FEATURES

Isang aktibong miyembro ang SM Foundation Inc. ng Department of Education’S Adopt-A-School Program mula 2002.

Layunin ng proyekto na isulong ang kalidad na pampublikong edukasyon sa pamamagitan ng pagtatayo ng mga classroom sa buong bansa.

Ang isang sm school building ay kumpleto ng mga kagamitan gaya ng mga sumusunod:

• Armchairs – na ang ilan ay dinesenyo para sa mga left-handed na mag-aaral
• Tables
• Wall Fans
• Concave Panoramic Blackboards
• Wall Clocks
• Toilets
• PWD Ramp At PWD Toilet
• Handwashing Facilities
• Emergency Lights
• Fire and Earthquake Alarm Bell

Sa kasalukuyan nasa 103 paaralan at 346 classrooms na ang naipatayo ng SM habang 80 paaralan naman ang naipaayos.

Isang aktibong miyembro ang SM Foundation Inc. ng Department of Education’s Adopt-A-School program mula 2002.

Layunin ng proyekto na isulong ang kalidad na pampublikong edukasyon sa pamamagitan ng pagtatayo ng mga classroom sa buong bansa.

Ang isang SM school building ay kumpleto ng mga kagamitan gaya ng mga sumusunod:

• ARMCHAIRS – NA ANG ILAN AY DINESENYO PARA SA MGA LEFT-HANDED NA MAG-AARAL
• TABLES
• WALL FANS
• CONCAVE PANORAMIC BLACKBOARDS
• WALL CLOCKS
• TOILETS
• PWD RAMP AT PWD TOILET
• HANDWASHING FACILITIES
• EMERGENCY LIGHTS
• FIRE AND EARTHQUAKE ALARM BELL

Sa kasalukuyan nasa 103 paaralan at 346 classrooms na ang naipatayo ng sm habang 80 paaralan naman ang naipaayos.

Isa sa paboritong almusal combo ng mga Pinoy na “longsilog” o sausage na may piniritong itlog at sinangag, nag-trending sa isang online forum na Reddit.

Ito’y matapos i-post ng isang Redditor ang larawan ng pagkain sa forum noong Setyembre 11.

“[I ate] Filipino Longsilog (Sausage, Garlic Rice and Fried Eggs)”

Kung saan, ang post ay nakakuha ng higit sa 16,000 upvotes  sa nasabing online forum.

Ang ilang mga Redditor ay nagtanong sa iba tungkol sa recipe at mga sangkap.

Pinuri ng isang Redditor ang orihinal na nag-upload sa presentasyon ng longsilog sa larawan.

Ang Longsilog ay isa sa maraming uri ng “silogs” o pritong itlog sa Pilipinas.

Kabilang sa ilang popular na variation ang tapsilog, sisilog (sisig), spamsilog, chicksilog at cornsilog.

Matatandaan noong buwan ng Marso, tinaguriang best food dishes ang lumpiang shanghai at tortang talong sa Southeast Asia.

Photo courtesy: r/food (Reddit)

Isang 19-anyos na babae mula sa Brazil ang nag-claim na siya ay nagsilang ng kambal na may magkaiba ang ama.

Ang babae ay mula sa Minerios sa Goias ay nagsilang ng kambal siyam na buwan pagkatapos makipagtalik sa dalawang lalaki sa parehong araw.

Pagkatapos manganak, kumuha siya ng paternity test dahil gusto niyang kumpirmahin kung sino ang ama at nalaman niyang isa lamang sa kanyang mga anak ang nagpakita ng positibo para sa DNA test habang ang isa ay hindi.

Ang phenomenon na ito ay tinatawag na heteroparental superfecundation ayon sa siyensiya.

Ipinapaliwanag ng National Library of Medicine na ang kasong ito ay nangyayari kapag ang pangalawang ova na inilabas sa panahon ng menstrual cycle ay na-fertilize ng sperm cells ng ibang lalaki mula sa hiwalay na pakikipagtalik.

Ang mga sanggol ay 16 na buwan na ngayon at sinabi ng batang ina na isa sa mga ama ang tumulong sa pag-aalaga sa kanila.

Inilunsad ng isang telecommunications company o telco ang isang bagong broadband category para sa komunidad: ang TMBayan Fiber WiFi.

Ito’y upang magkaroon ng access ang bawat Pinoy sa mabilis at maaasahang internet connection at magsisilbing karagdagang paraan ng Globe upang kumita ang mga sari-sari stores at iba pang establisimiyento na magsisilbing connectivity hub.

Nabatid na sa pamamagitan ng TMBayan Fiber WiFi ay malayo ang mararating ng mababang halaga kung saan sa halagang P20, may access na sa reliable internet sa loob ng 12 oras.

