay isang malaking hakbang upang mabigyan ng hustisya ang mga naging biktima ng pagmamalabis noong mga nakaraang administrasyon.

Narito ang kabuuang pahayag ni Roque matapos maging signatory ang Pilipinas sa ICC:

“After eleven years of lobbying, the Philippine Senate yesterday gave its concurrence to the Rome Statute of the International Criminal Court. This will finally pave the way for the country to be the 117th state party to the International Criminal Court. Ironically, Commission on Human Rights chairman Loretta Ann Rosales rightfully observed that 117 is also reflective of the voting pattern yesterday at the Senate: one negative vote and 17 affirmative votes! It was Senate President Juan Ponce Enrile who cast the lone dissenting vote amidst his continuing concern that Philippine troops fighting real live insurgencies may be subject to nuisance suits before the court. This is a concern that is readily addressed by the Rome statute since the court will only exercise jurisdiction on the basis of “complementarity”: only when our domestic courts are unable and unwilling to do so. It was an afternoon of suspense, to say the least. Two days ago, I was at the Senate floor with no less than 100 supporters of the court to witness the much-awaited concurrence. We were disappointed. After the opening rituals, Senate Majority Floor leader Tito Sotto asked the senators to attend a caucus at the senators’ lounge. We thought that the caucus was about the citation for contempt against the LTA accountant who was believed to be lying through her teeth. Little did we know that it was about the ICC! In a last-ditch effort to stall our membership in the court, the Senate President apparently warned the senators about his perceived downside of membership in the court. Out of deference to their leader, the body then agreed to defer voting on the resolution for a day. That was the cliffhanger. At least three senators warned me that it would be difficult to pass a resolution that the Senate President opposed. It was hence a long day of lobbying with seemingly endless telephone calls and text messages to any senator who was willing to listen. In the end, one senator claimed, “concurrence was never threatened at any point”. Apparently, the one-day deferment was simply out of deference to Senator Enrile. The International Criminal Court was created to prosecute individuals who may commit the most serious crimes against the international community. These crimes include genocide, defined as an “intent to destroy in whole or in part, a nationality, ethnic or religious group of people”; war crimes, defined as “targeting protected individuals and resorting to prohibited means and methods of warfare”; crimes against humanity, defined as “widespread or systematic attacks against civilian populations knowing that it is being directed against civilian populations”; and aggression, or the act of waging war.
The court will prosecute individuals without regard to sovereign immunity as a defense, a fact that has enabled the court to issue two warrants of arrests against sitting heads of state: Omar al-Bashir of Sudan and Moammar Gaddhafi of Libya. Furthermore, it prosecutes individuals who are probably guilty of the foregoing crime on the basis of command responsibility. This principle provides that military commanders and sitting presidents may be held responsible for crimes committed by their subordinates where they knew about it and failed to prevent their happening. Furthermore, there is no prescription for these crimes. This explains why very old individuals are still being tried for crimes that they committed as long ago as World War II. The timely Senate ratification will also enable us to nominate a Judge to the court. Apparently, one seat is up for grabs for Asia in this year’s Assembly of State Parties election for Judges scheduled for December of this year. Had the Senate waited any longer, we would miss the deadline for nomination, which is already on September 2 of this year.

Of course we celebrated. Becky Lozada, Executive Director of the Philippine Coalition for the ICC, treated to a feast at a fusion Filipino restaurant at the trendy techno hub. But after the celebration, the reality set in that the task ahead are still challenging, if not daunting.

First, there is the procedure for nominating Judges. The Rome Statute provides that we must comply with the process of selecting Judges for our own Supreme Court, or through the Judicial Bar Council. Alternatively, we should comply with the process required for the nomination of judges for the International Court of Justice. The problem with both is the lack of time given the deadline of September 2.

