FEATURES

Labing anim (16) na natatanging indibiduwal sa larangan ng edukasyon sa bansa ang ginawaran ng Gintong Parangal Award ng Department of Education o DepEd.

Ayon kay Jonathan Pauig, project manager ng naturang aktibidad, walong natatanging guro ang kanilang pinili mula sa libu-libong entrees dahil sa pagpapakita ng sipag at dedikasyon sa kanilang tungkulin

Maliban sa plake, binigyan din ng tig-25,000 Pisong cash o scholarship sa kanilang graduate studies ang ilan sa mga pinarangalan

Kasabay nito, ginawaran din sa kauna-unahang pagkakataon ng Gintong Parangal Award ang mga namumuno sa DEPED na may ranggong superintendent o supervisor.

Inorganisa ang nasabing okasyon ng Fortune Life na sister company ng Aliw Broadcasting Corporation sa ilalim ng ALC Group of Companies na itinatag ng Founder at Chairman Emeritus nitong si yumaong Ambassador Antonio Cabangon – Chua.

Ulat ni Jonathan Andal

SMW: RPE

Photo Credit: D. Edgard A. Cabangon FB Account 

CONGRATULATIONS to Pilipino Mirror for winning the Best Media Partner for Print 2017 conferred by the Social Security System (SSS)!

Pormal nang inilunsad ang programang “In the Heart of Business” noong Agosto 24, 2017 sa Aliw Broadcasting Corporation.

Ang nasabing programa ay pinangungunahan nina Bong Osorio, 3-time CMMA awardee; Roni Laurel Tapia Merk, seasoned business communicator; Marou Pahati Sarne, two-time KBP Golden Dove awardee; Mike Villareal batikan sa banko at merkado at Sen. Cynthia Villar, kampeon sa kalikasan at agrikultura.

Present din ang mga opisyal ng Aliw Broadcasting Corporation na sina D. Edgard Cabangon, chairman and president, D. Adrian Cabangon, Vice President and General manager at Ely Aligora, Executive Vice President.

Mapapakinggan ang “In the Heart of Business” sa DWIZ tuwing Martes, Huwebes at Biyernes, alas 12:30 hanggang – ala 1:30 ng hapon.

Pormal nang inilunsad ang programang Yes Yes Yo Topacio sa DWIZ noong Agosto 2, 2017 sa Aliw Broadcasting Corporation.

Ang nasabing programa ay pinangungunahan nina Atty. Ferdie Topacio at Doc Che Lejano. Tinatalakay sa Yes Yes Yo Topacio ang mga isyung legal, kalusugan at maging sa showbiz.

Dinaluhan ng ilang mga personalidad katulad nina dating first gentleman Mike Arroyo at anak na si dating Cong. Mikey Arroyo ang official launching ng programa sa radyo ni Atty. Topacio.

Matatandaan na naging legal counsel ng mga Arroyo si Atty. Topacio.

Present din ang mga opisyal ng Aliw Broadcasting Corporation na sina D. Edgard Cabangon, chairman and president, D. Adrian Cabangon, Vice President and General manager at Ely Aligora, Executive Vice President.

Mapapakinggan ang Yes Yes Yo Topacio sa DWIZ mula Lunes hanggang Biyernes, 10:00-11:00 am.

Naging matagumpay ang ikalawang DWIZ Metro Patrol Radio Training Campus Caravan na ginanap sa Bulwagang Maestra Osang, Centro Escolar University noong Agosto 1, 2017.

Mahigit 200 estudyante na may kursong Mass Communication, Education, Social Work at Performing arts at maging mula sa Senior High School ang dumalo sa radio training workshop.

Ibinahagi ni Jun Del Rosario, News Director ng DWIZ ang kanyang mga natutunan at karanasan sa ilang dekadang pamamahayag. Dito niya ipinaliwanag ang wasto at epektibong pagsulat ng balita. Inilahad din ni Ricky Rosales, pinuno ng Mass Communication Department ng CEU ang ilang mga tips sa mahusay na pagbabalita sa radyo.

Ikinwento naman ni Alex Baltazar, isa sa mga disc jock ng 97.9 Home Radio ang kanyang inspirasyon sa pagiging isang DJ kung saan ay binigyang diin niya ang mga katagang “Everything is possible if you just believe”. Pinapaalalahanan din niya ang mga mag-aaral na palaging maging magpakumbaba at kunin ang bawat pagkakataon na maaaring dumating sa hinaharap.

Tinalakay din ni Patricia Magnaye, pinuno ng Globe Citizenship ang responsableng pagbabahagi ng impormasyon sa iba’t ibang platform ng social media tulad ng Facebook, Twitter at Instagram kung saan ay ipinahiwatig niya na dapat maging mapanuri ang mga kabataan sa mga ibinabahagi nila sa kanilang mga social media accounts.

Ang naturang event ay naging posible sa pakikipatulungan ng Broadcast Circle Group ng Centro Escolar University at sa kooperasyon ng Globe at Home Radio 979. Nasiyahan din ang mga estudyante sa iba’t ibang mga workshop pati na rin ang mga premyo na ibinigay sa kanila ng mga sponsor ng training workshop; Enchanted Kingdom, Silka, Nature’s Spring, Mary Kay, Los Arcos De Hermanos, Autobooth Photobooth at Ladriano Enterprises.

