FEATURES

Eternal Gardens, patuloy ang pamamayagpag bilang prime developer ng first class memorial parks sa bansa

Determinado ang Eternal Gardens na patuloy na pamamayagpag bilang prime developer ng first class memorial parks sa bansa at provider ng top quality memorial care products at services.

Kasunod na rin ito nang pagdiriwang ng Eternal Gardens ng ika-46 na anibersaryo nito ngayong buwan.

Sa halos 5 dekadang pangingibabaw sa industriya, patuloy na pinanghahawakan ng Eternal Gardens ang vision ng founder nitong si Ambassador Antonio Cabangon Chua para mapaigting ang commitment at compassion nito upang matulungan ang mga pilipinong makaagapay sa hirap nang mawalan ng mahal sa buhay at makapaghanda sa pangangailangan ng bawat pamilya sa mga susunod na panahon.

Tiniyak ng pamunuan ng Eternal Gardens ang pinagandang mga serbisyo nito may kaugnayan sa modern mortuary and chapel facilities.

Binigyang diin ni D. Edgard Cabangon, chairman ng Eternal Gardens na palalakasin nila ang kampanya para maging aware ang publiko sa mga benepisyo nang paghahanda sa mga contingency ng buhay.

Ang eternal gardens ay mayruong sangay sa Balintawak, Quezon City, Sta. Rosa at Cabuyao sa Laguna, Dagupan City, Pangasinan, Greenhills, Cagayan de Oro City at Naga City.

Eternal Gardens – a glimpse of heaven on a patch of earth!

August 11, 2022 0 comment

FEATURES HEADLINES

Eternal Gardens, ipinagdiwang ang ika-46 na anibersaryo

written by DWIZ 882

Patuloy na pinaigting ng Eternal Gardens ang commitment at compassion nito para sa serbisyo sa mga Pilipino.

Kasunod na rin ito nang pagdiriwang ng Eternal Gardens ng ika-46 na anibersaryo nito sa buwang ito.

Tiniyak ng pamunuan ng Eternal Gardens ang pinagandang mga serbisyo nito sa halos limang dekada nang pamamayagpag sa industriya.

Kabilang sa mga alok na serbisyo ng Eternal Gardens ay modern mortuary and chapel facilities.

Ang Eternal Gardens ay mayruong sangay sa Balintawak, Quezon City, Sta Rosa at Cabuyao sa Laguna, Dagupan City, Pangasinan, Greenhills, Cagayan De Oro City at Naga City.

Eternal Gardens – A Glimpse of Heaven on a Patch of Earth!

August 11, 2022 0 comment

FEATURES HEADLINES

3 kumpanya sa Pilipinas, napasama sa Best Under a Billion List ng Forbes Asia

written by DWIZ 882

Napasama sa Best Under a Billion List ng Forbes Asia ang tatlong kumpanya mula sa Pilipinas.

Ito ang listahan na kumikilala sa 200 trade companies sa buong mundo na may benta na mababa sa isang bilyong dolyar.

Ang tatlong kumpanyang nasama sa listahan ay ang Col Financial Group, Crown Asia Chemicals Corporation at Eagle Cement Corporation.

Ang tatlong ito ay may benta na 27 hanggang 434 milyong dolyar kada taon.

Ilan pa sa mga kumpanyang napasama sa listahan ay mayroong koneksyon sa semiconductors, software and services, pharmaceuticals, healthcare, at manufacturing.

August 11, 2022 0 comment

FEATURES NATIONAL NEWS

Tortang talong tinawag na ‘Best Egg Dish’ sa buong mundo

written by Angelica Doctolero

Tinawag ng Gastronomic Catalog na Taste Atlas na ‘Best Egg Dish’ sa buong mundo ang Tortang Talong.

Sa ibinahaging tier list ng Taste Atlas, nakakuha ang Tortang Talong ng 4.7 audience rating, sinundan ng Kuku Sabzi ng Iran na may 4.6; at Huevos Divorciados ng Mexico na may 4.5.

Nasa kategoryang ”great” naman ang “Eggs Benedict” ng Amerika at “Tortilla de Patata” ng Spain na kapwa nakakuha ng 4.2 rating, at “Omurice” ng Japan na mayroong 4.1.

Pinangalanan naman bilang worst egg dish ang Balut, na nakakuha lamang ng 2.7 na rating.

Samantala, hinirang din ng flavor encyclopedia bilang 7th best soup in the world ang Sinigang, kasama ang Bulalo at Tinolang Manok.