Then there is the obligation under the Rome Statute to punish crimes cognizable by the ICC under domestic law and to do all acts necessary for a state party to cooperate with the Court. Fortunately, the recently enacted International Humanitariam Law is sufficient basis for our courts to exercise primary jurisdiction for purposes of complementarity. It is only in the area of cooperation that we have to pass further legislation, executive orders and even revisions to our rules of court. This is a challenge since the need now is to lobby all three branches of government to ensure that our domestic laws and procedure are in synch with the Rome statute.

To be candid, I never thought that membership in the ICC was possible, at least before I become geriatric. This is because of the many atrocities under both the Marcos and Arroyo regimes that remain unpunished. Well, it’s always a pleasure to be proven wrong. Here, credit should go to both the Senate and to President Benigno Aquino III. It was the latter who reversed the Arroyo policy of rejecting the ICC as a means of ending impunity. On behalf of all victims of impunity, I express my gratitude to both the Senate and Pnoy for finally granting the Filipino people an effective remedy to impunity.”

Samantala, sinusuportahan naman ni Roque ang desisyon ni Pangulong Duterte na kumalas sa ICC kung saan ay pinuna ang aniya’y malimit na paglabag ng nasabing hukuman sa complementary rule tulad ng ginawa nilang preliminary investigation sa Punong Ehekutibo.

Sa ilalim ng complementary rule, puwede lamang kumilos ang ICC kapag hindi na gumagana ang mga Korte sa isang bansa at wala nang ibang susulingan ang mga gustong magreklamo.

Ang ICC po, hindi po ‘yan ang court of first instance, ‘yan po ay binuo ng mga kasapi ng ICC kasama ang Pilipinas para maging court of last resort. Gagalaw lang po dapat ang ICC kapag ang mga lokal na hukuman ay hindi gumagana. Pahayag ni Roque sa press briefing sa Malacañang

Sa katunayan, dalawang beses na rin nagsalita si Roque sa assembly ng ICC para iparating ang obserbasyon niya sa paglabag nito sa complementary rule.

By Aiza Rendon and Ira Cruz

Mga mommies, huwag na kayong makipagtalo sa inyong asawa kung sino ang kamukha ng inyong baby…

Ito ay dahil lumabas sa isang pag-aaral na ang mga babies na kamukha ng kanilang daddy ay mas malusog lalo na sa pagtuntong ng isang taong kaarawan nito.

Bukod dito, mababa rin ang tiyansa na magkaroon ito ng asthma o hika o kaya ang isugod o ma-confine sa ospital nang mas mahabang panahon.

Paliwanag ng mga eksperto, ang mga tatay na nakikitang kamukha nila ang kanilang mga babies ay naglalaan ng mas mahabang oras o panahon kapiling ang kanilang anak na umaabot nang hanggang dalawa’t kalahating araw.

Mas naglalaan din ang mga nasabing ama ng mas maraming atensyon sa mga pangangailangang pangkalusugan ng kanilang anak na nakatutulong para mabawasan ang banta ng pagkakasakit ng mga ito.

Nagpapatunay ito na ang presensya ng isang ama ay mahalaga sa pagpapalaki ng mga bata na nakatutulong at nakaapekto naman ng malaki sa kalusugan ng mga ito.

Pinatutunayan din nito na mas ganado at nasisiyahan ang mga ama na makapiling at alagaan ang kanilang mga kamukhang anak.

Gayunman, hinihimok pa rin ng mga eksperto ang mga tatay na tutukan ang pagpapalaki sa kanilang anak kahit pa hindi nila ito kamukha.

—-

(HEALTH)

Batid na marahil ng marami sa atin na ang pag-inom ng red wine ay mabuti para sa kalusugan ng ating puso at nakatutulong para sa pagbabawas ng timbang.

Ngunit maliban dito, napag-alaman sa bagong pag-aaral na nakapagpapabuti rin pala ng kalusugan ng ating ngipin ang red wine.

Ayon sa mga eksperto mula sa Spanish National Research Council sa Madrid, lumalabas na nagtataglay ng anti-oxidants na polyphenols ang red wine.