Humakot ng parangal ang ilan sa mga personalidad ng DWIZ 882 ng Aliw Broadcasting Corporation sa dalawang (2) award giving bodies.

Kinilala si Patrol 19 Cely Ortega – Bueno bilang Best Female Broadcaster of the Year ng Rotary Club of Manila Journalism Awards.

Personal na tinanggap ni Bueno ang nasabing parangal kung saan, pinagbatayan ang mga malaliman niyang panayam sa iba’t ibang personalidad na may kinalaman sa pinaka-maiinit na usaping pambayan.

Dumalo rin sa nasabing parangal ang chairman ng Aliw Broadcasting Corporation na si D. Edgard Cabangon, ABC President at CEO Josephine Reyes at DWIZ OIC Station Manager at Program Director Ely Aligora.

Bukod kay Bueno, tumanggap din ng Presidential Award ang Radyo Klinika Host na si Marou Pahati – Sarne mula sa Philippine Heart Center.

By Jaymark Dagala / Jonathan Andal

Matagumpay na naisagawa noong March 29, ang kauna-unahang DWIZ Metro Patrol Broadcasting Training Caravan sa Philippine Women’s University (PWU).

Ang pagsasanay ay kasabay ng pagbubukas ng Sciences & Arts Society Week ng PWU.

Dinaluhan ng humigit sa isang daan (100) mga mag-aaral ang pagsasanay kasama na ang ilang mga faculty members ang Arts & Sciences.

Ang pagsasanay ay pinangunahan nila DWIZ News Director Jun Del Rosario at Anchor Mariboy Ysibido.

Nagbahagi din ng kaalaman sa disc jockeying si DJ Chad ng Home Radio 97.9, The Music of Now!

Ang DWIZ Metro Patrol Broadcasting Training Caravan ay sa pakikipagtulungan ng Globe.

Maraming Salamat Po! 

“Things we don’t learn in school, we learn at actual workplace.”

Ito ang pahayag ni Josephine Reyes, Pangulo ng Aliw Broadcasting Corporation (Aliw), kaugnay ng pagkakalunsad ng kauna-unahang summer camp radio training ng ABC Radio Academy na gaganapin mula Hunyo 19-Hulyo 5, 2017.

Layunin ng ABC Radio Academy Summer Camp 2017 na gamitin ang kakaiba at praktikal na sistema ng pagtuturo sa larangan pagsusulat, produksyon, pagbabalita, pagpo-programa, komunikasyong teknikal, at, pagdi-DJ gamit ang mga aktwal na pasilidad at kagamitan ng DWIZ 882 at FM Home Radio 97.9.

Sampung araw ang ilalaan sa mga lecture na hango sa mayamang karanasan at pagsasanay sa ibang bansa ng mga practitioners na syang mismo ring magtuturo at magsasanay sa mga trainee.  Ang nalalabi namang apat na araw ay gagamitin upang mapaghandaan ng mga trainee ang sari-sariling paggawa o produksyon ng news program, music program at dokumentaryo.

Bukas ang training na ito sa mga estudyante, o sa mga bago sa industriya ng media o maging sa mga professional na nais lamang maintindihan ang masalimuot na daigdig ng komunikasyon at pagbabalita.

Ang pagpaparehistro ay nagpapatuloy hanggang June 10, 2017.  Para sa karagdagang  detalye, makipag-ugnayan lamang sa Human Resources Department ng Aliw Broadcasting Corporation sa mga numerong 470-17-50-54, loc. 235/209, at hanapin si Ana Cansino/Glyd Queppet.

Training Fee: P7,000 inclusive of materials and ID.

NOTE: Limited slots only, and will accommodate 10 persons in a class.

The mic is on at Philippine Women’s University as DWIZ 882 and PWU bring you ‘DWIZ Metro Patrol Broadcasting Training Caravan’ on March 29, 2017, Wednesday

Open to all PWU communication students who are willing to be trained as radio reporter, news writer or as DJ.

Registration starts at 8 am at PWU CB Hall. Admission is FREE!

Watch out for the next Metro Patrol Broadcasting Training Caravan in your campus SOON!

Mahigit 300 mga bata at matatanda ang nag-benepisyo sa libreng gamutan at pagbunot ng ngipin sa inilunsad na medical at dental mission ng Our Lady of Lourdes Hospital-Manila at ng DWIZ Metro Patrol sa Jaime Cardinal Sin Village, Punta, Sta. Ana, Maynila nitong Marso a-kwatro.

Ang naturang pagtulong sa mga kapuspalad nating kababayang maysakit ay sa pakikipagtulungan din ng Parokya ng Inang Laging Saklolo sa naturang village at, syempre pa, sa tulong ng mga nagboluntaryong doctors, nurses at hospital staff ng Our Lady of Lourdes Hospital.

Ayon kay Lea Austria, VP-Human Resources ng Our Lady of Lourdes Hospital, bukod sa mga check-up ay nagbigay din sila ng mga libreng gamot at anti-biotic.  Bukod naman sa mga gamot, ang mga binunutan ng ngipin ay binigyan pa ng ice cream upang lalong maging magaang ang pakiramdam ng mga pasyente.

Masigasig ding tumulong ang Metro Patrol Volunteers upang magsilbing tagahawak sa mga binubunutan ng ngipin, naging tagapag-ayos sa mga pumipilang mga pasyente, at sa paghahatid ng mga pagkain para sa mga nagboluntaryong doctors, nurses at staff.