Sinasabing bahagi ito ng pangako ng telco na makapaghatid ng mga produktong pangkomunikasyon gaya ng fiber na labis na kailangan sa mga panahon ngayon.

Maliban dito, sinusuportahan din ng serbisyong ito ang hangarin ng pamahalaan na palaganapin ang internet access sa Pilipinas lalo na sa masa.

Iba’t ibang plataporma ang ginagamit ng Globe gaya ng mobile data, home WiFi, at prepaid fiber WiFi, para matugunan ang layuning ito.

“Para matugunan ang tinatawag na digital divide sa bansa, ginagawan ng Globe ng paraan na ma-access ng lahat ang mabilis na fiber internet. Hindi sapat ang pag-aalok ng mga abot-kayang promo at mataas na GB allocation. Ang TMBayan Fiber WiFi ay idinisenyo para maging pinaka-accessible na Fiber plan sa merkado ngayon. Madali nang makararanas ng first world internet ang mas maraming Pilipino para sa pag-aaral, raket, video streaming, online gaming at mga bonding moments kasama ang mga kaibigan at pamilya para sa GV na kailangan nila araw-araw,” pahayag ni Globe At Home Brand Management Head Janis Legaspi-Racpan.

Ayon kay Legaspi-Racpan: “Pinagsasama-sama ng TMBayan Fiber WiFi ang network strength ng Globe at accessibility ng TM para maihatid ang fiber-strong brand of connectivity ng Globe sa mas maraming Pilipino. Layon namin na magkaroon ng mga TMBayan sa buong bansa, para ang lahat ay maka-access ng maaasahang internet connection, ” dagdag niya.

Ang maganda aniya rito sa TMBayan Fiber WiFi, maaaring maging WiFi hotspots na may unlimited at affordable connectivity ang mga sari-sari store, town plaza, community center at iba pang lugar kung saan ang karamihan ay nagtitipon-tipon.

Isa pa, pagkakataon din ito para palakasin ng mga sari-sari-store ang kanilang mga negosyo habang nagsisilbing paboritong tambayan ng komunidad.

Kasabay nito, nangako rin ang telco na magbibigay ito ng #1stWorldNetwork sa mga Pinoy kaya naglaan ang kompanya ng P89 bilyon sa pagpapalawak at pagpapahusay ng network ngayong taon.

Nagdaragdag din ito ng mga fiber asset at cell sites, nag-a-upgrade ng mga tower sa 4G/LTE, at naglulunsad ng teknolohiyang 5G.

Bisitahin ang website ng Globe para sa karagdagang kaalaman tungkol sa TMBayan Fiber WiFi.

Aabot sa 20 pamilya ang nawalan ng tirahan sa sunog na sumiklab sa isang residential compound sa Sampaloc, Maynila, kagabi.

Umabot sa ikalawang alarma ang sunog bago idineklarang fire out dakong alas-12:14 ng hatinggabi.

Ayon sa Bureau of Fire Protection, tinatayang nasa 150,000 pesos ang halaga ng pinsala ng sunog.

Nabatid na gawa sa light materials ang karamihan sa mga bahay sa lugar.

Nagpapatuloy naman ang imbestigasyon ng BFP kaugnay sa pinagmulan ng sunog. —sa ulat ni Aya Yupangco (Patrol 5)

Na-iturn over na ng SM Foundation Incorporated at Uniqclo at Parent Company nitong Fast Retailing Company Limited ang mga Barangay Community Health Centers sa Bicol Region na sanib puwersa nilang isinailalim sa rehabilitasyon.

Hindi na nagdalawang isip ang SMFI at Uniqclo para isulong ang pag upgrade o pagsasaayos ng community health centers sa Bicol na prone o madalas apektado ng bagyo dahilan nang hindi maiiwasang danyos at sira lalo na sa mga health centers na sadyang hindi na ligtas para gamitin ng publiko.

Kabilang sa magkatuwang na isinailalim sa rehabilitasyon ng SMFI at Uniqclo ang Angas Barangay Health Center sa Basud, Camarines Norte, Cararayan Barangay Health Center sa Naga City at San Isidro Barangay Health Center sa Baao, kapwa sa Camarines Sur.

Tiniyak ng SMFI at Uniqclo hindi lamang ang pagpapaganda ng kalidad ng mga pasilidad sa pisikal na anyo nito kundi magkaruon din ito ng mga kinakailangang basic medical equipment, mga gamit at mga appliance.

Bukod dito, opisyal ding inilunsad ng SMFI at Uniqclo ang pagsasama ng emergency go kit plue sa mga naturang health centers bilang paghahanda na rin sa anumang kalamidad at emergency situations.

Binigyang diin ni SMFI Executive Director for Medical Programs Connie Angeles ang napakahalagang papel ng health facilities para makaagapay sa mga kalamidad dahil sa pagtulong nilang gumamot ng mga sugatan at maging ang pagtugon sa outbreak ng mga sakit.