Ang compound na ito na matatagpuan din sa kape at cranberry juice ay tumutulong para maiwasang dumikit ang mga bacteria sa ating gilagid na posibleng magdulot ng cavities at plaque.

Dahil dito, naiiwasan ang mga gum disease at pagkakaroon ng tooth decay o pagkabulok ng ipin.

—-

Social media na marahil ang pinakapatok na means of communication sa buong mundo.

Ngunit alam niyo ba na ang madalas na paggamit nito tulad ng Facebook, Twitter at iba pang forms of social media ay maaring makapagpataas ng ‘paranoia’ o pagkapraning.

Tinatayang isa sa kada limang indibidwal ay nakararanas ng paranoia.

Bagaman walang napapansin na sintomas ay maaaring nasa panganib na lumala ito.

Sa lumabas na pag – aaral ng King’s College London, binabago ng ‘digital world’ ang lipunan sa paraang nagagawa nitong maiparamdam na mistula tayong ‘under surveillance’.

Ang kilos natin ay nasusubaybayan at anumang gawin natin ay maaari nang maging ‘recorded’ sa pamamagitan ng internet.

Idinagdag pa ng mga eksperto, kabataan ang higit na nasa panganib ng pagka-praning dahil sila ay maituturing na mga ‘heavy user’ ng social media.

Gusto mo bang humaba ang iyong buhay?

Mag-alaga ka ng aso.

Tunay ngang ‘dogs are man’s bestfriend’ dahil sa isang pag-aaral sa Sweden na inilathala sa Journal Scientific Reports iniuugnay ang pag-aalaga ng aso sa mababang risk sa cardiovascular diseases at maging sa maagang pagkamatay.

Lumalabas na kumpara sa mga indibiduwal na walang alagang aso, maaaring mabawasan ang death risk ng isang dog lover ng hanggang sa 33% at cardiovascular related death ng hanggang sa 36%.

Nadiskubre din na mas mababa ng 11% ang posibilidad na atakihin sa puso ang isang tao kung siya’y may alagang aso.

Tinukoy ang mataas na lebel ng physical activity ng mga taong may alagang aso na isa sa mga factor ng nasabing pag-aaral kasama na ang support at companionship na ibinibigay ng pagkakaroon ng alagang hayop.

Idinagdag din na mas maganda ang social life at mas masaya ang mga taong may alagang aso na nakapagpapababa naman sa kanilang stress level.

Ang stress ay isa sa mga pangunahing dahilan ng cardiovascular diseases at ilan pang malulubhang sakit.

(By Aiza Rendon)

Nagbabala ngayon ang UNICEF kaugnay sa panganib na dala ng polusyon partikular ng sa hangin sa mga sanggol.

Lumalabas sa pag-aaral na 17 milyong sanggol sa buong mundo ang exposed sa maruming hangin na posibleng makaapekto sa brain development ng mga ito.

Pinakaapektado ang mga sanggol na nasa South Asia na aabot sa 12 milyon at ang natitirang apat (4) na milyon ay ang mga nasa East Asia Pacific.

Ayon sa UNICEF ang exposure sa maruming hangin ay posibleng makasira sa brain tissue ng mga sanggol na nagpapabagal sa kanilang cognitive development.

Iniuugnay din ito sa pagkakaroon ng mababang test scores ng mga estudyante, masamang epekto sa verbal at non-verbal IQ ng mga bata, memorya at maging sa iba pang behavioural problems.

Nangangamba ang UNICEF na kung hindi matutugunan ang problema sa malawakang urbanization sa mundo ay posibleng mas marami pang sanggol ang malagay sa panganib.

Nanawagan ang UNICEF ng ilang hakbang para makaiwas sa maruming hangin: una ay ang paggamit ng facial mask, ng air filtering system at para sa mga bata, ang hindi pagbiyahe sa mga lugar na malala ang polusyon.

(By Aiza Rendon)