August 9, 2022 0 comment

FEATURES HEADLINES

CityState Savings Bank, nagdiwang ng kanilang ika-25 na anibersaryo

written by Judith Estrada-Larino

Pagmamahal at pagtitiwala sa gawa at salita.

Ito ang binigyang-diin ni D. Edgard Cabangon, chairman ng CityState Savings Bank matapos pangunahan ang pagdiriwang ng ika-25 anibersaryo ng nasabing bangko na nakatutok sa pagpapaigting ng kampanya para makapag-impok ang mga pilipino.

Nagpasalamat din si Cabangon sa tulong ng mga empleyado para maipagpatuloy ang commitment at legacy ng amang si dating Ambassador Antonio Cabangon Chua para sa serbisyo publiko.

Pasasalamat din sa dating ambassador ang ipinaabot ni Jaime Valentin, Chief Operating Officer ng CS Bank para maisakatuparan ang mga vision, mission at core values ng bangko na kanila pang paiigtingin sa susunod na limang taon.

Target aniya nilang mapabilang ang citystate savings bank sa top 10 thrift banks sa buong bansa at top 5 private lending institutions sa susunod na sampung taon kasama ang pagtatayo ng mga sangay sa iba’t ibang rehiyon.

Sinabi naman ni Benjie Ramos, Presidente ng CS Bank na pursigido silang gawin ang marami pang mga bagay para palawigin pa ang kanilang operasyon bilang bahagi ng serbisyo publiko sa pamamagitan ng CityState Savings Bank.

August 8, 2022 0 comment

FEATURES NATIONAL NEWS

Kabuhayan, scholarship at outreach programs handog ng SMFI

written by Angelica Doctolero

Binigyang-diin ni SM Foundation Incorporated o SMFI Executive Director for Health and Medical Programs Ms. Connie Angeles na bukod sa medical mission ng SMFI ay nagsasagawa rin ang foundation ng outreach, livelihood at scholarship programs.

Hindi lamang health services ang ibinibigay doon, kapag nag-alaga kami ng komunidad kinakailanga mayroon d’yan eskuwelahan…at may mga scholarship program na ibinibigay d’yan. May mga livelihood din sa pamamagitan ng aming outreach programs tapos meron tayong farmers training program du’n sa komunidad na ‘yun at ito ngang health services na ito. So lahat ‘yan ay inaalagaan…so ‘yun ‘yung mga determining factors kung saan kami nagsasagawa ng medical mission, kung saan ‘yung mga komunidad na meron kaming mga businesses ‘yun ang aming pinalalakas ang kanilang mga kalusugan, ang kanilang mga kaisipan at ang kanilang mga pangangailangan

Habang ayon naman kay SMFI Physician Dra. Bless Bertos, lagi itong nakikipag-ugnayan sa lokal na pamahalaan para sa maayos na koordinasyon at daloy ng mga isinasagawa nitong programa

We coordinate with the city health, we coordinated with the DSWD, with the LGU…para pag-execute naming perfect nadoon lahat.

Iyan ang magkasunod na pahayag nina SMFI Executive Director for Health and Medical Programs Ms. Connie Angeles at SMFI Physician Dra. Bless Bertos sa panayam ng DWIZ

August 7, 2022 0 comment

FEATURES HEADLINES

Serbisyo sa medical health centers pinaigting pa ng SM Foundation Incorporated

written by DWIZ 882

Sa ikalawang pagkakataon, muling nakaagapay ng SMFI o SM Foundation Incorporated ang DWIZ sa pamamagitan ng programang Barangay 882, para ibalita ang medical missions nito para sa mga Pilipino sa kabila ng hamon ng pandemic. From left to right (Gilbert Perdez, Host, Brgy882 program, Ms. Connie Angeles, SMFI Executive Dir. for Health and Medical Programs, Ms. Neny Regino – PR consultant & Media Relations Director, SM Foundation Incorporated, Dr. Bless Bertos, Resident Physician, SMFI, & Mr. Marvin Estigoy – VP for Sales&Marketing, DWIZ 882/Home Radio 979)

Pinaigting ng SM Foundation Incorporated (SMFI) ang mga serbisyo sa mga medical health centers sa ilang komunidad sa bansa sa pamamagitan ng kanilang health and medical programs.

Ito ay sa kabila ng kakulangan ng healthcare facilities at services sa bansa na pinatindi pa ng kasalukuyang krisis sa COVID-19 pandemic.

