FEATURES

Tinatayang P123,000 na halaga ng ipinagbabawal na droga ang nasabat ng mga awtoridad mula sa isang drug suspect sa ikinasang operasyon sa J. 22nd Ave., Barangay East Rembo, Makati City kagabi.

Kinilala Southern Police District Acting Director PCol. Kirby John Kraft ang suspek na si Mark Anthony Malinao, alyas Tagle, 24 taong gulang, at nakatira sa nasabing lugar.

Bukod sa P500 na buy-bust money, nakumpiska rin sa operasyon ang P15,000 na halaga ng marijuana at hinihinalang shabu na tinatayang nagkakahalaga naman ng P108,800.

Mahaharap ang suspek sa reklamong paglabag sa Comprehensive Dangerous Drugs Act.

Samantala, pinuri naman ni National Capital Region Police Office Acting Regional Director BGen. Jonnel Estomo ang matagumpay na operasyon na bahagi aniya ng hangarin ng Philippine National Police na magkaroon ng kapayapaan at kaayusan sa bansa partikular na sa mga barangay.

Matatandaang binuhay ni PNP Chief Gen. Rodolfo Azurin Jr. ang “MKK=K” framework kung saan nakapaloob dito ang malasakit, kaayusan, kapayapaan, at kaunlaran.

Inanunsyo ng international food database na TasteAtlas ang Filipino food na Lumpiang Shanghai sa ikalawang pwesto sa 50 Best Street Food in the world.

Naungusan ng Lumpiang Shanghai ang Karaage ng Japan sa 3rd place, ang Banh Mi ng Vietnam sa 4th place, habang ang Paratha ng Indian sa ika-limang pwesto.

Ang Lumpiang Shanghai ang top-rated Filipino food sa TasteAtlas noong 2021, kung saan, tinalo nito ang sinigang at tocino.

Ang kilalang-kilalang  spring roll o Lumpiang Shanghai ay karaniwang puno ng giniling na baboy at tinadtad na gulay.

Inihayag ni Manila Mayor Honey Lacuna na walang lugar ang mga kriminal sa kanyang lungsod.

Ayon sa alkalde, hindi aniya porket babae ang nakaupo bilang mayor ay pupwede na ang kalokohan sa Maynila.

Nais ng kauna-unahang babaeng mayor ng lungsod na magpatupad ng bakal na kamay sa pagsugpo sa mga kriminal sa lungsod.

Paninindigan pa ng alkalde, ang lungsod na malaya sa kriminalidad ay susi sa pag-unlad at magreresulta sa pagkakaroon ng mga trabaho.

Kumpiyansa naman si Lacuna na gagawin ni Manila Police District (MPD) Director Police Brigadier General Andre Dizon ang lahat upang mapanatulu ang kaayusan sa kanilang lugar.

Samantala, tiniyak naman ng alkade na susuportahan niya ang MPD sa abot ng kanyang makakaya. —sa panulat ni Hannah Oledan

Nagdulot ng matinding trapiko sa mga motoristang bumabaybay sa Northbound lane ng EDSA Busway Station ang lalaking nag-amok dahil niloko umano ng kanyang nobya.

Ayon sa Inter-Agency Council for Traffic (I-ACT), pumasok nang umiiyak sa busway ang lalaki habang pinakakalma ng kanyang nobya.

Itinulak at hinamon pa nito ng suntukan ang isa sa mga operatiba upang mawala umano ang sama ng loob nito.

Samantala, agad namang rumesponde ang mga tauhan ng I-ACT, PCG, at MMDA para pakalmahin at dalhin sa presinto ang lalaki.  —sa panulat ni Hannah Oledan

Tampok sa isang exhibit ang mga obra ng Persons Deprived of Liberty (PDL) ng Marikina City Jail-male dormitory.

Naka display ang nasa 40 paintings sa 22nd National Association of Dental Traders Inc. (NADTI) trade exhibit sa SMX Convention Center Manila sa Pasay City.

Naging posible ang naturang exhibit dahil sa pakikipag-ugnayan ng Marikina City Jail-male dormitory sa isang non-profit organization na Obra Maestra Art and Culture Inc.