Sinabi pa ni Angeles na sa pamamagitan nang pagtutulungan ng SMFI at Uniqclo ay mababawasan ang exposure ng mga nasabing komunidad sa mga hindi magagandang sitwasyon dulot ng mga kalamidad dahil sa mga matatag na medical infrastructures na kumpleto sa mga basic equipment.

Kabilang sa mga isinagawang improvement sa mga tinukoy na health centers ang patients’ waiting lounge, reception area, consultation room, pre-natal and treatment room, meeting room with pantry, mobile play cabinet para sa mga bata, under 5 clinic, breastfeeding room at medicine storage cabinets.

Nasa mahigit 170 health and wellness centers na ang nai-upgrade ng SMFI sa pamamagitan ng health and medical programs nito at tinatayang nasa 1.2 milyong pasyente na ang nakinabang sa mga medical missions nito.

Nakuha ng Intramuros sa Maynila ang titulong Asia’s Leading Tourist Attraction sa World Travel Awards 2022.

Naganap ito sa Ho Chi Minh City, Vietnam noong Miyerkules.

Naungusan ng bansa ang iba pang destinasyon tulad ng Angkor Temple sa Cambodia; TAJ Mahal sa India; The Great Wall, the Forbidden City at Terracotta Warriors sa China; at Tokyo Imperial Palace sa Japan.

Maliban dito, itinanghal din ang Pilipinas bilang Asia’s Leading Dive Destination at Asia’s Leading Beach Destination.

Pang-6 na beses na itong pagkilala sa bansa para sa dive destination at pang-4 na taon para sa beach destination.

Lubos naman ang pasasalamat ni Tourism Secretary Christina Garcia Frasco sa mga award at tiniyak ang pagpapanatili nito sa ilalim ng administrasyong Marcos.

Ang world travel awards ay isang London-Based competition na itinuturing na ‘oscars’ sa industriya ng paglalakbay.

Na-iturn over na sa Eternal Chapels Mortuary and Chapel Services ang management at operation ng Green Hills Memorial Chapel sa Plaza Divisoria sa Cagayan De Oro City.

Sa isinagawang seremonya, binigyang diin ni Jose Antonio Rivera, Vice President for Sales and Marketing ng Eternal Chapels na itinuturing nang landmark ang Green Hills Memorial Chapel at Memorial Care Institution sa bahagi ng Divisoria sa mahigit 50 taon na.

Nais aniya nilang matiyak na magtutuluy-tuloy ang tradisyon ng memorial care sa lugar kung saan mismo nagsimula at gumawa ng legacy ang Green Hills Memorial Chapel.

Tiniyak naman ni Eternal Chapels President Numeriano Rodrin sa mga kliyente ng Green Hills Memorial Chapels nang pinaigting na serbisyo at pinaayos na mga pasilidad sa ilalim ng bagong management.

Bilang provider ng kumpletong mortuary at chapel services, binuksan ng Eternal Chapels ang unang sangay nito nuong 2017 sa Eternal Gardens Greenhills sa Barangay Bulua, Cagayan De Oro City at mula nito ay naitayo na rin ang dalawa pang sangay nito at patuloy pa ang konstruksyon ng ikatlong sangay nito sa Balagtas, Batangas City.

Ang Eternal Chapels ay bahagi ng Eternal Memorial Group kasama ang mga sister company nitong Eternal Gardens, Eternal Crematory Corporation at Eternal Plans na bahagi ng mas malaking grupo na ALC Group of Companies na itinatag ng yumaong dating Ambassador Antonio Cabangon Chua at pinamumunuan ngayon ng Chairman nitong si D. Edgard Cabangon.

Inihayag ni Trade secretary Alfredo Pascual na hindi gaanong nakakaapekto sa Pilipinas ang pagbaba ng kalakalan ng European Union (EU)

Ayon kay Pascual, manageable o kaya pang makontrol ang epekto nito sa pagbili at pagbebenta ng mga suplay sa tulong ng livestocks, at iba pang commodities.

Sinabi ng Kalihim na ang nangyayari sa EU at ang Economic Downturn o pagbagsak ng ekonomiya nito sa merkado ay posibleng magdulot ng mababang bentahan sa mga produkto sa bansa pero hindi umano magiging severe.

Iginiit ni Pascual na mahigpit na minomonitor ng kanilang ahensya ang economic developments ng EU na isa sa pangunahing kasosyo sa kalakalan at pamumuhunan ng Pilipinas.

Nabatid na ang EU ang ika-6 na pinakamalaking export market ng Pilipinas noong nakaraang taon, na nakakuha ng 10.8% na bahagi ng kabuuang $8.06 billion sa export shares kung saan, umabot na sa 15.36% ang mga dayuhang namumuhunan sa bansa sa kaparehong taon.