Naglaan ang SMFI ng limang mobile clinics para tugunan ang diagnostic at services sa iba’t ibang komunidad.

Dahil dito, libreng makakakuha ng mga serbisyo tulad ng chest X-ray, ECG, ultrasound, urinalysis, bone density scanning, fasting blood sugar, random blood sugar, cholesterol determination, at dental services.

Ayon sa SMFI, umabot sa 1,535 medical mission ang naisagawa kung saan nasa 1,190,187 na indibidwal o pasyente ang natulungan ng naturang programa.

Nabatid na nagsimula ang kauna-unahang medical mission ng SMFI noong 2001.

August 6, 2022 0 comment

HEADLINES METRO PATROL

Truck na may kargang 3 toneladang dumi ng manok, tumagilid sa Makati

written by Drew Nacino

Isang ten-wheeler truck na kargado ng 60 sako ng dumi ng manok ang nagdulot ng mabigat na daloy ng trapiko makaraang tumigild sa C-5 kalayaan sa Makati City.

Pumalya umano ang preno ng truck kaya’t nawalan na ng kontrol ang driver habang pumutok din ang isa sa mga gulong ng sasakyan.

Ayon sa MMDA, patungo sanang Baguio City mula sa San Jose, Batangas ang truck na magdedeliver ng mga dumi ng manok na gagamiting pataba.

Dahil sa bigat, natagalang alisin ang tumagilid na sasakyan at inabot ng anim na oras bago tuluyang naalis sa kalsada, dakong ala-7:00 ng umaga kahapon.

August 5, 2022 0 comment

HEADLINES METRO PATROL NATIONAL NEWS

Water interruption, mararanasan sa ilang lugar sa Metro Manila at Bulacan sa August 7 at 8

written by DWIZ 882

Makararanas ng water interruption ang ilang lugar sa Metro Manila at Bulacan sa August 7 at 8 dahil sa repair activity sa General Luis Street sa Barangay Nagkaisang Nayon, Quezon City.

Ayon sa Maynilad, mawawalan ng tubig simula alas-12:00 ng gabi habang alas-2:00 ng madaling araw ng August 8 ang; Libtong sa Meycauayan City;

Bagbaguin, Bignay, East Canumay, Gen. T. De Leon, Lawang Bato, Lingunan, Mapulang Lupa, Maysan, Parada, Paso De Blas, Punturin, Ugong, West Canumay sa Valenzuela.

Barangay 165, 166, Bagbaguin, Deparo, at Llano sa Caloocan City at Capri, Gulod, Nagkaisang Nayon, Nova Proper, San Agustin, Sta. Monica sa Quezon City.

Extended naman ang water interruption hanggang alas-4:00 ng madaling araw ng August 8 sa; Catanghalan sa munisipalidad ng Obando;

Arkong Bato, Balangkas, Pariancillo Villa, Bisig, Coloong, Dalandanan, Gen. T. De Leon, Isla, Karuhatan, Mabolo, Malanday, Malinta, Marulas, Maysan, Palasan, Parada, Pasolo, Polo, Poblacion, Rincion, Tagalag, Viente Reales, Wangwang Pulo sa Valenzuela.

August 5, 2022 0 comment

METRO PATROL NATIONAL NEWS

Mga pampublikong ospital sa QC naghahanda na para sa posibleng maitatalang kaso ng Monkeypox sa lungsod

written by Angelica Doctolero

Naghahanda na ang mga pampublikong ospital sa Quezon City kasunod ng naunang naitalang kaso ng monkeypox sa bansa.

Ayon sa lokal na pamahalaan ng QC, naglaan na ng mga isolation rooms ang mga ospital sa lungsod para sa mga tatamaan ng monkeypox.

Kabilang sa mga ospital na naghanda na ay ang Quezon City General Hospital, Rosario Maclang Bautista General Hospital, Novaliches district hospital.

Kung saan bukod ang mga kwarto ng mga pasyenteng suspected, probable, at may kumpirmadong kaso ng monkeypox.

Bukod pa rito, nakabuo na rin aniya ang QC health department ng mga paraan para mapigilan, agarang matukoy, maihiwalay ang mga kaso, at masubaybayan ang posibleng kaso ng monkeypox.

Sumailalim na rin anila sa oryentasyon ang mga medical personnel kung saan itinuro sa mga ito ang mga kinakailangang impormasyon tungkol sa virus, partikular kung paano maiwasan ang pagkalat nito sa isang indibidwal, sambahayan, at komunidad.

July 31, 2022 0 comment

Newer Posts

Older Posts