Ayon kay Marikina City Jail Warden Chief Inspector Joseph Bustinera, nagsimula ang inisyatibang “painting behind bars” bilang art therapy na kalaunan ay naging pangkabuhayan na ng ilang inmates.

Magtatagal ang exhibit mula martes hanggang huwebes at lahat ng kikitain dito ay mapupunta sa mga pdl artists bilang tulong para sa kanilang mga mahal sa buhay sa labas ng kulungan.

Maliban sa mga PDL artists, bida rin sa exhibit ang 27 pang newbie artists. - sa panunulat ni Hannah Oledan

Nadiskubre ang isang patay na sanggol na nakasiksik sa estero sa Quiapo, Maynila.

Bumulaga sa mga residente sa Bautista Street sa Barangay 385 ang nakadapang sanggol.

Naglilinis ang isang miyembro ng clearing operations ng Manila City sa baradong kanal at inidoro sa isang gusali at nadiskubre ang bata.

Agad namang ikinordon ng Manila City Police District Station 14 ang lugar habang dinala na sa purenarya ang sanggol at pinaghahanap kung sino ang walang-pusong nagtapon sa paslit. —sa panulat ni Jenniflor Patrolla

Ibinahagi ng mga partner ng SM Foundation Incorporated ang kanilang mga karanasan sa ilalim ng School Building Program.

Sa panayam ng DWIZ, sinabi ni Maria Teresa Caringal, principal ng Lemery Pilot School sa Batangas, nagbigay ng apat na silid-aralan ang sm foundation na kung saan kumpleto ang mga ito sa gamit at pasilidad.

“Hindi lang po basta silid-aralan katulad po ng sinabi ni ma’am juris. Fully equiped po talaga siya, kumpleto po siya. May electric fans, chairs, at tables po ng ating mga teachers. So, kitang kita po ang sigla at tuwa ng mga mag-aaral. “

Sinabi naman ni susan reyes, guidance counsel ng nabanggit na paaralan na napakalaking tulong ang donasyon na silid-paaralan ng smfi at bentilasyon para sa mga estudyante.

Dahil dito, nakitaan nila ang mga estudyante ng interes sa pag-aaral.

“Unang una po sa lahat, ang sm building po hindi lang siya sm building, isa po siyang classhome para po sa mga estudyante. Parang nasa bahay lang din sila even ansa school sila nandun po yung comfort para sa aming mga estudyante. At napansin ko po na alam na alam naman po natin at kilala po natin ang mga batangueño kung gaano kababait.” - sa panunulat ni Jenn Patrolla

Inihayag ng SM Foundation Incorporated na kabilang din sa kanilang programa sa ilalim ng edukasyon ang school building program.

Sa Panayam ng DWIZ, sinabi ni SMFI Executive Director for education Ms. Carmen Linda Atayde na nagsimula ang proyektong ito noong 2001 para magkaroon ng mga karagdagang classrooms.

“So. Ang unang mga ginawang school building ay 1 storey – 2 classroom school building. Pero lahat ng school building samin kumpleto yan pagnagbigay na…Kumpleto na yan may toilets yan, may furniture, may upuan pang-left handed, may bentilador, yung lights at saka every year yan, si Juris, yung head ng aming school building program naghahanap siya kung ano pa yung pwedeng maidagdag. “

Nilinaw naman ni SMFI School Building Program, Head Ms. Juris Umali-Soliman na fully furnished na ang mga school building na idino-donate nila sa mga napiling paaralan.

“Pag-nagdonate kami, full-furnished yan. Tapos may banyo sa loob ng classroom tapos may flush yon, may lababo may apat na wall fan every classroom. Tapos meron din silang napakalaking white board ngayon. White board na naka-curve yon na panoramic para hindi sila nagkakahika dahil sa chalk… Every year laging may mga needs ang mga schools noh… Idinagdag namin yung sa PWD. So, may mga ramps at handrail para sa mga pwd.”

Ang tinig nina SMFI Executive Director for Education Ms. Carmen Linda Atayde at School Building Program head Ms. Juris Umali-Soliman, sa panayam ng DWIZ.